(((دعوة لإخواني السعوديين لمقاطعة شاعر المليون)))

[القلب الحي]

بسم الله الرحمن الرحيم


هل يعقل أن يكون شعراءنا في المراكز الأخيرة!!!

هل يعقل أن يكون تصويت قطر أو الإمارات أو اليمن مجتمعة أكبر من تصويت السعودية.

أنا لست ممن يصوت ولست ممن يدعوا إلى إهدار المال ، بل أنتقد كل من يصوت لأن ذلك من التبذير.

لكن ما حصل في شاعر المليون يؤكد لنا أنه "ملعوب"كبيييييييييييير جداً والضحية السعوديين.

ولولا الله عز وجل ثم السعوديين ما نجح أي برنامج في الخليج العربي أو الوطن العربي كله.

من هم حطب شاعر المليون الذي صمدت شعلته حتى آخر حلقة ، أليسوا هم السعوديين؟!

لكن اتضحت النوايا .

أنا لست من جمهور ناصر الفراعنة ولا تستهويني قصائده ، لكن أن يكون الشبرمي أشعر منه أو الكعبي أو عامر بن عمر ، لا والله إن هذا هو الظلم.

أرجو من كل سعودي حر أن يقاطع شاعر المليون

وأضمن لكم مليون في المية أنه سيفشل فشلاً ذريعاً بدون السعوديين.


السعوديون هم "العمود الفقري"لشاعر المليون وبدونهم فهو


(((مشـــــــــــلول)))


لازم يكون لنا موقف مما حدث في ليلة "المهزلة" الشعرية.

فلنقاطعهم مقاطعة تامة ولنثبت للجميع أننا لسنا دمى أو في حاجة لمثل برامجهم الظالمة.


أكرر أنا لست ضد أحد من الشعراء لكني ضد الظلم الذي وقع على أهل بلدي وناسي وعزوتي السعوديين.

تبقى السعودية والسعوديون تاج على راس كل العرب.

في امان الله

[بــ راكان ــنت]

اخي القلب الحي لا احد يشكك بشاعرية الفراعنه وكذلك الشبرمي..

ولكن حتى الموسم الماضي..
فاز بن فطيس بالمركز الاول .. والمراكز الاخرى كانت من نصيب السعوديين!!
هل نشكك بشاعرية بن فطيس ايضا..!!!

[فلاح بن ملبز]

السلام عليكم ورحمة الله وبركاته

البرنامج بالنسبة لي ما انظلم فيه احد ..

لأن الدعوى تصويت ..

قطر دعمت الشبرمي دعم قوي فلا غرابه في ذلك اذا فاز ..
وهو يستاهل..


والبرنامج ما ظلم الفراعنة .. اعطاه اعلى نسبة 46 من 50 ..


ودعتك الله ..

[v.i.p]

السلام عليكم جميع :-

الاخت بنت راكان وش جاب حابس في دابس حنا نتكلم عن النسخه الثانية وابن فطيس في النسخه الاولى بكل صراحه هو اللي كان يستاهل .


الاخ فلاح بن ملبز يا اخي الحق بين والباطل بين انت تقول الدعم كان قوي من قطر طيب قبل لاينتهي التصويت بخمس دقائق لاحظ خمس دقائق المذيعه كانت تقول النسب متقاربه جدا ويجب التصويت نقول معليش في هذا نغض الطرف عنها كيف من المعقول ان يكون ترشيح ناصر الفراعنه 2% بالله هل هذا معقول والحلقة من بدت الين انتهت والشات محروق على الفراعنه يعني لو ملحوها وخلوها مرتفعه نقول معقول ياخوان الموضوع مدروس ومطبوخ والنسب متفاوته ومطبوخه بعنايه عموما الحمد لله ان كل شئ وضح للعيان وضهرت بواطن الامور واتضح منهج البرنامج ومثل ماقال اخوي القلب الحي والله يا اي سعودي يشترك في النسخه الجايه ان مافي وجهه حيا كلمة اخيره فات على المنظمين والقائمين على البرنامج شئ مهم ولايمكن ان يدلسوه بل بالعكس وضح اكثر بلعبتهم هذه ان السعوديه والسعودي محسود وان القزم قزم ولو طلعت له جنحان والكبير كبير ولو هو قدامك مابان ومثل ماقال شاعرنا الكبير ناصر الفراعنه :

ليس عيبا ان خدعني بمكره كل هيس
لان مايعرف طبع الهيوس الا الهيوس

[ند-فرسان]

شاعر المليون فاشل واكبر دليل المركز الثاني

[WARAQ^5ASRAN]

حبيبي انا معاك ان البرنامج فاشل وتجاري حده حده بس الدعوه تصويت تصويت تصويت ومافي غش ويكون بعلمك امير قطر فاتح التصويت كله للشبرمي لانه امثل قطر والشبرمي بستاهل والفراعنه يستاهل بس الدعوه تصووووووووووووووووووويت ملااااااااااااااااااااين تصوت والامراتي بعد محمد بن زايد يبيه الثااااني فتحله تصويت ترى الشغله سهله حيل بعكس الفراعنه اللي ماكان احد يسنده بعكس الشبرمي والاماراتي

[الجلمود]

انا انقدعلى اللي يشارك في شاعرالمليون


برنامج تجااااري بحت شارك خدامتكم ميري وقلهم بفتح الرسائل شرط تاخذالبيرق

[غيام]

القلب الحي

مشكور على طرح موضوع مايستاهل انك تطرحه (عفوا لا اقصدك انت بل الموضوع لا يستحق هذه الضجه)

لكن انت تدعوا 20 مليون او اكثر ؟؟ ليقاطعوا البرنامج الناجخ <<< النقطة اترفعت عمدا
ياخي اذا 20 مليون ماقاطعوا اللي سبو الرسول تبيهم يقاطعون سخافات نشواء :)


وانت تبيهم يقاطعونه
صدقني البرنامج راح يستمر لان هناك عقول تكسر الخاطر وشعراء ماتلام (تدور الشهره)

اما اذا برجع لموضوع الفراعنه (شاعر الجن) وشاعر العيس عيس ؟؟!!!!!!!!
اللي مستحيل اقتع فيه لاني متذوق واحب الشعر:وهو كلام مفهوم وغير متوقع(هذا ماقاله نزار قباني)

محد جبرك يابو قرين
الفراعنه له جمهوره اللي يعادل جمهور خالد عبدالرحمنو فارس مدري.
جنت على نفسها فراعن
القلب الحي ابن حمري قالها مره وكنت اضحك عليه لكن اللحين فعلا اضحك على نفسي
سئلوه ليش ماتشارك في شاعر المليون ؟ قال اذا خذاه شاعر سعودي والله اني لا اشارك

هناك شروط لكي يفشل شاعر الطبلون
اولها - اننا نغير عقول الخليجيين(وهذا الاسهل)
ثانيا-اننا نخلي شعراء القبائل يشاركون في برنامج ستار اكاديمي(وانا اضمن لك الفشل للبرنامجين)
ثالثا-ان يصنف الشعر بأنه مواد محرمه دوليا
رابعا- ان يقوم احد ابناء القبائل الشجعان بعمليه جراحيه في شاطئ الحاره:)

^
^
^
^
ماذكر لا يعبر عن رآيي الشخصي لان اللي كتب الموضوع انا (صديق غيام وغيام جالس وراضي)

[مناجي الخواطر]

استغرب ممن يقول لانشكك في شاعرية الشبرمي

لا نريد نقده كانسان فهو انسان محترم جدا جدا جدا واخلاق ومتواضع

ولكن ان قلنا انه شعريا اقل من الفراعنه هل نكون جرحناه بكلام شخصي ؟؟

او تكلمنا عن قبيلته ؟؟

عندما استحق ابن فطيس البيرق قلنا كلنا انه يستحق ولم نحزن للسعوديين

ولكن ان يحمل الشبرمي البيرق وهو لايعرف وزن المنكوس فهي مصيبة شعرية

وان يحصل الفراعنه على 2% فقط فهذا يجعلنا نشكك في مصداقية البرنامج


وطالما ان اللجنة اعطت الفراعنه اعلى نسبة واصبح الاخير بحكم التصويت

فلماذا توجد اللجنة اصلا طالما انه لا راي لهم


ولكن اعجبني الفراعنه في قصيدته الاخيره حيث قال قبل القصيدة ابارك لشاعر المليون مقدما

كما اعطاهم قصيدة من قصائد الوزن الثقيل فيها من الاسرار مالا يستطيعون تفسيرا له


هل يستطيع احد ان يقول ان الشبرمي او الكعبي او عامر بن عمر اشعر من الفراعنه

لا احد يستطيع

وسنرى بعد شاعر المليون من هو الشاعر الذي سارت بقصائده الركبان

[تركي المري]

مبرووووك لخليل

ويستاهل شاعر المليون

وأمير قطر مامنه قصوووور دائماً


تركي المري

[الذئب الناجعي]

والله كفو يالقلب الحي والله انك رجال تستاهل المدح لانك كشفت شئ كان اكثر النس ويجهلونه في شاعر المليون ويعطيك العافية

اخوك الذئب الناجعي

[_عكش الهدب_]

والله ان البرنامج فاشل ولابوهم لابو من يشارك فيه

[salama_71]

برنامج ضحك على الذقون وفاشل والقائمين عليه مصريه والزروعي وشله اللع واعلم بها ...

وشكرا لك يالقلب الحي الذي كشفت لنا الكثير من خبايا البرنامج وفعلا انا ملاحظ هالشي قبل انتهاء التصويت كانت المذيعه تقول الأصوات متقاربه وبعد قفل التصويت رأينا الفراعنه يحصل على نسبة 2% فأين المصداقيه وأين تقارب الأصوات !!!!

[ظل دبي]

يا اخوان الكلام مايفيد الي له اخ او عم اوخال اوصلت قرابة لا تخلونة يشارك وذلزم لااحد يصوتلة

[bander al_ajmi]

مساكم الله بالخير جميعااا
والصراحه البرنامج ناجع ومافيه غش او شي بس البعض اذا انصدم من النتيجه وماتقبلها يعذرب باللي صاير مثل ما خسر الفراعنه وطلع الشبرمي وهو يستاهل وكلهم شعار ومانضلم احد
مثال نفس ما طلع بن مانعه وهو كان اكفء الموجود في ممجموعته من ناحيه الجزاله والحماس لا كن خرج ومحد تكلم عن خروجه وهذا دليل ان التصويت صحيح مع العلم ان قطر كانت فاتحه التصويت له وانا كنت متواجد في قطر بالاسبوع اللي خرج فيه وكنت اشوف التصويت عنهم مفتوح بس خرج وهذا دليل على ان ما في تلاعب بالتصويت
وعلى قولت بن فطيس السابقه بالشوط تضهر بيدها :)
وكلهم شعار ما نطعن باحد وكلهم يستاهلون والتصويت مايرفع من قيمه احد او ينزل من قيمه احد وكلن عارف حاله وهذي اليه البرنامج على قولتهم :)

[الاحرش]

شكراً لك اخي الكريم على هذا المقال