ابي ثواني بس من وقتكم ... تخيلو لو .... بتستفيدون

[عجميه و أفتخر]

الـــسلام عليكم ورحمة الله وبركاته ...

اكـــيد بحياة كل واحد منا شخص يكون غير عن الباقي الناس ( نحبه & نعزه & ما نقدر على فراقه ) يعني يكون له مكاااانه خاصة بقلبنا ... و احيانا يكون اهو قلبنا ... و نحس بقربه ان احنا اسعد ناس ... و محد قدنا ... و نسميه ( توأم الروح & خوي الروح & نظر العين ..... )

بـــــــــس ... احيانا يحصل منا تقصير او جفا ... باختلاف الاسبااااب .. سواء انشغاااال و البعض يكون نكران ... المهم تخيلوا معاي :

تخيــــل بيوم من يعزك ... يـــــــرحل او يموت فجأة ...
يـــــــا ترى :

بتلوم نفسك لأنك في يوم خليته ؟؟؟
أو
يمكن جرحته و ما راضيته ؟؟؟
أو
في أيام تناسيته ؟؟؟

دامه جنبك اليوم ... حاول تحبه دووووووم ...

ترى لك غالي يمكن ما تشوووووفه بعد اليوم ...

بالنسبه لي ... اعترف اني مقصرا مع اختي الراسيه و اقول لها :

إذا قصرت في وصلك و جاك في يوم جفى مني ...
ابيك : تخفف عني اللوم و اذا اخطيت سامحني ...
و تذكر مصيري يوم :
( كفن ) ابيض يغطيني
( قبر ) صغير يحويني
( دمعه ) من عينك تودعني و تبكيني
تقلبوا مني فائق الاحترام و التقدير

[أبوفزاع]

عجمية وافتخر

شكرا لك على ماتفضلتي به من موضوع واقعيقد نمر على ماذكرتي فيه فعلا

فلماذا اللوم والعتب بيننا

لماذا القسوة والجفاء

اتمنى ان يغير هذا الموضوع قناعة كثير من الناس ويصلح احوالهم

وتقبلي تحياتي

[عجميه و أفتخر]

الســـلام عليكم و رحمة الله وبركاته ...

اخوووي ابوفزااااع ... شكرااااااا كل الشكر على المروووور و على الرد و الله انه فخر لي ان ارى ردك في صفحتي ...

تقبل مني كل الاحترام والتقدير ...

[عبدالله بن شلوان]

دعوه ولفته جميل تدعوا كل منا للتمعن بما نملك من احبه لا نتحمل فكره فقدانهم

[شمس الأصيل]

موضوع في منتهى الروعه

يعطيك العافيه على الطرح

بالفعل معاك حق ولازم ننتبه لمثل كذا امر مهم

وشكرا


شموسه

[سلاطين الشياطين]

عجميه كلام قوي

بالصميم



وتقبلي مروري

[ريف الضعيف]

توأم الروح & خوي الروح & نظر العين ..... )



صدقيني المحبه اللي تنبني على عز ومعزه
وعلى العلوم الطيبه راح تكون لها اساس قوي
والغالي مثل الجوهره المكنونه لابد ان احافظ عليه واصونه
والله يجمعكم ولا يفرقكم انتي والراسيه على خير ومحبه

لاهنت يا عجميه وافتخر على المبادره الطيبه
ونشر المحبه والتسامح
تقبلي تحياتي ومروري

[وديـــبك]

ماعندي الا كلمه وحده اقولش لاهنتي على الموضوع الجميل

وتقبلي مروري

[الفيـــافي]

عجمية وافتخر اللة لا يهينك اختي على الموضوع الحساس جدا
واللة يا ليت الكثير من الناس يعتبرون من كلامك ...
من جد القطاعة بين الناس صارت بشكل اللهم يا كافي وعلى اي كلمة الشخص يزعل ويقطع وصلة بأخوه لا حول ولا قوة الا باللة لدرجة ان القطاعة مرات تحصل مع اقرب القريب اللي كان من المتستحيل في يوم من الايام تتخيل ان يصير بينكم زعل>>>>>>شي يحزن واللة يرحمنا برحمته

تقبلي فائق احترامي وتقديري اختي
واشكرك على الموضوع

[عجميه و أفتخر]

الســــــــــلام عليكم ورحمة الله وبركاااته ...

اول شي اشكركم كل الشكر على المروووور و على الرد ... نورتوا الصفحه ...ثاني شي .. و الله مافي احلى من الحياة مع شخص نحبه و يبادلنا الحب و المعزه ... شنو يعني لو اعترفنا بغلطتنا ( اذا غلطنا ) و راضيناهم ... في بعض ناس تعتبر الاعتراف بالغلط يقلل من كرامتهم و مكانتهم بالعكس راااح يزيد قدرك ... و الله لو نعامل الناس مثل ما نحب يعاملووونا ما كان احد زعل ولا صارت مشاكل ...

تقبلووووا مني كل الاحترام و التقدير ... و ساامحوني على القصور

[AgMi.cOm]

السلام عليكم ورحمة الله وبركاتة

موضوع حساس والتذكير ينفع المؤمنين

لاكن وش الحل مع الناس الي غاوين نكد وهم ويزعلون حتى من الكلمه الحلوه ...!!

الحقيقة رحيلهم افضل

شكرا لك

[الراسية]

أختي وروحي وما من ملكت قلبي

عجمية وأفتخر

أشكرش كل الشكر وبدون ماتكتبين هالموضوع مكانتش بالحشا والروح

واللي يحب ماينسى حبيبه لو انه قسى عليه يحن لاخباره وطاريه

وصدقيني انتي غاليه والوصل موجوود لو انه بعيد لكن انتي بالقلب دووووووووووم



ادمعت العين من رسالتك مع ان دموعي لم تجف حتى الان من مرارة الفراق

اذا كان الكفن هو آآآآخر ثيابي والقبر آآآخر مسكني جعل ربي يجمعني فيش بالجنه ومن حبهم

قلبي معش

وان كانت الدنيا تفرق جعل الآآخره تجمعنا على الخير


يابعد روحي يا عجميه وافتخر وربي ماجا منش قصور غاليه بالحيل على قلبي

احبش واتمنى لش التوفيق من ربي والستر ودوام الصحه

ورسالتش واصله من قبل ماتكتبينها يالغلااااااااا

فديت عمرش