للجـــــاديـــن فقـــــط :)

[سعد بن سريّع]

.
.

الســــلام عليـــكم ورحمــة الله وبركاته



يا ســـلام الله ســـلام اجــواد والذمــه بريــّه = ما يـــدوم الا الولــي وحــده . . وغير الله فانــي
طـــارت عيـــون العرب فاللي على كــور المطيه = ما درو بــه . . وارد بيـــار ٍ مهدمــت السوانــي

[فهيد بن سالم]

وعليكم السلام ورحمة الله وبركاته

. . . ننتظر الشاعر يالغناوي . . . تقبل مروري ..


متابع ,.,.,

[الجلمود]

معاالله ياالغناوي

[بومشعل]

يا الغناوي استعد والنار بالطاروق حيه = مرحبابك يالسنافي واعلم الهاجوس جاني
كان ودك تبتديها لك سلامن مع تحيه = ياسلام الله سلامنا مايجى لأنسان ثاني

[سعد بن سريّع]

.
.
.
استلم طـــال عمـــرك .. :)



والبقــا بك يالمرحــب حـــي ّ راعــي الضو حيــّه = مير انا بنصــحك لا تبدا قبل سبع المثــاني
الفــواله ما تقــــدم عقب شــرب الشـــاذلــيّه = وانـــت لا تحـــسب سوالفنا كذا ضحك وفهـــاني

[حـــوران]

الفواله ما تقدم عقب شـرب الشاذليّـه=وانت لا تحسب سوالفنا كذا ضحك وفهاني
:)


اي بالله ماتقدّم :)

كملوا وأنا في صف الغناوي من غير قصور في بو مشعل

[سعد بن سريّع]

.
.
.

البشر . . مرحبا ومســهلا بمرورك متابعتك شرف

الجلمود . . مرحبا ومســهلا شكرا على متابعتك

حوران . . يا والله اللي زان الصف . . والله يا اخوك اني
مدري ويش جاني وخلاني افتح الكمبيوتر وانا مسكره
لكن كن قلبي داري اني بواجه غالي ..


دمتم في حفظ الله ورعايته

الغناوي

[صـــبـــــــــا]

صــح لسانكم ابو مشعل والغناوي

وانا بصف بو مشعل ولا يهون الغناوي

استمرو ...

[بومشعل]

ما يهاب الموت مسلم امن برب البريه =ماعرف درب المعاصى في زمانه لو ثواني
البس الدرع وتحيزم واعلم ادروبي مديه = والهاجوس اللى بلاني يا عميلي ما عصاني

[بومشعل]

يا مرحبا بالجميع وصوفى وصف الاخ الغناوي واحد

ولا هنت يا صبا اضبطى الصف

[عـزام]

الغناوى + بو مشعل

صح الله السنتكم

واصلوا لا هنتوا

متابع

[الجلمود]

الله الله

صح السنتكم ياشعار

[سعد بن سريّع]

.
.
.

طيب يا طيب :)



تـــوّنا بـــاديـــن واشــوفك تحريــت المنيــّه = ولانـــي بخــابرك من قــوم الرسل " يالغيهباني"
الدعـــاوي هيـــنه والدرع للضربــه القويــّه = وانت هاجوسك بلاك اليـــوم . . واضنـــّه بلاني

[الجلمود]

الله الله


صح الله السنتكم ياشعار



متاااابع بصف الغناوي

[فــلاح]

الله الله


مع الله ياشعاار


صـحت ألسنتكم ولاهنتـوو

[ليوناردو دافينشي]

والله اني قريت العنوان وقلت يمكنه اعلان ونيت للبيع :)

صحت السنتكم

متابع

[سعد بن سريّع]

.
.
.

صبا مرحبا ولاهنتي على حضورتس

عزام مرحبا العـــــوده شكرا على تواصلك

الجلمود مرحبا مره اخرى والصف يتنومس فيك

طويق اهلين يا سمح المحيا وسهلين

ليوناردو مرحبا ومسهلا والوانيت مطلوب فيه اعلى سعر :)

دمتم في حفظ الله ورعايته

الغناوي