طلب قصيدتين للشاعرين ضيدان بن قضعان وحمدان المري

[ماااهمني]

السلام عليكم

مساء الخير
كيفكم انشالله تمام

ابي اطلب منكم قصيدتين وياليت تقدرون تجيبونهم

الاولى لحمدان المري واللي يقول في بدايتها

يالله مسا خير وش ذا الرقم يبغي بي


والثانيه لضيدان بن قضعان

اللي فيها البيتين ذي

رجل تنادينه ولايسمع الصوت خسارة سمعه وصوته وشوفه
ورجل يضمك بين اياديه ويموت والله مايلحق حياته حسوفه


ياليت تجيبونهم لي


تقبلوا خالص تحياتي

[النقال]

وعليكم السلام ورحمة الله وبركاته


ومسيش بالنور والسرور



وإنشاء الله يخدمونك الأخوان في أسرع وقت


وأمنيتي ألبي طلبك ومازال البحث جاري بالقوقل



ودمتي بخير

[النقال]

الدلو والميزان والقوس والحوت=ما غير برج العاج تغري وصوفه

وبرج بقلبي برج لولو وياقوت=لا يا بعد برج الحمام ورفوفه

مايسكنه غيرك من السيف للكوت=لو ينتحي راس الولد عن كتوفه

علم وكيد وباالمواثيق مثبوت=ما هوب عذر اللي يفرك كفوفه

والله لسافر لك لو ارجع بتابوت=وانا من اللي ماربوا في مروفه

على الشقا لاع الهوى كل شلفوت=وانت تلوعين الحشا بالطروفه

والوقت للجاحظ والأيام هاروت=والقلب حاكم وانتي اغلى ضيوفه

يا مرحبا ترحيبة إعقاب يا نــــوت =والحي يلحق لو تحده ظروفه

وحيٍ تناجينه وأهل حيه سكوت=يحيا بسلك جر صوتك لجوفه

صوتك يكفيني عن الشرب والقوت=وشوفك غناتي والحياه مخلوفه

يا أقوى من اللوعات وأصخف من التوت=وأبلغ من البيت الأخير وحروفه

رجل تنادينه ولا يسمع الصوت=خساره سمعه وصوته وشوفه

ورجل يضمك بين اياديه ويموت=والله ما يلحـق حياتـه حسوفـه




بناء على طلب الأخت الغالية ((ماهمني))



أتمنى أني قد وفقت في جلب القصيدة المعنيّة



ومأقووووول شيييييئ

[ماااهمني]

مشكور اخوي النقال

يسعدني اهتمامك

لك تحياتي

[ماااهمني]

مشكور النقال

لاهنت على البحث

كمل معروفك ودور قصيدة حمدان اجل هههههههههه

تقبل تحياتي

[ماااهمني]

للحين انتظر القصيده الثانيه

[بنت آلشيبه]

وهذي قصيدة حمدآن

http://www.alsh3r.com/files/7mdAn_Almry/(11).ram


رآبط القصيدهـ (http://www.alsh3r.com/files/7mdAn_Almry/(11).ram)


كل الغلآإ

[ماااهمني]

بنت الشيبه مشكووووووووووووووووووووووووووووووووووووووووووره

صار لي كم يوم انتظرها

ماقصرتي يالغاليه

تقبلي تحياتي