قصيدة غزليه تفضلوا بالدخول

[علي العجمي]

* ياشوق قلبي *

ياشوق قلبي فيك مغـرم ومذبـوح
قلبي عناوين الغلى لـك وضعهـا
ماتدري أنك ساكن ٍ مهجة الـروح
روحي وروحك رب الأنفس جمعها
القلب يشكي من سبايبك مجـروح
أرحم مـود ٍ لـك حياتـه دفعهـا
أشوف دمعك فوق الأوجان مفضوح
عبـرات حزنـك ردهـا لاتدعهـا
لو جت على كيفي تمنيت مـاروح
نفسي على المجلاس زايد ولعهـا
وأنت بحلاك وزايد الزين مملـوح
وصورتك من برواز فكري بدعهـا
أخلصت في حبك ونا أقول مسموح
أنت المود اللي حياتـي شرعهـا
لارحت ياخذني مع الهجس لاافوح
ون جيت تبرا علتي مـن وجعهـا
عامين بحساب الليالي على اللوح
ياكنهـا عشريـن عـام ٍ تبعهـا
البعد مالي فيـه يازيـن مصلـوح
حدتني أظروفي ونا ضعـت معهـا
لابد أنا مأتيك لـي يـوم وبـوح
وحكي عن الغربه وقصة وجعهـا

منقوووول للمحبين ومتذوقوا الشعر النبطي

[تركي الميموني]

صح لسان شاعرها ولله درك علي العجمي على النقل أبدعت بأختيارك

يا سيد الذوووق سجل مروري وأعجابي وبأنتظار الجديد

[كرباج]

صح السانك ياعلي



اختيار موفق



لاهنت

[نـاصـر]

صح لسان الشاعر المجهول

ولاهنت ياعلي

[علي العجمي]

اشكر كل اللي مروا على ذه القصيدة واقول القلب مازال خضر والحب ماهوبحرام وانا من الناس اللي يحبون شعر الغرام العفيف واتنزه عن الشعر اللي فيه عذروب.
تحياتي للجميع

[نواف الحبيشي]

الله لايهينك ياعلي
وصح لسان راعيها وناقلها
مشكوررررررررر ياطويل العمر

[ابن الصحراء]

صح السانك ولسان قايلها


ولاهنت


دمت بود

[علي العجمي]

شكر خاص لك يانواف الحبيشي على المرور ودمت بود