سعد الصميل
07-10-2007, 02:45 AM
بما أن الموضوع عن الباص خلوني أقولكم شي
الكويت عسى الله يحفظها حالها كـ حال كل الدول , فيها من المصطلحات والأمثال
الشيء الوفير . .
لكن ماتتميز به الكويت
هو التجديد في الأمثال وخلق الأمثال الجديده . . .
ليس هذا موضوعي . . .
المهم وهو ماطرى علي اليوم . .
فيه مصطلح جديد تقريبا عندنا بالكويت إذا واحد ( قـصّ ) على الثاني
يقولون الناس لــ ( الثاني ) فلان ركــّبك باص ؟ أو خلاك تركب الباص ؟
يعني بالعامية ( لعب عليك ) !
طبعا . . . ليس هذا موضوعي !
حكومتنا بالكويت ناوية تركبنا الباص غصب . .
إبتداء من فكرة مترو الأنفاق القادم . . . إلى إستبيان في أحد الصحف قبل فترة
وهو سؤال للمواطنين هل توافق على إنك تركب باصات المواصلات بدال السياره الخاصه ؟
المهم . . . ليس هذا موضوعي أيضا !
من القصص الطريفة التي قرأتها في أحد المنتديات في وقت سابق
وحصلت القصه في عام 1929 م
أن هناك رجل أمريكي ثري كان ذاهبا لبورصة وول ستريت في نيويورك . .
وهو في الطريق يمشي , رأى أسكافي يقوم بتلميع الأحذية ( اعزكم الله ) .
فــ دردش معاه صاحبنا لين يخلص من تلميع حذائه . .
قام التاجر وسأل الأسكافي : ماهي أفضل الأسهم في السوق ؟
فرد الأسكافي اشتر في الشركة كذا وكذا وأترك كذا وكذا , ترى السوق يبشر بخير !
المهم بعد ماخلص من تلميع الأحذية , دخل التاجر السوق وطلب بغرابه بيع جميع اسهمه بالسوق .
وكان ذلك يوم الأحد .
وفي اليوم الثاني اللي صادف ( الأثنين ) الذي سمي بالأثنين الأسود ( بالإقتصاد الأمريكي )
حينها سألو التاجر كيف علمت بأن السوق سوف ينهار اليوم و ( لحقت على نفسك ؟ )
رد ببساطه , حينما رأيت الأسكافي يعرف اسعار السوق ويشتري ويبيع فيه
عرفت بأن هنالك خطأ فادح وخلل كبير .
اللي فهمناه , أن صاحبنا بناء على منظر بسيط رآه غامر وباع كل مايملك , لأنه توقع الأسوأ . .
نرجع لموضوعنا . .
اليوم بالصدفة وانا عند الإشارة المروريه وبجانب سيارتي ( باص مواصلات ) شفت شخصين راكبين
الباص ولابسين الزي الوطني ( الثوب والغتره والعقال ) . .
استغربت الوضع . .
طرأ علي قصة الأمريكي الثري . . .
وكيف توقع الأسوأ من موقف بسيط . . .
وأخذت فيني الهواجيس إلى أبعد الحدود . .
(طبعا ماني ثري وابيع اسمهي لكن مثل ماخاف الثري على ثروته انا خفت على راتبي لاينقص وإلا سيارتي لا تروح والباص يحل محلها ) !
فــ توقعت الأسوأ ( لا سمح الله )
توقعت أن الحكومه ( حفظها الله ) ناوية تركبنا الباص صحيح و ( مافي اذنها ماي ) . .
لكن أي باص بالضبط ؟ ماني عارف !
هل هو باص المصطلح المعروف ؟ ( يعني تقص علينا ؟ )
أو هو باص مواصلات نوع تــا تــا هندي الصنع ؟
أنا شخصيا أفضل إني اركب الباص الأول , لعدة أسباب
لأنه آمن , ومريح , ومتعودين عليه . . من زمان والمواطن الكويتي راكب الباص الأول
وإن شاء الله مايطول فينا عمرنا ونشوف إننا نركب الباص الثاني !
هواجيس وتخيلات كثيره مرت علي وفتحت الإشاره باللون الأخضر وانا شارد الذهن
وحرك الباص وحركت معاه . .
راح بطريقة وانا بطريقي . .
وعسى الله لايجمعنا انا والباص مره ثانيه علشان ماتزيد الهواجيس .
. انتهى !
دمتم بود . . . .
الكويت عسى الله يحفظها حالها كـ حال كل الدول , فيها من المصطلحات والأمثال
الشيء الوفير . .
لكن ماتتميز به الكويت
هو التجديد في الأمثال وخلق الأمثال الجديده . . .
ليس هذا موضوعي . . .
المهم وهو ماطرى علي اليوم . .
فيه مصطلح جديد تقريبا عندنا بالكويت إذا واحد ( قـصّ ) على الثاني
يقولون الناس لــ ( الثاني ) فلان ركــّبك باص ؟ أو خلاك تركب الباص ؟
يعني بالعامية ( لعب عليك ) !
طبعا . . . ليس هذا موضوعي !
حكومتنا بالكويت ناوية تركبنا الباص غصب . .
إبتداء من فكرة مترو الأنفاق القادم . . . إلى إستبيان في أحد الصحف قبل فترة
وهو سؤال للمواطنين هل توافق على إنك تركب باصات المواصلات بدال السياره الخاصه ؟
المهم . . . ليس هذا موضوعي أيضا !
من القصص الطريفة التي قرأتها في أحد المنتديات في وقت سابق
وحصلت القصه في عام 1929 م
أن هناك رجل أمريكي ثري كان ذاهبا لبورصة وول ستريت في نيويورك . .
وهو في الطريق يمشي , رأى أسكافي يقوم بتلميع الأحذية ( اعزكم الله ) .
فــ دردش معاه صاحبنا لين يخلص من تلميع حذائه . .
قام التاجر وسأل الأسكافي : ماهي أفضل الأسهم في السوق ؟
فرد الأسكافي اشتر في الشركة كذا وكذا وأترك كذا وكذا , ترى السوق يبشر بخير !
المهم بعد ماخلص من تلميع الأحذية , دخل التاجر السوق وطلب بغرابه بيع جميع اسهمه بالسوق .
وكان ذلك يوم الأحد .
وفي اليوم الثاني اللي صادف ( الأثنين ) الذي سمي بالأثنين الأسود ( بالإقتصاد الأمريكي )
حينها سألو التاجر كيف علمت بأن السوق سوف ينهار اليوم و ( لحقت على نفسك ؟ )
رد ببساطه , حينما رأيت الأسكافي يعرف اسعار السوق ويشتري ويبيع فيه
عرفت بأن هنالك خطأ فادح وخلل كبير .
اللي فهمناه , أن صاحبنا بناء على منظر بسيط رآه غامر وباع كل مايملك , لأنه توقع الأسوأ . .
نرجع لموضوعنا . .
اليوم بالصدفة وانا عند الإشارة المروريه وبجانب سيارتي ( باص مواصلات ) شفت شخصين راكبين
الباص ولابسين الزي الوطني ( الثوب والغتره والعقال ) . .
استغربت الوضع . .
طرأ علي قصة الأمريكي الثري . . .
وكيف توقع الأسوأ من موقف بسيط . . .
وأخذت فيني الهواجيس إلى أبعد الحدود . .
(طبعا ماني ثري وابيع اسمهي لكن مثل ماخاف الثري على ثروته انا خفت على راتبي لاينقص وإلا سيارتي لا تروح والباص يحل محلها ) !
فــ توقعت الأسوأ ( لا سمح الله )
توقعت أن الحكومه ( حفظها الله ) ناوية تركبنا الباص صحيح و ( مافي اذنها ماي ) . .
لكن أي باص بالضبط ؟ ماني عارف !
هل هو باص المصطلح المعروف ؟ ( يعني تقص علينا ؟ )
أو هو باص مواصلات نوع تــا تــا هندي الصنع ؟
أنا شخصيا أفضل إني اركب الباص الأول , لعدة أسباب
لأنه آمن , ومريح , ومتعودين عليه . . من زمان والمواطن الكويتي راكب الباص الأول
وإن شاء الله مايطول فينا عمرنا ونشوف إننا نركب الباص الثاني !
هواجيس وتخيلات كثيره مرت علي وفتحت الإشاره باللون الأخضر وانا شارد الذهن
وحرك الباص وحركت معاه . .
راح بطريقة وانا بطريقي . .
وعسى الله لايجمعنا انا والباص مره ثانيه علشان ماتزيد الهواجيس .
. انتهى !
دمتم بود . . . .