المساعد الشخصي الرقمي

مشاهدة النسخة كاملة : مرثيه في الفقيد الشيخ /فلاح بن محمد بن حثلين للشاعر(مسفربن محمد بن لخن)


الهدهودي
25-01-2008, 11:07 PM
بسم الله الرحمن الرحيم
تعجز الحروف عن شرح المشاعر فا المصاب جلل . كيف لا والفقيد رحمه الله هو من كان الاب للصغير والاخ للكبير كان رحمه الله الملجى بعد الله لابناء القبيله( فلا كبرت القاله مال الحمول الى اهلها).
واشهد باالله انه من اهلها ويشهد معي كل طيب.

يا الله يا علام غيب المقابيل
تفرج علي همومي المستحيله
تزيد في صدري الى اضلم اليل
بغيت فرقاها ولا فيه حيله
ودموع عيني فوق خدي هماليل
ما قومي الا فقد ركن القبيله
معدل الكايد الا جى العدل ميل
والكايده من هيبته تستويله
زبن الضعيف الي حدته الغرابيل
وليا ثقل حمل ابن عمه يشيله
ياموت مادورت من غيره تشيل
وخليت ابو نايف سنين طويله
لوهى ملاقى حرب ولا تباديل
نفداه برواحن لفقده غليله
لاوقفت دنت اركاب المراحيل
معاد ينفع شي بيت وسيله
دنيا على وصف الرحى والمحاحيل
لوضحكت للعبد تبقى رذيله
يالله يا منشي حقوق المخاييل
تسكنه في جنات عدن ن ضليله
مامات من خلف اخلافه رجاجيل
والكل منهم يحتمل للثقيله
والكل منهم ليث صامل وحلحيل
ويحلها لاولعت في الفتيله
فخر لنا ذخر لنا في المقابيل
لاكل بوار غدرفي عميله
وختا مها مني صلاه وتهليل
على شفيع الخلق يوم الهويله

الشاعر /مسفر بن محمد بن لخن العرجاني

فهد بن مطلق
25-01-2008, 11:57 PM
حجز1

الهارف
26-01-2008, 03:06 AM
الله يرحم بن حثلين

وصح لسان الشاعر


وطاب منقولك


تقبل تحياتي


الهارف

الهدهودي
26-01-2008, 10:17 AM
لاهنت اخوي العزيز العود على مرورك الكريم وتقبل تحيااتي الهدهودي

الهدهودي
26-01-2008, 10:18 AM
جزاك الله خير اخوي ا لهاارف ولاهنت يالغلا على مرورك الكريم
اخووووووووووك الهدهودي

زعيم الباديه
26-01-2008, 03:29 PM
بيض الله وجهك يابو محمد جزله ومن جزل وفي محلها

dont play with me
26-01-2008, 09:58 PM
الله يرحمه ويغمد روحه الجنه

ولا هنت الهدهودي