يالليـل ماللعـرب والمجتمـع مـنّـه=الصايحـه ماجـده والميّـت عراقـي

[نـاصـر]

شاعر من الوزن الثقيل

ويعجبني أسلوبه جدّا :)


الشجره اللي منابتهـا علـى الساقـي=تثمـر وناكـل ثمرهـا والله الواقـي
وفروعهـا واجـده وظلالهـا بـارد=واستثمـر ظلالهـا واسجـد لخلاّقـي
واليوم نسجد على الرمضـا وتحرقنـا=من بعد فصل الخريف وحذف الاوراقي
ومن يوم سافر مطوعنا وجـاء غيـره=صلى بنا ركعه وهـوّن عـن الباقـي
يالليـل ماللعـرب والمجتمـع مـنّـه=الصايحـه ماجـده والميّـت عراقـي
وانا اتحدّى ظلامـك واقطـع الفرجـه=لعيون من شوقها يطغي على اشواقـي
واسج بعض الليالي واسـرج الفكـره=واعنّها لين تعسـف قبـل الاشراقـي
واختار بحرِ يناسبهـا ويصلـح لـي=واحاول ابعـد عـن افكـار التفراقـي
لو إن فينـي جـروح وعلتـي علـه=من جادلِ اقرب لعينـي مـن احداقـي
اللي مـن أول يراعينـي وأنـا احبّـه=ماخذ نظـر عينـي وللقلـب سرّاقـي
واليوم اداوي جروحي واذكـر ايامـه=وابني بيوت الشِعـر واغيّـر ارواقـي
شاعر وأمثّـل بنـي عمـي واجملهـا=واصولنا واصلـه والمجتمـع راقـي
وقصيدتي لا اكتمل معناي وش كنهـا؟=مفروده وفي عيـون العالـم إتلاقـي
واليا اسمعوها بني عمّـي واجازوهـا=كنها خذت الاوله فـي كـل الاذواقـي
مارحت ادوّر مجلـة شعـر تنشرهـا=وماراح عمري وانا واقف على ساقـي
واليا زرعت القصيد اسقيـه بالمعنـى=الشعر نخله وينضـج تمـره الساقـي
ومن لا يعرف القصيد وعاقب العالـم=يرتاح والشعر ماهو بـاب الارزاقـي

شبيب بن شبنان

[Najla]

لو إن فيني جـروح وعلتـي علـه//من جادلِ اقرب لعيني مـن احداقـي
اللي من أول يراعينـي وأنـا احبّـه//ماخذ نظر عينـي وللقلـب سرّاقـي
واليوم اداوي جروحي واذكـر ايامـه//وابني بيوت الشِعر واغيّـرارواقـي

^^^
^^
^

صـــــــح السآن الشآعر / شبيب بن شبنان..

ولآهنت يآ NaSSer عـلى نقـل القصيدهـ ..

تحيآتىي لكّ .. http://alajman.net/up/uploads/4a0eb64bb3.bmp (http://alajman.net/up/) ..

[جطلي بن فهد]

السلام عليكم ورحمة الله وبركاته

صح لسان الشاعر شبيب

والله يعطيك العافيه على النقل

ودمت الاروع :)

[نـاصـر]

نجلا

ولا انتي

ولاهنتي على المرور

[قبلة العذارى]

ناصر


كل الشكر لنقلك الرائع


لاهنت ويعطيك العافيه على هذا الاختيار الموفق :)


تقبل مروري :)

[الجوود]

اللي من أول يراعينـي وأنـا احبّـه.....ماخذ نظر عينـي وللقلـب سرّاقـي

صح اللسان شاعرها ولا هنت يا ناصر على النقل

[عيد بن شدقان]

شاعر وأمثّل بنـي عمـي واجملهـا
واصولنا واصلـه والمجتمـع راقـي

وانا اشهد انك تجمل بني عمك :)


صح السان المبدع،،،،شبيب بن شبنان



اناصر


مايحتاج اكثر الحكي انت عارف رأيي بذوقك :)

لاهنت


والله يعطيك الف عافيه :)

[نـاصـر]

وعليكم السلام ورحمة الله وبركاته

سماوي بن نجم

الله يعافيك

ولاهنت على المرور

[نـاصـر]

قبلة العذارى

العفو

ولاهنتي على المرور

:)

[الــحـشـاشـــه]

روووعـــه



صــح لـسان الشاعــر // شــبـيـب بـن شـبـنـان


وســلمت يــمـنـاك يا نـــاصر ع الـــنــقـل الــطيـــــب والاخــــــتـيار الرائــع !


تــــــــقــبـل تـــــحيااتـــي :)

[صـــبـــــــــا]

الله قصيده جزززله
صح نقلك وكلك اخ ناصر اختيار موفق
لاهنت عليها
تقبل مروري : صــبــــــــــآ

[نـاصـر]

الجود

ولاأنتي

ولاهنتي على تعطير المتصفح

:)

[نـاصـر]

عيد بن شدقان

لا أزيد على ماقلت : أنا أشهد أنه يجملنا

شبيب بن شبنان شاعر جزل ومتمكن ولو أنه مقصر على عمره بالأعلام شوي

ولكن أنا آليت ألا أن أرفع وأطوح بقصائده عالياً << أسلوب ثوار :)


اناصر


مايحتاج اكثر الحكي انت عارف رأيي بذوقك

خابرك اتحب أترفعلي يارفيقك

لبا جبدك يالرفيج :)

لاهنت على تعطير المتصفح بالمسك والكادي

:)

[dont play with me]

وقصيدتي لا اكتمل معناي وش كنها؟=مفروده وفي عيون العالـم إتلاقـي


عز الله انها اتلاقي


صح السان الشاعر شبيب بم شبنان



ولا هنت يا ناصر


اختيار رائع عودتنا عليه

[سلطااان العتيبى]

ناصر




لاهنت على النقل المميز وصح الله لسان الشاعر




تقبل مروري

[نـاصـر]

الحشاشه

الرائع مرورش

والله يسلمش

لاهنتي على المرور

[نـاصـر]

صبا

صح مرورش :)

وتقبلنا المرور ولاهنتي عليه

:)

[دوسري يحب العجمان]

الشجره اللي منابتها علـى الساقـي
تثمـر وناكـل ثمرهـا والله الواقـي

واليا زرعت القصيد اسقيه بالمعنـى
الشعر نخله وينضج تمـره الساقـي

ومن لا يعرف القصيد وعاقب العالـم
يرتاح والشعر ماهو بـاب الارزاقـي

صح السان شاعرها شبيب شبنان

وبيض الله وجهك اخوي ناصر على الاختيار الرئع كل الشكر لك

وتقبل تحياتي..

[نـاصـر]

دونت بلي

لاهنت على المرور وتعطير المتصفح

:)

[ليوناردو دافينشي]

من يوم سافر مطوعنا وجاء غيـره = صلى بنا ركعه وهوّن عـن الباقـي

بيت يحمل اكثر من معنى وكلها معاني ثقيله
لكن اعجبني فيه الحس الفكاهي للشاعر



اليا اسمعوها بني عمّي واجازوهـا = كنها خذت الاوله في كـل الاذواقـي

شاعر كفو وجزل ومنت بحاجة شهاده



من لا يعرف القصيد وعاقب العالـم = يرتاح والشعر ماهو بـاب الارزاقـي

هذا الكلام

وصح لسانك ياشبيب





ناصر

ياخي أهنيك على اختيارك وذوقك الراقي

واصل من دون فواصل :)[/color

[نـاصـر]

معانق حزن

ولا أنت

وتقبلنا المرور

:)

[نـاصـر]

دوسري يحب العجمان

ووجهك أبيض يالسنافي

والعفو ولاهنت على المرور

[نـاصـر]

الفنان ليوناردو :)

أشكرك على كرم تواجدك

وتشريفك للمتصفح بالمرور والإدلاء :)

لاهنت

ونتواصل بعد الفاصل

:)

[البليهي]

ناصر عز الله انها


ابداع x ابداع



قصيده رائعه ذات معنى



الشجره اللي منابتها علـى الساقـي=تثمـر وناكـل ثمرهـا والله الواقـي
وفروعهـا واجـده وظلالهـا بـارد=واستثمر ظلالهـا واسجـد لخلاّقـي
واليوم نسجد على الرمضا وتحرقنـا=من بعد فصل الخريف وحذف الاوراقي



وهذي الابيات هي العمود الفقري للقصيده <<<< الدكتور غسان مو البليهي :)




على العموم لاهنت ياناصر



وصح لسان شبيب بن شبنان

[فــلاح]

الله الله الله شاعر جـزل وتوفقــت فالاختيــار يانـاصـر
وابن شبنان شاعر لايختلف على شاعريتـه اثنان ..


وقصيدتي لا اكتمل معناي وش كنها؟
مفروده وفي عيون العالـم إتلاقـي

على ما أظن ان البيـت هذا نقـل بالغلط أخي نـاصر
يرجى مراجعتـه وتقبل تحياتي ولاهنت وبيض الله
وجهـك ..


تحياتي

طويــــق :)