ماينفع الرمي من تحت الحزام [الأرشيف] - ::. مـنتدى قبيلـة العجمـان .::

مشاهدة النسخة كاملة : ماينفع الرمي من تحت الحزام

ســـداح

19-06-2004, 04:14 AM

السلام عليكم ورحمة الله وبركاته
هذي اول مشاركه لي في صدى المشاعر واتمنا
ان ترتقي لأسماعكم وذوقكم الرفيع

يا حبيـبٍ صـد مافيهـا كـلام
تـلّ كبـدي وأنقطـع معلوقهـا

قـام يفلقهـا وخلاّهـا حـطـام
قلت ليه ؟ وقـال عـدّ فلوقهـا

يوم جاء في نيّته نقطـة نظـام
طيـرّ طيـور الجفـا بسبوقهـا

عقب كنّا في محبّـه وانسجـام
نقطف ثمـار الهـوى ونذوقهـا

ذعذع الهجر ونشى مزن الخصام
وقامت الفرقـا تلـوح بروقهـا

ما يعزيني سوى نـوح الحمـام
شلت طاروقي علـى طاروقهـا

وش حصلّك وانت لك قدر ومقام
لهجتـك مـا ينفهـم منطوقهـا

ليه تذبحني وأنا ذبحـي حـرام
ماتضيـع عهـودي ولا أبوقهـا

أذكر أني يـوم زاد بـك الهيـام
قلت لك سوق المشاعر سوقهـا

مايفيد الرمي من تحت الحـزام
أرم .. من حدب الضلوع وفوقها

صابرن والطقّ ما فـكّ اللحـام
والليالـي شرّهـا ب حلوقـهـا

صار في شخصيتي شبه انفصام
رحت اطشّ السالفـه واحوقهـا

أكثر العشاق فـي سلـم الغـرام
يفتـح الله ضايعـات حقوقهـا

خاتمك بالمسك يا مسك الختـام
طبت يا شفّ الجـروح وذوقهـا

كان عذرك مانـي بقـد المقـام
الخطايـا .. قافلـن صندوقهـا

لكن اصبر لين ابلّغـك السـلام
من عيونن شالتك فـي موقهـا

العيون اللي تحبّـك ب انتظـام
كل بادي ليـل ترسـل شوقهـا

وسلالالالالالامتكم

ســـــــــداح

ابوتركى

19-06-2004, 11:48 AM

صار في شخصيتي شبه انفصام
رحت اطشّ السالفـه واحوقهـا

صح السانك اخى سداح على القصيده الجميله

تحياتى لك

زهير

23-06-2004, 08:00 PM

صار في شخصيتي شبه انفصام
رحت اطشّ السالفـه واحوقهـا

أكثر العشاق فـي سلـم الغـرام
يفتـح الله ضايعـات حقوقهـا

خاتمك بالمسك يا مسك الختـام
طبت يا شفّ الجـروح وذوقهـا

صح لسانك يا سداح على هذه الكلمات الأكثر من رائعه

عيد بن شدقان

24-06-2004, 02:58 AM

ســـداح
صح السانك ولا هنت
على القصيده الرائع

فيصل بن حجرف

24-06-2004, 09:31 AM

السلام عليكم

لاهنت اخوي سداح على الكلمات الجميله

وان شالله ان حنا نشوف مشاركات اكثر في هذا القسم وفي جميع الاقسام

تحياتي

ولد ال صالح

25-06-2004, 01:58 AM

لاهنت لاهنت على القصيدة الجزله

صح الله لسانك

تقبل

سلااااااااااامي

اليامي

25-06-2004, 05:16 AM

صح السانك اخى سداح على القصيده الجميله

صعوط المجانين

25-06-2004, 08:20 AM

صح الله لسانك اخوي ســــــداح على القصيده الأكثر من رائعه
واتمنا انك ماتبخل علينا بجديدك الممتع وتقبل تحياتي

اخوووووووووك

صعووووووووط المجانين

عـزام

07-07-2004, 10:16 AM

يا سلام يا سلام يا سلام يا سلام

هنا الشعر...

سداح....شاعر لا يحتاج لشهادة.....حبك وسبك وسهل ممتنع

وقصيده جزله في معانيها ومفرداتها

لله درك يا سداح

وبانتظار مشاركاتك الاخرى

الولهان

الاصيل اليامي

07-07-2004, 10:31 AM

العيون اللي تحبّـك ب انتظـام @ كل بادي ليـل ترسـل شوقهـا

الله لايهينك على القصيده الرائعه جدا يا ذيب

الاصيل اليامي

ســـداح

07-07-2004, 10:16 PM

صحت ابدانكم والله لايهينكم على مروركم وقرائتكم
للقصيده .. وانا اسف على انقطاعي وانشاالله اطيكم جديدي
وتقبلو تحياتي

اخوووكم

ســـــــــــداح

سلطان بن جفن

25-07-2004, 12:40 AM

سداح صح السانك متمكن
شاعر مبدع

لاتخلينا من ابداعك

مــقــبــل

20-10-2008, 08:32 AM

ما يعزيني سوى نـوح الحمـام=شلت طاروقي علـى طاروقهـا

وش حصلّك وانت لك قدر ومقام=لهجتـك مـا ينفهـم منطوقهـا

ليه تذبحني وأنا ذبحـي حـرام=ماتضيـع عهـودي ولا أبوقهـا

أذكر أني يـوم زاد بـك الهيـام=قلت لك سوق المشاعر سوقهـا

مايفيد الرمي من تحت الحـزام=أرم .. من حدب الضلوع وفوقها

صابرن والطقّ ما فـكّ اللحـام=والليالـي شرّهـا ب حلوقـهـا

صار في شخصيتي شبه انفصام=رحت اطشّ السالفـه واحوقهـا

أكثر العشاق فـي سلـم الغـرام=يفتـح الله ضايعـات حقوقهـا

الله الله الله

أبــــــــــداع × أبـــداع

هذي والله الي تستاهل الرفع فــــوق فووووووق

ســــداح
علي الطلااااااق أنـــك جزل في معنى الكلمه

ودعتك الله

الاوكسجين

20-10-2008, 06:21 PM

واللـ0 مدري وين راح ردي علي هالقصيده من قبل :)
لكن صح السانك على كل حال يا سداح
مره شرطي مرور ومره جندي ومره متغزل
صح السانك صح السانك من احلى قصايد المنتدى
من قدك هههههههههههههه امسيت سداحها واصبحت باشتها

بنت الزعبي ..

24-02-2009, 03:25 AM

وعليكم السلام ورحمه الله وبركاته

صح لسانك وعلا شانك
ولا هنت ع ذا القصيدة الطيبه
تقبل حضورى المتواضع

المديونير 23

24-02-2009, 04:11 AM

الله الله

يا سداح

أبدعت وأمتعت .. صح لسانك مدد .. بلا عدد

لا هنت .. ولا هان حضورك الجميل .. وعودتك المشرقة

تحياتي

سالم الرتيبان

24-02-2009, 10:08 AM

صح لسانك ياسداح

مبدع

ولاتحرمنا ابداعك

ودعتك الله

الوضحه

24-02-2009, 04:00 PM

مايحتاج ياسداح

ماقول غير جعل كل مافتح المنتدى القى لك قصيده تطربنا بها في صدى المشاعر

صح لسانك منا لين تفنى الارض ومن عليها..

™ عبد الله ™

14-03-2009, 04:42 PM

هذه المشاركة مسروقه من احد الاعضاء في منتدى آخــر
وبناء على شكوى من احد الاعضاء تم التحقق من السرقه
وتم توجيه انذار للعضو سداح بعدم تكرار مثل تلك التصرفات التي تسيء للمنتدى وللقائمين عليه
وسوف يتم معاملة كل من يتصرف بمثل هذا العمل اللا أخلاقي حفاظا على سمعة هذا المنتدى وحفاظا على حقوق الآخرين في المنتديات الآخــرى

محمد بن صويان

21-03-2009, 05:27 AM

المبدع / ســـــــــــــداح

صح السانك وأعتلا شانك

شاعر قدير نحترم تجربتك وتاريخك

سعدت بتواجد قصيدتك في منتدانا الذي يتشرف بوجودك أمثالك

شهادتي في ابداعك مجروحة

ورايي خابرة من مبطي

تحياتي