المساعد الشخصي الرقمي

مشاهدة النسخة كاملة : من قصائد الأمير خالد بن أحمد السديري


العماني
10-06-2004, 03:10 AM
السد باح وبيّح السد من عاب=وش حيلتي ياعالم السر والغيب
حل الفراق وخاطري ما بعد طاب=أنا صريع الحب لاخذ ولا جيب
أقول يا دار الخطا وين الأحباب=أحباب قلبٍ جروحه معاطيب
خالٍ من الأحباب مقطوع الأسباب=يسترسل الرحمه عقب شقة الجيب
يقنب قنيب الذيب في كل مرقاب=لا ساليٍ عنهم ولا راجيٍ طيب
يمسي ودمعه فوق الاوجان سكّاب=ويصبح وجوفه فيه مثل اللواهيب
يرجي وباسه واقفٍ له على الباب=هواه شرق وقسمته بالتغاريب
الدار قالت سافروا عنك الأصحاب=خلّوك تاعي من حسايفك وتغيب
قعدت عنهم وأذهبوا لبّك اذهاب=بالحظ تعلق بالقلوب النشاشيب
خلوك مطروحٍ على القاع منصاب=ذبّوك وأقفوا بالغصون النبانيب
صبرك قضى يوم اتقوا عنك غيّاب=هذا ولا تلقى بدلهم معازيب
علمك بهم ركبوا مع الريح دولاب=وانجذ حبلي اللي يبيله مطاليب
لو ترسل النجّاب ما جاك بكتاب=منهم ولاياصل وطنهم مناجيب
ويلاه يا دنيا التفرق والاتعاب=من شيٍ يشعب ثومة القلب تشعيب
أمس وهم ما دونهم ستر وحجاب=واليوم دون ديارهم يقنب الذيب



وسلامتكم،،،

cool
11-06-2004, 07:14 AM
السلااام عليكم ورحمة الله وبركاااته

حـل الفـراق وخاطـري مـا بعـد طــاب
أنــا صـريـع الـحــب لاخـــذ ولا جـيــب

ومن قاااال ساالم العمااااني .

تسلم على الاختياار الراائع ولا هنت

كـووول

عزوف
11-06-2004, 04:25 PM
صح لسانك ولسان الشاعر يا العماني

اختيار موفق ورائع لشاعر ارووووع

تحياتي ويعطيك الف عافيه

العماني
11-06-2004, 08:53 PM
كول

حياك الله ومن قال يسلم يالسنافي ولا هنت على المرور

العماني
11-06-2004, 08:54 PM
عزوف

مشكورة أختي على الرد الطيب والله لايهينك

تقبلي تحياتي،،

فيصل بن حجرف
11-06-2004, 09:48 PM
لاهنت يالعماني

قصيده رائعه من شاعر اكثر من رائع


تحياتي لك اخوي

العماني
12-06-2004, 01:58 AM
ومن قال يا ابوعبدالله ولا هنت يالذيب على المرور

تقبل تحياتي،،،