السعووديين خامس اكشخ ناس في العالم

[راكان اليامي]

دراسه عالميه تثبت إن الشباب السعودي خامس أكشخ ناس بالعالم ...

احتل السعوديون المركز الخامس عالمياً في الاحتفاظ بجمال مظهرهم بنسبة 29% ...

.. وذلك وفق دراسة حديثة اعدتها مؤسسة الأبحاث التسويقية << روبر ستارش ورلد وايد >>

.. وشملت الدراسة مقابلة مع 1000 شخص من 30 دولة , كانت اعمارهم بين 13 -

65 سنة


.. وقد حصل على المركز الأول :-
-------- فنزويلا ............................. بنسبة 47%


ثم --- المكسيك .......................... بنسبة 40%


ثم ---- تركيا ................................ بنسبة 38%


ثم ---- السعودية .......................... بنسبة 29%


ثم ---- الفلبين .............................. بنسبة 27%


ثم --- روسيا و جنوب افريقيا و البرازيل... بنسبة 26%



..

وشمل التفوق في الاهتمام بالمظهر الخارجي للرجال و النساء , حيث يكثر الاهتمام

بتنظيف الاسنان , و تنتشر جراحات التجميل بين الجنسين بنسبة 65% للنساء و

نسبة

47% للرجال ..

... الغريب في الدراسة ان الأمريكان الذين يسود الاعتقاد بأنهم يتباهون بمظهرهم

يحتلون موقعاً متأخراً في قافلة الزهو العالمي ..



.. وذلك بنسبة 27% للنساء


.. و نسبة 17% للرجال

.. وكان اقل الناس اهتمام بمظهرهم هم الهنـــــــــــود ===أوف كورس


..... حيث اكد 33% انهم لا يهتمون بمظهرهم على الاطلاق ===ليش يا حسره

من الدكان للبيت و العكس

.
. و يسبقهم بقليل .. ماليزيـــــــــا بنسبة 25%


.. و يسبقها .. اسبانيـــــــــا بنسبة 22%


.. ويسبقها .. تـــــــــــايوان بنسبة 20%


.. و التشيك و هونج كونج .. بنسبة 19%

_____________
.. وقال السعوديون الذين اجريت لهم الدراسة أن اهتمامهم بمظهرهم يعود لعدة اسباب :-


.. الثياب البيضاء سريعة الاتساخ


.. الشماغ الذي يصنع عدة اشكال و شخصيات متنوعة


.. المحافظة على النوم المبكر و الاستيقاظ لصلاة الفجر


.. العناية بالاسنان بواسطة السواك و باستمرار


.. شرب الماء بكميات كافية


.. الوضوء خمس مرات يومياً


.. مزاولة لعب كرة القدم و المشي


.. تناول طعام صحي


.. الروابط الاجتماعية الاسرية المتعددة .. و التي تفرض عليك ان تكون دائماً ذو مظهر


لائق..

[الجـــــــــادل]

يعطيك العافية على الموضوع الحلو

[راكان اليامي]

اشكرش على الرد

تحياتي

[qataria]

الاخ الفاضل راكان ..........

اشكر على الموضوع الحلوووووووووو

لكني اشكك في مصداقية هذي الدراسة .....

لانهم اختاروا المراكز الاولى لافقر الدول ( فنزويلا - المكسيك - تركيا ) ...

يعني اللي زار تركيا يلاحظ انه الاتراك شعب عمللي همه الوحيد هو كسب لقمة العيش ولايهتم بالمظاهر او الملابس او العمليات التجميلية او غيرها مما ذكر في الدراسة .....

استغرب من عدم ذكر باقي دول الخليج ..... وين راحو اهل الكويت اللي كشختهم مرتبة ...... او اهل قطر راعين الكشخات والزبرات والحركات .... وغيرهم وغيرهم ...
كلم فيهم نفس المواصفات اللي ذكرت في الشعب السعودي مثل :

.. الثياب البيضاء سريعة الاتساخ
.. الشماغ الذي يصنع عدة اشكال و شخصيات متنوعة
.. المحافظة على النوم المبكر و الاستيقاظ لصلاة الفجر
.. العناية بالاسنان بواسطة السواك و باستمرار
.. شرب الماء بكميات كافية
. الوضوء خمس مرات يومياً
. مزاولة لعب كرة القدم و المشي
.. تناول طعام صحي
.. الروابط الاجتماعية الاسرية المتعددة .. و التي تفرض عليك ان تكون دائماً ذو مظهر
لائق..


موضوعك يذكرني بموضوع انه المرأة السعودية هي ثالث اجمل امرأة في العالم .....

كلتا الدراستين تحتاج الى تفكير وتمعن وتدبر ومحاولة استنتاج لمغزاها ...

[كويتي]

اخوي راكان اليامي ترى مو سالفه كل يوم السعوديه ماخذه مركز
هههههههههههههههههههه ياخوي اكشخ ناس في الخليج القطرين
والكويتين والاماراتين وانت رايح :)
اشدعوه راكان عليناااااااااااااا :)

بس ودي اعرف منو معطي هل معلومات الحلوه هههههههههههههه

تحياتي للجميـــع
كــــويتي زقــــرت :)

[ابو خالد]

وانا وين رحت :confused:

انا مبنع الكشخه في الشرق الاوسط كله :D

لاهنت يا راكان

والضاهر الي مسوي الدراسه هذي ما يعرف وين الله قاطه :D

[راكان اليامي]

هلا بالشباب

تقولون الكشخه عند اهل قطر والكوويت والامارات:D
من توه يلبس في الدول هذي ثياب لو نجمعم على بعض مايطلع اكثر 30 بالميه

واغلبهم داق الجنز وحاط خط في شعره كانه شارع القواطي اللي بالرياض
وحات الشنب والحواجب الله لايبلانا

والصراحه اغلب اللي يلبسون ثياب بالدول الخليجيه الثانيه ياخذون الموضه من الشباب السعودي مع احترامي لشباب الدول اللي ذكرتوهم

وهذي وجهة نظري:)
الا انت ياكويتي تلبس ثوب والا جنز؟:D

[جالس بن مبارك]

لا هنت يا راكان
وانا انضم مع قافلة المشككين وهذا ماهو تقليل لقدر اخواننا
كثر ماهو شك فى الدراسه نفسها

[اطياف الماضي]

اي والله صدق راكان عيالنا كشخه اسم الله عليهم

يكفي رزتهم لا اله الا الله بصراحة ماشفتها في الخليجيين الباقيين اسمحو لي

واغلب الخليجيين الحين صارو يقلدونهم في اللبس

و بدو يلبسون الشماغ السعودي .. وهذا دليل على ثقتهم في كشخة السعوديين;)

مشكور راكان الله يعطيك العافية

تحيتي

[راكان اليامي]

هلا وغلا يالورنس
احترم وجهة نظرك يالغالي

اخيك

[راكان اليامي]

هلا وغلا يااطياف الماضي

وتسلمين على الرد يالغاليه

وعندي ملاحظه للجميع

قد يفكرون ان هذا الموضوع جديد
فهذا الموضوع كاتبه من بدايات افتتاح هذا الصرح الكبير
واناوضعت رابط الموضوع هذا في موضوع المراءه السعوديه عشان ابين انه ليس غريب على الشعب السعودي مهما اتاه من غزوات فكريه غربيه ولكن الشعب السعودي صامدا لايبالي بالغزو والمهاترات
ارجو ان لاتفكرون اني اضع هذي المواضيع للعنصريه !:)
انا اضعها لاسباب خاصه تجوب في خاطري وودي اشوف ردود شباب وبنات المنتدى
لان هذا الصرح ماشاءالله يجمع جميع دول الخليج

اسف على الاطاله:)

[ابن وعيل]

تسلم يالذيب على الموضوع

ياجماعة الموضوع مايحتاج للتشكيك

لانه شي طبيعي


quote:
--------------------------------------------------------------------------------
.. الثياب البيضاء سريعة الاتساخ
.. الشماغ الذي يصنع عدة اشكال و شخصيات متنوعة
.. المحافظة على النوم المبكر و الاستيقاظ لصلاة الفجر
.. العناية بالاسنان بواسطة السواك و باستمرار
.. شرب الماء بكميات كافية
. الوضوء خمس مرات يومياً
. مزاولة لعب كرة القدم و المشي
.. تناول طعام صحي
.. الروابط الاجتماعية الاسرية المتعددة .. و التي تفرض عليك ان تكون دائماً ذو مظهر لائق..
.................................................. ..............................

بعدين مثل ماقال راكان اكثر شعب يلبسون ثياب والدليل محلات الخياطة اللي في كل مكان

والان بعض الخليجين يحاولون ياخذون من التفصيل السعودي ويضيفونه على شكل الثوب لديهم

وترى الحقيقة ماتزعل

والمفروض ان الخليج كله يفرح للشي هذا

لانه خليجنا واحد



تحياتي لك يالذيب

[qataria]

الاخ الفاضل راكان .............

من توه يلبس في الدول هذي ثياب لو نجمعم على بعض مايطلع اكثر 30 بالميه

بالنسبه لاهل قطر فان نسبة لبس البنطلونات والجنز قد تكون معدومه لانه معظم الشباب عندنا يلبسون الثوب والغتره ..... حتى الايرانين والفلسطينين اللي يقيمون في قطر ما يلبسون الا الثوب والغتره .....

وللعلم حتى الاولاد نلبسهم البنطلون والجنز بس الين يصير عمرهم تقريبا 6 سنوات وبعد مايدخل اول ابتدائي على طول يلبس الثوب ......

لانه بصراحة في قطر اللي يلبس جينز يعتبر غير مقبول في مجتمعنا .... واتمنى منكم عند زيارة اي مجمع تجاري في قطر انكم تلاحظون شبابنا ايش يلبس ...

وحتى لو وجدتوا واحد في المليون يلبس الجينز :اما انه بيكون فلسطيني او من الشباب اللي يسوقون الموتر سيكل ( وكلهم يلبسون ثياب وغتر في الاوقات العادية )


والصراحه اغلب اللي يلبسون ثياب بالدول الخليجيه الثانيه ياخذون الموضه من الشباب السعودي مع احترامي لشباب الدول اللي ذكرتوهم


ياخوي ترى محد في الخليج يلبس الثياب المخصره الضيقة الا اهل السعودية فمنو اللي قاعد ياخذ موضته منكم ؟؟؟؟؟؟

وكثير من شباب السعودية وخصوصا المنطقة الشرقية يجون لقطر لتفصيل ثيابهم .....

و بدو يلبسون الشماغ السعودي .. وهذا دليل على ثقتهم في كشخة السعوديين
اختي اخبر الشماغ صناعته بانجليزيه مثل البسام والملكي وغيرها وبروجيه ....

واذا كان قصدك شماغ المراسم فهو غير معروف او مستخدم في باقي دول الخليج ....

وللعلم معظم شباب الخليج يستخدمون الغتره البيضا في كشختهم واللي صناعتها سويسريه ....

[قزاز]

سويت مشكله بين الخليجيين بالاحصائيه ياراكان وانا اقول كل اهل الخليج اهل كشخه وذرابه الا ان الكويتيين اولهم واكشخهم ولا ينكر ذلك الا مخالف للحقيقه.

[qataria]

:D

[راكان اليامي]

iهلا بالقطريه

احترم وجهة نظرك يالغاليه
بس شباب قطر اقمشتهم حقت الثياب حريريه وهذا الشي محرم وتشبه بالنساء
ولا عندهم ذرابه بالاسلوب مع احترامي
وجهة نظروهذا اللي اشوفه يعني:)

______________________

هلا ياقزاز:)
يمكن اكشخنا بلبس الجنز بس بالثوب قويه شوي:)
____________________

اتوقع الموضوع بياخذ غير مجراه :)


واسمحولي ابقفل الموضوع