حظوظ فهيد بن صقر؟؟

[مسلط]

؟؟؟؟ماهي توقعاتكم للاخ فهيد بن صقر في الانتخابات المقبلة خصوصا وان له مواقف مشرفة ؟؟؟؟

[مـحمـد]

اعتقد انه ضحى بمقعد القبيله في المجلس البلدي بعد ما وقفت معه

[مسلط]

اشكرك على مرورك لكن الا الان وهو ما استقال ولو ما حالفه الحظ بالنجاح في هذي الانتخابات بكمل بلدي وكانه مانزل للانتخابات

[فرز الوغا]

لـــــه التوفيق هــــــذا الرجل ماهمنا إلي ينجح المهم الرئيســـي

[abdo0ol]

ولو انه فاز تضمن ان المقعد بكون للعجمان ؟

[الخطيب]

انا برأيي والناس أراء
ومن وجهة نظري والناس وجهات
انه فهيد بن صقر قاعد يساوم بخسارة كرسي من كراسي العجمان في المجلس البلدي علي أمل أنه ينجح بالأمة واذا الله وفق ونجح شنو نستفيد من هذا غير أنه خسرنا كرسي من كراسي العجمان بالمجلس البلدي وخسرناه بالامة لان الكل يعرف انه فهيد بن صقر رجل مخضرم وله مواقف قوية مع ابناء قبيلتة وغيرهم من الناس لكن هل فكر بخسارة القبيلة كرسي بالمجلس البلدي

ومثل ما قلت للكل

هذه وجهه والناس وجهات

وغير هذا وهذاك فهيد بن صقر نزل ينافس ابناء عمه علي كرسي من كراسي مجلس الامة الاربع وما ترك المجال الغيرة من الناس سواء الى ادخلو العالم البرلماني عن طريق مجلس الامة او اللي يتطلعون له

إلى الأخ الكبير فهيد بن صقر مع التحية ........... أرجو أن يكون التوجه الفكري إلى ما يكون لمصلحة أبناء القبيلة وليس إلى تاريخ حافل بنجازات فردية

[مسلط]

اشكركم على المرور وكلن ووجهت نظره

[ذروان]

أنا أتوقع أن فهيد بن صقر في المجلس البلدي أفضل بكثير وأتوقع أنه لن يصل إلى البرلمان

[الصـــــدى]

بدايه عسى الله يوفق ابو محمد ( المحترم فهيد بن صقر )
وهو من الرجاجيل النظيفين والصادقين لأبعد الحدود
ولحيةٍ غانمه ونتمنى له الوصول والنجاح وان كان البعض
يتذمر من مزاحمته لربعه في البرلمان وتركه مجلس البلدي
فهذا حقه لأن الواحد يطمح بالشي الكبير والمجلس البلدي
حسب كلام ابو محمد ماعاد له سلطه مثل اول والدليل
مسأله الديوانيات اللي تدخلت فيها السلطه التنفيذيه والتشريعيه
في مجلس الامه وهي من اختصاص المجلس البلدي !! شكرا

[مسلط]

اشكرك على المرور واحترم وجهت نظرك وفهيد بن صقر يستاهل

[العجمي كوم]

الله يوفق فهيد وهو من الرجال الي يستاهلون والله ....بس أنا من رايي أخوي الخطيب ماقصر كلامه صحصح اذا دخل مجلس الامه راح نخسر عجمي في مجلس البلدي..وشكرا
..
..
..
تقبل فائق الاحترام والتقدير

[=راعي العليا=]

فيهيد بن صقر كفوووو ولا قصور فالباقين
ابو محمد وهو عضو مجلس بلدي سواااااا اشياء خارج عن حدوده وافاد البلد وافاد الشعب
وخاصه ابناء القبيله ...
من يذكر اول مره يوم نزل نص العجمان توظفو فالبلديه ....
انا واحد من الناس متفائل فيه لان عضو مجلس البلدي ضعيف وهو كان قوي يسوي سوات عضو المجلس الامه ما ابي اقول اكثر لان مافي قصور في اعضائنا
وانا اتمناله التوفيق ابو محمد
وانا واحد من الناس فارزني عنده فالمجلس وفارز كثير من العجمان عنده واتحدى واحد يقول انا جيت فهيد ولا قدر يفرزني عنده ...
فهيد اذا يقدر يقدر واذا مايقدر يلجأ لعضو مجلس الامه مخلصك مخلصك عجمي ولا غيره

[KDD]

يستاهل فهيد كل خير

والرجل سيف مجرب

[نظرتي عالمية]

مع أحترامي لك ولفهيد صقر اذا نجح خسرنا كرسي في البلدي منو اللي يحل مكانة ؟؟

لكن هذي فيها حب لنفس وأنا أشوفها أنانية بحتة

فهيد صقر نافع العالم في البلدي ياليت يتراجع عن ترشيحة وشكرا"

.

[الجلمود]

الله يوفق اللجميع

[مسلط]

اشكركم يالربع على المرور وبيض الله وجيهكم

[فهد454]

انا ما أأيد نزوله يكون في البلدي أفضل
وأدا نجح ووصل للرئيسي فحظوظه بالفوز قليله لأنه غير مرغوب فيه من القبائل ..
هذي وجهة نظري الواقعيه

[san]

انا ما أأيد نزوله يكون في البلدي أفضل
وأدا نجح ووصل للرئيسي فحظوظه بالفوز قليله لأنه غير مرغوب فيه من القبائل ..
هذي وجهة نظري الواقعيه
احترم رايك بس أعتقد أن كلامكم بعيد عن الواقعية
لو أنه غير مرغوب فية أشلون ينجح في البلدي
و الله يوفق بن صقر

[مسلط]

الله يوفق الجميع واشكر كتلوني وسان على المرور

[متبقط]

أبومحمد

يكفي تواضعه


والمعامله خالصه خالصه وهو مبتسم ... ونظام القديم خلك في المكان الفلاني وجايك

[ذروان]

أبومحمد

يكفي تواضعه


والمعامله خالصه خالصه وهو مبتسم ... ونظام القديم خلك في المكان الفلاني وجايك


ماشاء الله عليك يا متبقط.. خبرة;)

[مسلط]

حياكم الله واشكركم على المرور

[za7ef]

يستأهــــــــــــــل فهيد بن صقــر وعز الله ان مواقفه مشرفه والحق ينقال

[مسلط]

اشكرك على المرور

[عقلاني]

من كلى بالثنتين غص

[المهدي]

بخصوص نزول فهيد بن صقر فكل عجمي له الحق بالنزول , والرجل نزيه ومتواضع وخلوق وأهم شيء أنه مو حرامي , لم يستغل منصبه مثل الكثيرين بالسرق مثل بعض أعضاءنا الي أصبحوا من أصحاب الملايين في يوم وليلة اتعرفونهم زين , أسألوا أي موظف في البلدية عن فهيد بن صقر وعن نزاهته وانتم اتعرفون.
*أما بخصوص كرسي المجلس البلدي في الدائره فانه انشاللة لن يضيع علينا , وأنا عندي قناعه أن فهيد بن صقر سيقف وباقي أعضاء العجمان بقوه لصالح المرشح العجمان في البلدي.
*وهذا الشخص خلوق يحبه الأجناب جداً من جميع القبائل والحضر وغيرهم , ويخلص معاملاتهم ومواقفه وسمعته بالمجلس البلدي مشرفه , وكل عجمي يفتخر بأن فهيد بن صقر امثله.

[مسلط]

(( عقلاني )) و (( المهدى )) اشكركم على الرور

[عبلان to]

ابومحمد



يستاهل مشرف ومرحباني ومتواضع وهذه الصفات المطلوبه

[ناصـر محمد المجروب]

عز الله انه ونعم

رجال مواقف طيبه ومحترم ويدور المنفعه لا ابناء قبيلته

رجال فيه خير وارق سنود يابومحمد

[مسلط]

عبلان والمحفوظي أشكركم على المرور

[النادر77]

مع أحترامي لك ولفهيد صقر اذا نجح خسرنا كرسي في البلدي منو اللي يحل مكانة ؟؟

لكن هذي فيها حب لنفس وأنا أشوفها أنانية بحتة

فهيد صقر نافع العالم في البلدي ياليت يتراجع عن ترشيحة وشكرا"

.
الله يرحم والديك أنا أخالفك ألراي أذا الله وفقه ونجح في مجلس ألأمه العجمان واجد يجي واحد ويحل محله.وكلامك تقول أنه أناني لا يا أخوي هذي ماهي أنانيه هذا يسمونه طموح كل ما وصلت مرحله تبي توصل مرحله أعلى منها. وبعدين منو قال أن العجمان ضامنين الكراسي ألأربعه المجلس اللي طاف طاح واحد في الرقه وطاح واحد في ألأحمدي وحنا محتاجين مرشح قوي برا العجمان وفهيد ما هو المرشح الوحيد في المجلس البلدي اللي نازل مجلس الامه غيره سبع أعضاء نازلين.

[الماني العرب 101]

انا أفضل ان فهيد بن صقر يقعد في في البلدي يقعد ويحافظ على الكرسي اللي هو فيه ولا يناشب بني عمه

[الأحنف]

فهيد بن صقر رجل محترم ونزيه وراعي فزعه , بعدين المجال مفتوح للجميع, ونجاحة في الأمة مكسب لبني عمة , لأن المجلس البلدي ماعاد له صلاحيات مجلس استشاري, وبعدين نبي أشخاص لاطلعو في الرئيسي يناطحون الرياجيل وينجحون مو يطوحون مثل ماسار في الأنتخابات الي طافت لان مالهم علاقات ونخسر كرسي بلاش , ولان مقعد مجلس الأمه أهم من البلدي ويقدر ينفع بني عمه في هذا المكان المهم ,و بعدين فهيد له علاقات مع لجناب وله خدمات لبني عمه وللاجناب , وأهم شي أنه رجل نظيف وما قد دخل جيبه حرام .

[هادي المبخوت]

السلام عليكم ورحمة الله
الله يوفق بن صقر عز الله انه طيب ويوفق كل المرشحين العجمان ، واختلف مع اللي يقول

انه ماله شعبيه بالعكس شعبيته واسعه وهو قادر على الوصول مع اخوانه الثلاثه اذا نجح في

الفرعي

[فهد454]

ودي أشوفه مره ماسك المكرفون ويتكلم !!!!!

[بجاش]

بسم الله الرحمن الرحيم

اناا ودي اعرف إلي يمدح فهييد على شنوو ؟؟
صاارله اكثر من 20 سنه وش إلي سوااه لنا ماا قد سمعنا له إي كلمه أو إي قرار لا بالمجلس ولا بالجراايد ...؟ إلا يووم حط بااله الامه قاام وتحرك >>>يسترييح زيين

[q876]

السلام عليكم ورحمة الله وبركاته
بن صقر حاله حال اي عجمي في القبيلة...ويحق له مثل مايحق لغيره الخوض في الانتخابات وان نجح هو او غيره من اخوانه المرشحين فهم يمثلون قبيلة العجمان.
كلنا يعرف ان المجلس البلدي فقد قوته بعد التعديل على قوانينه من قبل مجلس الامه, اصبح دوره استشاري وفقد قوته واهميته. وكل المعاملات التي يقوم فيها بن صقر يعتمد فيها على العلاقات الشخصية والمعارف فقط
اخي العزيز اختلف معك في عدة نقاط بان العجمان راح يفقدون كرسي البلدي, العجمان اللي طلعوا بن صقر بيطلعون غيره, وانشالله ما يروح كرسي العجمان في البلدي...ونرجع كراسيهم اللي فقدناها في مجلس الامة.
واما قولتك ان بن صقر ماله شعبية برا القبيلة....اخوي هذا كلام موب صحيح..... بن صقر عضو في المجلس البلدي من سنة 1993 وخدم وخلص معاملات لناس كثيره برا قبيلة العجمان...ومتواجد على الساحه بحكم انه عضو مجلس بلدي...اشلون تقول ان ماله شعبية؟؟ وكيف حكمت عليه؟؟؟ طيب اذا كل واحد بيقول مثل حكيك اجل محد مترشح... ويا اخي الكثير من المرشحين الان غير معروفين برا قبيلة العجمان....يعني نقول لهم لا تنزلون ؟؟؟ ونحرمهم من حق لهم ولغيرهم من ابناء القبيلة؟؟ كل واحد ينزل والله يوفق الجميع والعجمان بتقول كلمتها وتختار من يمثلها ويشرفها وبيض وجهها في المجلس

[ماكل الجو]

مع احترامي للاخوان الي يتكلمون على خوانهم المرشحين عيب تقولون عنهم هذا ماسوى شي وهذا ماينفع والى اخره 000 والله يوفق الجميع وتركو الحكي الي مامنه فايده

[النادر77]

بسم الله الرحمن الرحيم

اناا ودي اعرف إلي يمدح فهييد على شنوو ؟؟
صاارله اكثر من 20 سنه وش إلي سوااه لنا ماا قد سمعنا له إي كلمه أو إي قرار لا بالمجلس ولا بالجراايد ...؟ إلا يووم حط بااله الامه قاام وتحرك >>>يسترييح زيين
أنت يا بجاش تسأل يمدحون فهيد على شنو وأنا أعلمك ليش يمدحونه. أول شي لأنه رجل ذرب وأخلاق ومحترم. وثاني أمر الرجل ما عنده لف ودوران مثل أغلب الأعضاء اللي يقدر يخدمك فيه يسويه واللي ما يقدر عليه لا حول ولا قوة الا بالله يعني ما عنده كذب. وثالث شي الرجل ديوانه مشرع بابه من الصبح الى نص الليل يوميا ما هو مثل باقي الأعضاء اللي يجلس بالأسبوع ساعتين. ورابع شي الرجل ما استفاد من عضويته ولا حط بجيبه دينار حرام واذا عندك غير هالكلام أثبته.وخامس شي تقول أنه ما يتكلم ولا له أي قرار أنا أقولك كلامك غير صحيح الرجل له مواقف بالمجلس البلدي ولجان المجلس البلدي والمحاضر والمظبطه تشهد له لكن من ناحيه اعلاميه المجلس البلدي ما ينصفه الاعلام بالتغطيه مثل مجلس الامه.واخيرا ريح بالك وخل عنك الكلام الفاضي اللي ما يجيب نتيجه.

[فهد454]

أنت يا بجاش تسأل يمدحون فهيد على شنو وأنا أعلمك ليش يمدحونه. أول شي لأنه رجل ذرب وأخلاق ومحترم. وثاني أمر الرجل ما عنده لف ودوران مثل أغلب الأعضاء اللي يقدر يخدمك فيه يسويه واللي ما يقدر عليه لا حول ولا قوة الا بالله يعني ما عنده كذب. وثالث شي الرجل ديوانه مشرع بابه من الصبح الى نص الليل يوميا ما هو مثل باقي الأعضاء اللي يجلس بالأسبوع ساعتين. ورابع شي الرجل ما استفاد من عضويته ولا حط بجيبه دينار حرام واذا عندك غير هالكلام أثبته.وخامس شي تقول أنه ما يتكلم ولا له أي قرار أنا أقولك كلامك غير صحيح الرجل له مواقف بالمجلس البلدي ولجان المجلس البلدي والمحاضر والمظبطه تشهد له لكن من ناحيه اعلاميه المجلس البلدي ما ينصفه الاعلام بالتغطيه مثل مجلس الامه.واخيرا ريح بالك وخل عنك الكلام الفاضي اللي ما يجيب نتيجه.

اتمنى عدم التطبيل والتلميع !!!

ابن صقر ونعم بشخصه لكن لايصلح كعضو مجلس أمه !!

البلدي ويالله يمشي تبون أمه !!

نبي نتكلم بصراحه ياجماعه وبدون اي مجامله ,,

كم سنه صار له بالمجلس ؟؟

ماهي انجازاته ؟؟

واما من ناحية انكم تقولون فيه انه ينفع وغيره انا شخصيا جيته مرتين ومانفعني وحلفت اني ما أجيه ,,
وكل يمدح ماواجه ,,

تحياتي للجميع والله ينجح اللي فيه خير للبلاد ولعجمان ويام كافه ,,

[النادر77]

اتمنى عدم التطبيل والتلميع !!!

ابن صقر ونعم بشخصه لكن لايصلح كعضو مجلس أمه !!

البلدي ويالله يمشي تبون أمه !!

نبي نتكلم بصراحه ياجماعه وبدون اي مجامله ,,

كم سنه صار له بالمجلس ؟؟

ماهي انجازاته ؟؟

واما من ناحية انكم تقولون فيه انه ينفع وغيره انا شخصيا جيته مرتين ومانفعني وحلفت اني ما أجيه ,,
وكل يمدح ماواجه ,,

تحياتي للجميع والله ينجح اللي فيه خير للبلاد ولعجمان ويام كافه ,,
والله لا عندنا تطبيل ولا تلميع لا لفهيد ولا غيره أنا ذكرت بعض الأمور اللي شفناها عند الرجال وبصراحه ما شفناها عند غيره.وتقول الرجال شنو قدم وأنا أقولك شنو قدم غيره عشان يقدم. الدعوى كلها معاملات بمعاملات اللي يقدر عليه يسويه واللي ما يقدرعليه لا حول ولا قوة الا بالله ما معه سيف يحطه على رقبة المسؤول اللي ما يوقع يقص راسه فيه.

[ال دبسه]

عسى الله يوفقه
بس
أذا نجح بالتشاوريه ياليت ما يكرر قلطته وخطأه الفادح والأستفزازي لمشاعر أهل السنه وبني عمه وقبيلته
عندما ذهب إلى
السيد المهرى الرافضي والخائن في حسينيته
يطلب وده ورضاه عليه ويستمع إلى خطبته وشروطه في الموافقه والسعي في بناء مساجد للشيعه في محافظة الأحمدي
وكل هذاعلشان شوية أصوات بغيضه متناسيآ من لهم الفضل في أخراجه وأنجاحه بالفرعيه وهم قبيلة يام وبني عمه ضاربآ بمشاعرهم عرض الحائط
لا وبعد
يصور وياه ويطلع معه بالجرايد بكل صفاقه وأستفزاز لمشاعر أهل السنه والكويت

[جروحه راس مربوحه]

عسى الله يوفقه
بس
أذا نجح بالتشاوريه ياليت ما يكرر قلطته وخطأه الفادح والأستفزازي لمشاعر أهل السنه وبني عمه وقبيلته
عندما ذهب إلى
السيد المهرى الرافضي والخائن في حسينيته
يطلب وده ورضاه عليه ويستمع إلى خطبته وشروطه في الموافقه والسعي في بناء مساجد للشيعه في محافظة الأحمدي
وكل هذاعلشان شوية أصوات بغيضه متناسيآ من لهم الفضل في أخراجه وأنجاحه بالفرعيه وهم قبيلة يام وبني عمه ضاربآ بمشاعرهم عرض الحائط
لا وبعد
يصور وياه ويطلع معه بالجرايد بكل صفاقه وأستفزاز لمشاعر أهل السنه والكويت

علشان صور مع المهري صار استفزاز..!

كلآمك غير منطقي كأن فهيد بن صقر هوو اللي يملك قرار بناء الحسينيات ..!

لا تنسى ان فهيد بن صقر عضو بلدي للكويت كلهأ مهب للقبيله فقط لازم انه يستمع لجميع اطياف المجتمع بغض النظر عن الانتماء والمذهب وغير..

انا من الناس اللي ادعم فهيد بن صقر وبقوه ,, لانه انسان صادق ما عنده لف ودوران مثل بعض الاعضاء الله يهديهم...!

نسأل الله التوفيق لجميع مرشحينا

[المـفلحي]

انتو شفيكم


كل مادش موضوع في منتدى الانتخابات

الا كل اثنين ماسكين صف ونتف في بعض :p


ياجماعه الدعوه سهووود ومهوود

وكل واحد يصوت للي يجوز له

من غير فلان فعل وفلان ترك

وخلونا متكاتفين ترى الموووج جاينا


تجودووو هههههههههه :D

[الأحنف]

يا الربع نبي واحد قوي انافس وله خدمات بسنا خسائر لمقاعدنا مانبي شخص مايعرفه حتى بني عمه اشعاد الاجناب, واللة ماجامل بس هذا الصحيح, وهذا شي مهم عشان اساعد ربعه الأربعه الي يضهرون وياه حتى لو كان بعضهم جديد على الساحه يستفيدون من علاقة فهيد وغيره من علاقتهم القوية مع الأجناب , وفهيد بكون مكسب لبني عمه وأنا أشوف أنه الأفضل ولا قصور في الباقين, واللة يوفق الجميع .

[الماني العرب 101]

والله فهيد بن صقر لو انه يحب القبيلة ماينزل ويخلي المجال مفتوح لربعه لان اللي يسويه هذا حب نفس وطمع في سجل حافل بانجازات فردية على حساب القبيلة .

[مسلط]

اشكركم على المرور جميعا وبيض الله وجيهكم

[maynaa22]

الاخ ابومحمد اتمنى له التوفيق وله مواقف طيبه يكفى اذا بغيته لقيته ومتواضع وصريح ......الله يوفقه مع بنى عمه

[عجمي صريح]

الله يوفق ابومحمد

والله يوفق الجميع

[مسلط]

اشكركم على المرور وبيض الله وجيهكم جميعا