العوازم + العجمان .. فكرة جديده

[نادر العازمي]

السلام عليكم ورحمة الله وبركاته

صبحكم الله بالخير

انا عندي فكره جديده وحبيت اخذ رايكم فيها مجرد وجهة نظر .

الحين العوازم زكوا . 4 مرشحين

والعجمان زكوا . 4 مرشحين

والحضر والعوائل الكويتيه الكريمه تحارب القبائل والفرعيات والتشاوريات ؟

ليش مانصير على قلب واحد ؟؟

انا اقول لكم شلون ..؟؟


ننزل قائمتين . بمسمى واحد وهو ؟ ( ابناء القبائل )

ينزل فرضا . مرزوق الحبيني . محمد الحويله . فهد الميع . عبدالله البرغش = قائمه 1

وينزل . عبدالله بن شرفان . جابر المحيلبي . عبدالله راعي الفحماء . محمد العبيّد = قائمه 2


عدد الناخبين راح يوصل 40 ألف ناخب

نقسم 20 ألف لقائمه 1 و20 ألف لقائمه 2

وفيه طريقه نقدر نخلي 5 عوازم و 5 عجمان ونقسم الاربعين ألف على قائمتين ومرشح عازمي ومرشح عجمي ؟

والله اعتقد طريقة يمكن تغيب عن اذهان حتى المرشحين لكن ربما تكون صائبه هذه الطريقه

وبالنسبه للوضع انشالله وبإذن الله ان الثمان كراسي مضمونه للعوازم والعجمان حتى بدون تحالف

بس انا اقول الطريقه هذي راح تنصب بصالح العوازم والعجمان بشرط ان يكونوا على قلب واحد بالانتخابات وفي قاعة عبدالله السالم


مجرد وجهة نظر


اخوكم المرشح نادر العازمي :)

[عجمي وربي الله]

باعتقادي لو يصيرون قائمه واحده وهي قائمة القبائل مع اخوانا من الدوائر الاخرى
القبليين مراح يمر شي الا بموافقتنا

تحيتي لك

[عابدين]

لووووووول
لا تعليق:)

[DUNHILL]

السلام عليكم ورحمة الله وبركاته

صبحكم الله بالخير

انا عندي فكره جديده وحبيت اخذ رايكم فيها مجرد وجهة نظر .

الحين العوازم زكوا . 4 مرشحين

والعجمان زكوا . 4 مرشحين

والحضر والعوائل الكويتيه الكريمه تحارب القبائل والفرعيات والتشاوريات ؟

ليش مانصير على قلب واحد ؟؟

انا اقول لكم شلون ..؟؟


ننزل قائمتين . بمسمى واحد وهو ؟ ( ابناء القبائل )

ينزل فرضا . مرزوق الحبيني . محمد الحويله . فهد الميع . عبدالله البرغش = قائمه 1

وينزل . عبدالله بن شرفان . جابر المحيلبي . عبدالله راعي الفحماء . محمد العبيّد = قائمه 2


بصراحه انا احسدك على ذكائك :)

[=Ms3ooDe=]

انا رايي بعد الانتترط مايدش فيه غير البدوي القبيلي خابات يسوون حزب ويسمونه باي اسم ومايدش فيه غير البدوي القبيلي وتخيل حزب يلم العجمان والعوازم والهواجر ومطير الخ

جميع القبايل ينتمون لهالحزب وساعتها اي قرار يبونه القبائل يصوتون عليه ويمشي يعني مو نحط دوانيه قدام الباب نحط صالت افراح :)

[البليهي]

ماشاء الله عليك


فعلا يصلح نطلق عليك لقب (( العقل المدبر ))



:)

[الاجدع]

:)الفلسفة الغربية الحديثة مقدمة: ارتبطت الفلسفة الغربية الحديثة بمجموعة من الأحداث أهمها تطور العلوم، بمعنى ظهور المنهج التجريبي في كافة العلوم واستقلال هذه العلوم بطريقة خاصة تفرضها طبيعة الظاهرة المدروسة.كما أن أوربا في هذه المرحلة عرفت مايسمى بالنهضة، أي النهضة على كافة المستويات (فكرية، ثقافية، سياسية، اجتماعية..)

[Q8WT]

ياربي وش ذا الذكاء الرهيب

[تركي بن فـهد]

اشكرك اخوي نادر العازمي

ومشاءالله على تفكيرك

ويعطيك العافيه على الموضوع

الراااااااااااااااائع

تقبل مروري

[m7amad]

اقول ادع الله انه يوصلون ربعنا الأربعه انشالله....وادع الله اكونون نفس وليد الجري....مانبي احد افشلنا:)

[عجمي وربي الله]

لووووووول
لا تعليق:)

طيب مادام ما فيه تعليك لا تكتب شي من الاساس

[عبلان to]

عسى ان تتم في الأنتخابات المقبله



وبيض الله وجهك يانادر

[سنافيه كول]

انا من المؤؤيدين للفكره

[العجمي كوم]

السلام عليكم ورحمة الله وبركاته
..
..
أشكرك علىى جهودك الرائع وفعلن أختيار مميز وفعلن كلامك صحصح ولكن لانريد خمس كراسي للعجمان والعوازم نبي فقط الاربعه والله يوفق الجميع وانا معك في الاختيار ,,,,,وشكرا

[ابو محمد]

يــعــطــيــك العــافــيــه أخــي نادر العـازمــي

هــي الفكره جميله لاكن لوتتطبـــق وهـذا شــي صعــب بـل مستـحــيــل

والكــراســي الاربعــه كـافــيه ونتمنــى وصوولـهم

والعبــره في المواقف وقوه اعضائنا موبالعــدد وانا أخــيك

لاكن لويــتم التنسيــق بين اعضــاء الدائره الخامسه من العجمان والعوازم وغيرهم

بما يخــدم الدائره واهلها والكويت يكــون أفــضــــل

كـــل الشــكر لــك ،،،

[نادر العازمي]

السلام عليكم ورحمة الله وبركاته

يالربع مجرد فكره

وفيه بعض الردود مالها اي داعي

وشكرا للجميع

نادر العازمي

[باهى الخد]

والله فكره طيبه اكبر كتلتين بالدائره ليش بس اربعه كراسى خلها خمس كراسى لكل قبيله. عساك على القوه يا نادر .

[عبدالله الحيان]

اشكرك اخوي نادر العازمي

ومشاءالله على تفكيرك

ويعطيك العافيه على الموضوع

الراااااااااااااااائع

تقبل مروري

[فــلاح]

فكره رائعه

والله يوفق الجميــع :)

[الهيضل]

مشكور اخي نادر على الفكره بس هم القبايل لها حق
اربع مقاعد لنا ولكم كافي ومقعدين حق اخوانا الثاني

[العجمي كوم]

ياهلا ومرحبا بالاخ نادر العازمي

يااخي الغالي الفكره معقده قليلا ولكنها ممكنه لو يتم التنظيم والالتزام

ويكون التوصيت بالاتفاق بين قبلتي العوازم والعجمان على حسب المناطق

واعني في ذلك ان يتم رصد عدد ناخبي كل من القبيلتين في كل منطقة من مناطق الدائره
وبالتالي يتم تقسم هذه المناطق الى ثلاث مجموعات


1)المجموعه الاولى) وتكون مجموعه تضم المناطق التي تتمركز بها قبيلة العوازم اي مثلا الصباحيه وجابر العلي والظهر
2) المجموعه الثانيه) وتضم المناطق التي تتمركز بها قبيلة العجمان اي مثلا الرقه وابو حليفه والمنقف
3) المجموعه الثالثه) وتضم باقي المناطق

يعني لو فرضنا ان مجموع ناخبي العوازم والعجمان بجميع مناطق الدائره 50 الف
وكان مثلا التقسم كالتالي
المجموعه الاولى 23 الف
والثانيه 17 الف
والثالثه 10 الاف

نقوم الان بالتعديل رقم (1) :
نأخذ من المجموعه الاولى مثلا من حرف الالف الى التاء حتى يتقلص الرقم الى 20 الف
ونظمهم الى المجموعه الثانيه فيصبحوا 20 الف

نخرج الان بالتالي
المجموعه الاولى 20 الف
الثانيه وتضم معها من حرف الالف الى التاء من الاولى 20 الف
الثالثه 10 الاف

نأتي الان للتعديل رقم (2) وهو اكثر تعقيدا من التعديل الاول

نقوم الان بتقسيم المجموعات كل واحده منهن الى قسمين

ونخرج بالاولى أ ( وتضم مثلا من حرف الثاء الى حرف السين بحيث يكون العدد الان 15 الف )
الاولى ب ( تضم باقي الحروف ويكون عددهم الباقي اي 5 الاف )

الثانيه أ ( تضم من الالف الى التاء من الاولى ومن الالف الى اي حرف كان من الثانيه بحيث يكون المجموع 15 الف )
الثانيه ب ( تضم الباقي من الثانيه بحيث يكون المجموع 5 الاف )

الثالثه أ ( من حرف الالف الى اي حرف حتى يكون المجموع 5 الاف )
الثالثه ب ( باقي الحروف 5 الاف )

نخرج بالنهايه بست مجموعات
مجموعتان 15 الف
واربع مجموعات 5 الاف

نأتي الان لطريقة التصويت

الاولى أ (15 الف ) تصوت للاربعه الاوائل من فرعية العوازم
الثانيه أ ( 15 الف ) تصوت للاربعه الاوائل من فرعية العجمان

الاولى ب والثانيه ب والثالثه ب (15 الف ) تصوت للمرشحان الخامسان من القبيلتين

يبقى عندنا الثالثه أ (5 الالف ) يتم تقسيمها بالتساوي على الثلاث مجموعات السابقه

ويكون بالنهايه لكل مرشح 16,666 صوت تقريباً

الارقام السابقه كلها تقديريه لتكون مثال وليست حقيقيه

......

الامر يبدو معقداً ولكن صدقني لو يتم التنظيم ويؤخذ الموضوع بعين الجد سيكون بسيط
وخصوصا بالنسبه للناخب
اصعب ما في الامر ان تصدر ورقة بجدول يظم جميع المجموعات ولكل مجموعه اسماء اربعه من المرشحين
وكل ما عليك انت كناخب ان يقولون لك انت من المجموعه الفلانيه
فتنظر الى الجدول وتعرف لمن تصوت

فائق التقدير والامتنان,,,,,,,

[ماتركس.]

فكره جميله ليش لا

[V E T E R A N]

يا الربع ما في شي بأنتخابات مجلس الأمة أسمه قائمة


والمشكلة حتى المرشحين والسياسيين ما يدرون شطبخة


التصويت التصويت فردي فقط مو على القائمة مثل الجمعية


كل واحد أسمه لحاله ..



الكلام هذا مو المهم .. المهم لا نتفائل واجد الواقع غير !!

[الجلمود]

اشكرك اخوي نادر العازمي

ومشاءالله على تفكيرك

ويعطيك العافيه على الموضوع

الراااااااااااااااائع

تقبل مروري

[المهلب1]

الفكره موجوده لو طبقوه قبل ثلاثين سنه يوم كان الناس اللي يصوتون نصهم مايقرون
لكن الآن في سنة 2008 المجتمع في وعي وفيه شباب يريد النهضه للكويت
أشوف الفكره ماله أي مبدأ راح نبقي في نفس الدوامه,فرعيات الفخذ الصغير ماله دور
الكفاءه محاربه, نجي للأنتخابات نفس الطريقه القبائل اللي عدده قليل ليس لها دور
الفكره راح تنجح ثمانيه عوازم وعجمان النتيجه كل واحد له فكره براسه
يعني سوء خدمات صحيه وتعليميه ورياضيه ولآخره
ماراح تنهض الكويت
سنة2008 آخر سنه للفرعيات

["المـ ـهـ ل ـهـ ل"]

الله يعطيكم العافية

اخواني الأعزاء

ترى الطمع مو زين !

صحيح الديمقراطية هي حكم الأغلبية

لكن دون تهميش الأقلية لذا أعتقد أنه كافي

جدا أن يقتنع العجمان و العوازم بأربعة مقاعد لكل منهم

و يترك مقعدان لأعطاء باقي اخوتنا من الشرائح الأخرى من

المجتمع أن يساهموا ببناء وطنهم ...

يعني خلونا نفكر الآن شلون نحافظ على هذه المقاعد المفترضة !

( من دون صهيون بذتنـا صهاينـا ..! )

تحياتي و تقديري لكم

[ابوعبداللة]

اربع كراسى للعجمان ان شاء الله ياحلؤها ؤايد اخى مهلهل بالمشاركه 86.

[فهد454]

مستحيله ..

واشكرك على حرصك الدائم أخي العزيز ,,

[دايم عجمي]

السلام عليكم ورحمة الله وبركاته

من بغاه كله خلاه كله

والدعوه ما تخلى يا الأجواد

[قسورة1]

الفكره موجوده لو طبقوه قبل ثلاثين سنه يوم كان الناس اللي يصوتون نصهم مايقرون
لكن الآن في سنة 2008 المجتمع في وعي وفيه شباب يريد النهضه للكويت
أشوف الفكره ماله أي مبدأ راح نبقي في نفس الدوامه,فرعيات الفخذ الصغير ماله دور
الكفاءه محاربه, نجي للأنتخابات نفس الطريقه القبائل اللي عدده قليل ليس لها دور
الفكره راح تنجح ثمانيه عوازم وعجمان النتيجه كل واحد له فكره براسه
يعني سوء خدمات صحيه وتعليميه ورياضيه ولآخره
ماراح تنهض الكويت
سنة2008 آخر سنه للفرعيات


كثر الله من امثالك

[عبدالصمد مو القرشي]

نتمنى التوفيق للكل لكن الفكره مستحيله يعني مافي شخص عاقل ممكن يدخل براسه هالكلام وعموما الله يجيب اللي فيه الخير للكل