(هاوي قصيد)
26-07-2007, 01:53 AM
الشاعر الكبير والعذب \ ناصر بن فالح الهاجري ( ابدوي )
هذا الشاعر اللي اعشق قصيده لحد الثماله , دون قصور في باقي الشعراء
هـــرش القصيـــــد
يجـول هـرش القصيـد محجَـلِ قيـده=يضرس و تضرس ضلوع الصدر من مدّه
و أنا أتعوذ مـن الحاسـد و مـن كيـده=فـي ساعـةِ بيـن مـا ودّه و ما ودّه
لـمَ حطبه..شـبَ ناره..خـدّ أخـاديـده=فـي صـدَةِ يومهـا مـا تعتبـر صـدّه
تكاتفوا..حـاولـوا كبـتـه و تجمـيـده=ليـلِ تواصـوا عليـه و عـدّوا العـدّه
و أطلقت و سمي عليه و شبّـت السيـده=مرخي له الحبل و الدَامـع علـى خـدّه
و أصبح و عرَض دراويش الحروف إيده=كمّ من قلوبِ تصـدَ و عجـزت تصـدَه
روَح و شوق بـدوي تصـدح زغاريـده=كنَـه يـردَد تحـزَم بـي علـى الشـدّه
ماهوب في حاجـة أمجـاده و تمجيـده=لبّستـه المجـد مـن جـدَه إلـى جـدّه
تعـرف علـوم المهربـد مـن هرابيـده=لقـام يدلـع لسـانـه لـيـل و يــردّّه
و أرفع جنابي عـن اللغـو و مقاريـده=و إللـي يقولـون مالـه نـدّ جـا نـدّه
للشعر جنٍ حلف لـي مـا يكـف إيـده=إليـن أخوضـك لعانـه يـا بحـر جـدّه
أمـا إيقـولـون ورد و ذي مـواريـده=والا يقولـون ورد ومــا حــدَ قّــده
ما هيـب لحيـة كـذا جيـه و تبريـده=مدام للشعـر نـاس وفـي العمـر مـدّه
الهـم علـى مايمـد و كفـه زهـيـده=وإن مـد جزلـه يعـد و تذكـر الـمـدّه
عشرين عام و أنا فـي طـور تجديـده=على محيط القصيـد و جـزره و مـدّه
بـرّدت كبـده و سلـم لـي عناقـيـده=مهوب بالصـوت يـا محـروم و الهـدّه
يـوم أتتبـع وصايـا السـيـد لسـيـده=حلمٍ تلـدد ورى المشـراف وش لـدّه
وين أنت قبل أمس يا مخلـف مواعيـده=ما تجتمـع عيـن حقـد و عيـنِ مـودّه
أحيـان تفتـح ملـف الشـوق و تعيـده=و أحيان تقطع طريق الوصـل و تسـدّه
يا مزعـلِ القصيـم و مرضـي بريـده=النـاس عـن مذهـب التطبيـل مرتـدّه
غـرد هـوى البلبـل العاشـق بتغريـده=و أوما لوجـه الريـاح و بيّحـت سـدّه
البلبـل اللـي سحـر عقلـك بأناشيـده=إن كـان مانـي معـاه فمانـي بضـدّه
الوجـه لـولا الصبـغ بانـت تجاعيـده=يا حزب مـا تقتضيـه المصلحـه بـدّه
لا تحسب إن الجبل لـو تنقصـه حيـده=بيقـل وزنـه مـع الايــام و تـهـدّه
اللعب على غيرهـا مـا فـادت تفيـده=ولا إفدهده عليـه ولا زعـل هــدّه
والله ماطرد وراه الكسب تاييده = لا بوك نفسٍ ورا التاييد منهده
و إن عوّدت قسمتي لسعيـد و سعيـده=ماهوب عدٍ عليه الضمي منـحـدّه
مـدام مـاهـيب بالجـيـدَ ولا جـيـده=ليه أرخص الشعر في ذا الوقت و أعـدّه
مات الحكـم و شهـود ونفـج الصيـده=و بشّـر بحـرٍِ يهـد و يدمـي الـهـدّه
امـا كـذا يـا ولـد والا ألزمـه قيـده=وش لــي بتـيـار لا هـاتـه ولا ودّه
وسلامتكم
هذا الشاعر اللي اعشق قصيده لحد الثماله , دون قصور في باقي الشعراء
هـــرش القصيـــــد
يجـول هـرش القصيـد محجَـلِ قيـده=يضرس و تضرس ضلوع الصدر من مدّه
و أنا أتعوذ مـن الحاسـد و مـن كيـده=فـي ساعـةِ بيـن مـا ودّه و ما ودّه
لـمَ حطبه..شـبَ ناره..خـدّ أخـاديـده=فـي صـدَةِ يومهـا مـا تعتبـر صـدّه
تكاتفوا..حـاولـوا كبـتـه و تجمـيـده=ليـلِ تواصـوا عليـه و عـدّوا العـدّه
و أطلقت و سمي عليه و شبّـت السيـده=مرخي له الحبل و الدَامـع علـى خـدّه
و أصبح و عرَض دراويش الحروف إيده=كمّ من قلوبِ تصـدَ و عجـزت تصـدَه
روَح و شوق بـدوي تصـدح زغاريـده=كنَـه يـردَد تحـزَم بـي علـى الشـدّه
ماهوب في حاجـة أمجـاده و تمجيـده=لبّستـه المجـد مـن جـدَه إلـى جـدّه
تعـرف علـوم المهربـد مـن هرابيـده=لقـام يدلـع لسـانـه لـيـل و يــردّّه
و أرفع جنابي عـن اللغـو و مقاريـده=و إللـي يقولـون مالـه نـدّ جـا نـدّه
للشعر جنٍ حلف لـي مـا يكـف إيـده=إليـن أخوضـك لعانـه يـا بحـر جـدّه
أمـا إيقـولـون ورد و ذي مـواريـده=والا يقولـون ورد ومــا حــدَ قّــده
ما هيـب لحيـة كـذا جيـه و تبريـده=مدام للشعـر نـاس وفـي العمـر مـدّه
الهـم علـى مايمـد و كفـه زهـيـده=وإن مـد جزلـه يعـد و تذكـر الـمـدّه
عشرين عام و أنا فـي طـور تجديـده=على محيط القصيـد و جـزره و مـدّه
بـرّدت كبـده و سلـم لـي عناقـيـده=مهوب بالصـوت يـا محـروم و الهـدّه
يـوم أتتبـع وصايـا السـيـد لسـيـده=حلمٍ تلـدد ورى المشـراف وش لـدّه
وين أنت قبل أمس يا مخلـف مواعيـده=ما تجتمـع عيـن حقـد و عيـنِ مـودّه
أحيـان تفتـح ملـف الشـوق و تعيـده=و أحيان تقطع طريق الوصـل و تسـدّه
يا مزعـلِ القصيـم و مرضـي بريـده=النـاس عـن مذهـب التطبيـل مرتـدّه
غـرد هـوى البلبـل العاشـق بتغريـده=و أوما لوجـه الريـاح و بيّحـت سـدّه
البلبـل اللـي سحـر عقلـك بأناشيـده=إن كـان مانـي معـاه فمانـي بضـدّه
الوجـه لـولا الصبـغ بانـت تجاعيـده=يا حزب مـا تقتضيـه المصلحـه بـدّه
لا تحسب إن الجبل لـو تنقصـه حيـده=بيقـل وزنـه مـع الايــام و تـهـدّه
اللعب على غيرهـا مـا فـادت تفيـده=ولا إفدهده عليـه ولا زعـل هــدّه
والله ماطرد وراه الكسب تاييده = لا بوك نفسٍ ورا التاييد منهده
و إن عوّدت قسمتي لسعيـد و سعيـده=ماهوب عدٍ عليه الضمي منـحـدّه
مـدام مـاهـيب بالجـيـدَ ولا جـيـده=ليه أرخص الشعر في ذا الوقت و أعـدّه
مات الحكـم و شهـود ونفـج الصيـده=و بشّـر بحـرٍِ يهـد و يدمـي الـهـدّه
امـا كـذا يـا ولـد والا ألزمـه قيـده=وش لــي بتـيـار لا هـاتـه ولا ودّه
وسلامتكم