تبقى مراقيب السهر دربي عسى الجرح مخلوف لـ (ابعاد التركي) :)

[قبلة العذارى]

السلام عليكم .. واسعد الله اوقاتكم بكل خير :)

كيف حالكم .. :)

:

:

:

رائعه للمبدعه / ابعاد التركي .. اللي مهما كتبت ماراح اوفي ابداعها حقه .. عسى ان تشبع ذائقتكم الشعريه :)


صلوا على النبي .. :)

.
.
.


تبيحني للبعد ياجرحي .. ولا تشعر بخوف=وابعد .. ومرساك الضلوع العوج .. والجسم النحيل
تطوف بي سود الليالي .. وانت في قلبي تطوف=واعرف مسار هجوسك اللى ماتكل .. ولا تميل
أشوف وجه الموت .. واذكر يوم ودّعت الكفوف=على رجا رحمتك ياربي وانا عابر سبيل
تضرب بصدري وحشة الايام .. والفرقا دفوف=والليل قفى فجره النازح .. وليله بالف ليل
ماحدٍ يرد الموت عني .. لو تحامت لى صفوف=لا دمعةٍ تشره على خدي .. ولا صوت وعويل
في رحمة اللي منشي اعظامى قبل لاسمع .. واشوف=آقف على بابه .. ويغريني من الرحمة دليل
أذل !! .. من ذنبي وترميني بعيدات الحتوف=واستغفر الله من خطايا العمر .. والصبر القليل
ماذكر وجيه الناس .. لو تمسي حدر جفني وقوف=نبراتهم كذب .. وملامحهم سرابٍ يستحيل
الا انت يا (وجه الغلا) والخير يالصدر العطوف=لبيه يا(يمه) .. صدى صوتك ويالوجه الجميل
اجيك ماحسب خطوة اقدامي كما الطفل الشغوف=والقى يدينك دفوة الايمان .. والظل الظليل
ضاقت بي الدنيا .. ولاسوى بي الوقت معروف=واتعبت نفسى لين ملّتنى .. ولا بالحيل حيل
لا تنشدين الجرح يايمه .. وجمرة مايروف=مثلي اليا من قيل له : "وش فيك ؟؟" .. (عبراته تسيل)
اسكت .. ولو ان السكوت احيان مايبرى الشفوف=وانزف كلامي في فمي جرح .. ومسافات .. ورحيل
تبقى مراقيب السهر دربي .. عسى الجرح مخلوف=مامعك ياليل التعب راحة .. ولا عنّك بديل

وتمت .. سلامو عليكم :)

[فلاح بن جمل]

الا انت يا (وجه الغلا) والخيـر يالصـدر العطـوف
لبيه يا(يمه) .. صـدى صوتـك ويالوجـه الجميـل

اجيك ماحسب خطوة اقدامي كما الطفل الشغـوف
والقى يدينـك دفـوة الايمـان .. والظـل الظليـل


لا هنتــــــــي :: قبله العذارى:: وأهنيــــــش علــــــىى أختيــــــــارش المبــــــــدع


صح الله للسانـــــش وللســـــــان الشاعـــــــره : ابعاد التركي


ولــش جزيــــــــــل الشكـــــــــر

[قبلة العذارى]

كنترول العجمان

يامرحبا .. واسعدني مرورك العطر

لاهنت :)

[زيـــاد]

قبلة العذارى

يعطيج العافيه , اختيار في محله

وصح لسان الشاعره

و مشكوره

[حمرآن النوآظر]

لا تنشديـن الجـرح يايمـه .. وجمـرة مـايـروف
مثلي اليا من قيل له : "وش فيك ؟؟" .. (عبراته تسيل)


:(

يعطيج العافيه ع القصيدهـ ..
ودمتي مبدعه ـ.

[قبلة العذارى]

زياد

يعافيك ويسلمك ولاهنت على مرورك الرائع

[قبلة العذارى]

حمران النواظر


كل الشكر على المرور العطر

[الجوود]

ابيات رائعه صح لسان اللي كتبتها


والله يعطيك العافيه على هذا النقل المميز

[قبلة العذارى]

الجود


يامرحبا ومسهلا


كل الشكر لمرورتس العطر

لاهنتي :)

[سعد بن سريّع]

.
.
.

مثـــلي ليــــامن قيـــله : ( وش فيـــك ) ؟! عبراته تسيـــل

العيـــنبو ذالبيــــت اشهد بالله انه احســــاس
قبلة العذارى اخياراتك دائما متميزه وموعوده بالاعجـــاب


دمتي في حفظ الله ورعايته

الغناوي

[قبلة العذارى]

الغناوي


اسعدني مرورك العطر


لاهنت

[صـــبـــــــــا]

ابعاد التركي من جديد

من غيرك يا قبله بيجيب لنا ابداعاتهاا ..

صح لسانهااا وصح نقلك يالغاليه

اختيار ولا اروووع

لاهنتي فديتك ...

[الجلمود]

ابيات رائعه صح لسان اللي كتبتها


والله يعطيك العافيه على هذا النقل المميز

[ريــــــانـه العــــود]

قبووووله





لا تنشديـن الجـرح يايمـه .. وجمـرة مـايـروف=مثلي اليا من قيل له : "وش فيك ؟؟" .. (عبراته تسيل)
اسكت .. ولو ان السكوت احيان مايبرى الشفـوف=وانزف كلامي في فمي جرح .. ومسافات .. ورحيل
تبقى مراقيب السهر دربي .. عسى الجـرح مخلـوف=مامعك ياليـل التعـب راحـة .. ولا عنّـك بديـل


خطييييييييييييييرة

صح لسانها

وصح اختيارك بصراحه انتي ذويقه باختيار القصايد ما شاء الله عليك :)

[قبلة العذارى]

ابعاد التركي من جديد

من غيرك يا قبله بيجيب لنا ابداعاتهاا ..

صح لسانهااا وصح نقلك يالغاليه

اختيار ولا اروووع

لاهنتي فديتك ...

ابعاد احساس ماضي وحاضر ومستقبل ماراح اخليه :)

وصح مرورتس العطر .. واسعدني اطرائتس الرائع

دمتي بكل خير عزيزتي :)

[قبلة العذارى]

الجلمود


اسعدني مرورك العطر


لاهنت

[قبلة العذارى]

قبووووله





لا تنشديـن الجـرح يايمـه .. وجمـرة مـايـروف=مثلي اليا من قيل له : "وش فيك ؟؟" .. (عبراته تسيل)
اسكت .. ولو ان السكوت احيان مايبرى الشفـوف=وانزف كلامي في فمي جرح .. ومسافات .. ورحيل
تبقى مراقيب السهر دربي .. عسى الجـرح مخلـوف=مامعك ياليـل التعـب راحـة .. ولا عنّـك بديـل


خطييييييييييييييرة

صح لسانها

وصح اختيارك بصراحه انتي ذويقه باختيار القصايد ما شاء الله عليك :)


ريوووونه :)


الخطير مرورتس الرائع :)

ولاهنتي على التعقيب

دمتي بكل خير عزيزتي :)

[موكب]

اختي العزيزه قبلة العذارى

صح لسانك ملايين وصح لسان شاعرة هذه الشامخه

سلمت اناملك بما خطت لنا من ذوق دائمآ رائع كصاحبه

واشكرك جزيل الشكر على مجهودك الجميل

دمـــتـــي بـــخـــيــر

[الجلمود]

صح السان شاعرها وناقلها

[قبلة العذارى]

موكب


اسعدني مرورك العطر .. ولاهنت على الاطراء .. وصح بدنك :)


كل الشكر اخي الكريم

[قبلة العذارى]

جلمود


لاهنت مره ثانيه على المرور :)

[Najla]

ماذكر وجيه الناس .. لو تمسي حدر جفنـي وقـوف
نبراتهـم كـذب .. وملامحهـم سـرابٍ يستحيـل

الا انت يا (وجه الغلا) والخيـر يالصـدر العطـوف
لبيه يا(يمه) .. صـدى صوتـك ويالوجـه الجميـل


قبـولـه ..

صـح لساان أبعآد الترركـي ..

وصـح نقـلش ..

مبدعـه بالإختيآر .. :)


تحيآتىي لش

[قبلة العذارى]

نجوووله :)

اهلين وسهلين :)

وصح مرورتس العطر .. ولاهنتي على الاطراء

دمتي بود :)

[dont play with me]

اهلا ً و سهلا ً


قبله العذارى + ابعاد التركي .. كلاكيت مره ... مدري كم ؟ :)



صح السان الشاعر المبدعه / ابعاد التركي


ملح الشعر و خوخه و رمانه :)



وصح اختيار المتذوقه الرائعه / قبلة العذارى



شكرا ً على التواصل الجميل والرائع قبله



و لاهنتي

[قبلة العذارى]

اهلنبك ياريّس :)


وصح مرورك المشرف .. ولاهنت على اطرائك


دمت بكل خير :)

[بومشعل]

الله على الاختيار

فعلا ابعاد التركي من الشاعرات القلائل الى يبدعن بالساحه الادبيه

شكرا لكى يا قبلة العذارى على هذا الاحساس النابع من القلب وعلى الاختيار الجميل

لكى منى اجمل تحيه على هذا الاختيار

[حـــوران]

تصدقيـن صار عندي احساس ان أيّ شاعر يجي آخر اسمه (التركي) بيطلـع مبدع

من كثر ماقريت لـ / أبعاد التركي ولـ / متعب التركي
:)

وكلهم عندش وكاله حصريه على نقل قصايدهم اللي مانلقاها فالمنتديات الباقيـه :)


أبـعاد مبدعه وانتي مبـدعه

صح لسـانها وصح ذوقـش :)

وشهـادتي في اختيـاراتش سـايل دمها :)

[قبلة العذارى]

ابو مشعل


لاهنت على المرور العطر والتعقيب

كل الشكر

[قبلة العذارى]

تصدقيـن صار عندي احساس ان أيّ شاعر يجي آخر اسمه (التركي) بيطلـع مبدع

من كثر ماقريت لـ / أبعاد التركي ولـ / متعب التركي
:)

وكلهم عندش وكاله حصريه على نقل قصايدهم اللي مانلقاها فالمنتديات الباقيـه :)


أبـعاد مبدعه وانتي مبـدعه

صح لسـانها وصح ذوقـش :)

وشهـادتي في اختيـاراتش سـايل دمها :)


انا منذو مبطي مستنتجه ان سر الابداع في اسم تركي او التركي :)


<< تخصص اسم التركي :)


حوران


اسعدني مرورك الرائع .. ولاهنت على الاطراء شهاده اعتز فيها :)


يعطيك العافيه