الشيخ جريس بن جلبان آل حبيش (السهج والساهوج)

[العماني]

الله من قلبٍ هواجيسه أنواع=عصر الطرب بعته ولا عاد جاني
بعته بكورٍ سجلته تهضع اهضاع=تسري ليا نامت عيون الهداني
وان صفرت نجعل جرنها على القاع=من السهج والساهوج والحيل واني
وان جوا اهل هجنٍ من البعد ضلاع=أذبح لهم جلٍ بكار سماني
ياما لحيلة زارقٍ فيه الأطماع=قالت تراك السبع وهو الجباني
وقصير بيتي غاليٍ لين ينزاع=أدهيه للكرمة واجيه ان دعاني
أمشي معه بالشبر وذراع والباع =واللي شحاه من المشاحي شحاني
ولاني على حرمة قصيري بطماع=لاغاب واليها عليها ألف أماني
قصيرتي ما اكثرت فيها التلماع=لو انها أزين من ظبي البياني

[فهدالعجمي]

دائما متميز في مواضيعك يالعماني


لاهنت وصح لسان جريس بن جلبان والله يغفرله

اخوك فهد العجمي

[العماني]

حياك الله ابوفهيد

لاهنت يالسنافي على الرد الطيب وماعليكم زود وأسعدني مرورك

تقبل تحياتي،،

[جيــر]

لاهنت يالعماني قصيده جزله من وفقت في اختيارها.

[العماني]

جير

حياك الله اخوي ولا هنت يالقرم على المرور

تقبل تحياتي،،

[أبو الوليد]

لا هنت اخوي العماني

وصح لسانك ولسان ابن جلبان رحمة الله عليه

تحياتي لك

[العماني]

أبو الوليد

صح بدنك ومن قال ولا هنت يالقرم على المرور

تقبل تحياتي،،،