ديــــــوان بن فردوس

[خوي الذيب سرحان]

يعد هذا الكتاب من أشهر الكتب التي ذكرت اشياء لايستغني عنها
الذي يريد معرفة اخبار وبعض قصص العجمان وبعض القصايد للقبايل الاخرى
فجزى الله مؤلفه كل خير وهو الشاعر المعروف فهد بن محمد الفردوس من ال سليمان من قبيلة العجمان وكانت له اثار طيبةفي خدمة العجمان بل وسكان بلده الكويت

فادعـــــــــــو له ياجماعة
ولايطوفكم كتابه

[مـحمـد]

لا احد ينكر الفضل العظيم لكتابه

فاغلب الاخوان يطلعون عليه وياخذون علومهم منه فهو مرجع بالغ الاهميه

انا شخصيا اطلعت عليه وانصحكم تطلعون عليه

واخي خوى الذيب سرحان هل لهذا الكتاب طبعات جديده اذا كان عندك خبر ؟

واين نجده في الوقت الحاضر فهل هو يوزع او ؟

[دغري]

يعطيك العافيه

[خوي الذيب سرحان]

لاهنت يالعجمي ويادغري
والكتاب ماله الاطبعة واحدة على حد علمي وهي منتهية من السوق ولا اظن انك تجدها فيه بس شف الشيبان ترى الكتاب قديم واكثر الشيبان قانينه
والمولف وعد بان يطبع الكتاب طبعة ثانية مزيدة ومنقحة لما شاف ان الطلب كثر عليه .

[الهنووووف]

لا حووووول ولا قوة الا بالله

وش ذالحكي
اسم الله عليه
لا ميت ولا شي
الله يطول بعمره ويخليه لعياله
واتمنى قبل لا تنشرون اي خبر التأكد منه
والشاعر المعروووف فهد بن محمد فردوس ال سليمان العجمي يعد لكتابه الجديد انشالله وله ديوانيين والجديد يكون الثالث وينزل بعد كم شهر
ولا اتفاولوون على الشايب وهو حي ولا فيه الا العافيه

بس اتمنى اعرف منين جبت الخبر يا مخاوي الذيب

[الخويطري]

الرجل حي يرزق ولله الحمد

لكن نبي كتابة وين محله بالكويت ولا المملكه

مده وان ادوره ولاعينته :(


اخيكم

[فلاح السويري]

اطال الله عمر والدنا الغالي الشاعر فهد الفردوس واتمنى له الصحة والعافية واخر مرة شفته فيها سنة86 في رحلة قنص وكنت برفقة الوالد رحمة الله 0والكتاب بالرغم من الاخطاء الطباعية والتاريخية الا انة مرجع لابد منة لكل عجمي واتمنى من والدنا اطال الله عمره وغفر له ان يعيد طباعتة ومراجعتة وتنقيحة وانصح بقراءة كتاب عرب الصحراء للمقيم السياسي البريطاني ديكسون بطبعتة الاصلية الانجليزية فهو عبارة عن مذكرات مقيم سياسي في الخليج كتبها لنفسة ولابناء قومه دون عاطفة

[فيصل بن حجرف]

كتاب مهم جدا
وهو على فكره ديوان شعري وليس كتاب تاريخي
ولكن الب القصائد يذكر مناسبتها
وعندي نسخه من الكتاب ولكن ابوحمد الشامري استعارها مني قبل فتره ولا رجعها هي وكم كتاب :p

عاد اللي يبي نسخه منه يكلم ابوحمد:)

[عيد بن شدقان]

الخويطري
كتاب الشاعر فهد بن فردوس
اخر نسخه له سنة 1982
والشاعر نفسه مايملك الا نسخه وحده منه
وهو يقول على كلامه انه بيعيد طباعته من جديد بس متى ما ادري

ولكم تحياتي

[مـحمـد]

الرحمه تجوز على الحي والميت :)
ويوجد نسخ من هذا الكتاب عليها تعليقات الشيخ عبدالله الدامر رحمه الله
يفند اكاذيب بعض المؤلفين اللذين كذبو تاريخ العجمان
ALAJMI

[ابوحمد الشامري]

تم تعديل المشاركات والله يطول في عمر الشاعر فهد بن فردوس ويعطيه الصحة والعافية.
وبصراحه انا توني اشوف هالمشاركات والعذر والسموحه اذا صار فيه خطأ غير مقصود من الاخوان ولا انا عندي علم ان الشاعر ابن فردوس حي يرزق.
واذا ما كنت مخطي ان فيه واحد من عيال الشاعر ابن فردوس اسير اسمه ناصر والله اعلم.

ودمتم

اخوكم ابو حمد الشامري

[نـاصـر]

عدل يابو حمد الشاعر له ولد اسير اسمه ناصر وقبل شهرين تقريباً جابوا جثمانه الله يرحمه

والشاعر حي يرزق الله يطولنا في عمره

[مـحمـد]

السلام عليكم ورحمة الله وبركاته
الله يعطيه طولة العمر ها وقد نزل الديوان الثاني

على هذا الرابط :

اضغط هنـا (http://www.alajman.net/vb/showthread.php?t=29596)

[asaldweah]

احر التعازي للعجمان في فقيدهم ناصر بن فردوس واخص بالتعازي لوالده الغالي الشاعر فهد بن فردوس العجمي وكذلك الى الوالد ناصر بن فردوس العجمي وعائلتهم الكريمه وله ولأموات المسلمين خالص الدعاء .
أما الشاعر الحبيب الوالد الغالي فهد بن فردوس العجمي قابلته عام 1416هـ في زيارة الى الكويت الحبيب وحصلت على ديوانه الأول ولاكن خذاه احد الزملاء ولم يعيده ابد الى تاريخه
واقترح على الأخوان في الشبكه الحبيبه ان يقومون بانزال جميع دواوينه القديمه والجديده على الموقع على شكل ملفات pdf