اللي يهمه امري يدخل ؟؟....

[برقع صقرين]

احتاج لرأيكم فيني احس اني عضوه (ثقيلة دم) ومواضيعي محد يرد عليها يعني اذا عندي اغلاط
اتمنى تعلموني فيها عشان اعدلها

اللي عنده رد سخيف لا يرد ابي الرد البناء ولا ابغى احد يطق عرقه:p يقالها تذب ههههه

[طيب الروح]

احتاج لرأيكم فيني احس اني عضوه (ثقيلة دم) ومواضيعي محد يرد عليها يعني اذا عندي اغلاط
اتمنى تعلموني فيها عشان اعدلها

اللي عنده رد سخيف لا يرد ابي الرد البناء ولا ابغى احد يطق عرقه:p يقالها تذب ههههه

اختي العزيزه:طبعا هذي اول مشاركه لي في هذا المنتدىوالمشاركه اللي شفتها لك هي اللي تتكلم عن زواج الطفل محمد الرشيدي واللي لاحظته بصراحه إنك نقلتي الموضوع كما هو
من المطبوعه اللي كان فيها وكان رأيك مجرد سطر واحد ومختصر بعد!!ولو إنك اشرتي للموضوع
إشاره فقط وكان لرأيك المساحه الأكبر لكان افضل..هذا راي المتواضع
اما بالنسبه ل(ثقيلة دم)؟؟؟حشاك والله

تحياتي

[شمس الأصيل]

بصراحة انا لي فتره عن المنتدى ومااعرفك كويس

بس ليش تحطي هالكلام براسك

كل عضو يبغاله وقت عشان يثبت نفسه

اتمنى لك التوفيق غاليتي

[محمد آل غانم]

يمكن واعتقد بقوه انهم مايردون عليس


علشان اسمس او النك((برقع الصقرين)) لأن في عضوه لها عام كامل((برقع الصقر))


يمكن;)


بس انا من ناحيتي رديت على موضوعين لس هي اللي جذبتني:)


وبالنسبه لموضوعس زواج الطفل الرشيدي

هو مكرر:rolleyes:


نشرته انا بنفسي قبل شهرين او اكثر

على هذا الرابط


http://www.alajman.net/vb/showthread.php?t=58917



بس انا بنفسي اوعدس اني اي موضوع لس يجذبني ومن دون مااقولس اصلا انا برد عليه من نفسي




واتمنى استمرار عطاائس اختي



وفي النهايه اقول لس


((( القسم والمنتدى العام ...يلحظ عليه عزوف الاعضاء من اسابيع...... تلاحظين اللي يترددون عليه قليل ومعروفين فقط)))

اتمنى اني كنت قد افدتس


تحياتي اختي

[ابوعابد]

لا انشالله انش مو ثقيلة دم

وان محد رد على المواضيع الي تكتبينها مافيها اي مشكله وشي طبيعي كل الاعضاء يمرون فيه

المهم انش تشدين حيلش وطلعين كل الابداع الي فيش

وتكرار الموضيع مو عيب لكن ابدعي من عندش احسن من النقل

لأن كثرة النقل تقتل الابداع

تقبلي مروري

[صديق الملك]

قلّــة الردود من الأعضاء على مواضيع أي عضو لا تعني أنّه غير مقبول أو ثقيل دم


لكن كل عضو يحتاج إلى وقت وجهد حتى يصبح معروف لدى الأغلبيّــة وبالتالي راح تلقى مواضيعة


صدى واسع ومشاركات فعّالة من الجميع


نصيحة من القلب ..


كثّفـي مشاركاتكِ التي تصوغينها من أفكاركِ بعيداً عن النقل المكرّر أو المواضيع التي لا تلامس هموم

الناس اليوميّة والمواضيع السطحيّة

أعتمدي في مشاركاتكِ على ما ينبع من ذاتكِ وفكركِ حتى لو كان بسيطاً فتأكدي راح يكون له صدى

وتأثير في نفوس الآخرين


أخيراً تقبلي تحيتي وتقديري

أخيكِ .

[عديل الروح]

لكل مجتهد نصيب

[برقع صقرين]

اشكركم على الكلام اللي ارضاني بشكل ما تتصورونه

[نجران والقلب حيران]

مع عديل الروح لكل مجتهد نصيب