وشوشـة مراوحـه يـوم اشتغـل وبلـوفـه= وشوشة عجمي يسولف له علـى قحطانـي

[ابو ياسر 5]

راكب اللـي لـو يطوفـك ماقـدرت تطوفـه=سـيّـد الالــوان لا فـضـي ولا فيـرانـي
يـوم سواقـه علـى سمعـي يعـدّ وصوفـه=والله ان كـنـك تـدورنــي ولا تلـقـانـي
اذكر انه قال فـي عـرض الكـلام اطروفـه=راح منهـا شـي وآخرهـا بـقـى فلسـانـي
اتحفوآبـه واعـذره لجـل بعـض ضـروفـه=واتركـه عنـد العمـل لا تنظلـه جيـرانـي
قلـت ويـن القـاه لا منـي بغيـت اشـوفـه=قال في قصر السلام وفي قصر دسماني
الفخامـة تفـرق اسمـه قبـل تفـرق نـوفـه=والفياقرا تجمع اسمه واسم شي ٍ ثانـي
فيـه مـن هتلـر دهـآ عقلـه وزيـن وقوفـه=تقـدر تسمّيـه نصرانـي ولــد نصـرانـي
لا انفرش في الارض وارخى لَلتـراب كتوفـه=قطعـة السجـاد قـدم المتـحـف الايـرانـي
لوحتـه بالطـول وارقامـه سـوات حروفـه=تـازن اعقالـك علـى صدامـه الورّانـي
وشوشـة مراوحـه يـوم اشتغـل وبلـوفـه= وشوشة عجمي يسولف له علـى قحطانـي
صـوت حساسـه تقـول يسمعـك معـزوفـه=مـن كلِماتـي وادائـي وفكرتـي والحـانـي
وقفتـة وقفـة زعـولٍ فـي يدينـه طـوفـه=يحـذف الـبـي ام والفكـسـار والنيسـانـي
وان مشى كنه على المسرح يعـرض بروفـه=ودك تخـاويـه وتعـلـق علـيـه الـعـانـي
لادلهـم الليـل قـدمـه والهـبـوب تلـوفـه=اسرع من السيف الاملح فـي رقبـة الجانـي
ليـن ياصـل بيـت مـن تلويحتـه بكفـوفـه=كنـه يلـوح بهـا فـي منتصـف شريـانـي
مـن عرفتـه والـغـلا تفـاحـةٍ منصـوفـه=نصف خذه ونصفه الآخـر خـذوه خوانـي
ليتنـي بالشعـر يـوم ابـرد حشاشـة جوفـه=يستـحـى مـنـي ويذكـرنـي ولاينسـانـي
مايخليـنـي لمـنّـة غـيــره ومـعـروفـه=لو اجيـه اطلـب ذنوبـه كلهـا مـا اعطانـي

الشاعر المبدع مدغم ابو شيبه

[نـاصـر]

السلام عليكم ورحمة الله وبركاته

صح لسان الشاعر مدغم ابو شيبه وقصيده جزله ولاهنت يابو ياسر على نقلها .

عندي أنتقاد بسيط جداً على بيت من بيوت القصيده :)

وشوشة مراوحـه يـوم اشتغـل وبلوفـه...وشوشة عجمي يسولف له على قحطانـي

الوشوشه تنطق عند مخاطبة المرأه .

يعني الرجال لاكلم الرجال مايوشوش .

ولا وش رايكم ياعجمان :)

أنا والله من أشد المعجبين بالشاعر العذب مدغم أبو شيبه وبقصيدته اللي أوردها أخونا ابو ياسر .

لكن هذا مايمنع أن أبين الغلطه اللي غلطها الشاعر .

أجدد شكري للأخ ناقل القصيده

[بندر]

ياسلام على النقل الرائع

مدغم أبوشيبه من أجزل شعراء هذا الوقت

وذلك لايمنع أن يقع في أخطاء

مثل مابيّن أخوي ناصر وأنا معه فيما قال

والبيت هذا أصلاً , كان مثار جدل الصحافه في الفتره الماضيه !

عموماً لاهنت يبوياسر

[مــقــبــل]

صح الله الـــسااان الــشاعر مدغم ابو شيبه




وخــــــــــــــطااا الــــشاطر عن الف


ولـــي زاااد الـــطين بله يـــوم بن حـــمري يــــصفقله فى الامــسيه الي اقامة فى بـــريده

والــخطاا هذاا مـــحسووب عليك يــاشاطر :)


ولاهنــت يـــابو يـــاسر

على الــنقل