*شوفو وش كاتبه على العبايه*

[ms..k.s.a]

السلام عليكم ورحمة الله وبركاته...






يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها



الظاهرة التي انتشرت وبشكل فظيع وهي


كتابة عبارات سفيهة ومبتذله على عبايات النساء



منهم من تكتب على العباية




Follow me



أي إلحــــــــــق بي <<<< وكأن الناس مايفهمون باللغة



واللي تكتب إسمــــــــــــها وتزخرفه كأنه نك نيم وإلا بطاقة جامعيه


واللي تخط حرفها بالخط العريض اللامع على ظهرها



واللي من كثر الاعتزاز بقبيلتها تكتب


(اسم قبيلتها) وأفتخر



خلاص كل الناس تفتخر بأصلها وبقبيلتها بس مالقيتى الا الطريقة تتفاخرين فيها <<أصلا المفروض قبيلتها تتبرى منها على هالسواة




والأدهــــــــــــــــــــى


والأمر



واللي يصــــــــــــرع




اللي تكتب لك




((إذا في أمك خير إلحقني))


اما انها تهدد !! <<<< وكنها تقدر تطق


وأيضاً


البنت اللي كتبت عنها حتى الجرايد الخليجية


واللي كانت كاتبه على عبايتها


(( أتحــــــــــــــــــداك تلمسني))


عرض صريح



ماناقص إلا تكتب عليه




تخفيضـــات 50% على اللي يلمسني






والي عبأتها عليها صورة الملك عبد الله وسيفين ونخله ...

طبعاً بالألوان .......... !!



إذا أنتي وطنيه لهدرجه سوي العبايه وخليها بالبيت ؟؟؟



أعزائي


القضية هنا ماتمس العادات والتقاليد فقط


تمس الدين أيضاً



الظاهرة هذي نتاج شخصيات متقلقله تافهة غير واعية فاقدة للتمييز
شخصية يطلق عليها مايسمى بالإمعة


فهي بدأت ومن ثم انتشرت


وكيف انتشرت



كل هذا نتيجة لسطحية التفكير وضعف الوازع الديني


وفقدان السيطرة على زمام الأمور وإيجاد حل للمشكلة بعقلانية وتروي وانضباط


هذي نتيجة ........ إرخاء العصا وعدم مسكها من النص

ماهي الفتاة بدون عفه وحياء وشرف؟؟

وماهو الحجاب إن لم يكن يؤدي الغرض الذي شرع من أجله؟؟.....



السؤال...أين أولياء الأمور...


أين الأب؟ ...من اشترى تلك العباءة؟....


حديثي هذا نتيجة لشيء رأيته في السوق وفجر فيني الحديث





منقول للمناقشة

[سـ العجمي ـالي]

الوعي الديني ناقص بين هذهِ الفئه من الناس
والنقص الثقافي ومزجه مع الثقافه الغربيه
تشكل دمار
أذا كانت العبائه بنسبه لهذهِ الفئه فخر وتباهي
إذاً فيهم مرض نفسي . . وماعندهم خلفيه واضحه
عن الأحتشام وصفات الأخلاق

جزاش الله خير على الطره المهم
^^

[صـــبـــــــــا]

استغفر الله تخلف والله
حلات العبايه تكون راهيه وراقيه وناعمه واذا بتحط عليها شي من نفس لون العباه اسود ... انا ما اشره على البنت كثر ما اشره على امهاا واهلها شلون يرضون تطلع كذااا واللي تكتب اسم قبيلتهاا مستانسه على اصلها الظاهر .... عموما لو مهما بنتكلم ماراح نغير من الموضوع شي الناس تسمع مني وتطلع مني .. ما اقول الا الله يهدي كل البنات ويصلحهم .... اخوي تسلم على موضوعك

[مـحـمـد بـن فـهـد]

السلام عليكم ورحمة الله وبركاته

لاحول ولا قوة الا بالله العلي العظيم

شي غريب

مع اني ماعمري شفت هالاشياء

الله يهدي الجميع إن شاء الله

[@الشيــــــــــــنه@]

هذي العبي منتشره بالامارات بالذات الكلام

اما اكتب ع عباتي واطلع ليه مجنونه

يفصخون عبيهم ابرك , الله يهديهم


يـسلمو

[شمس الأصيل]

كل الشكر لك على الطرح
من جد العبايات صايره هالايام مصخره
والجمل احقر من جد ناس ماتستحي
هذول ناس ناقصين يبغو يلفتو الانتباه
بس وش الفايده على غلط
وهالاشكال لو يفكو العبايه احسن بكثير
لانهم يتفننون فيها طالعه مو عبايه والعياذ بالله
الله يستر على بنات المسلمين
وشكرا

عجميه جداويه

[حضريه عمها بدوي]

السلام عليكم

اول اشكرك على هالموضوع وحبيت اشارك برأي لو بسيط


شفنا من قبل عبايات مهب عبايات فساتين تنلبس في المجمعات التجاريه والمولات والاسواق للاستعراض فقط لكن عبايات الاعراس هاذي بعد شغل ثاني وتصاميم غير فهي فاضحه اكثر من انها تستر

ولكن توصل لحد انها تجرأ وتلبس عباه فيها اسم قبيلتها والا عبرت فيها قله ادب هذا ان دل يدل على تربيه واخلاق الفتاه والبيت اللي اطلعت منه وللاسف انها تعرض قبيلتها بكبرها بسبه استعراضها وافتخارها اللي مهب في محله



مافيها شي ان الفتاه تلبس العباه المصممه بارقى التصاميم والتشكيلات والالوان المقبوله والذوق الراقي بس لكل شي حد وفي حدود الادب والعتب على المصمم واللي شجعها على انها تلبسها



وتسلم ياراعي الموضوع لاخلا ولاعدم

[Najla]

والله شي يضحك :/

بس الحمدالله ما مرت علي هالأشكآل بالكويت .؟!

مرت علي الزخرفه و الدناديش بس كذا ما شفت ..

يعطيش العافيه إختي وما نقول غير الله يهديهم ..

تحيآتىي فور يـو ..

[بنــ ياااام ــت]

انا اذكر شفت عبايه سيفين ونخله على بنات صغار عادي حلوه اشكالهم وشفتها على جبوه في الكويت الظاهر تبيهم يدرون انها سعوديه بس هذا اللي مر علي اما الكلام للحين ما شفتها ولله الحمد :)

واذا فيه بنات كذا اكيد مو طبيعيات فــ ماينشره عليهم ..

ويعطيك العافيه خيتو ع الموضوع

[فتى مليجة]

ms..k.s.a

مشكوووووووووور

على الموضوع القيم

وجزاك الله الف خير على التنبية

بس والله حلوة الي تكتب إذا في أمك خير إلحقني سلامات

ولا الي تكتب أتحــــــــــــــــــداك تلمسني سلامات

على العموم مشكووووووووور

[متعب الغفيلي]

قد شفنا فراشات وصراصير
بس بالوقاحه هذي بصراحه ماقد مرت علي ..!!
وبالنهاية اتوقع انه شعور بالنقص ومحاولة استخدام اي اسلوب لــ لفت الانظار..

[الجوود]

السلام عليكم

تعليقي على الموضوع هو

((اللهم استرنا فوق الارض وتحت الارض ويوم العرض امين يارب))

واللي تسمح لنفسها تلبس نفس هاالعبايات هالايام كاتبة اسم قبيلتها باجر يمكن نشوف كاتبة الهوية والعنوان بعد على العباية .

وتستاهل اللي يجيها من مضايقات او تحرشات لانها هي اللي جابتها لنفسها .

الله المستعان ويعينا على هالدنيا

[الــحـشـاشـــه]

قـــووويـه بصرااحــه



الفـلووس مـتووفـره والعبايـه تقدر تـشتريهـاا مع اي احد غير الام والاب


ولا يـدرون عـنهاا وتقـدر تـطلع في عبايه وتبدلها لا طـعت


بــٍسس ......!



مأ تـخاف من ربــهـاا


يـعـني اشــكره تـعرض عـمرهـا ما تـخااف ..؟؟


لا حـول ولا قـوة الا بالله شـي يحزن والله !

الله يــهـدي الـجميع

[@بنت الشيوخ@]

لحول ولا قوه الا بالله....

من قله الواازع الديني...

من عدم التربيه...

مشكور على طرح لنا مثل هذي المواضيع..

الله يعطيك العافيه..

لك تحياتي..

اختكــ

[ال محفوظ العجمي]

لاحول ولاقوة الابالله

(( زمن العجايب )) .. بس ابغى اعرف وين ولي امرهـــا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الدين والتربية اساس كل شي

ms..k.s.a

دمتي بود شاكر لك موضوعِك

[سهوم بقعهـ]

يالله تستر علينآ وعلى بنآت المسلميـــــــــــن ..افصخوؤ الحيــآ مررره
(والحياء شعبة من الايمان)

يعنيّ بنت بليآ شرفّ ما تستحقّ انهآ تعيشّ<<< اشوا موؤ ابوهآ كان دفنتهآ:mad:

ms..k.s.a

يعيطشّ الع ــآفيه ع الطرح المتميزّ وإلى الامـ>>>ــام

[GUCCI]

اما اللي كاتبه اتحداك تلمسني

هذي ما كتبت كذا الا وهي تدوّر اللمس


اعوذ بالله من ذا الحشرات

[قبلة العذارى]

ماقول الا الحمدلله والشكر على نعمة العقل


ويستر علينا وعليهم ويهديهم ويعافيهم ولايبتلينا



بس هذه الظاهره الكتابه على العبايات شفتها منتشره في السعوديه اكثر شي :/


لاهنتي ياكاتبة الموضوع

[ذهب]

لاحــول ولاقـــوة وإلا بالـلـه


بصراحه ماتوقعت إن العبايات توصل لهالمستوى...


أنا أدرس بالجامعه وأشووف أشكال وأنواع من العبايات المزخرفه

بس اللي يكتبون هالعبارات واسم القبيله أول مره أسمع فيهم


بس لاتحملون الأم أو أهل البنت بكل شي

والله شوف عيني بنات بالكليه تدش الحمام عزكم الله تحط المكياج طبعا

العدّه تكون بالجنطه وتلقاها شايله جنطه في كبرها بلا يعني موضه

وهي لاهي موضه ولا شي بس علشان تحط البلاوي داخلها

ولاخلصت فصخت عبايتها الراس او الوسيعه ولبست المخصره


يعني البنت لابغت تسوي شي والله ماترد على أهلها لو إنهم مطاوعه
بعد

لان في عوامل كثيره تأثر غير الأهل وهم الفضائيات ومسلسلات هالأيام

ورفقة السوء وضعف الوازع الديني والتقليد الأعمى يعني شافت فلانه

لابسه عبايه راحت قلدتها ....



شكرا لش اختي كاتبة الموضوع

[سمـــوم]

الحمدلله ع النعمة :)


يعطيك العافيه اختي ms ksa ع الموضوع

[عبدالله بن عريمان]

لاحول ولاقوة الابالله


هذاه شي يخوف والله

وصلت فهم المواصيل انهم يكتبون كل الكلام هذاا


انتو لا تكلمون علي البنت لا بالعكس تكلموو علي اهله شلون يخلونه تطلع من البيت وهي لابسه هذا البس

وين امه الي هي تكون دايم قريبه منه ولا ابوهاا ولا اخوهاا ولا اخته الكبير علي الاقل يكلمون
البينت ويفهمونه صح من الغلط

هذا نقص بالدين وبالعقل والله


عسى الله يهديهاا ويهدي شباب بنات المسلمين يارب

مشكور اخوي ms..k.s.a

علي الموضوع

تقبل مروري

[تقريبا شايب]

السلام عليكم ورحمة الله وبركاته


يتعب الاب كثيرا والام كذلك في زرع بذره طيبه وحسنه في بناتهم حتي يتباهو فيهم بالمستقبل

ولكن.. وللأسف تتدخل المدرسة والشارع والفضائيات والمجلات الهابطه والنت بعد .

في زرع بذره سيئه خبيثه في نفوس وعقول البنات

منهم من تتجاوز وتثبت علي طريق الصواب بفضل الوازع الديني والثقه بالنفس ومراقبة الاهل

ومنهم من تسقط وبجداره في مستنقع وحل لارجعه فيه والركض وراء ماهو جديد حتي وان كان

مخالف لشرع الله ومخالف للاعراف وللتقاليد .

نسأل الله الصلاح لبناتنا وبنات المسلمين اجمعين

ويحز في نفسي كثيرا ان هذه العباءات لم نسمع بها الا بداخل المملكه فقط ..

بصراحه لم اسمع ولم اشاهد هذا النوع من العباءات عندنا ...

أشكرك اخي الكريم علي النقل .. ودمتم بسلام