يامرحبا ياهلا

[سعود الدعجاني]

يامرحبا ياهلا في منتدى العجمان والطيب=عجمان لاشان وقتك فليال البيض والسود

الضيف ياربعنا العجمان في حكم المعازيب=والي يعرف العوايد مايجيب النقص والزود

[DUNHILL]

دام البقا , لوّك امن اعتيبه وسقت التراحيب=في حلّة اهل الشجاعه والوفا والطيب والجود
كان الك مقصود عطناه ونفيدك بالمكاتيب=وحبل المعرفه لو اتعقده ؟ معي ماهوب معقود

[محمد بن عرار]

مع الله

[سعود الدعجاني]

اخوي عندك خلل في الشطر الثاني من البيت الثاني يعني كسر واضح

تقبل النقد بصدر رحب

[DUNHILL]

لاجعلك تحيا ماهوب مكسور وانا ادري انك ناطق كلمة ( المعرفه ) غلط , عموماً كانك بتلعب حياك الله وان مابغيت خيرها بغيرها

[فهد بن مطلق]

الله الله


مع الله ياشعاااااااااار



برايفت لـــ/DUNHILL : أرقى سنووووووود:)

[سعود الدعجاني]

ياطويل العمر ماهو كلمة المعرفه وبس البيت فيه كسور كثيره واعرضه على اي شاعر ويقولك

[محمد بن عرار]

العود..انت شاعر ومشرف افصل في القضيه:)

[فــلاح]

السلام عليكم



البيــت سليم ولا فيـه شي :)


وواصلووو ياشعاار

ومع الله



تحيـــاتي

طويــــق :)

[شيخ المراجل]

البيت مافيه شي يالدعجاني وترى النطق من شخص لشخص يأثر على الوزن وكلكم شعار.

[بندق]

مع الله ياشعااااار



الدعجاني


البيت سليم

[DUNHILL]

ياطويل العمر ماهو كلمة المعرفه وبس البيت فيه كسور كثيره واعرضه على اي شاعر ويقولك

ياطويل العمر انت حدا ثنين :

اما ان فيه شغلات تفوتك ولاتعرف لها

او انك ماودك تلعب

على العموم الطاروق تسكر ولاهنت

وحياك الله في منتدى العجمان

[سلطااان العتيبى]

صح الله السنتكم يالشعار وخيرها بغيرها


تقبلو مروري

[مصافح الشعر]

صح الله لسنتكم كلكم واللي صار أن الدعجاني يقرا كلمة معي نفس ماهي موجوده وينكسر البيت معه ودنهل يقرا كلمعة معي ويظيفلها ألف ويمشي البيت كلام شيخ المراجل صحيح الغناء يختلف من شخص لشخص وأتمنى من الاخ دنهل الأبتعاد عن الأظافت التي تنطق ولا تكتب خاصتن في المحاورات الكتابيه وأما في المحاورات بين الصفوف فهيا جائزه
وتقبلو مروري