كما الفيصليه ثابتاتن قواعدها للشاعر (بارود)

[الرازي]

السلام عليكم

اود ان اقدم لكم هذه الرائعه للشاعر حمد بن قريان (بارود)

لعلها تنال على اعجابكم


وجودي على اللي في فؤادي هواها ثبت = كما الفيصليه ثابتاتن قواعدها
كما وجد مصلاحن لذوده ولابه نبت = قضا الوسم كله ما سمع صوت راعدها
الى ضوّيت له صاح يا اهل المعرفه شبت = كلا القيظ ما في الجيب وشلون اساعدها
تمرّه تريلات (المهيدب) نهار السبت = مع القار لللّي بالدراهم مواعدها
وجودي وجوده والحشا فيه غم وكبت = على اللي إخطى رجله علينا يباعدها
وإلا جيت بقصر عنوته من مجيّه هبت = أشوف العماره والبلا من مصاعدها
تخيفاق قلبي صوبها يا عرب لا غبت = زواجل حمامن راعها رمي قاعدها
يقولون يا(بارود) من حبهم ما تبت = وانا قلبي وروحي رهينة سواعدها
الى سلهمت بعيونها (يالنحاوي) ذبت = وإلا فقت من غيبوبتي قلت له عدها

وسلامتكم

وصح السان شاعرها

[موكب]

اخي الغالي الرازي

صح لسانك ولسان شاعر هذه الشامخه الشاعر حمد بن قريان

وسلمت يداك بما خطت لنا من ذوق راقي

ولا تحرمنا من جديدك

تقبل تحيتي وتقديري لروحك العطره