ممنوع الدخول!!قصايد خاصه..

[فرااااج]

هذي مقتطفات من قصايد خاصه وان شاءالله تحوز على اعجابكم:
-ان غبت-

ان غبت عني تطمن مسكنك عيني=وان غبت عنك امانه حطني بعينك
طالت حدود المسافه بينك وبيني=واصيح لاغبت عني ياالغلا وينك
||يافرحت احزان عمري واجمل اسنيني||=ماعاش من هو يفكر ياالغلا يهينك_______________________________________

ياصاحبي0

ياصاحبي لو تقبل العذر جيتك = احب خشمك واعتذر عن خطاياي
دام الخطا مردود عذري فديتك=انك غلاي وطيبتك قاف معناي
لو كان تنساني انا مانسيتك=اعزف على حزن الندم نغمت الناي

_______________________________________

-شاعر غلا-


بصير لك شاعر غلا واتغلا=واكتب لك الاشعار في كل ليله
مادام حبك في ضميري تعلا=انتي غلا قلبي على كل جيله
انتي القمر فالليل نوره تجلا=ياصبت الفنجال ياريح هيله
لو قالوا انه من تغلا تخلا=لك في خفوقي ذكرياتن جميله
لك شاعر(ن)جده عقيد(ن)تحلا=تركض على جمع المعادين خيله
لو صار لك شاعر غلا لاتغلا=لاتحسب ان الروح لجلك ذليله

_______________________________________

-القصايد مراسيل-


حلفت لاغني اذا جبت طاريك=واجر صوتي بالغنا والمواويل
لو كنت تتغلا على قلب مغليك=لك في حنايا خافقي لك مداهيل
عجزت اناديلك وانادي واناديك=واسمع صدى صوت العنا والغرابيل
وان كنت تجفاني فلاني ابجافيك=الحبر دمي والقصايد مراسيل
والشوق مايخفى ولاهو ابخافيك=دام الغلا مابهذلته البهاذيل



وسلامتكم


-

[فلاح بن ملبز]

حجز 1 :)

[فرااااج]

اخوي الغالي فلاح بن ملبز بيض الله وجهك على المرور..وانا من امس ضايق خلقي محد قراء قصايدي

مرورك شرف لي الله لايهينك


-

[فلاح بن ملبز]

ارحب مليون يا فراج

وصح لسانك على ذا القصايد الخاصه والجزلة

وياليت تكثر لنا من ذا القصايد الخاصه

ولاهـنــت :)

[فرااااج]

اخوي فلاح بن ملبز صح بدنك
وابشر على خشمي كل ماكتبت قصيده حطيتها في المنتدى


بس ياخوك الناس شافوا عنوان القصيده (ممنوع الدخول)وصدقوا !! محد .دش يقراء القصايد


بيض الله وجهك على المرور للمره الثانيه

-

[الكشاف]

صراحه قمة الروعه بس العنوان هو اللي خلاني ادخل ههههه فضولي

حجز رقم 2 :)

تقبلي مروري فراااج

[صـــبـــــــــا]

اعجبتني القصايد وصح الله لسانك عليها وكنت برد من أول مانزلتها

بس العنوان منعني .. ولا قصايدك ماشاء الله زينه وفوق الزين ..

صح الله لسانك من جديد ولاعاد تكتب عناوين كذا :)

بأنتظار جديدك الشعري ..

تقبل مروري اخي الكريم ...

أختك : صــبـــــــا

[الجلمود]

ارحب مليون يا فراج

وصح لسانك على ذا القصايد الخاصه والجزلة

وياليت تكثر لنا من ذا القصايد الخاصه

ولاهـنــت

[تركي بن فـهد]

مرحبا وعداد همال الخيال= بالشاعر الي لا لفاء خابرينه


اررررررررحب يافرااج (فهد)

صح السانك

وبيض الله وجهك

لله درك بلا عدد

تقبل مروري

[الناس ماتدري]

اخوي فراج صح لسانك على القصايد الخاصه ..............جميله جدا
ومايحتاج اقرا العنوان عشان ادش..... يكفيني .................اسمك
وتقبل مروري

[الاحرش]

صح لسااانك

ولاهنت

[شخص عادي]

فراااج صح السانك على القصايد الخاصه ..زين مادام انها قصايد خاصه ليش تكتبها؟؟

امزح معك صح السانك

تقبل مروري

[الـ ـشـ ـقـ ـا ويـ ـه]

قصايد روعه يافراج وصح لسانك ولاهنت


تقبل مرور اختك

[فرااااج]

سالم الوران مرحبا ومسهلا في ذمتي اني صادق باخي الغالي
وصح بدنك
وبيض الله وجهك على المرور


-

[فرااااج]

اختي صـــبـــــــــا صح بدنش ولاهنتي على المرور
وابشري ماراح اكتب ممنوع الدخول مره ثانيه

بيض الله وجهش على المرور

[فرااااج]

اخي الجلمود مرحبا ومسهلا وصح بدنك
وبيض الله وجهك على المرور والكلام الطيب لاهنت

-

[فرااااج]

مرحبا ومسهلا بأخي الغالي تركي الحبيشي وصح بدنك
وبيض الله وجهك على الحضور المميز وعلى بيت الشعر اللي كتبته وصح السانك
ولاهنت على مرورك يالامير


-

[فرااااج]

مرحبا ومسهلا بأخي الغالي السنافي :الناس ماتدري وصح بدنك
وبيض الله وجهك على مرورك وكلامك الطيب والله يجملني ورد الجميل لك ياالامير
وان شاء ترجع لنا بسلامه انا سمعت انك مسافر لبريطانيا
ولاهنت على المرور

-

[ابوعبدالله العجمي]

فراااااااااااااااااااااااااااااااااااااااااااااااا ااااااااااااج

رائع ومبدع0000000000

عجبني القصيد

واعجبني اكثر التوقيع
حتى انا بغير اسمي عشانها

[فرااااج]

اخوي الاحرش صح بدنك ولاهنت على مرورك

وبيض الله وجهك على المرور



-

[فرااااج]

اخوي فووعاان صح بدنك وانا كنت ماخذ بخاطري عليك شوي بس بعد ما قريت قصيدتك عرفت ان لي قدر عندك.وماقصرت بيض الله وجهك
لاهنت على المرور

-

[فرااااج]

اختي الـ ـشـ ـقـ ـا ويـ ـه مرحبا ومسهلا وصح بدنش

ولاهنتي على المرور وبيض الله وجهش

-

[ناصر بن فالح]

صح الله لسانك يافراج

ولاهنت

[فرااااج]

ابوعبدالله العجمي مرحبا ومسهلا ابرك الساعات اللي شفناك فيها طال عمرك
وصح بدنك
والتوقيع وراعي التوقيع فدوة لك ياالامير يكفي مرروك اللي عطر قصايدي

(وبيني وبينك انا غيرت اسمي خمس مرات على شان بعض الناس بس مافيه فايده...الظاهر اني بكتب اسمي الكامل يمكن يدري اني فهد .ابن .......)

ابوعبدالله لاهنت على المرور وبيض الله وجهك

-

[فرااااج]

ارسطووو مرحبا ومسهلا اررررررررررررررررررررحب تراحيب البدو باالمطر
وصح بدنك

وبيض الله وجهك على المرور


-

[سعود الجوفان]

فرااااج

صح لسانك على المقتطفات

قصايدٍ طيبه من وجهٍ اطيب

لاهنت يالشيخ

تحيتي

[فرااااج]

سعود الجوفان مرحبا ومسهلا وصح بدنك ياشاعرنا المبدع
ومرورك شرف كبير لي




بيض الله وجهك والله لايهينك



-

[هنوفة قلبك]

قصايد حيييييييييييل روعه والله لا يهينك موبدع والله

[حبيبت بدوري]

يعطيك الف عاااااااااااااااااااااااااافية:)

[خالد بن رمثان]

صح لسانك على القصايد الجزله يا فراج

وتقبل مرور اخيك..

نسناس

[اخو شيخه]

صح لسانك
ولا هنت على القصيده
تقبل مروري