تهزني ميلة عقالك<< لاتفوؤووتكم [الأرشيف] - ::. مـنتدى قبيلـة العجمـان .::

مشاهدة النسخة كاملة : تهزني ميلة عقالك<< لاتفوؤووتكم

تمون بس لاتكثر طعونك

13-04-2008, 09:47 PM

مرحبآآآآآآآآ
شحالكم انشالله بخير
المهم ندخل بالموضوع
هذي القصيدهـ
...........................

تدري ليه عيون الليـل ماتعشـق سـواك

لأنـك الهـام القصايـد فـي شراييـنـي

وتدري ليه بحضورك حارت الكلمـة معـاك

لأني مـن عرفتـك وانـت مرتبـط فينـي

عز الله اني ماعشقت بالهـوى الا هـواك

وسالفـة شوقـي لـك اجمعهـا بحنيـنـي

وتصير السوالـف كلهـا مـن لفـظ فـاك

من اجمل ماسمعت وربـي يانظـر عينـي

تهزني ميلـة عقالـك وعطـرك وممشـاك

وجوالـك الفـارس وسبحتـك تغريـنـي

ونظرة عيونك وشاربك وصوتـك وشفـاك

لاجيت تنطق (واثقة الخطى) قلت ياهووه اعفيني

مانيب انا اللـي لاهزهـا الشـوق تلقـاك

عنـدي تحفـظ ولا جـاء الجـد ياشينـي

اقلب موازينـك واجبـر القلـب وأحاول انسـاك

واقــول حد الله مابينك وبيـنـي

(منقووووول)
انتظر ردوركم على احر من الجمر
اختكم
تمون بس لاتكثر طعونك

فيـــصل الشمري

13-04-2008, 10:01 PM

اقلب موازينـك واجبـر القلـب وأحاول انسـاك

واقــول حد الله مابينك وبيـنـي

الله الله

اختي تمون

صح لسان شاعرها ولاهنتي على النقل

الـ ـشـ ـقـ ـا ويـ ـه

14-04-2008, 09:13 AM

صح لسان الشاعر وصح اختيارش يالذووووق

تحياتي

فرااااج

14-04-2008, 11:31 AM

اختي تمون بس لاتكثر طعونك تحياتي وشحالش عساش طيبه يالطيبه وتسلمين على القصيده الرايعه ونقلش الاروع وصح السان قايلها..

تقبلي مروري ..اللي مامنه فايده

-

موكب

14-04-2008, 12:20 PM

اخي الكريمه تمون بس لاتكثر طعونك

صح لسانك ملاييييين وصح لسان شاعرها

وسلمت يداك بما خطت لنا هذه الذائقه الرائعه

واشكرك جزيل الشكر على مجهودك الجميل

دمتي بخير وسعاده

ذايع الصـيت

14-04-2008, 05:13 PM

مراااااااااااحب
تمووووون بس لا تكثر طعونك
حالنا ؟ بخير جعلك طيبه وبخير

يعطيك العاااااااافيه على ذوووووقك الراقي
صح لسان الشاعره وتسلم يمينك على النقل

تقبلي تحياتي

أخوك / ذايع الصـيت

تمون بس لاتكثر طعونك

14-04-2008, 06:06 PM

امير بكلمتي<< صح بدنك .. وربي يعطيك الف عافيه على المرور
الشقاويه<<< صح بدنش ونورت الصفحه بمروركم
فراج<<< انا بخير جعلك بخير ... وصح بدنك.. ومن قالك مرورك مامنه فايده ترى مرورك اكبر فايد (( لاتصدق روحك)) <<< اتغشمر ههههههههههه
موكب<<< تسلم اخوي ولاهنت على الرد الرائع ,, وصح بدنك
ذايع الصيت<<< ربي يعافيك..وصح بدنك .. وربي يسلمك ويخليك

دوسري يحب العجمان

14-04-2008, 06:20 PM

صح السان شاعرها

وتسلم يمينك اخوي تمون على هذه الابيات

الجميله والجزله اختيار رائع

تحياتي لك ...

تمون بس لاتكثر طعونك

14-04-2008, 06:53 PM

صح بدنك
وربي عيطك الف عافيه على المرور الطيب
بس بخصوص اني بنت <<<<<<<< لا تقولي سلمت يمناك قول سلمت يمناش
هههههههههههههههههههه

دوسري يحب العجمان

14-04-2008, 07:01 PM

اااسف اختي تمون

تسلم يمناش من كل شر :)

تحياتي لش:)

تمون بس لاتكثر طعونك

14-04-2008, 07:34 PM

ربي يسلمك
واسمحلي ترى اضحك معك
شكلك تخرعت