لعيون حصة يهون ويرخص الغالي .. تامر وتنهى وانا اكبر همي ارضاها

[kigf]

السلام عليكم ورحمة الله وبركاته



قصيدة متواضعة في بنتي حصة واتمنى تعجبكم


http://alajman.net/up/uploads/1a620c300a.jpg (http://alajman.net/up/)



لعيون حصة يهون ويرخص الغالي=تامر وتنهى وانا اكبر همي ارضاها
لو تطلب الروح بعطيها ولا ابالي=تستاهل ومابقى من عمري يفداها
فيها القصايد وفيها لحون موالي=وفيها بحور الشعر تزها بطرياها
إلا ضحكت تضحك الدنيا وتحلالي=وإلا زعلت تلت عروقي من اقصاها
الله عطاها جمال بمستوى عالي=سبحان ربي وهبها الزين محلاها
العين عين اشقر ٍ والرمش قتالي=وجمر الغضى ذاب في بارد ثناياها
والليل ارخى على خديها الاسدالي=ويوم التوا شعشعت ضيان ملقاها
مامثلها في البشر من اول وتالي=كلن يبــي قربهـــا وكلن تمنــاهـــا
امرددة فالنسب عم ٍ مع خالــــي=عجمان منـا ومنـا طـاب مجناها
بنت الاصايل كحيلة كيد عذالي=هيهات هيهات وين اللي تحداها
ليا بعد كل من يطري على بالي=يانبض قلبي ياطب الروح ودواها
يا بيش والله لو اهمومي اثقالي=في ذمتي اني ليا حظنتش انساها
يامنزل ٍ سورة التوبة والانفالي=يامنشي امزونها يامسيل ٍ ماها
احفظ عطاياك من عيون الانذالي=وبعينك اللي مهي بتنام ترعاهــا


وسلامتكم

[الـنايفه]

ليا بعد كل من يطري علـى بالـي
يانبض قلبي ياطب الروح ودواهـا


:):)




يامنزل ٍ سورة التوبـة والانفالـي
يامنشي امزونها يامسيـل ٍ ماهـا
احفظ عطاياك من عيون الانذالـي
وبعينك اللي مهي بتنـام ترعاهـا



آللهم آمين ..

صح لسآنك يآبومبآرك ..على آلقصيده ..وعسى ربي يخليك لهآ ولآيخليهآ منك ..

لآهنت لآهنت

تقبل مروري

آم خآلد

[تركي بن فـهد]

السلام عليكم ورحمة الله وبركاته

الله يخليك لها ولا تنحرم منك انشاءالله

وصح السانك ولاهنت على القصيدة الجزله

تقبل مروري

[محمد العزام]

صح لسانك يا ابو مبارك و الله لا يخليك منها و لا يخليها منك انشالله
و الله لا يهينك

[الجلمود]

صح السانك يابومبارك


الله يخليك لهاويخليها لك


ترها محجوره:)

[الاطخم]

السلام عليكم ورحمة الله وبركاته

صح لسانك ابو مبارك

كتبت فأبدعت

الله يخليها لك ويصلحها

[فيصل بن حجرف]

السلام عليكم ورحمة الله وبركاته

ابو مبارك صح لسانك على القصيده الرائعه

دائما مبدع في جميع المجالات

في التصميم مبدع وفي الشعر مبدع

عسى الله يحفظ حصه ويصلحها ان شاءالله ويخليك لها

[البليهي]

الله الله
:)


الله يحفظها لك ويبارك لك فيها



والله انها قصيده معبره ومحركه للمشاعر


:)



صح لسانك يبو مبارك



والله يخفظ غاليك ويبارك فيه

[(( سهيل ))]

صح السانك يابومبارك
الله لا يخليكم من بعض

[الباشا]

يا بيش والله لو اهمومـي اثقالـي
في ذمتي اني ليا حظنتش انساهـا


وافيه وصح السانك اخوي ابو مبارك
قصيدة رائعه

والله يعطيك العافيه

[صـــبـــــــــا]

امرددة فالنسب عـم ٍ مـع خالـي=عجمان منا ومنـا طـاب مجناهـا
بنت الاصايل كحيلة كيـد عذالـي=هيهات هيهات وين اللـي تحداهـا


قصيده رووووعه ماشاء الله
كلمات معبره وجميله
صــح لسانك اخوي ابو مبارك
وجعل ربي يخليها لك وتفرح فيها إنشالله
تقبل مروري ... أختك صــبــــــآ

[المهاجر007]

صح الله لسانك اخوي ابو مبارك الله لا يحرمك من حصه ولا يحرمها منك يارب
تقبل مروري اخوك المهاجر007

[وردة العجمـان]

يامنزل ٍ سورة التوبـة والانفالـي
يامنشي امزونها يامسيـل ٍ ماهـا
احفظ عطاياك من عيون الانذالـي
وبعينك اللي مهي بتنـام ترعاهـا

اللهم آميـــن


قصيدة رائــعة وجميلة

مبدعنا/ابو مبارك

صح السانك

والله يخليلك حصه وتفرحون فيها ان شاءالله

:)

تحيتيـ وتقديريـ

[ال محفوظ العجمي]

الله يحفظها لك .. تتربى بعزك

صح لسانك قصيدة رائعة

[kigf]

السلام عليكم ورحمة الله وبركاته

الله يخليك لها ولا تنحرم منك انشاءالله

وصح السانك ولاهنت على القصيدة الجزله

تقبل مروري

وعليكم السلام ورحمة الله وبركاته

الله يجزاك خير ويرحم والديك

وصح بدنك طال عمرك

شرفت ونورت يالحبيشي

[kigf]

صح لسانك يا ابو مبارك و الله لا يخليك منها و لا يخليها منك انشالله
و الله لا يهينك

صحت ابدانك يابن عزام

جزاك الله خير وجعل ربي يخلي لك غاليك

لاهنت على المرور الطيب

[الـ ـشـ ـقـ ـا ويـ ـه]

الله الله عليك يابومبارك ابدددددعت صح لسااااانك يااااااااجعل ربي يخليها لك بسم الله عليها وتستاهل حصوصه :)


تحياتي وتقديري

[ناصر بن فالح]

الله الله

صح لساانك يا ابو مبارك

وعسى الله يخليكم لبعض

[فهيد بن عصيدان]

يسلام يسلام

صح لسانك يبومبارك

والله يخليهالك :)

[ناصر البرغش]

الله الله


ياسلام ياسلام


ابو مبارك الله يخليها لك ولايحرمك منها ويطرح فيها البركه


صح لسانك ولاهنت


تحياتي وتقديري

[kigf]

صح السانك يابومبارك


الله يخليك لهاويخليها لك


ترها محجوره:)

صحت ابدانك يالجلمود

لنا الشرف طال عمرك

ولاهنت على المرور

[kigf]

:):)




آللهم آمين ..

صح لسآنك يآبومبآرك ..على آلقصيده ..وعسى ربي يخليك لهآ ولآيخليهآ منك ..

لآهنت لآهنت

تقبل مروري

آم خآلد[/color]

ياهلا ام خالد

آسف طوفت ردش بالغلط كنت احسب اني راد عليش

مشكورة على المرور وجزاش الله خير

ولاهنتي على المرور الجميل

[سعد بن سريّع]

انــا احتـــرم القصيــــد اللــي يحــــرك المشـــاعر
لا اخـفــي عليـــك اني تأثـــرت فالبيـــت اللي تقول فيـــه


يا بيــــش والله لو ان همـــومي ثقـــــالي = فـــي ذمـــتي ليـــا حظـنتـــش انــــي انســاها

الضنــــا غــــالي واكيــــد شعـــرت ذالحيـــن باحساس والديــك
الله يخليـــها لك ويســــتر عليـــها وتفـــرح فيـــها ..


دمت في حفظ الله ورعايته

الغناوي

[احمد بن جوفآن]

إلا ضحكت تضحك الدنيا وتحلالـي
وإلا زعلت تلت عروقي من اقصاها

..

صح لسانك يا بو مبارك .. والله يخليها لأهلها ويحفضها من عيون الناس ..

[الــحـشـاشـــه]

صـــــــح لـــــــسانــك يا ابــو مــــــبارك


ابـــــيات فــــي قــمة الــــــــــروعه


الله يحـــــفظ حـصه ويســـــــتر عليهـااا


بإنتـــظار جــــديدك


تـــــــقــبــل تـــــحـيـاتـــــــي :)

[فــلاح]

جعـل الله يحفظهــا لك ويصلحهـا ,

واتربـى في عـزك , آميـــن ..

قصيـده رائعه واحساس صادق

صـح ألسـانك مدد وبلا عدد

ولاهنــت يابومبــارك


تقبل مروري
طويــــق :)

[سهيل]

صح لسانك يابومبارك ابداااااااااااااااااع


قصيده روووووووووعه وكلماتها معبره


الله يخليك لها ويخيليها لك

[dont play with me]

سلاااااااااااام


صح السانك .. صح السانك


الله يخليك لها ومن عز في عز :)


تقبل مروري

[مشعل بن مبارك]

صح السانك ولاهنت

[(هاوي قصيد)]

ابو مبارك ,,,

ارحب ارحب , صح الله لسانك على هذه الفاتنه ولاهنت

والله يخليهالك وتربى في عزك على طاعة الرحمن

اخوك \ الهاجري

[المـــرقاب]

صح السانك يابو مبارك ولاهنت على ماابدعت


عسى الله يحفظها ويبارك فيها

[المـــرقاب]

صح السانك يابو مبارك ولاهنت على ماابدعت


عسى الله يحفظها ويبارك فيها




المـــــــــــــرقاب

[الجوود]

تستاهل حصة كل القصيد
صح السانك يا بومبارك على ذي القصيدة
عسى ربي يحميها ويحرسها لعيون مغليها

[شرس]

السلام عليكم ورحمة الله وبركاته


المصمم والشاعر ابو مبارك


صح السانك الى ماله حدود

والله يخليها لك

[sfaren77]

صح لسانك ابو مبارك و الله يحفظها و يخليها لوالديها