فزاع
31-03-2008, 03:02 PM
طوح سبوقه وانتهض وادرج الحوم=واطيري اللي عقب النجم ياعم
اصيح يامحمد وانا اطيح واقوم=والله يبيحه راح ماقال لي تم
سبقت طيرك بالهدد وانت محشوم=كذا الحرار تموت ياللي تبي العلم
للوكر تلويحة شياهين ورجوم=وللصدر صرخة موجعآ ما لقت فم
قفى وانا وجلآ حزينآ ومكلوم=والقلب ماهو للفراق امتولم
وعيني مخاشر دمعها قلة النوم=واقصى معاليق الحنايا ترزم
والشعر ابيه ولايجي جعله القوم=من عقب ابوخالد قصيدي تيتم
من فايت الجمعه وانا تقل منجوم=اربع عشر ليله وانا مونس الهم
هو مات كساب الثنا روحي التوم=راعي هلا يامرحبا وابشر وسم
وراعي علومآ تطلق الوجه وسلوم=نبكي عليه ونذكره وانتبسم
عزاه يامحمد سند كل مضيوم=رحماك يامجري السفاين مع اليم
لو شفت كيف عيال عمك هاك اليوم=وقاف وجموع المعزين تلتم
صبح العزا والقصر بالناس مزحوم=والفقد كايد والحضور امتجهم
يالله زبنتك لا اعتراضآ ولا لوم=يافارج الكربه ويا جالي الغم
عز الله انه غيب الموت زيزوم=وعز الله اني فاقدآ ولد عم
مرثيه للأمير فيصل بن خالد بن سلطان ال سعود
في احدى اقاربه
اصيح يامحمد وانا اطيح واقوم=والله يبيحه راح ماقال لي تم
سبقت طيرك بالهدد وانت محشوم=كذا الحرار تموت ياللي تبي العلم
للوكر تلويحة شياهين ورجوم=وللصدر صرخة موجعآ ما لقت فم
قفى وانا وجلآ حزينآ ومكلوم=والقلب ماهو للفراق امتولم
وعيني مخاشر دمعها قلة النوم=واقصى معاليق الحنايا ترزم
والشعر ابيه ولايجي جعله القوم=من عقب ابوخالد قصيدي تيتم
من فايت الجمعه وانا تقل منجوم=اربع عشر ليله وانا مونس الهم
هو مات كساب الثنا روحي التوم=راعي هلا يامرحبا وابشر وسم
وراعي علومآ تطلق الوجه وسلوم=نبكي عليه ونذكره وانتبسم
عزاه يامحمد سند كل مضيوم=رحماك يامجري السفاين مع اليم
لو شفت كيف عيال عمك هاك اليوم=وقاف وجموع المعزين تلتم
صبح العزا والقصر بالناس مزحوم=والفقد كايد والحضور امتجهم
يالله زبنتك لا اعتراضآ ولا لوم=يافارج الكربه ويا جالي الغم
عز الله انه غيب الموت زيزوم=وعز الله اني فاقدآ ولد عم
مرثيه للأمير فيصل بن خالد بن سلطان ال سعود
في احدى اقاربه