لا تخاف من الزمــــــــــان ..!

[عزوف]

:
:
:
قيلوله محترمه امتدت للساعه 6 المغـــــرب <حشا مو قيلوله

شــــور منعش

" تفكيـــــر عميق " شنو اشرب علشان يكتمل الانتعاش ويتعدل المزاج" ..< راهيه


واذا بصوت اصاله " لاتخاف من الزمان الزمن ماله أمان خف من اللي كل أمانك في يديه وتامنه""

ألــــــو هلا ..

قعدتي انزلي وديني الفحيحيل ..<< مرسوم اميري

فحيحيل بهالغبار وعقب هالشور المحترم لا بالله اعتفس المزاج..!!<< طبعا في قلبي هالحجي


خيـــــر ان شاء الله ..دقايق وأنزل ..

من زود الزعل والتحلطّم

((سيده من فوق لباب الشارع للسياره ))

ألو انا برا بالسياره

انتي بالسياره وانا أدورج << حشا مو بنت صخلــــــه ضايعه :)

دعاء الركوب

واشغل المارينا اف م !

شهالتناقض العجيب (( مو موضوعنا )) ..

المهم

أحلى مشوار.. على قلبي عسل.. مشوار للمنطقه العاشره !

الطريج طويل وهادي فرصه حلوه للاختلاء بالنفس واطلاق العنان للتفكير .. بس على شرط اللي معاك يكونون طرمان أو تفرض عليهم حظركلام بحركه بسيطه جنك تقول " انجعموا" شغل الراديو واندمج معاه ..

ياربي من يطلع بهالغبار شاللي حادنا ألحيـــــــن اكيد الفحيحيل فاضيه الله يستر عمليات الخطف كثرانه !< هالبنت جبانه وتفكيرها بوليسي الله يسلم mbc action


الملك فهد خط سريع بس عجيب مدري ليش أحبه ؟!
الشارع طبعا

هدوء ومحمد عبده جا بوقته يغني مدري شيقول خبري فيه قال شوق مدري اشتاق وعقبها ودعت وصرت في حالة غيبوبه واستمتاع مو طبيعيي والا ذاك الصوت يشق سكون الليل وهدوءه الجميل

والا ذيج الزفه المحترمه من الغاليه ...

((أقول حطيلنا سوالف(ن) زينه والا حديث ابـــــرك من هالاغاني ))

طيب طيب من وين اجيب السوالف أقول خلينا نسلم على المقبره وانسكر الراديو بالمره ...

محافظة الاحمدي ترحب بكم < الله يرحب بك أكثـــــر وياكثر غلا من سكن فيج ... شالسالفه!
الساعه 8 شهالزحمه شنو محد قعد ابيتهم والله منتي هينه يالفحيحيل !

قمت اتشيحط جدام الغاليه وادخلها دواعيس الفحيحيل (طرق مختصره ) << طبعا خبره !

كل الطرق مغلقه وزحمة ليلة العيد..!
بالموت وصلنا الموقع المطلوب
انزلت الغاليه

"شوفيلج مصفط وتعالي يمكني اخلص شغلي وانتي مالقيتي مصفط" طبعا شيخ باشا ما يقصر <سايقنا القديم !


شفت ذاك الرصيف الحلو اللي يشوّق وزني الشيطان وقال مالج الا هالرصيف والا اشحقه شاريه جيب ! < متعقده من هالسالفه وببيعه ..

توني اتلفّت واشوف الوضع والاذيج السياره مصكوكه بكابح محترم اهني تعوذت من الشيطان وفريت الدنيا علشان ألقى لي مصفط قريب وصفطت على بعد 20 م !< يالله العوض ولا القطيعه ..

يا ألله غبار ومشوار محترم وعليه العوض بالشور ..
دخلت المجمع وأول مره بحياتي اكتشف اني خبله طبعا انا ادري اني خبله بس مو لهالدرجه !

شايب عليه بشت قاعد عالارض ولما قربت شفتها يمه عجوز ولا بسه برقع

شفت شي ثاني شفت الانكسار شفت الغربال والله وصدقتي يا أصاله !

كنت احسبهم ناطرين احد ؟ مضطره امر منهم واصعد الدرج !

تعالي يا بنيه!

بس اهنيه اخنقتني العبره وقلت عسا ربــــــي يخليني للي معنيتني بهالجو من المنطقه الرابعه لحد الفحيحيل وعسا ربي يخليها لي

وعسا عيالي يبرون فيني مثل بري بوالديني

"" قولوا آميــــــــــــــن"


لاتخاف من الزمان الزمن ماله أمان ..
خف من اللي كل أمانك في يديه وتامنه..
لو حبيبك ما وفالك لو حبيبك فيك خان ..
ايش ترجي من زمانك النتيجه باينـــه..
!!!

اتهقون فيه ســـــــر بين نغمة موبايلي واللي شفته وكدرني ...

أسئله تحتاج الى اجابات انتظـــــــرها منكم ..

ليــــــش جذي ؟

وشالحل ؟



http://maaaa.jeeran.com/3zof.gif

[غـزلان]

قصـــــة تلخبطت مع نهايتها


لـــــــي عودة

[‏وَتـے ـيــنْ]

حلو
بس ما فهمت شي من النهايه !!

[حلا العجمان]

والله عجزت وانا احاول افهم بس ما قدرت افهم اي حاجه من الأخير ؟؟

[v.i.p]

من الاخير الاخت الى الان نايمه وتحلم صح النوووووووووووووووووووووووم يمدحون تركش كفي لووووووووووووووووووووول .

[ريــــــانـه العــــود]

عزووووووفه




بصراحه كتابتك للموضوع بطريقه روووووعه

مرة اعجبتني :)

بس مااقول الا الله يرحمنا برحمته والله يخلي لنا والدينا ووالديكم

سجلي اعجابي يالغالييييييه بموضوعك الراااائع :)

[شمس الأصيل]

جد عندك اسلوب رائع في الوصف

عشت جو وكانو معاكم في السياره

<<< قاطه
خخخخخخخخخخخخ

يعطيك العافيه

شموسه

[الطيب الغالي]

ماقول الا

يخليلج الغاليه ويبرون فيج عيالج وماتكونين بالموقف انشالله


والله لايجيب اليوم اللي تعرفين السر اللي بين النغمه الوقع اللي شفتيه وعور قلوبنا


لاتخاف من الزمان الزمن ماله أمان ..
خف من اللي كل أمانك في يديه وتامنه..
لو حبيبك ما وفالك لو حبيبك فيك خان ..
ايش ترجي من زمانك النتيجه باينـــه..


تقبلي مروري يالطيبه

اسلوبج ماينمل منه ومر الموضوع بسرعة البرق هذي اول مره
ما أتملل من القراءة بالمنتدى





سلمي علي شيخ باشا :)


الطيب الغالي

[الظبيانيه7]

والله يالشيخه موضوعج وايد حلووووووووو جد خلص ومامليت منه لانه اسلوبج ممتع

[صديق الملك]

البر بالوالدين نعمة يمنّ الله بها على عباده الصالحين

ويُقال ... صلاح الآباء يُدرِكه الأبناء

هو دين لابــد من الوفاء به .. البر بالوالدين

فمن كانت أياديه بيضاء مع والديه كانت أيادي أبناءه بيضاء معه حين الكِبر

والعكس صحيح



الإسم الأجمل

عزوف

موضوع جديد في كل شيء

إبداع غير مسبوق من قلمكِ أتمنى يستمر

أخيكِ .

[عجميه مردده]

اسلوووووووبك روووووووووووووعه

يسلمووووووووووووووووووووووو

[عزوف]

الغاليـــــــــــــــه

" غـــــــــــــزيل "

بانتظار عودتك ,,,

تقبلي تحياتي ...

[عزوف]

حلو
بس ما فهمت شي من النهايه !!



حـلــــــــــــــــو لانه غير مباشر ...

والموضوع كلـــــــــــــه كوم والنهايه كوم ثاني أقدر أقول انها أهم ما في الموضوع


غاليتي اسعدني مرورج كثيرا واللي اسعدني بعد هذه الاضافه ,,,

[عزوف]

والله عجزت وانا احاول افهم بس ما قدرت افهم اي حاجه من الأخير ؟؟



حلا العجمـــــــــــان

فيه شي اسمه السهل الممتنع !

احب هالاسلوب لانه غير مباشر ويميل لتوصيل الافكار بطريقه روائيه ...

اعتقد بعد ردود الاخوان والاخوات اللي بعدج اتضحت الرؤيه ..

اسعدني كثيرا مرورك وردج ياغلاي

[دااانة البحرين]

السلام عليكم ورحمة الله وبركاته


((عزوووووووووف))


عن جــد عن جــد عن جــد
أسلووووووووب أكثر من رااااااائع
سجلي أعجابي بشخصيتج :)


والله يخليلج الوالده ويطول بعمرها يارب


بس ممكن تقولي لما نادوج وقالوا تعالي يابنيه شنو كانوا يبون ؟ >>> فضول بعيد الشر عنج :o


رجوعي للموضوع يتوقف على هذه الاجابه
:)


ويعطيج العافيه ولاهنتي يالغااااااااااليه


تقبلي مروري اختج دااانة البحرين

[عزوف]

من الاخير الاخت الى الان نايمه وتحلم صح النوووووووووووووووووووووووم يمدحون تركش كفي لووووووووووووووووووووول .


:)

VIP

هلابـــــــــــــــــك

وللاسف ما اشرب منبهات :D << شوف ضروسي تلق لق


بصراحــــــــــــــــــه انا سعيده حيل لردود الجميع لانهم حصلوا غموض بالموضوع لكن لم يمنعهم من تسجيل مرورهم ...

شكرا للجميع ...

[سهوم بقعهـ]

"عـــــــزوف" يا لها من قيلولة تلك التي امتدت لـ 6 مساءاً .. واتصال الحجيه جاآ بوقته ليصحيشّ من الـ(غيبوبة) :p

.. جو مغبر /و/ موقف أغبر .. الله يعين بس :o .. ياما وياما شفنآ من هالمواقف اللي تقطع القلبّ .. ناس حدتهم الظروف والعازه وعقوق عيالهم على انهم يتذللون لكل من هبّ ودبّ .. < يالله دخيلك من ردىْ النصيب ..

موقف/> حدثّ لوحده من الوحدات :) (الاخت مكيف) < مو وقتّ غشمره بالمره :D
هذي الله يسلمشّ ويسلمّ الاعضاء فتاة قدّ ظهرت على ملامحها علامات الخير والنعمه .. والله معطيها من فضله .. البنت (سمينـــــــــه) :) .. ذهبتّ للمنطقة العاشره وفـ/]ي مهمة شبة مستحيله الجو لم يكن مغبر بل كان لاهوبٍٍ يصلخ الجلد ..

The butter < الزبده :rolleyes:
انها دخلت احد المجمعات واذا بطفل عند البوابه واخوه الصغير ممّدد ع الارض وامامه ميزان .. وكان قد ظهر عليهم ملامح الفقر والجوع والحاجه .. أشر لها ع الميزان يعني شوفيّ وزنشّ .. وادفعيّ .. قربتّ منه وقالت: وديّ اساعدك بس أخاف اوقف ع الميزان واقطع رزقك :) .. The End


* المره الجايه خليّ جوالشّ ع الصامت .. هروباًً من عوار الرآس والجو المغبرّ

والا حطيّ هـ النغمة أحلى ..( ;) )

نكتشفّ مُر الحقيقة بعد ما يفوت الأوان
قلت لك لا تندفع له قلت حبي صاينه
وينه! اللي صان حبٍٍ ما اشوفه يوم بان
قلبك اللي هو قلبك لا تحسبك تضمنه

[عزوف]

عزووووووفه




بصراحه كتابتك للموضوع بطريقه روووووعه

مرة اعجبتني :)

بس مااقول الا الله يرحمنا برحمته والله يخلي لنا والدينا ووالديكم

سجلي اعجابي يالغالييييييه بموضوعك الراااائع :)

الغاليــــــــــــه

ريانة العود

سعيده جدا ان هناك من يفهمني وبكل بساطه لاني بدأت اصاب بالاحباط ,,,

حسيت اني غريبه :)


بس مااقول الا الله يرحمنا برحمته والله يخلي لنا والدينا ووالديكم


اللهــــــــــــم آميــــــــــن

اعجابج وصل ياغلاي

شكرا على كل شي حبوبه

[عزوف]

جد عندك اسلوب رائع في الوصف

عشت جو وكانو معاكم في السياره

<<< قاطه
خخخخخخخخخخخخ

يعطيك العافيه

شموسه



وهـــــــــذا هو المطلوب :)


شمس الاصيل

اسعدني مرورج وشاكره لج الرد يا غلاي

[عزوف]

ماقول الا

يخليلج الغاليه ويبرون فيج عيالج وماتكونين بالموقف انشالله


والله لايجيب اليوم اللي تعرفين السر اللي بين النغمه الوقع اللي شفتيه وعور قلوبنا


لاتخاف من الزمان الزمن ماله أمان ..
خف من اللي كل أمانك في يديه وتامنه..
لو حبيبك ما وفالك لو حبيبك فيك خان ..
ايش ترجي من زمانك النتيجه باينـــه..


تقبلي مروري يالطيبه

اسلوبج ماينمل منه ومر الموضوع بسرعة البرق هذي اول مره
ما أتملل من القراءة بالمنتدى





سلمي علي شيخ باشا :)


الطيب الغالي













شيخ باشا يقول : عساك سالم من كل شــــــــــــــر :)


واختــــــــــك عزوف تقول : عسا لك من دعوتك لي نصيــــــــــــــــب ان شاء الله

الطيب الغالي

اللي ما ينمــــــــــــــــــــل منه هو مروركم وردودكم اعزائــــــــــــــــي

شاكره لك الرد الرائع والمرور الأروع ,,

[عزوف]

والله يالشيخه موضوعج وايد حلووووووووو جد خلص ومامليت منه لانه اسلوبج ممتع


الحلــــــــــــــو يا غلاي مرورج

والممتع هو قراءة مثل هالردود الرائعه ,,,

الظبيانيه

شكرا سعدت كثيرا بحضورج

[غـزلان]

أول شي


سأبتدي مدحــــــا


باسلوبك الشيق .. بتفاصيله الجميلة


وكأني كنت معك بالسيـــــارة على طريق الفحيحيل والاف ام والغبار مع الزحمة


والى المجمع ... ولهفة التسوق


والمنـــاظر التي تختلف ولا تجتمع الا في كونها صادرة عن البشــــر


حتى كدر خاطرك الشايب والعجـــــوز


في تلميــح منك الى كونهمــا يفتقدان الى توجيه من الابناء .. وأركز على التوجيـــــه


فكم سنين وجهونا


حتى أصبحنا نوجه اخرين .. ثم عجبـــــــا نلتفت لغيـرهم ونتركهم للسؤال والتخبط بين الوحدة


ووهن المرض .. والم الكبــــــر و... !!


عـــــزوف



يسعد مساك


قلـــم جميــــل ... وأسلوب هادف


سلمت أناملك على هالموضوع الرائع


تدهشني مواضيعك


تحياتي


دُمت بخيـــــــر

[الباشا]

الأخت القديرة
عزوف

كتبتي وابدعتي نحو ما صادفك من منظر يحزن له القلب
في هذا العصر الذي نشاهد فيه اغرب الأمور تحدث وكأنها
تحدثت للصدفة ..

نسأل الله أن يجعلنا من البراين بوالدينا

موضوع قيم وهادف فيه الكثير من العبر
سملت يداك على ما كتبتي

[الجلمود]

والله انش قلبتي مخي



مشكوره اختي الفاضله الله يسامحش

[عجميه&كووول]

اختي الغالــــيه،،
عزوف

بصراحه الاسلوب روووعه
وبنفس الوقت غير مباشر

وعسى الله ان يبارك لك في أبنائك
ويجعلهم قرة اعين لك،،

ارق التـحــــاآآيــــاآآ..
اختش،، عجميه&كووول

[عزوف]

صديق الجميـــــــــــــــــــع

من زرع خيــــــــــــــــر بكـــــــــل تأكيد يحصد خير,,,

"عسانا ممن يزرعون ويحصدون الخير وما يكون نصيبنا الافـــــــــــــــــلاس !"

أخــــــــــــي الكريم ,,,

مرور جميــــــــــــــــــــــــــل كالعاده


سيستمـــــــــــــــــــــــر ان شاء الله لأنــــــــــــــي لقيتها ! ,,,انتظـــــــــــــــــــــــــر المزيد ...

شكـــــــــــــــــــرا

[عزوف]

اسلوووووووبك روووووووووووووعه

يسلمووووووووووووووووووووووو


عجميه مردده

الاروع مرورج غاليتي لاتحرمين مواضيعي منه

[عزوف]

السلام عليكم ورحمة الله وبركاته


((عزوووووووووف))


عن جــد عن جــد عن جــد
أسلووووووووب أكثر من رااااااائع
سجلي أعجابي بشخصيتج :)


والله يخليلج الوالده ويطول بعمرها يارب


بس ممكن تقولي لما نادوج وقالوا تعالي يابنيه شنو كانوا يبون ؟ >>> فضول بعيد الشر عنج :o


رجوعي للموضوع يتوقف على هذه الاجابه
:)


ويعطيج العافيه ولاهنتي يالغااااااااااليه


تقبلي مروري اختج دااانة البحرين

وعليكم السلام ورحمة الله وبركاته

دانــــــــــــــــه

عن جد عن جد عن جد مرورج هو الاروع :)

تسلميــــــــــــن على هالدعوه يا الغاليه وعسا لج منها نصيب ان شاء الله

والـلـــــــــــــــه يا دانـــــــــــــــه

للاسف كانوا يطــرون "يشحذون " :( انقهرت وبجيت وما وصلت للغاليه الا وانا قاضيه من البجــــــــــي ما قلتلكم خبلــــــــــــــــــــه !


بانتظار عودتك يا غلاي ,,, أقــــــــــول سلمي على فريد :p ,,,

[عزوف]

نكتشفّ مُر الحقيقة بعد ما يفوت الأوان
قلت لك لا تندفع له قلت حبي صاينه
وينه! اللي صان حبٍٍ ما اشوفه يوم بان
قلبك اللي هو قلبك لا تحسبك تضمنه


سهـــــــــــــــــــوم بقعه


استمتعت كثيرا وانا اقرأ ردك وما أبالغ اذا قلت قريته أكثــــــــــــر من 5 مرات

الدنيا من اسمها دٌنيا

الله يكفينا شرها ياغلاي

شكـــــــــــــــــرا على النغمه الجديده روووووعه

[عزوف]

أول شي


سأبتدي مدحــــــا


باسلوبك الشيق .. بتفاصيله الجميلة


وكأني كنت معك بالسيـــــارة على طريق الفحيحيل والاف ام والغبار مع الزحمة


والى المجمع ... ولهفة التسوق


والمنـــاظر التي تختلف ولا تجتمع الا في كونها صادرة عن البشــــر


حتى كدر خاطرك الشايب والعجـــــوز


في تلميــح منك الى كونهمــا يفتقدان الى توجيه من الابناء .. وأركز على التوجيـــــه


فكم سنين وجهونا


حتى أصبحنا نوجه اخرين .. ثم عجبـــــــا نلتفت لغيـرهم ونتركهم للسؤال والتخبط بين الوحدة


ووهن المرض .. والم الكبــــــر و... !!


عـــــزوف





يسعد مساك


قلـــم جميــــل ... وأسلوب هادف


سلمت أناملك على هالموضوع الرائع


تدهشني مواضيعك


تحياتي


دُمت بخيـــــــر


غـــــــــــــــــزيل

يسعدلي مســــــــــاج وكل الاوقات والله ياغلاي ,,,,


الله يكفينــــــــــــا شر هالدنيا وبلاويهــــــــــــــا

العقوق مصيبه لكــــــــــــــــــن حينما توصل لدرجة افتراش الارض والتسول مصيبه مصيبه مصيبه ,,,

انا ادري ان العقوق لا يعرف أصول ولا مذاهب لكـــــــــــــــن بدو وبمنطقة بدو وبديـــــــــــرة خير ,,جد ما عاد فيه خيــــــــــــر (( ما حب التشاؤم لكن ليش جذي ))

سعيده بالردود وبحضور الجميع

لكـــــــــــــــــــن

وجــــــــــــــــــودج زاده حلاااااااا


غـــــــــــــــزيل

الخيــــــــــــــــــــــر بوجهج حبوبه ,,,

[عزوف]

الأخت القديرة
عزوف

كتبتي وابدعتي نحو ما صادفك من منظر يحزن له القلب
في هذا العصر الذي نشاهد فيه اغرب الأمور تحدث وكأنها
تحدثت للصدفة ..

نسأل الله أن يجعلنا من البراين بوالدينا

موضوع قيم وهادف فيه الكثير من العبر
سملت يداك على ما كتبتي



البـــــــــــــــاشا

شهاده اعتـــــــــــز فيها من اخ عزيز


سعيده جدا بحضورك وسعدت اكثر بحروفك

شكرا

[جرحــ ..الورد..]

صراااحه جذبتني طريقة كتابتش للموووضووع عن جد وااااااااو
المووهييم وش سالفة الشيبااان ليكووون يطروون يا قلبييييييييى :(
الحل يا اوخيتي تلحقين امش اكيد هي المتصله ..:p

[عزوف]

والله انش قلبتي مخي



مشكوره اختي الفاضله الله يسامحش


اللـــــــــــه يسامح الجميع :)

الجلمــــــــــــــود

اسعدني مرورك وشاكره لك الرد

[عزوف]

اختي الغالــــيه،،
عزوف

بصراحه الاسلوب روووعه
وبنفس الوقت غير مباشر

وعسى الله ان يبارك لك في أبنائك
ويجعلهم قرة اعين لك،،

ارق التـحــــاآآيــــاآآ..
اختش،، عجميه&كووول


عجميــــــــــه كول

مرور ورد حده كـــــــــــــــول

شكرا على الدعوه اتمنى ان الله يرزق الجميع يا غلاي

[عزوف]

صراااحه جذبتني طريقة كتابتش للموووضووع عن جد وااااااااو
المووهييم وش سالفة الشيبااان ليكووون يطروون يا قلبييييييييى :(
الحل يا اوخيتي تلحقين امش اكيد هي المتصله ..:p


جرحـ الورد << الورد يجرح !! مووومهييييم :)

الله يبارك بهالطريقه اللي خلتني اتشرف بحضورج ياغلاي

للاسف نعـــــــــــــــــم


اكيـــــــــــــد بلحق امي بلحــــــــــــق نفسي معها !!! << اتهقين يمديني !!


جرحــ الورد

لاتحرمين صفحاتي من تواجدك الجميل بليـــــــــــــــــــــــز

[دااانة البحرين]

وعليكم السلام ورحمة الله وبركاته

دانــــــــــــــــه

عن جد عن جد عن جد مرورج هو الاروع :)

تسلميــــــــــــن على هالدعوه يا الغاليه وعسا لج منها نصيب ان شاء الله

والـلـــــــــــــــه يا دانـــــــــــــــه

للاسف كانوا يطــرون "يشحذون " :( انقهرت وبجيت وما وصلت للغاليه الا وانا قاضيه من البجــــــــــي ما قلتلكم خبلــــــــــــــــــــه !


بانتظار عودتك يا غلاي ,,, أقــــــــــول سلمي على فريد :p ,,,


السلام عليهم
:)




((عــزووووووووووووووف))

ياعمري عليها الحساسه
:o


عاد تصدقين ما قاموا يأثرون فيني هالأشكال
من كثر ماشفت وأنصدمت قبل كنت حدي أتأثر وازعل >>> عاد ياشيني إذا اندمجت أنا :o

بعطيج نبذه من تاريخي بالبحرين مع الطراروه خو بره البحرين حدث ولاحرج



يختي شكلي أجذبهم مادري ليش
يحسسوني الشيخه سبيجه ماره عليهم >>> زوجة الملك :p

لو نكون مجموعه يوقفوني أنا :confused:

مواقف تصير وأنا اعطي : واحد يقولي حرام عليج يايبه ليش تعطينه الحين بيروح يسكر فيهم
واللي وأنا اعطيه يقوله اي روح أبني لك بيت ثاني :rolleyes::cool:

>> لاحظي كلمة بيت 2



عزوووووف بقولج عن اخر طرارين واجهتهم




بالسوق وكان زحمة العيد واحد ستايله اماراتي واااالله شكله شيييييييييخ
وراي من مكان لي مكان :mad: قلت والله اذا كلمني ناديت اخواني له
جان ادخل محل جان يدخل وراي :mad: وزحمه المحل

الا كلامه بحريني مكسر :confused:
يقولي انا فقير محتاج ويخربط ويخربط :eek: >>> طلع باكستاني
وأنا منحرجه اللي بالمحل الكل يشوفون فيني :( أقول بقلبي انت يالشييييخ طلعت طراااااااااااااااار :) الله ياخذك مايسوى علي كل هالمطاردات على دينارين :(






موقف اخر
نازله من السياره الا فلسطينيه وقفتني
اقول بقلبي يحليلهم الزلامات مضيعين يبوني ادليهم >>> على نيتها
الا عطتني اسطوانة انا فقيره ، محتاجه وتأشر على ولدها وتقول انها تربي يتيم

بعدها والله بيومييييين
بمجمع السيف وقفتني فلسطينيه ثانيه تشبها (اظن اختها) ونفس اليهال عندها ونفس الاسطوانه :cool:
ألتفت الا الثانيه واقفه بعيد :cool: ماتت فشيله لما شافتهم موقفيني



موقف اخر
عاد هذا قطع قلبي
كنت تدريب بمدرسه ابتدائيه
كل يوم بالفسحه كنت لازم اوزع على التلميذات المحتاجات 100 فلس
والله وأنا اعطيهم وأشوف نظرتهم مكسوره .. اقول بقلبي حسبي الله على اهلج اللي مخليج تمدين يدج على 100 فلس :(
كله ولا يوم اوزع عليهم معونة الشتاء ماقدرت اوقف والله تركتهم وطلعت عورني قلبي :(
والله كااااشخين مو محتاجين ... وأقول للمشرفات اللي معاي مو محتاجات شوفيهم ... تقول دام كاتبين أهلهم محتاجه بالاستماره لازم نعطيهم :(




والله على قد ماشفت منهم صرت استحقرهم
بصراحه انحاط نفسي ،،،، المحتاج مايمد يده الله ماكثر المؤسسات الخيريه والاعانات
الحين اذا اشوف احد قاعد بالأرض واعرفهم مو محتاجين
ودي انزل اقوله : يالشيبه يالعيبه استح على ويهك
تدري انك بتحشر يوم القيامه منزوع اللحم عن ويهك :cool:



عاد تخيليني نازله اقول جذي
:D :p

تعرفين لو ترجعين نفس المكان وتشوفينهم قاعدين بتستحقرينهم والله
لكن اذا كان صج عازه ليوم ومدوا يدهم ... الله يكون بعونهم ويرزقهم من عنده يارب

فريد يعذر عن الاطاله >> طقتها عليه :o

[عزوف]

يا

صبـــاح الأنوار

ويـــا

صبـــــاح الخير

والخيــــــر كله بوجهج ياغلاي


ما شاء الله سجلج حافـــــل :)

اقول الشيخه :p

انا معاج ان الكثير يستغل سذاجة وطيبة الكثير ويمتهن هذه المهنه !



انا مو حساسه أنا خبلــــه :D

ودمعتي بطرف رمشي


لكــــــن من النادر جدا عندنا بالكويت تحصلين بدو"" يطرون مو عن شي لكن عن جد نادرا

دايما يكونون من بلدان عربيه ماودي اذكرها


لكـــــن اللي خلاني أكتب هالموضوع وأثـــــر فيني أشكالهم

كانوا كبار بالعمر المره مبرقعه وشكل الزمن مذوقها المر مو بس الفقـــــر لا أعتقد الجحود أو غيره أشياء اخرى

والشايب كان كبير وعليه بشته وقاعد عالارض جد حاله كسيفه

والله من شفتهم وانا خايفـــــه ومتضايقه من شنو مادري :confused:

بــــــس هانت على اشياء كثيره كنت امر فيها وقلت

الحمــــــدلله والشكر

يسعدني تواجدك

وتسعدني أكثر عودتج

بجد الحوار معاج له طعم ثاني :)

سلمي على فريد وقولي له الموضوع وصاحبته من فداياك والله :p

[سعد بن سريّع]

/
/
:)

اسم صعب في عالم الكتابات
انا لا ابالغ ان قلت ان هناك حرفنة منك فالكتابه
دائما نجد او نقراهدف الكاتب يغطي الرقعه الكبيره من المقال
ولكن الجميل في هذه المعزوفه انه الهدف مر كالطيف الجميل ..

دمتي في حفظ الله ورعايته

الغناوي

[عزوف]

الغنـــــــاوي

مرورك أسعدنــــــي بشكل لا يمكنك تخيله

أما

عن الإشاده والمدح ,,

فشكــــــــرا لك

وأتمنى ان أكــــــــــون أستحقها ,,

دمت بمثلــــــــــــــه أخي الكريم

[ملكة الاحزان]

الله يعطيش العافيه ولاهنتي بس مافهمت شي راسي مصدع وانتي زودتي الطين بله
بس احلى شي القيلوله
تقبلي مروري

[روميـــو]

عازفه الكلمه




لقد كان اسلوبك مبدع با القصه جعلنى
وكانى اعيش فيها لحظه بالحظه من دون ملل والاجمل من القصه
هو النصيجه التى فى داخله والتى هى البر بالوالدين فقد
اوصا الله ورسوله (صلى الله عليه وسلم)با الوالدين احسانا
ومن لم يقطع والديه ولا يبرهما فسوف تدور عليه الدنيا
ويعرف انه كم تدين تدان


عازفه الكلمه


ان قطرت قلمك تجعل من هذا المنتدى
رقعه خضراء فى عالم الفكروالكلمه
وعزفك على اوتار الزمن
جعل الكلمه تتفجركم تتفجر
الانهار من الجبال

عازفه الكلمه

سجلى اسم فى صفحات
ابدعاتك انى من المعجبين
بلحن كلماتك وافكارك
التى هة نادره فى هذا الزمن

[راعية الونيت]

اسلوبج مشوق حدي اندمجت معااج جني معااكم بالسياره

المهم طرح الموضوع كان رائع باسلوب مشوق ويجذب القارئ في تسلسل بعدها يصدمنا يالموقف الشايب والعجوز الله يرحم حالهم ويصبرهم

الله يخليلج الوالده ويطول بعمرها ويعطيها الصحه والعافيه

الغاليه مشكوره يعطيج العافيه

دمتي بحفظ الرحمن

[عزوف]

الله يعطيش العافيه ولاهنتي بس مافهمت شي راسي مصدع وانتي زودتي الطين بله
بس احلى شي القيلوله
تقبلي مروري


الله يعافيـــــــــــــج يا غلاي


ملكة الاحـــــــــــــزان يبيلج فنجان قهوة وانتي تقرين مواضيعي والا بيفتر راسج مثل واحد من الجماعه :)


شرف كبيــــــــــــــر لي مرورج ياغلاي وعلى ما اعتقد انها المصافحه الاولى ...

شكرا ......

[عزوف]

روميــــــــــــــــــــــو



لـــــــــــي الشرف بمتابعتك لكتاباتي المتواضعه وشكرا لك على هذا الاطراء الجميل ...

وبــــــــــــر الوالدين كنــــــــــز عظيم نذخــــــــــــــره في شبابنا لمشيبنا عل وعسا ان يبروا بنا ابنائنـــــــــــا ويواجرنا ربي على هذا البر اللي ما فيه منه ولو حاولنا نوفيهم جزاهم ما حنا لاحقينه ...

[عزوف]

اسلوبج مشوق حدي اندمجت معااج جني معااكم بالسياره

المهم طرح الموضوع كان رائع باسلوب مشوق ويجذب القارئ في تسلسل بعدها يصدمنا يالموقف الشايب والعجوز الله يرحم حالهم ويصبرهم

الله يخليلج الوالده ويطول بعمرها ويعطيها الصحه والعافيه

الغاليه مشكوره يعطيج العافيه

دمتي بحفظ الرحمن


يا هـــــــــــــلا ومرحبا براعية الوانيت هذي الساعه المباركه

اسعدني مرورج ياغلاي وشاكره لج الرد وجزاج الله خير على هالدعوه الحلوه عسا لج منها نصيب ان شاء الله


لاتحرمين مواضيعي من هالطله الحلوه ..

[أبوفزاع]

السلام عليكم ورحمة الله وبركاته


القديرة المبدعة / عزوف

أسلوووب مدهش وروعة بكل ماتحويه هذه الكلمة من معاني

يجعلك كعادتك تتبوأين المنزلة الراقية في الطرح

فأنا اعتبره مفأجاة كبيرة بالنسبة لي

او لنقل (( عيدية )) من قلمك المبدع دائما

صحيح ان الموضوع قديم لكن لم اره الا هذه اللحظة

فجزى الله من رفعه كل خير

ليعيد لنا الامل من جديد بوجود المبدعين والمبدعات هنا

قرأت الموضوع فلم احرك ساكنا

اسارع نظراتي لانهل من كل كلمة منه

بسرعة وبتمهل مضاد

لايوقفني عن القراءة

الا قفشاتك وتعليقاتك العفوية الرائعة في عفويتها

قرأته مرة واعدتها مرات

تدرج وتسلسل رائع للرحلة

ووصف جميل كأن القارئ يعيش اللحظة

أبدعتي كثيرا

ولم يعكر صفوه الا ... ماسياتيك بيانه


فلا تحرميننا من كل جديد

فانتي مطالبة من اليوم بنشر ابداعاتك لنا لنحلق بها ونسمو مع هذا الاسلوب الراقي


وتقبل الله طاعتك ِ وعيدك مبارك

[عزوف]

الصديـــــــــــــــق الصدوق

ابو فزاع


نـــــــــوَر الموضوع وزاد حـــــــــــــــلاه بمرورك وبما دونته من كلمات في حق أختــــــــــــــك ...عسا ان اكون اهلا لها واستحقها ...

شكرا على هذا التشجيع وفعلا الله يجــــــــــزاه خير من رفع الموضوع لكي اتشرف بمرورك ...

وصل المســـــــــــــــــج قبل ان يصل البيـــــــــــــان و"اللبيب بالاشارة يفهم "


:)

[أبوفزاع]

"عـــــــزوف" يا لها من قيلولة تلك التي امتدت لـ 6 مساءاً .. واتصال الحجيه جاآ بوقته ليصحيشّ من الـ(غيبوبة) :p

.. جو مغبر /و/ موقف أغبر .. الله يعين بس :o .. ياما وياما شفنآ من هالمواقف اللي تقطع القلبّ .. ناس حدتهم الظروف والعازه وعقوق عيالهم على انهم يتذللون لكل من هبّ ودبّ .. < يالله دخيلك من ردىْ النصيب ..

موقف/> حدثّ لوحده من الوحدات :) (الاخت مكيف) < مو وقتّ غشمره بالمره :D
هذي الله يسلمشّ ويسلمّ الاعضاء فتاة قدّ ظهرت على ملامحها علامات الخير والنعمه .. والله معطيها من فضله .. البنت (سمينـــــــــه) :) .. ذهبتّ للمنطقة العاشره وفـ/]ي مهمة شبة مستحيله الجو لم يكن مغبر بل كان لاهوبٍٍ يصلخ الجلد ..

The butter < الزبده :rolleyes:
انها دخلت احد المجمعات واذا بطفل عند البوابه واخوه الصغير ممّدد ع الارض وامامه ميزان .. وكان قد ظهر عليهم ملامح الفقر والجوع والحاجه .. أشر لها ع الميزان يعني شوفيّ وزنشّ .. وادفعيّ .. قربتّ منه وقالت: وديّ اساعدك بس أخاف اوقف ع الميزان واقطع رزقك :) .. The End


* المره الجايه خليّ جوالشّ ع الصامت .. هروباًً من عوار الرآس والجو المغبرّ

والا حطيّ هـ النغمة أحلى ..( ;) )

نكتشفّ مُر الحقيقة بعد ما يفوت الأوان
قلت لك لا تندفع له قلت حبي صاينه
وينه! اللي صان حبٍٍ ما اشوفه يوم بان
قلبك اللي هو قلبك لا تحسبك تضمنه




للامانة

أفضل رد على الموضوع أعجبني كثيرا خصوصا مع مزج العامي بالفصيح

قرأتها مرارا وتكرارا

ولاغرابة لانه من ((سهوم بقعهـ))

وشهادتي مجروحة بلا شك


تعودنا منك الردود السريعة لكن هنا نثرتي لنا القريحة

فجزاك الله كل خير

وجزى صاحبة الموضوع (( عزوف ))

التي استحثت الهمم

[عزوف]

سهــــــــــوم بقعه غيــــــــــــــــــــــر


ما يجيبها اللي الشديد وما يجـــــــــــــــــي منها الا الاشـــــــــــــــــــد

الكل ما قصــــــــــــــــــر بس سهوم بقعه لها نكهه مميزه .......


بوفزاع شرف كبير للموضوع ولصاحبته تواجدك ....

[وردة العجمـان]

هلا وغلا بأهل المنطقة الرابعة.. نورتي العاشرة :)

مرة ثانية .. سيري علينا يالغلا ..

عازمتج على قهوة عجمية درجة أولى..:)




,,

,,




لاتخاف من الزمان الزمن ماله أمان ..
خف من اللي كل أمانك في يديه وتامنه..
لو حبيبك ما وفالك لو حبيبك فيك خان ..
ايش ترجي من زمانك النتيجه باينـــه..

صدقتي يالغالية..!!


عزوفـــه..

تسلمين يالغلا ع الموضوع الجميــل كصاحبته ..

تقبليـ تحيتيـ :)

[وردة العجمـان]

برايفت ..

عزوف

إجمالي المشاركات: 4,444

رقم ذهبي ..:)

[عزوف]

بصــــــــــــراحه الله يجزاها خيـــــــــــــــــــــر اللي رفعت الموضوع مره ثانيه لانه قديم ..

بس شرف كبيـــــــــــر لي مروركم ومشاركتكم


وردة المنتدى المنطقه العاشــــــــــره منوره بأهلها ....


وقهوتج مشروبه يالغاليه ما قصرتي ....

الجميــــــــــــــــل هو مرورج يا غلاي


أما بخصوص الرقم الذهبـــــــــــــــــــي ما يغلى عليج :)

[سيده الذوق الاولى]

هذا يسمونه قااانون الجذب >>>>مسكته هههههههه



على العموم طريقة كتابتج حلووووووه

[عزوف]

سيــــــــــدة الذوق الاولى


حياج الله يا الغاليه

نور الموضوع


و

تسلمين على هذا الاطراء اللطيف حبوبه