مجنونxمجنونه
16-03-2008, 11:00 PM
بشرونا الصحافة.. عن اعـلاج ٍ جديـد
ينعش الابدان ويرجع الشايـب.. ولـد
صانعينه بواشنطـن.. ومفعولـه اكيـد
جعل من جابه يوسـع بقبـره واللحـد
قلت: فرصة.. شايبي له زمن مايتسفيـد
من كبر سنّه يعاني بـروح بـلا جسـد
له سنين ٍ منعزل.. لا شقي, ولا سعيـد
كل ماشاف (العجيّز) تثـاوب ثـم رقـد
مابيده حيلةٍ .. وانتهـى منـه الرصيـد
العظام مهلهله,.. والعروق بهـا سـدد
بندقه ماعـاد ينفـع ولا تقـدر تصيـد
والسلاح اللي معاه.. الفشق فيها فسـد
قلت آبر بوالدي.. وانفعه حتـى يعيـد
ماضي الامجاد.. ويصبح بعيشـة رغـد
إشتريت اربع قوارير.. بآلفيـن ويزيـد
الحبوب اللي تخلّي من الثعلـب.. اسـد
يوم اخذ منها.. تنافض رجع كنه وليـد
ومن نشاطه قام يركض ويصدم بالعمـد
وبعد مدّة .. قال ودي اسافـر للصعيـد
من (مصر) ناوي افيّـز لعمـال ٍ جـدد
غاب أيام.. وجانـا معـه شـي ٍ فريـد
بنت شمحوطه.. وبيضا .. ومركوزة نهد
عمرها تسعة عشر عام ينقص او يزيـد
اسمها (فيفـي).. وابوهـا عبدالصمـد
هام فيها ابي.. والحكـي ماعـاد يفيـد
حلّق اللحية, وعن ربعه اقفـى وابتعـد
صار خاتم في يديها , ويفعل مـا تريـد
واصبحت تحكم بنا.. مثلما شيـخ البلـد
اسلبته المال والعقـل والـرآي السديـد
بالمقالب والحيل.. عيشتنا فـي نكـد !
طلّق ام عياله اللي لها سـاس ٍ جويـد
قال: طسي ياعجـوز المشاكـل والعقـد
من يذوق الكيك.. يرجع ايذوق العصيـد
وانتي العيشه معك.. مثلما حبل المسـد
هانت العشره عليه.. وعسى عمره مديد
باعنا بأبخس ثمن.. راح عنـا مانشـد
اعرف اني سبّة اللي حصل.. والله شهيد
جيت آكحل عين محروم.. واعماها الرمد
آثر بعض المر وسواس شيطان ٍ مريـد
يفسد الاخلاق.. ويصيّع الوالد ..(ولـد)
ينعش الابدان ويرجع الشايـب.. ولـد
صانعينه بواشنطـن.. ومفعولـه اكيـد
جعل من جابه يوسـع بقبـره واللحـد
قلت: فرصة.. شايبي له زمن مايتسفيـد
من كبر سنّه يعاني بـروح بـلا جسـد
له سنين ٍ منعزل.. لا شقي, ولا سعيـد
كل ماشاف (العجيّز) تثـاوب ثـم رقـد
مابيده حيلةٍ .. وانتهـى منـه الرصيـد
العظام مهلهله,.. والعروق بهـا سـدد
بندقه ماعـاد ينفـع ولا تقـدر تصيـد
والسلاح اللي معاه.. الفشق فيها فسـد
قلت آبر بوالدي.. وانفعه حتـى يعيـد
ماضي الامجاد.. ويصبح بعيشـة رغـد
إشتريت اربع قوارير.. بآلفيـن ويزيـد
الحبوب اللي تخلّي من الثعلـب.. اسـد
يوم اخذ منها.. تنافض رجع كنه وليـد
ومن نشاطه قام يركض ويصدم بالعمـد
وبعد مدّة .. قال ودي اسافـر للصعيـد
من (مصر) ناوي افيّـز لعمـال ٍ جـدد
غاب أيام.. وجانـا معـه شـي ٍ فريـد
بنت شمحوطه.. وبيضا .. ومركوزة نهد
عمرها تسعة عشر عام ينقص او يزيـد
اسمها (فيفـي).. وابوهـا عبدالصمـد
هام فيها ابي.. والحكـي ماعـاد يفيـد
حلّق اللحية, وعن ربعه اقفـى وابتعـد
صار خاتم في يديها , ويفعل مـا تريـد
واصبحت تحكم بنا.. مثلما شيـخ البلـد
اسلبته المال والعقـل والـرآي السديـد
بالمقالب والحيل.. عيشتنا فـي نكـد !
طلّق ام عياله اللي لها سـاس ٍ جويـد
قال: طسي ياعجـوز المشاكـل والعقـد
من يذوق الكيك.. يرجع ايذوق العصيـد
وانتي العيشه معك.. مثلما حبل المسـد
هانت العشره عليه.. وعسى عمره مديد
باعنا بأبخس ثمن.. راح عنـا مانشـد
اعرف اني سبّة اللي حصل.. والله شهيد
جيت آكحل عين محروم.. واعماها الرمد
آثر بعض المر وسواس شيطان ٍ مريـد
يفسد الاخلاق.. ويصيّع الوالد ..(ولـد)