اخو
21-09-2007, 08:10 AM
السلام عليكم يا رجال
الشهر على الجميع يتبارك وعساكم من عواده
هذه مشاركة وانشاء الله افوز برضاكم
قصيدة <<<الشيخة>>> وشاعرها محمد ابن نابت ابن فهيد الدوسري
بديت باسم الله الرحمان قافية = وافعالنا تسبق القيفان ببناها
الله وكبر عدد همال وسمية = نعدها عد والعداد يقفاها
بنيتها شيخة في راس عليه =بمصدقات البيوت الحق يحماها
فياما استفدنا من الروحات والجية=وزبدة كلامي جواهرها كتبناها
تجاربي مستفادة قبل الالفية =حقايق في الزمن عشنا وشفناها
فمن لايخاف الله ابعد لاتجي حيه= وكم طيب جدود خيبات متلاها
ولا تاخذ من القطع قطعة تجارية = ولا توجد اصلية الا من وكلااها
وكم لحية في الشدايد ترجع لحية = ياليتها قرن للي تستر ارداها
وكم شارب زين في راس كما الحية = مثل اللذي خانت الدوله برعاياها
فياهيه ياليتها نامت بعافية = او ليت نومه غلبه ولا غلب ماها
انته كما ريس الشله الحرامية = جاوك يبون الغنم واخذت مطاياها
هذا مضى من بيوت جات عفويه = اول هواها وهو تو ما انتثر ماها
ثنيت رجلي بواد الفين جنية = وكسرتنا ناب ذيب ودستنا افعاها
وضربتها ارباع في اخماس ثلاثية = تجمع ولا تقسم بحلن تحلاها
فيا ربعنا ما تجي الوقفة بجبرية = وكلمة نعم راس مالن لاسمعناها
شي يجي صح واخر به شكوكية = والعالم اعلم ولو بالدرك تدراها
لانيـب شا ن يكم ولانتـم حرامـيـة = ولابد كلن يحاسب في خطاياها
وان كانها فلسفات دبلوماسية = ياليتها بامر ربك تقصر يداها
ربعي تحوز الجماجم عادها بذية = واليوم نخرس لسان اللي يجي حماها
دواسر زادها عز السعودية =في يد ابو متعب سيف على عداها
دواسر مجدها ماهوب عارية =لاعدت سلومها تكثر مزاياها
يشهد لنا يوم غزوات اليمانية = ولا يحمي بنا الوطن كود اطيب ابناها
راحت سنين الجهل والحوف كسبية = واليوم هات القلم وفلان يبراها
وخلافها ربي اللي ساق رجليه = وذبيت راس الطويله في علاياها
ذكرتها ديرة جنوب غربية = الديرة اللي بتالي الصيف جيناها
فيا راكب اللي تصاميمه خرافيه=له سرية تشرح صدور خبرناها
جيب جديد ومشاويره خصوصيه =منوة بعيدن عن ديار تمناها
احروفه المبهمات رموزها –ا ي ه- = وخمسه مع اثنين والصفر يتمثناها
مصمن للرحلات الفضائيه = لكن حنا على الفرجة زعجناها
لامن اقبل تقول شيخ بوجه جاهيه = او حاكم حرر بلاده من عداها
واسبيره من اسفله ولا خلافية = يشبه سنافية ومركوز علباها
وسواقه مطوع وتسوقه حميه=يحب حوف المراجل وين ما جاها
اعيونه عيون حر شاف وكريه = لو خز عينه بعين الكافر اعماها
اركبتها يم ابو ظافر على ايه =ويستاهل الذكر راعي الوجه والجاها
وصل سلامي لبو ظافر وبني خيه = مغانمة تغنم العليا بيمناها
قصره رفيع على القمه وله فيه = فية فخر والفخر يفخر بطرياها
لو ما عرفته بقول اسمع بطاريه = وبين الحضر والبوادي تظهر انباها
يشهد لبو ظافر ولد السديريه = وجهك يا ابو ظافر ما خيب مناها
حتى الخواجات ما تنطق عربية = لاقلتنا حمود بابهامه عرفناها
وفعل المراجل وراثة جات شرعية = سلاسل من جدود طاب منشاها
ويشهد لك الشيخ موسى في المعسرية =من عقب عشر السنين اطراك واطراها
وختامها يالله انك تغفر السية = يا خالق الخلق ويا عالم نواياها
وسلامتكم يالنشاما
الشهر على الجميع يتبارك وعساكم من عواده
هذه مشاركة وانشاء الله افوز برضاكم
قصيدة <<<الشيخة>>> وشاعرها محمد ابن نابت ابن فهيد الدوسري
بديت باسم الله الرحمان قافية = وافعالنا تسبق القيفان ببناها
الله وكبر عدد همال وسمية = نعدها عد والعداد يقفاها
بنيتها شيخة في راس عليه =بمصدقات البيوت الحق يحماها
فياما استفدنا من الروحات والجية=وزبدة كلامي جواهرها كتبناها
تجاربي مستفادة قبل الالفية =حقايق في الزمن عشنا وشفناها
فمن لايخاف الله ابعد لاتجي حيه= وكم طيب جدود خيبات متلاها
ولا تاخذ من القطع قطعة تجارية = ولا توجد اصلية الا من وكلااها
وكم لحية في الشدايد ترجع لحية = ياليتها قرن للي تستر ارداها
وكم شارب زين في راس كما الحية = مثل اللذي خانت الدوله برعاياها
فياهيه ياليتها نامت بعافية = او ليت نومه غلبه ولا غلب ماها
انته كما ريس الشله الحرامية = جاوك يبون الغنم واخذت مطاياها
هذا مضى من بيوت جات عفويه = اول هواها وهو تو ما انتثر ماها
ثنيت رجلي بواد الفين جنية = وكسرتنا ناب ذيب ودستنا افعاها
وضربتها ارباع في اخماس ثلاثية = تجمع ولا تقسم بحلن تحلاها
فيا ربعنا ما تجي الوقفة بجبرية = وكلمة نعم راس مالن لاسمعناها
شي يجي صح واخر به شكوكية = والعالم اعلم ولو بالدرك تدراها
لانيـب شا ن يكم ولانتـم حرامـيـة = ولابد كلن يحاسب في خطاياها
وان كانها فلسفات دبلوماسية = ياليتها بامر ربك تقصر يداها
ربعي تحوز الجماجم عادها بذية = واليوم نخرس لسان اللي يجي حماها
دواسر زادها عز السعودية =في يد ابو متعب سيف على عداها
دواسر مجدها ماهوب عارية =لاعدت سلومها تكثر مزاياها
يشهد لنا يوم غزوات اليمانية = ولا يحمي بنا الوطن كود اطيب ابناها
راحت سنين الجهل والحوف كسبية = واليوم هات القلم وفلان يبراها
وخلافها ربي اللي ساق رجليه = وذبيت راس الطويله في علاياها
ذكرتها ديرة جنوب غربية = الديرة اللي بتالي الصيف جيناها
فيا راكب اللي تصاميمه خرافيه=له سرية تشرح صدور خبرناها
جيب جديد ومشاويره خصوصيه =منوة بعيدن عن ديار تمناها
احروفه المبهمات رموزها –ا ي ه- = وخمسه مع اثنين والصفر يتمثناها
مصمن للرحلات الفضائيه = لكن حنا على الفرجة زعجناها
لامن اقبل تقول شيخ بوجه جاهيه = او حاكم حرر بلاده من عداها
واسبيره من اسفله ولا خلافية = يشبه سنافية ومركوز علباها
وسواقه مطوع وتسوقه حميه=يحب حوف المراجل وين ما جاها
اعيونه عيون حر شاف وكريه = لو خز عينه بعين الكافر اعماها
اركبتها يم ابو ظافر على ايه =ويستاهل الذكر راعي الوجه والجاها
وصل سلامي لبو ظافر وبني خيه = مغانمة تغنم العليا بيمناها
قصره رفيع على القمه وله فيه = فية فخر والفخر يفخر بطرياها
لو ما عرفته بقول اسمع بطاريه = وبين الحضر والبوادي تظهر انباها
يشهد لبو ظافر ولد السديريه = وجهك يا ابو ظافر ما خيب مناها
حتى الخواجات ما تنطق عربية = لاقلتنا حمود بابهامه عرفناها
وفعل المراجل وراثة جات شرعية = سلاسل من جدود طاب منشاها
ويشهد لك الشيخ موسى في المعسرية =من عقب عشر السنين اطراك واطراها
وختامها يالله انك تغفر السية = يا خالق الخلق ويا عالم نواياها
وسلامتكم يالنشاما