قـم يالاسـير .! السالفه شأن مبنـاهـا // شعـارنا يبغـون درس ً فالأزانـي

[فــلاح]

السلام عليكم ,
صبـاح الخيـر ,

الاسير أستلم ..


سلام تسيلمـة وفا طويـق غنـاها=مرصعـه مابيـن لؤلؤ ومرجـاني

قـم يالاسـير .! السالفه شأن مبنـاهـا=شعـارنا يبغـون درس ً فالأزانـي
.
.
:)

[البليهي]

السلام عليكم ورحمة الله وبركاته


الله الله يا طويق


وفي انتظار الفطحل الاسير اليماني


وبعدها احدد صفي <<< اقص ايدي مو محدد صفه من الحين :)

[الاسير اليماني]

وعليكم السلام ورحمة الله وبركاته


صباح النور


استلم يا طويق



يا مرحبا ترحيبةٍ كبر دعواها=من هاجسٍ ما يقبل المنصب الثاني
السالفه كلٍ يبا الناس تقراها=هذي حقيقة كل شعار الألحاني

[بــ ــــــــرق]

السلام عليكم ورحمة الله وبركاته



يا سلااام يا شعااار واصلووووا


والصف طويـقــي ولا قصور بالاسير


تقبلوا مروري



بــ ــــــــرق

[الاسير اليماني]

ارررررررررحب يالبليهي


هذي الساعه المباركه اللي شرفتنا فيها


وشكرا على المدح بس لحد يطيرنا فالخضيرا:)

[فــلاح]

يامرحبـا يالبليهــي وحياك الله ,

بـ ــرق ياهلا ومرحبـا وتزيـد الصـف شـرف يالقرم ..

أسـتلـم يالاسيـر ..


ألك البقـا والنـاس تقنـّع بما جاهـا=لا أشبهك بفلان وفلان وفلانـي

جاته حقيقـه .! أنصدم يوم لاقـاهــا=ووانيـته أصًبـح تالي الوقت عطـلاني .
.

[الاسير اليماني]

يا مرحبا يا برق

لاهنت على المرور وصفي وصف طويق واحد



طويق استلم



المعرفه يا طويق مافيه شرواها=يالصاحب اللي لا ذكرني تناساني
مالك ومال الناس للناس هقواها=ولا الخطا مازاد ذربين الايماني

[ناصر بن فالح]

يــا لــطـــيــف :)

مع الله ياشعار

[البليهي]

مالك ومال الناس للناس هقواها
ولا الخطا مازاد ذربين الايمانـي
__________________



الله الله


البقا يالاسير والبقا يا طويق



الاسير ماني بموصلك الخضيرا


دونها شوي :)

[فــلاح]

صورة سفيـر الهلبجـه كيف خلاهــا.؟=من صيـفنا اللي طاف..!! يالذيب سرحــاني

أهل الخطـأ لاتلجنـّي بكثـرة حكــاهـا=مانـي بناقـص حكيّ عور ً وعميــاني
.
.
:)

[الاسير اليماني]

يامرحبا يا ارسطوو


لا هنت على المرور طال عمرك


البليهي لاهنت لاهنت:)


استلم يا طويق



المشكله في هرجتن يوم ثناها=عم الجميع وقال ذا قول شيطاني
اطويق ما كحل عيونه ولا أعماها=طيرٍ تعلا بس من دون جنحاني

[البليهي]

لاهنتوا يا شعار


واصلوا



مبدعين

[عزيز الفوزان]

قم يالاسير .! السالفه شأن مبناهاشعارنا يبغون درس ً فالأزانـي

الله .. الله

المشكله بالاعتراف ماهي بالخطيه ياطـويق :)

السالفه كلٍ يبـا النـاس تقراهـا
هذي حقيقة كل شعـار الألحانـي

جميل يالأسير اليماني

استمـروا .. يالربع

[فــلاح]

أرسطـو أرحب ياهلا ومرحبأ وشرفتنــا :)

البليهي لاهنت على التشجيع المميـّز :)


الفوزان اررحب يالغالي ووين هالغيبه ما قمنا نشوفك بكثره :)

والاشير اليمـاني صح ألسـانك يالقرم ولاهنت تشرفت باللعب معك :)

تحياتي
طويـــق :)

[سلطااان العتيبى]

صح لسانك ياطويق @ وصح لسانك يالاسير



طاروق وافي وشعار وافين



لاهنتو


تقبلو مروري

[فهد بن مطلق]

صح الساانكم ياشعاااااااااااار



انا بصف طويق ولا يهون الاسير



مع الله

[فلاح بن ملبز]

صح لسانك يا طويق :)

وصح لسانك يا الاسير

ولاهنتوا

[البريع]

الله الله

فاتني هالطاروق ياطوووووويق

ويالاسير

مع الله يالشعار

وصح الله السنتكم جميع

مع التحيه .

[المصطفق]

السلام عليكم

اللــــــــه اللـــــــه


طـــويق


جاته حقيقه .! أنصدم يوم لاقاهـا=ووانيته أصًبح تالي الوقت عطلاني




الأسير اليماني


مالك ومال الناس للناس هقواها=ولا الخطا مازاد ذربين الايمانـي



طـــويق


صورة سفير الهلبجـه كيـف خلاهـا.؟=من صيفنا اللي طاف..!! يالذيب سرحاني



صحة اللسنكم جميع والله لايهينكم

طويق شف راعي الونيت اذا يبغي يصلحه ترى اعرف خوووووووش كراج:)

وبخصوص سفير الهلبجه انا سمعت انه بيترك سفارهتم عندنا وبيمسك سفارتهم في مدغشقر:)


تقبلوا

مروري واعجابي




وبدون مجامله:)

[الاسير اليماني]

طويق صح لسانك ولاهنت


تشرفت باللعب معك


تحياتي

[الاسير اليماني]

عزيز الفوزان +معانق حزن + العود + فلاح بن ملبز + المصطفق


صحت ابدانكم ولاهنتو على المرور

جميعا بدون استثناء


تحياتي

[فــلاح]

شكرا ً جميعــا ً على المرور المتمـّيز واللي شرفتوناا فيـه ,

وبالنسبـه لكلام أخي المصطـفق , ان كانك صادق تبشر بالأبشاره

<_ مندبلـه كبـده من سفـرائنـا فالخارج :p

<_ يطالع نك المصطـفق يقول الله من غيبـه لـه عن المنتــدى ..


تحياتي
طويـــق :)