ㄨ وتبقى في الذاكرهـ .. [ قصائد ] ..!

[محمد بن سعود]

:

http://www.alqsed.com/up/uploads/f89d05f82b.bmp


:

هناك قصائد يكتبها أصحابها بماء الذهبــ
لـ تُحفظ في ذاكرتنا على مدى الأيـام ..

هُنا سنكتب ما حُفر في ذاكرتنا من قصائد .......!

[محمد بن سعود]

جُملة جراحك ،



إن كان ودّك بجرحي زهـّب رماحك = وانا بزهـّب خفوقي .. ويالله الخيره !

أصغر جروحي .. يساوي جملة جراحك != ماشفت جرحي وجرحك .؟ بينهم غيره .. !

تطعن خفوقي و آطيح وترمي سلاحك ،= و تبكي على طيحتي وتغيـّر السيره !!!

و آجيك وأمسح دموعك وأشعل أفراحك ..! = وآقول من شان عينك تكرم الديره !

ودي أعنّيك .. ولكن قلبي إرتاحك != لا قلت : يا قلب غيره .. قال : ما غيره !!

المشكله إنّي بـ عين الناس ذبـّاحك != والحاصل إنّك تسوق القلب وتديره ..

لبـّا عنبك .. ولبـّا طعم تفـّاحك = ولبـّا تبسـّمك لاجا عقب تكشيره

مير إنتبه وانت تطعن توجع رماحك= أخاف تزعل علي .. وتترك الديره .. !!




- !!!

[محمد بن سعود]

تخطي

.. تخطي وأقول إن : أنا المخطي ولا أتشرَّهــ ..!
وتخطي بعد ..!
وأعذرك وآقـول : مايـدري !!

وفي كل طاري .. يمر تخطي كـذا مـرَّهـ ..!
وأخاااف حملي يزيد ..
وينكسـر / ظهـري ..!

جايز ..
أكون الحليـم اللـي ظهـر ( شـرَّهـ ) ..
وجايز .
يكون الغلط منـِّي .. وذا عـذري :


يا صاحبـي كنـت أحبـك حيـيييل بالمـرَّهـ
ولازلتــ أحبـك .. ولكـن [ العتـبـ ] يطـري


أحيان أشوفك ( بعيـد ) وخايـف آضـرَّهـ ..
وأحيان أشوفك " قريبــ " .. إرتاح في صـدري !!


ليه أسألك عن جـروح القلـب .. والحـرَّهــ ؟!
وإنتــ أبخص الناس في جرحي وفي حـري !!


يا صاحبي .. لو مسك كل(ن) علـى سـرّهـ ..!
ما كان الأحباب .. سموا حبُّهم " عـذري " ..!


وأنا تعبـت أسحـب الأحـزان .. وآجـرَّهـ ..!
وأحفر بأثر جرتي .. قبـر يغـدي / قبـري !!


إمـا تكـون الحبيـب اللـي قـرب مـرَّهـ ..
ولا عسـى الله يقدِّرنـي علـى ( صـبـري ) ..!


وأنـا أحـبـك .. ولا بـآعـاود الـكـرَّهـ ..
حتى ولـو كبريائـك ..
صـار [ يستجـري ] ..!


م إخترتـك تـذوق حلـو بكـاي أو مـُرَّهـ ..
إخترتك ..
تحس بـ " أحلى شي فـي عمـري " ..!!


فـلا تكابـر ..
وأنـا ماعـاد بأتـشـرَّهـ ..!
وإنتــ ..
و .. ( ضميرك ) ..
وفكـِّر قبـل لا تسـري !!


.. [ ع ـبدالله البكر ] ..

[فيصل بن حجرف]

السلام عليكم ورحمة الله وبركاته

فكرة رائعة اخي القدير محمد
وهناك الكثير من القصائد التي كتبت من ذهب وتبقى في الذاكره وتستحق منا ان نخلدها عبر هذه الصفحات

فلك كل الشكر على هذه الفكرة الرائعة

[الــحـشـاشـــه]

شــكـراا يا مــحمد ع الــفـكــره الرائــعـه

داائــمـااا ممـــيـز في مـواضيــعـك

سـؤال / يــصيـر نـشـاارك مـعاك :)

[محمد بن سعود]

( الضلـوع ) .. !!



المشكله حفظت حبك بين قلبي والضلوع=وايقنت بان الحب لايمكن يجي فيه اخشرى
لو كنت تنشد عن غلا حبك تجاوبك الدموع=تشهد عيونن فوق خدينن بها دمعن جرى
ولو غبت عني يوم او يومين او حتى اسبوع=اموت واحيا بين خلق الله ولا شخصن درى
واسأل واقول الله ياعمري متى يوم الرجوع=واليا تطمنت برجوعك زان ليلي والكرى
تعال نسهر في ظلام الليل مع ضي الشموع=تعال داو الجرح دام الجرح توّه مابرى
تعال نجلس بأول السهره الى وقت الطلوع=يوم ان كلن مع ظلام الليل باشواقه سرى
تطري على بالي واقول البعد عن وصلك يلوع=تطري على بالي ولا غيرك على بالي طرى
ان غبت في يوم الثلاثا ضقت في يوم الربوع=اسأل نجوم الليل وينه عن عيوني ياترى!
من زود شوقي والغلا ياصاحبي أضما واجوع=من غيبتك شفت التعب وبشوفتك شفت الذرى

لـ / نــوض

[محمد بن سعود]

وعليـكم السـلام

أهلا فيصل الحجرف :)

صحيح كلامـك أخـوي

شكـرا ً علي مرورك http://www.alajman.net/vb/uploader/f12.gif

[محمد بن سعود]

العفـو الحشاشه

والمجال مفتـوح للجميـع :)


شكرا ً عالمرور http://www.alajman.net/vb/uploader/f12.gif

[محمد بن سعود]

لـو ان دنـيـا الـشـقـا ياصاحبي .. حـلـوه ؟

اضحك .. لامني ذكرت ؟ ايامنـا الحلـوه=وليا ذكرت انها راااحت ! .. جلست ابكـي
كن الشقا ( بير ) واحلام الصبـا ( دلـوه )=وكن الحزن ؟ .. في صميم القلب ,, متركي
الشك !! (( قطٌع نفوس ٍ )) .. كانت بسلوه=وانا عقب حسن ظني .. هزنـي شكـي ؟؟
مرات ؟ مرتاح ,, والقى البال فـي علـوه=ومرات ! محتار ! .. واعجز لابغيت احكي
نكتم ونشكـي مـن الاحـزان فـي خلـوه=واليوم ؟ في صمت ... لا نكتم ولا نشكـي
لـو ان ؟ دنيـا الشقـا ياصاحبـي حلـوه=ماكان ؟ شفت الطفل يولد وهـو يبكـي !!!



لــ / سعــود بن مهدي

[الــحـشـاشـــه]

البارحة ما هملج الطرف بنعـــــــاس

ما فاض من نجم عيوني تخيلــــــــه

لا باس يا عيني على السهرلا باس

على وليف ٍ فات ما القى مثيلــــــه

عنا قطع شوف المواصل له ارماس

ولا في يدي من ناب الارداف حيلـــه

فيما مضى ياخذ جوابي من الراس

واليوم لا عاني وأنا ما اعني لــــــــه

العشرة اللي ما توثق على ساس

تطيح لو صارت حصون ٍ طويلـــــــــــة

يا ونتي منها المعاليق يبــــــــاس

صبري قضى ما باقي الا قليلـــــــه

صبرت صبر ٍ صابني منه وسواس

صبر له النفس العزيزة ذليلـــــــــــة

على وليف ٍ حال من دونه الياس

والياس طب ٍ للقلوب العليلــــــــــة

من يتبع المقفي مرده للافلاس

مثل الذي بالقيظ يدفق صميلــــــــه

هذي دروب الحب جِدَّد ودراّس
الله يمضيها بستر وجميلـــــــــــــــه

موفق ٍ للخير ياظبي الأطعاس

لا تحسب الدنيا بأهلها طويلـــــــــه

و صلاة ربي عد ما هب نسناس

على نبي ٍ وضح الله دليلــــــــــــــه

:)

[الجوود]

المتميز

محمد بن سعود



كما عودتنا دائما

السباق بالافكار الجديدة والمواضيع المتميزة

[سلطااان العتيبى]

محمد بن سعود







لاهنت على الفكره الرائعه والمميزه لاعدمناك






تقبل مروري

[محمد بن سعود]

الجـود ،

معانق حـزن ..



وأجمل الأجمل مروركم هُنا .. http://www.alajman.net/vb/uploader/f12.gif


الحشاشه ..

شكـرا علي المشاركه الرائـعه

[محمد بن سعود]

من شوق صدري لين لهفة كفوفي
ناديت للغالين :


محتاج ..



محتاج ..!




أسهر بليل الشوقـ واثقل ضيوفي
هم ٍ غدت به عوج الأضلاع مسهاج



هب الجفا والهم ياكل بجوفي
والجرح ماله غير محبوبه علاج



طال انتظاري بين ياسي وخوفي
سفينتي تلعب على كف الامواج





لولا الأمل ماكان طوَّل وقوفي
الياس لاهبت هبوبه طفى سراج





ليت السنابل بالمواعيد توفي
يلَّي قريتوا للبخت علم الابراج





مدام أخذهم ظرفهم عن ظروفي
بدمح واسامح لاملامة ولا احراج




جوني وراحوا عن مسافات شوفي
ماجمَّلوا وجه الحقيقة بـ مكياج




خلُّوا بقايا عطرهم في كفوفي
راحوا وانا لـ انفاسهم كنت محتاج ..!

محمد بن جبلان

[محمد بن سعود]

يا محمد غبت عنها اسبوع من باب التغلي ..
دي اعرف واكتشف عن حبها لي واختبرها

يا محمد سبعة ايامٍ عجاف ابدون خلي
شفت فيها الويل واعيوني ملازمها سهرها !

سبعة ايام الكدر ما راح عني مثل ظلي
شلت كل اهموم خلق الله وعايش في كدرها ..

ادري ان الصبر مفتاح الفرج وبه امتحلي
مير هي عنها حرم باجماع كل اللي نظرها !

رحت ادور للتسلي وين ابلقاه التسلي؟؟
اخرج امن البيت والقى نفسي ابرم في قطرها

طفت شارع بيتهم ما غير مقبل به مولي
الشوارع مظلمه والقى بشارعهم سفرها

ودي اسمع ذكرها لو من عذولاً بالتبلي
مو مهم اللي يقوله والمهم انه ذكرها !

شفت اخوها صدفةٍ واقفي يرحب بعض كلي
بعضي الثاني همس بذني تنشد عن خبرها

قمت اهلى به وانا خايف لساني لا يزلي
شفت شعره في ثيابه ..
قلت هاذي من نثرها ؟

وانكسف مني ..
تبسم لي !
وناظرني بـ غلي
قال توي كنت بالصالون والناس اشكثرها !

قلت فعلاً شفت هالصالون بالناس امتملي
والله انه يكذب الكذاب وانه من شعرها !

اعرفه من ملمسه من ريحته من لونه اللي
مثل لون العود حمره من سوادٍ يشتقرها ..

شلتها بالدس في جيبي وانا ما اشفيت غلي
ودي استمتع بملمسها وريحاً من زهرها !

قمت ودعته وليلتها عذابي مستغلي
طول ليلي حاضن الشعره واناجي في صورها

سبعة ايامٍ وانا في داخلي ربطٍ وحلي
اعزم الفيها وأهون خايف آسبب ضررها

بعد سابع يوم من همٍ بقلبي مستحلي!
اتصل بي واحدٍ ساكت ونفسي في ضجرها

قلت الو وشفيك ساكت رد يا جعلك تغلي
كنى اسمع صوت ليمونه بفمه يعتصرها ..

واهمست وش سهّرك للحين في وقت امتتلي ؟
قلت طيفك لعنبو جدك وضحكت من فخرها !

واهمست هلحين اجي واخبرك عن دقي وجلي ..
قلت معقوله ؟
وقالت نار شوقي ما اقتدرها !

جت وهي متخفيه صبحٍ بليلٍ مستظلي ..
كنها تحسب خطاها مير يفضحها عطرها

نفحها مسكٍ ونثر انفاسها وردٍ وفلي
المكان اللي تعدي منه يبقى فيه اثرها !

جت تبختر ردف يتمايل وردفٍ يستقلي
كنها ترقص على تكة خطاها من بطرها ..!

عنجهية صدرها تفتك بخصرٍ مضمحلي
لا تثنت تنقسم نصين من خصرٍ بترها !

لبسها الجذاب حدد جسمها سنتي وملي
زادها فتنة حلا وإنما فضحها ما سترها..!

قمت ماني في شعوري كل مافيني يهلي
كنها المتفضله بانقاذ روحي من بحرها

طوقت عنقي بسيفٍ من سواعدها يسلي
واغرست رمحين في صدري ولجّمني ثغرها

ترتجف في قلبها خوفٍ توالها تولي
تنفض ايديها ويتقطع نسمها من حذرها

كلما هز الهوى الشباك واحدث فيه خلي
بسملت واتفزّزت تحضن يديها في صدرها

قالت انت اشفيك متغيّب جفا وإلا تخلي ؟!
قلت لا هاذي ولا هاذي ولا حتى قدرها

مير انا كثرت جياتي وخفت انك تملي
سلهمت بعيونها عضت عنبها من قهرها

واخبطت بكفوفها صدري ودمعتها تهلي
قالت اقسم لك برب البيت شوفتك انتظرها

قلت اجل وش وخرك وانتي لعنواني تدلي ؟؟
لا يكون انه جفا ؟!
قالت حشا وارخت نظرها !

انت تدري عن ظروفي حط نفسك في محلي
بنت مثلي خارجه من بيت اهلها وش عذرها

لو قدرت اليوم اجي والقى عذر مقنع وحلي
مامعي في كل يومٍ حجةٍ لهلى ابتكرها

جادلٍ من نسل شيخٍ لا يهاب ولا يذلي
فاتنه واجمل بنات الكون ماتسوى ظفرها

العفاف ابوجهها مستقبل القبله يصلي
والكسل برموشها جالس يحذر من خطرها

وجه مثل الصبح يتنفس بنورٍ مستهلي
والرموش الليل عسعس ليلةٍ محلى سمرها

طرفها في حد ذات الطرف عالم مستقلي
به نهار وليل ، به بحر وسما داخل حورها

جيدها الفتان نوراً من زجاجٍ مستجلي
لو لمسه ابهامها بصمته تبقى في بشرها

من شفافية جسدها والنعومه والتجلي
أي شياً تشربه ينشاف نازل من نحرها

ظامها شلال دهن العود بالجيد امتدلي
الوحيد اللي جبرها تنفعل محدٍ جبرها

صار يتمرد يعذبها تلمه ثم فلي
ثم ترجع تلفحه ويعود ما يسمع لمرها

ابتسامتها وميض البرق في نوٍ مطلي
والشفايف كنها قوس القزح لونه غمرها

ضحكها معزوفةٍ يطرب لها قلبٍ يولي
وامنياتي ماجنه ترقص على نغمة وترها

إن حكت نفثاً من السحر الحلال ولا يحلي
تستميل اقلوب من يسمع كلامٍ من دررها

لا دنت مني تبعثرني على غنجٍ ودلي
وانصهر بنفاسها وإحساسي المرهف صهرها

عينها مستسلمه والرمش طايح مستذلي
طاح طيحة فارسٍ رمحه بعدوانه كسرها

والله إن اللي ببالك يا محمد ما حصل لي
ذبت واروتني عفاف وكل مافيني شكرها

ما منعني غير طيب اصلي ولي قدر امتعلي
واللي ادهى من كذا خفت اني انزل من نظرها

قمت اودعها وانا شوقي يزيد ولا يقلي
لحظةٍ هدت فرح ساعه وبالكود افتكرها

اوجبت غسلاً على عيني بدمعٍ مسفهلي
قبل تبلغ حلمها والرشد واتمتع بصرها

بعدما عاهدتها بالله حرمت التغلي ..
توبه اتغلى ونار افراقها مقوى سقرها !





[ مستور المالكي ]

[محمد بن سعود]

ويـن أنـــــت .!!!!!




.

.

.

وين انت يا مبعد عن امشاهد العين؟؟=بواجهك..بـس المسافـات عيّـت
.
حييتني بالصوت واهـلا وسهليـن=وردّت بيوتـي بالتحيّـه وحـيّـت
.
طيفك يروالي واناشـوف ذالحيـن=ويسري علي واسهر معه وآتبيّـت
.
بيني وبينـك حايـل البعـد والبيـن=بعدٍ ضلـوع القلـب منّـه تطيّـت
.
بعد المسافه..ضد..قـرب المحبّيـن=تقطّعـت منـه القلـوب وتكـيّـت
.
بعدك عذاب وسمع صوتك عذابيـن=يعني انا في كل الاحـوال ميّـت!!
.
الاذن شِبعت منّك وجاعـت العيـن=ابعـدت حيـل وشوفتـك ماتهيّـت




من هنـُا شكـرا ً لـ قلبـك

يـــــا

" فهيـد بن عصيـدان " http://www.alajman.net/vb/uploader/f12.gif

[سلطااان العتيبى]

(( كل ماهبت على قلبي ))=


كل ماهبـت علـى قلبـي نسانيـس الليالـي=قمت احسب ماكسبت من الحيـاة وماخسرتـه
واتذكر مكسبي واللي غـدا مـن راس مالـي=واتذكـر كـل حلـم ماهدمـتـه لا عمـرتـه
واتذكر كم غالي من صديق وكـم بقـى لـي=وكم صديق حافظ كرته وصد وضـاع كرتـه
واتذكر كم غدر بي من صديق وكم صفى لـي=وكم صديق كـل ماسنـد مـع درب حدرتـه
وكم صديق رخص في عيني وهو قد كان غالي=وكم رخيص كل ماعزت على نفسـي حقرتـه
علمتني ضحكـة الدنيـا وطنخـات الهبالـي=كيف حبل الطيب لامن طال طلتـه ماقصرتـه
وعلمتني صحبة الرديـان وقصـار الحبالـي=كيف قسمي في المكاسب من حصاد مابذرتـه
والنهاية ماحصلـي مـن نسانيـس الليالـي=كـود خـوةً طيبـاً وهـذا الـلـي كسبـتـه


الشاعر: سعد بن شلفوت=

[محمد بن سعود]

الدمعه


الدمعه اللي من ثلاث سنين ينطرها غبي

............. وصّووه ينطرها وكل اللي موصينه نسوه

انا اعتبرها لا انزلت زله وفي حق اجنبي

............. وهو يعتبرها حاجةٍ سهله وينطرها لعنبوه

مدامها بيني وبين عيوني مثله وش يبـي؟

............. دموعي عيالي ولا طاح الولد من عين ابوه!


لــ / محمد جارالله

[محمد بن سعود]

ما تغير شي... لكن!!



/


/


/


ما تغيَّر شي .. لكن .. صار فاضي هالمكـان =يعني إنتَ شفت قلبي طحت مِنْ عينـي وعينـه

كان لك قلبي مدينه ولاحظ إني قلت : ((كـان)) =يعني إنتَ الحين واحد ((خارج حدود المدينـه))

ليه مستغرب كلامـي وليـه أعطيـك الأمـان =وليه تَكْذِب في كلامـك العـذر وينـك ووينـه

ما ألومك كان قلبـك ثـارت أمواجـه وخـان =الخطا منَّي لأني صـرت فـي بحـرك سفينـه

والسؤال اللَّي كتمته وما نِطَـق فيـه اللسـان =كيف إيدك إطعنتني وآنـا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان =لو تبوس الجرح فينـي ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان ) =وإنتَ قلبي ما كرمته وما قـدرت إنِّـك تهينـه

( عزِّتي ).. ما هي جديده آنا شامخ من زمان =إغسل إيدك من رجوعي وروح يا إبن اللذينـه

طاب خاطر قلبي منِّك وهـذي الفرقـى رهـان =وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان =وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتيـن وثمـان =أدمح الزله عشانـك وأكتـم أنفـاس الغبينـه

كنت أحبك وكنت أعزك والغـلا فينـي جبـان =اخاف تزعل لو ألومك ضعت ما بينـك وبينـه

في عيون الناس عادي بس في عينـي جنـان =وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخـص خـان =المحبه في زمانك بحرهـا مـن غيـر مينـه

الفشـل .. كـان النتيجـه وأعتقـد آن الأوان =أبني مستقبل حياتي وأنسـى قصتنـا الحزينـه

وخطوتي الأولى غيابك وراح أطبقهـا عشـان =يبكي قلبك لا فقدني والنـدم .. يملـي سنينـه

جاي تسأل عن مكانك !! هو بقى فيني مكان ؟؟ =الله يرحمها المشاعر اللي كانـت لـك رهينـه

قلت لك قلبي ( مدينه )فيها لك حشمه وشـان =لكن إنتَ الحين أغرب شخص في هذي المدينه



....!!

[نـاصـر]

فكره جميله

والأجمل ترجمتها بموضوع :)

الله يعطيك العافيه يابن سعود

وهذي مشاركتي والقصيده من أقرب القصائد لي وعلى ماقلت كتبت بماء الذهب وحفظة بذاكرتي :)

(مرحبا بأعذب الأصوات وأغلاها)

http://www.alqsed.com/file-3746.ram
,
والله أني عجزان لا أكتبها
,
سلطان بن وسام

[بــ راكان ــنت]

فكرهـ رائعهـ:

كلـ الشكر لكـ اخيـ بنـ سعود

[محمد بن سعود]

[ معانق حـزن ]


صح لسان / سعد بن شلفوت

وشكرا علي المشاركه

[محمد بن سعود]

( شافوك بـ أوراقي ) .. !



اااااااااااالله .. ياكثر ما اغليتك وحبيتك=حتى اني اصبحت ما اسيطر على اشواقي
شلتك عن الناس في عيوني وخبيتك=ومع الاسف كلهم شافوك بـ.. اوراقي
مهما عطيتك وفاء واخلاص ما اوفيتك=وانت بشعورك .. تعدى هقوة الهاقي
غلاك طير ٍ اليا هديته ارضيتك=كنه يقول لـ.. قصيدي : هات مسباقي
سرقتني مادريت .. وقلت ياليتك !=تسحب بساط الغلا .. من تحت عشّاقي
وآثرك.. تبيها من الله يوم ورّيتك=مكانتك في فضاي وفـ.. أخر آفاقي
ما مرّ يوم ٍ عليّ .. الا تمنيتك=يشتاق لك كل مافيني .. من اعماقي
بسمتك / ضحكتك / رسميّتك / ايتكيتك=ذوقك / تعاملك / سحر اسلوبك الراقي
خلّني اجيك .. وبـ.. عذري ليا جيتك=واقول فالناس هذي ويش انا لاقي !
اتخيلك / كل ساعه .. لا تباطيتك=صورتك في عيني وبروازها احداقي
بديتك من البدايه بس .. ما انهيتك=وان طال دربي ما كلّ من التعب ساقي
علّمتك تغير في حدودك .. لا خليتك=وعلّمتني كيف اعيش الحب بـ.. اخلاقي
مافيه من يقدر يشاركك .. في بيتك=لاصارت اسوار صدري .. درعك الواقي
ريّح .. وانا اللي على قلبي ما وصيتك=وانت ارقد آمن واخذ عهدي وميثاقي
لاصرت قسمي .. وتفرح بي لا ناديتك !=ماعاد ابي من حياتي قسمي الباقي



[ مشعـان البراق ]

[فرز الوغا]

الله

الله

محمد بن سعود

كلك ابداااااع

لاهنت

صديقي











بحفظ الله

[Najla]

فكرهـ رووعه .. :)

يعطييك العافيه على القصآيد ولآهنت على نقلها ..

[sultan-q8]

لاهنت على الفكرة الرائع

وتقبل تحياتي

[محمد بن سعود]

:)


ناصر ، الروعه حضـوركـ يالغالي


وصـح لسان [ بن وسـام ]


ولاااا تعبــت :)