نقرة طالب ((( في الجوف))

[خالد ابومحمد]

في علاة بقيق في جوف بني هاجر والمسماه الان نقرة طالب وسببها ( تقابلو ركب من بني هاجر مع ركب من ال مرة )

ومن كبار ال مرة طالب بن شريم واخوه لاهوم بن شريم

وواحد من غرامة ال شريم ومن ربعهم القريبين ينقال له ابن جيبور

ومعهم شلقة رجاجيل من ال مرة

المهم ذبح طالب بن شريم وذبح بن جيبور ومعهم ناس من ربعهم
وطق لاهوم بن شريم واللي معه


فقال الشاعر:

طالب ياناشدن منه.......................عندنا ماهوب في اصلاحي
خيلنا في الحزم ياطنه.................... ماغترهم يوم هو طاحي
يوم لاهوم شرد منه ...................... تاجرن بالروح شحاحي
يالعذارى ياللي ترجنه .................... بدلن الضحك بصياحي

[راكان اليامي]

هلا ياخالد محمد

انت متاكد من ذي السالفه؟؟;)

[خالد ابومحمد]

نعم متأكد وانشد منها واسئل عن نقرة طالب في جوف بني هاجر ترى معروفه بهذا الاسم الى الان

[سعود المري]

الله يهديك يا خالد

طالب ماتوفى الى في اوائل السبعينيات :)

تبي تقول لي ان في السبعينيات غزو ومغزى !!!

[خالد ابومحمد]

:Dيالمري الله يهديك طالب ابن شريم معروف ومخبور الي ذبحوه بني هاجر ونقرته موجوده واما طالب الي في السبعينات توفى الله يسكنه الجنه مانعرفه من اعيال لاهوم ابن شريم:cool:

[سعود المري]

الله يصلحك ياخالد

هذا كانه موضوعك الاول الي جبت فيه ابن عفيشه وواحد عجمي طلع العجمي مولود عقب مامات ابن عفيشه:D

الا بانشدك روضة الفرس ليه سموها روضة الفرس والا جبل سلمى

يارجال جاك العلم طالب مامات الى تالي في عهد الملك فيصل او الملك سعود

وشيبانك الله يهديهم يسولفون عليكم ويقولون ماخلوا احد الا اذبحوه :)

[الأدوح]

مسيكم بالخير هذي قصيدت الحايف يوم البرنس وهي ال مره وال شامر وال ضاعن وكسرت بني هاجر فيها...........

راكب اللي تنهد الكور وتشله == دارب مافوقها كون هولاني

لا لفيت خميس شيخنا قله == البشير يطرشه صوب ضيداني

خبره باللي جرى عقبهم كله == وامدح اللي يجعل الروح نيشاني

اقبلوا سبيع ومطير بالسله ==من كتب له حفرة جالها عاني

العوازم جاوا لاجاتهم هله ==كل هتل موقفه يتبع الضاني

والهواجر جمعهم ما نوى الذله ==لين شافوا صادق الموت عزراني

جمعنا بجموعهم جنب الحله ==في نحانا طايح كل ديقاني

يوم ذيب مصلخ جاه رزق له ==والسلف رده على ذيب كنزاني

[خالد ابومحمد]

والهواجر جمعهم ما نوى الذلـه
=لين شافوا صادق الموت عزراني الله لا يهينك يا الادوح المبرنس اللي ذبحتونا فيها يا ال مره ما فيها الا جمعين من بني هاجر و50 جمع من القبايل الاخرى والكثلره تغلب الشجاعه وما صمل فيهم الا بني هاجر واذبحو فيها محمد بن شريم واللي ذبحه الفارس عايض بن حملا ال زايد الهاجري والقصيده موجوده وراح انزلها ولاهي من نسج الخيال والمره كفو وافين والله اني صادق ولكن هذا تاريخ ولازم انه يذكر تحياتي خالد

[خالد ابومحمد]

هو عايض ابن راشد ال حملا وهو من ذبح ابن شريم في هية المبرنس
وابن شريم ادفنوه ربعه شمالن من اللدام والمكان اللي مدفون فيه ابن شريم
هقوتي اسمه نقرة طالب
وقد قال ابن حملا في قصيدة من قصايده عن ابن شريم :
ضربت شيخ القوم لين هو طايح
من بندقي مافكته الاطباب
شهودي الظفران منا ومنهم
نطحتها الظفران دون الاجناب
رديتها غصبن على غير ودها
يوم القهر كنه رعود سحاب
يوم المثاري يفضخ القلب صوته
عيبن على اللي في الحكى كذاب
رديتها يوم الذليل مدبر
والنفس عند الضامن الكتاب
الله صفط لي ثوب شاشن ابيض
وانا احمد الله يوم حظي طاب
فلامنه قام اللي يسوي دلته
جاني بها لاشلها الصباب
فنجالها الاول يصبه عندي
والنذل حقه منها السراب
حق الردي منها سريب حثالها
جعل يفدى فنجالها الاراب :cool:

[سعود المري]

اقول يابو محمد

انا ماقلت لك انك قمت تقط خيط وخيط

اول مابه قلت انه اسمه طالب

ثم عقب قلت ان اسمه محمد ابن شريم

وفي الاوله قلت انهم تواجهوا وطق لاهوم

ثم عقب قلت لا هم تواجهوا في المبرنس

وتقول انكم قله في المبرنس وانتوا في المبرنس معكم العوازم ومطير وسبيع ومع ذالك انكسرتوا كلكم

اتمنى منك اخي خالد انك تركز في كلامك

وبعدين زياده لمعلوماتك لاهوم هو الي شارك في المبرنس ولاحد ذبح من ال شريم اما الي اذبح ذالك اليومهو عقيد بني هاجر ابن نايفه الشهواني

تحياتي

[خالد ابومحمد]

لا تخلط الاوراق يمكن انزلة بالغلط بس اقولك يا اخ سعود المري الشيخ طالب ابن شريم ذبح على يد ابن سمير الكلبه الهاجري في الجوف وكان معه لاهوم ابن شريم هذه عقب البرنس والي انذبح في البرنس هو محمد ابن شريم على يد عايض بن حملا ال زايد ولاهوم ذاك الوقت على قيد الحياه ولكنه شرد عندما تواجهو مع بني هاجر في الجوف وخلى طالب وسميت مكان الوقعه بنقرة طالب الى وقتنا الحالي تحياتي اخوك خالد

[سعود المري]

اقتباس من خالد ابو محمد

هو عايض ابن راشد ال حملا وهو من ذبح ابن شريم في هية المبرنس
وابن شريم ادفنوه ربعه شمالن من اللدام والمكان اللي مدفون فيه ابن شريم
هقوتي اسمه نقرة طالب

وهذا ايش هو ؟؟

تقول انكم ذبحتوا ابن شريم في المبرنس الي اذبحتوا فيها وان المكان الي دفنتوا فيه ابن شريم نقرة طالب وبعدين تجي تنكر ذا الكلام وتقول انكم ذبجتوه عقب المبرنس

وتقول


والمكان اللي مدفون فيه ابن شريم
هقوتي اسمه نقرة طالب

بما انك مانت بمتاكد وراك تجي هنا وتفشل عمرك


تحياتي

[خالد ابومحمد]

قلنالك يا اخ سعود جات بالغلط ولاتمسك على الغلط المطبعي الوكاد هذا للتاريخ ولا ينقص من قبيلة ال مره المهم واذا منت بمصدق انشد كبار السن من ال مره :)وحنا لم ننكر سالفة المبرنس لانها ليست علينا ولكن على قبايل مجتمعه ومن ضمنها(2) جمعين من قبيلة بني هاجر تحيت قيادة العقيد مبارك بن نايفه ال شهوان للكسب ولم يصمد من القبايل الا بني هاجر وانكسرو بني هاجر بعد قتل الشيخ محمدابن شريم وسوف اذكر لك قصيدة واحد من ال مره يرثي محمد بن شريم بعد مقتله في هية المبرنس تحياتي خالد محمد:cool:

[سعود المري]

اخي خالد ابو محمد

هذي جات بالغلط والي قبلها بعد جات بالغلط وبنشوف متى يتوقف سلسة الاخطاء

ثانيا اخي خالد ياليت لو تاتي لي بقصيدة رثاء محمد ابن شريم

ثالثا المبرنس كانت عليكم وعلى غيركم ولانتوا بشوي في المبرنس اخي خالد

واخيرا المبرنس وغيرها لاتنقص من قدر بني هاجر ولاغيرهم من القبايل فكل قبيله لها حقها من المجد

تحياتي

[خالد ابومحمد]

هذه القصيده قالها الشاعر/ حمد بن لقرع ال زايد

في جوف بني هاجر وساكنيها من بني عمه





الله من قلب وليه علـي الجـوف
محبتـه بيـن الضلـوع يحملهـا

ديره بني عم لها الاسـم معـروف
تاريخها الماضـي يجـدد سملهـا

دار بها الخـوف يأمـن الخـوف
لو المصايب فـوق متنـه نقلهـا

يصبح طريده بالتكاليـف مكلـوف
ويخلي العوجـا ويركـب سهلهـا

وبالعصر الاول يوم حايف ومحيوف
في دفرها يصبـح سليـم هملهـا

ترعي بشيخان وسلفان وسيـوف
هواجـر تـذري ويـدرى زعلهـا

ولشوشو بين العرب كل ملقـوف
وناس تحكم شرهـا مـن جهلهـا

(((((رمايه لشيـخ وجنـوده ا تشـوف
باسمه تسمي النقره اللـي نزلهـا )))))

كم فارس تصفق له البيض بكفوف
راحت به الضبعه الي اقصي دحلها

وصلاه ربي عد ماهـل شفشـوف
علـي نبـي سنـه الله فعلـهـا

[**عافكـ الخاطر**]

السلام عليكم ورحمة الله وبركاته

معرفه هذه السالفه وبين الهواجر وال مره
طالب ماتوفى الى في اوائل السبعينيات