samisyr
05-07-2007, 09:43 PM
محطات على قناة العربية: صباح فخري كبير من زمن الكبار
اعداد وحوار وتنفيذ د.باسل الحاج جاسم
المطرب صباح فخري
ساندرا رزق: أهلاً بكم إلى محطات، أنا ساندرا رزق أقدم لكم حلقة خاصة بصباح فخري مندبي، فنان يطل متحدثاً عن تجربة حياةٍٍ في فن تميّز به وأبدع فيه على مدى عشرات السنين، صباح فخري في محطات كبير من زمن الكبار، مطرب أثرى ساحة الغناء العربي الأصيل، وأسس مملكةً تربع على عرشها. يعتبر أن قضية النجاح لا تقاس بعدد الأغاني،إن كان 2000 أكثر أو أقل ولكن الأهم هو أن صباح فخري حقق رسالته، يؤكد أنه لوسائل الإعلام دور مهم عندما تركز على بث التراث العربي والطرب الأصيل، وهي تحافظ عليه في نفوس الناس لأنه مخزون من كنوزٍ وجواهر والموسيقى لغة الكون، في الجزء الأول يتحدث صباح فخري عن معهده لتعليم الغناء، حيث أنه لا يوجد معهد غنائي عربي منذ أيام زرياب.
[مقطع من أغنية] صباح فخري: [يغلق خلويه] هذا هذا لهون صار حباب، هلأ هذا موبايل سكرناه بس إذا وحدة ست حلوة وغرارة (تتكلم كثيراً) شلون بدك تسكتها؟
باسل الحاج جاسم:هذول ما حدا بيحسن يحكمهن.
صباح فخري: لأ، على شرط حلوة مو غرارة (تتكلم كثيراً) [مقطع من أغنية]. طبعاً أنا حياتي يعني حكينا إنها هي نصفين نصف مطرب وملحن إلي لنفسي، والحياة الثانية مربي وأستاذ وملحن لغيري، الحقيقة فرغت الكثير هلأ ولسا عم بفرغ والله أعلم بالرقم لسا ما جمعته بس ما شاء الله وكان يعني الحمد لله رب العالمين يمكن رصيدي أكبر من أي فنان.
باسل الحاج جاسم : يعني تجاوز الـ 2000؟
صباح فخري: والله ما بقدر أقول لك ما عدتيهم، يعني حتى الآن بالفعل ما حسبتهم، أنابكون قاعد بتذكر شغلة رأساً عم بدونها كثير شغلات نسيانها، لك لك خيو يا شباب.. فرقتنا كانوا يشتغلوا معنا فلان موشح مين؟ لك خيو هذا ألحانك هذا ما بعرف شو هذافلان هذا.. أمس فيه قصيدتين طلعوا جدد وأنا بليلة أمس في مديح تذكرته يعني عم نكتب عم فرغ إن شاء الله، يعني اللي بدنا نتذكره منتذكره وبعدين منعده بقا، يعني صحيح حلو الإنسان يكون يعني كثير العطاء وأديب ولاّ شاعر ولاّ الفقيه ولاّ غيره يكون عنده كم كبير من الكتب والمؤلفات طبعاً هذا مهم جداً، وأنا بعتز وبفتخر أن يكون عندي عطاء كبير معناته أنا عندي مساحة كبير، بس لو رجعنا للقضية النجاح إن كانوا 2000 وإن كانوا 500 فصباح فخري حقق رسالته [مقطع من أغنية].
دور الإعلام في الحفاظ على التراث
الطرب منعتبره نحن من جذورنا وتراثنا العريق من كنوزنا الغالية. أجهزة الإعلام لهادور كبير لما بتجي دائماً بتركز على بث التراث والطرب الأصيل معنى ذلك عم تحافظ عليه عم ترسخه تحافظ عليه في نفوس الناس وفي قلوبها وعواطفها وأفكارها كمان عنصرآخر، والحقيقة يعني في أكثر من عنصر كمان أيضاً للحفاظ على التراث، التراث نحن لازم نحترمه مثل ما أنت مثلاً كيف بتحترم أمك وأبوك فبدك تحترم تراثك [مقطع من أغنية]. أنا بالرؤية تبعي ورؤيا المختصين بختار الأجود بختار الأحسن بختار اللي أقرب للانتشار [مقطع من أغنية]. الاختيار طبعاً علم مو قصة هيك كلمة يعني ما بريد إشرحلك عنها هي بكرة في المعهد تبعي إن شاء الله بيعرفوك كيف يختاروا، والمعهد الغنائي الوحيد في العالم العربي في معاهد موسيقية ما في معاهد غناء من أيام معهد زرياب،يعلموا الغناء أوروبا في بتروح عالمعهد بعلموك شلون بدك تغني صوتك من بطنك من صدرك من حلقك، نحن ما عنا حدا يعلمك كيف بدك تغني بتغني بقا أنت عالتجلي، بدك أستاذالأستاذ كان زرياب وهلأ أنا صباح فخري. سألني الأستاذ محمد عبد الوهاب قال لي اي ديه.. قلتله يا أستاذ أنتم عندكم أراضيكم بتنتج أقطن نحن أراضينا بتنتج أصوات جميلة [مقطع من أغنية]. الموسيقى ضرورة مو.. ضرورة ضرورة جداً يعني نحن هلأ في بعض الناس ينظرونإليها أنه والله هي بسط وكيف ولهو، لأ. ضرورة سمعان الموسيقى ضرورة للصحة العامة،أدركوا أن أبن الرشد داوى الجنون.. البقرة عم تعطي لترين حليب يوم اللي بتسمع موسيقى النبات عم يعطي نبات أجود الجماد يتفاعل ضرورة للكون ما بصير بلا الموسيقى [مقطع من أغنية].
ساندرا رزق: متابع للأخبار ومعايش لهموم الوطن العربي، وله رأي خاص في الفيديوكليب، صباح فخري في الجزء الثاني بعد الفاصل.
[فاصل إعلاني]
ساندرا رزق: صباح فخري متابع يومي للأخبار يرى أننا نعيش جرحاً كبيراً بسبب ما يحدثفي فلسطين والعراق، وتحدث عن أغنية: "حي على الجهاد" التي قدمها عام 1967 وأثارتضجة في إسرائيل، كما يعتز صباح فخري بجميع الأوسمة التي قلده إياها العديد من الرؤساء العرب، ويكشف لأول مرة عن رأيه في الفيديو كليب.
صباح فخري: [مقطع من أغنية] هلأ نحن 10 ساعات كنا نغني فيها يعني هيك شي عادي جداًلأنه كانت أفراحنا أيام زمان نحن ثلاث أيام في الماضي كان 7 أيام اختصرت ثلاث أيامالأفراح: يوم الحنة، ويوم التلبيسة، ويوم الصباحية عنا بحلب عنا العادة نحنا هون،بقا الأستاذ محمد عبد الوهاب قال لهم: ما شاء الله المطرب بحلب بغني ساعة ساعتينيوم اثنين ثلاثة معرفش إزاي! المهم فنحن يوم الحنة بنجي بنسهر بيسهروا هالمعازيم هالضيوف أهل العريس وهالناس وهالحبايب وهالأصدقاء وبنغني من أول السهرة لعلى بكرةطالما مبسوطين باركين بتطلع الشمس بيطلع الضو 10 ساعات 12 ساعة 14 ساعة ما في عندنا زمن منغني ما شاء الله أصوات قوية، قاله: إزاي! قلنا له: مناخنا أستاذ نحنا أجسامنا قوية نحن حناجرنا قوية مناخنا بساعدنا بيعطينا أصوات عملاقة، يعني بقا صدفت هالنهار 12.. 14 هلأ أنا كثير حفلاتنا بحلب نحن هون إطلع 10 عالمسرح بخلص 12 الظهر، فشي عادي بقا رقم قياسي اللي حطوه قال بغينيتس ما بعرف حطوه على مسوؤليتهن 10 ساعات أناغنيت متواصلة بكركاس متواصلة شو عليه بالـ 1968 هذا عطاء من الله ومقدرة موضوع آخريعني في سر مو قصة وقفتي يعني 10 ساعات تغني أن الناس كيف أنت الناس معك هي مشدودة،كيف عايشة هالوقت لا بتمل منك ولا عم تتركك السر هون. السياسة يعني لا تنفصل عن الفن وعن أي شيء بالحياة الحياة كلها سياسة، لذلك ليس هناك فرق بين السياسة وليس هناك فرق بين الحياة كلها بأجمعها [مقطع من أغنية]. أنا طبعاً لازم إهتم بالأخبار.
باسل الحاج جاسم: يومياً؟
علاقة صباح فخري بالسياسة
صباح فخري: يومياً لازم آخذ فكرة ولو يعني مجمل يعني حسب وقتي هو من تلفزيون هو من إذاعة هو من الصحافة هو.. بحسب ما يتاح إلي يعني الوقت وظرفي وسفري ووجودي. طيب هذالمين بيرضي منظر فلسطين الآن ما تراه أنت على الشاشة من قتل وتدمير لمين بيرضي! ماتراه في العراق يومياً لمين بيرضي! ما تراه في أفغانستان لمين بيرضي! ما تراه في الشيشان لمين بيرضي! رجعنا محاكم التفتيش أيام ما بعرف مين ورجعنا لما بعرف مين ورجعنا لما اضطهادات ما يعني.. فنحن يومياً يعني الحقيقة جرحنا عميق وخاصةً نحن جيلنا بقا اللي عاش مع النكبة من أولها، ماشيينها يوم بيوم مثل ولد عم تربيه وكبرقدامك وأنت شايفه مريض قدام عينك وكل ماله مرضه عم يتفاقم وأنت عم تحزن ما عم يطلع بيدك شي وعم تشوف صحته عم تتدهور. أنا قدمت "حي على الجهاد" بالـ 1967 وقدمت: "حكاية شهيد" للشاعر الفلسطيني "عبد الرحيم محمود: سأحمد روحي على راحته" وإلي الكثير من الأغاني اللي من الـ 1947: "مرحب مرحب بالعربان.. ياللي تحارب بالميدان.. عزم وقوة تهد جبال.. وعجباههم نور الإيمان.. ومرحب مرحب.." إلي الكثير: "ويا حماةالحمى.. إلى آخره" فهذول أحدثوا ضجة في الوسط، لموهم ولموا كاسيتات مارسيل خليفةولموا كاسيتات كل شي عم يحكي عن فلسطين ما بدهم [مقطع من أغنية]. يعني أنا كُرّمت من قبل رؤساء.
باسل الحاج جاسم: مثل مين؟
صباح فخري: الحبيب بورقيبة - رحمه الله - علّق لي وسام باليد وأقام لي حفل تكريم،السلطان قابوس تكريم ووسام باليد كمان علّق لي إياه، الحقيقة وأول مرة في سوريايكرّم فنان من قبل رئيس الجمهورية، ولم يكرّم قبلي أحد هذا أنا يعني بعتز وبفتخرفيه، بعدين فرحت كثير أنه أهلك وذووك يعني يعيشوا قيمتك ويقدروها ويكرموك قبلالآخرين أو بعد ما في مشكلة بس إلها وقع خاص إلها وقع خاص الحقيقة وفرحة خاصة،التكريم كانت فضله كبير من الرؤساء اللي كرموني ومحبة، بس أنا لما رئيسي كبير هذاالوطن بيكرمني له معنى خاص بنفسي وخاص.. يعني كبرني وكبُر العالم عرفوا هذا الرجلأديش حضاري وأديش بعد نظر وأديش بقدر الفن رغم ظروفه الحاركة الصعبة السياسيةأميركا وإسرائيل ووضعنا في البلاد العربية واهتمامه في الوطن هون في سوريا بالصغيرةوالكبيرة لم ينسَ أن يكرم صباح فخري باليد ويتوّج محبة الناس بهذا التكريم، وهذاالتكريم يعني فرحت أنا فيه كثير مو شوي، لأنه كان عبارة عن تكريم لكل الفنانينبعتقد أنا في سوريا وفي الوطن العربي [مقطع من أغنية]. ليش لأ الفيديو كليب شوالمشكلة ممكن..
باسل الحاج جاسم: ما ضد الفيديو كليب؟
رأي صباح فخري بالفيديو كليب
صباح فخري: لأ، ليش ضده أنا؟ أنا ضد الخلاعة في الفيديو كليب ضد ما يسيء إلى الأخلاق ضد ما يحرّض الجنس نحن عم نقدم فن [مقطع من أغنية]. هذا الرقص الحقيقي يا أخي هذا الرقص الروحي هذا الرقص الصوفي [مقطع من أغنية]. منين بدك تطالع حلب من جواتي من ذراتي ما أنا أصيل.. أصيل من وين بدك تطالعها مني، أنا في كثير ناس هلأ حالياً بيستنوا ليجتمعوا معي منشان يسألوني عن المفردات الحلبية الأصيلة وبسجلولها التسميات الأغراض الأشياء القديمة باللهجة الحلبية يعني.
باسل الحاج جاسم: أستاذ صباح شكراً على الحديث الصريح.
صباح فخري: أهلاً وسهلاً، ما في شي شي عادي اللي هون (في القلب) هون (على اللسان) ما في كذب بس الواحد كان فيه كذب بيلف وبيدور فالصراحة يعني مثل "الخط المستقيم أقرب بُعد بين نقطتين" نحن حديثنا واضح وأهلاً وسهلاً فيكن [مقطع من أغنية].
ساندراً رزق: إلى هنا تنتهي هذه الحلقة الخاصة مع صباح فخري من محطات، نلتقي في الأسبوع المقبل إلى اللقاء.
اعداد وحوار وتنفيذ د.باسل الحاج جاسم
المطرب صباح فخري
ساندرا رزق: أهلاً بكم إلى محطات، أنا ساندرا رزق أقدم لكم حلقة خاصة بصباح فخري مندبي، فنان يطل متحدثاً عن تجربة حياةٍٍ في فن تميّز به وأبدع فيه على مدى عشرات السنين، صباح فخري في محطات كبير من زمن الكبار، مطرب أثرى ساحة الغناء العربي الأصيل، وأسس مملكةً تربع على عرشها. يعتبر أن قضية النجاح لا تقاس بعدد الأغاني،إن كان 2000 أكثر أو أقل ولكن الأهم هو أن صباح فخري حقق رسالته، يؤكد أنه لوسائل الإعلام دور مهم عندما تركز على بث التراث العربي والطرب الأصيل، وهي تحافظ عليه في نفوس الناس لأنه مخزون من كنوزٍ وجواهر والموسيقى لغة الكون، في الجزء الأول يتحدث صباح فخري عن معهده لتعليم الغناء، حيث أنه لا يوجد معهد غنائي عربي منذ أيام زرياب.
[مقطع من أغنية] صباح فخري: [يغلق خلويه] هذا هذا لهون صار حباب، هلأ هذا موبايل سكرناه بس إذا وحدة ست حلوة وغرارة (تتكلم كثيراً) شلون بدك تسكتها؟
باسل الحاج جاسم:هذول ما حدا بيحسن يحكمهن.
صباح فخري: لأ، على شرط حلوة مو غرارة (تتكلم كثيراً) [مقطع من أغنية]. طبعاً أنا حياتي يعني حكينا إنها هي نصفين نصف مطرب وملحن إلي لنفسي، والحياة الثانية مربي وأستاذ وملحن لغيري، الحقيقة فرغت الكثير هلأ ولسا عم بفرغ والله أعلم بالرقم لسا ما جمعته بس ما شاء الله وكان يعني الحمد لله رب العالمين يمكن رصيدي أكبر من أي فنان.
باسل الحاج جاسم : يعني تجاوز الـ 2000؟
صباح فخري: والله ما بقدر أقول لك ما عدتيهم، يعني حتى الآن بالفعل ما حسبتهم، أنابكون قاعد بتذكر شغلة رأساً عم بدونها كثير شغلات نسيانها، لك لك خيو يا شباب.. فرقتنا كانوا يشتغلوا معنا فلان موشح مين؟ لك خيو هذا ألحانك هذا ما بعرف شو هذافلان هذا.. أمس فيه قصيدتين طلعوا جدد وأنا بليلة أمس في مديح تذكرته يعني عم نكتب عم فرغ إن شاء الله، يعني اللي بدنا نتذكره منتذكره وبعدين منعده بقا، يعني صحيح حلو الإنسان يكون يعني كثير العطاء وأديب ولاّ شاعر ولاّ الفقيه ولاّ غيره يكون عنده كم كبير من الكتب والمؤلفات طبعاً هذا مهم جداً، وأنا بعتز وبفتخر أن يكون عندي عطاء كبير معناته أنا عندي مساحة كبير، بس لو رجعنا للقضية النجاح إن كانوا 2000 وإن كانوا 500 فصباح فخري حقق رسالته [مقطع من أغنية].
دور الإعلام في الحفاظ على التراث
الطرب منعتبره نحن من جذورنا وتراثنا العريق من كنوزنا الغالية. أجهزة الإعلام لهادور كبير لما بتجي دائماً بتركز على بث التراث والطرب الأصيل معنى ذلك عم تحافظ عليه عم ترسخه تحافظ عليه في نفوس الناس وفي قلوبها وعواطفها وأفكارها كمان عنصرآخر، والحقيقة يعني في أكثر من عنصر كمان أيضاً للحفاظ على التراث، التراث نحن لازم نحترمه مثل ما أنت مثلاً كيف بتحترم أمك وأبوك فبدك تحترم تراثك [مقطع من أغنية]. أنا بالرؤية تبعي ورؤيا المختصين بختار الأجود بختار الأحسن بختار اللي أقرب للانتشار [مقطع من أغنية]. الاختيار طبعاً علم مو قصة هيك كلمة يعني ما بريد إشرحلك عنها هي بكرة في المعهد تبعي إن شاء الله بيعرفوك كيف يختاروا، والمعهد الغنائي الوحيد في العالم العربي في معاهد موسيقية ما في معاهد غناء من أيام معهد زرياب،يعلموا الغناء أوروبا في بتروح عالمعهد بعلموك شلون بدك تغني صوتك من بطنك من صدرك من حلقك، نحن ما عنا حدا يعلمك كيف بدك تغني بتغني بقا أنت عالتجلي، بدك أستاذالأستاذ كان زرياب وهلأ أنا صباح فخري. سألني الأستاذ محمد عبد الوهاب قال لي اي ديه.. قلتله يا أستاذ أنتم عندكم أراضيكم بتنتج أقطن نحن أراضينا بتنتج أصوات جميلة [مقطع من أغنية]. الموسيقى ضرورة مو.. ضرورة ضرورة جداً يعني نحن هلأ في بعض الناس ينظرونإليها أنه والله هي بسط وكيف ولهو، لأ. ضرورة سمعان الموسيقى ضرورة للصحة العامة،أدركوا أن أبن الرشد داوى الجنون.. البقرة عم تعطي لترين حليب يوم اللي بتسمع موسيقى النبات عم يعطي نبات أجود الجماد يتفاعل ضرورة للكون ما بصير بلا الموسيقى [مقطع من أغنية].
ساندرا رزق: متابع للأخبار ومعايش لهموم الوطن العربي، وله رأي خاص في الفيديوكليب، صباح فخري في الجزء الثاني بعد الفاصل.
[فاصل إعلاني]
ساندرا رزق: صباح فخري متابع يومي للأخبار يرى أننا نعيش جرحاً كبيراً بسبب ما يحدثفي فلسطين والعراق، وتحدث عن أغنية: "حي على الجهاد" التي قدمها عام 1967 وأثارتضجة في إسرائيل، كما يعتز صباح فخري بجميع الأوسمة التي قلده إياها العديد من الرؤساء العرب، ويكشف لأول مرة عن رأيه في الفيديو كليب.
صباح فخري: [مقطع من أغنية] هلأ نحن 10 ساعات كنا نغني فيها يعني هيك شي عادي جداًلأنه كانت أفراحنا أيام زمان نحن ثلاث أيام في الماضي كان 7 أيام اختصرت ثلاث أيامالأفراح: يوم الحنة، ويوم التلبيسة، ويوم الصباحية عنا بحلب عنا العادة نحنا هون،بقا الأستاذ محمد عبد الوهاب قال لهم: ما شاء الله المطرب بحلب بغني ساعة ساعتينيوم اثنين ثلاثة معرفش إزاي! المهم فنحن يوم الحنة بنجي بنسهر بيسهروا هالمعازيم هالضيوف أهل العريس وهالناس وهالحبايب وهالأصدقاء وبنغني من أول السهرة لعلى بكرةطالما مبسوطين باركين بتطلع الشمس بيطلع الضو 10 ساعات 12 ساعة 14 ساعة ما في عندنا زمن منغني ما شاء الله أصوات قوية، قاله: إزاي! قلنا له: مناخنا أستاذ نحنا أجسامنا قوية نحن حناجرنا قوية مناخنا بساعدنا بيعطينا أصوات عملاقة، يعني بقا صدفت هالنهار 12.. 14 هلأ أنا كثير حفلاتنا بحلب نحن هون إطلع 10 عالمسرح بخلص 12 الظهر، فشي عادي بقا رقم قياسي اللي حطوه قال بغينيتس ما بعرف حطوه على مسوؤليتهن 10 ساعات أناغنيت متواصلة بكركاس متواصلة شو عليه بالـ 1968 هذا عطاء من الله ومقدرة موضوع آخريعني في سر مو قصة وقفتي يعني 10 ساعات تغني أن الناس كيف أنت الناس معك هي مشدودة،كيف عايشة هالوقت لا بتمل منك ولا عم تتركك السر هون. السياسة يعني لا تنفصل عن الفن وعن أي شيء بالحياة الحياة كلها سياسة، لذلك ليس هناك فرق بين السياسة وليس هناك فرق بين الحياة كلها بأجمعها [مقطع من أغنية]. أنا طبعاً لازم إهتم بالأخبار.
باسل الحاج جاسم: يومياً؟
علاقة صباح فخري بالسياسة
صباح فخري: يومياً لازم آخذ فكرة ولو يعني مجمل يعني حسب وقتي هو من تلفزيون هو من إذاعة هو من الصحافة هو.. بحسب ما يتاح إلي يعني الوقت وظرفي وسفري ووجودي. طيب هذالمين بيرضي منظر فلسطين الآن ما تراه أنت على الشاشة من قتل وتدمير لمين بيرضي! ماتراه في العراق يومياً لمين بيرضي! ما تراه في أفغانستان لمين بيرضي! ما تراه في الشيشان لمين بيرضي! رجعنا محاكم التفتيش أيام ما بعرف مين ورجعنا لما بعرف مين ورجعنا لما اضطهادات ما يعني.. فنحن يومياً يعني الحقيقة جرحنا عميق وخاصةً نحن جيلنا بقا اللي عاش مع النكبة من أولها، ماشيينها يوم بيوم مثل ولد عم تربيه وكبرقدامك وأنت شايفه مريض قدام عينك وكل ماله مرضه عم يتفاقم وأنت عم تحزن ما عم يطلع بيدك شي وعم تشوف صحته عم تتدهور. أنا قدمت "حي على الجهاد" بالـ 1967 وقدمت: "حكاية شهيد" للشاعر الفلسطيني "عبد الرحيم محمود: سأحمد روحي على راحته" وإلي الكثير من الأغاني اللي من الـ 1947: "مرحب مرحب بالعربان.. ياللي تحارب بالميدان.. عزم وقوة تهد جبال.. وعجباههم نور الإيمان.. ومرحب مرحب.." إلي الكثير: "ويا حماةالحمى.. إلى آخره" فهذول أحدثوا ضجة في الوسط، لموهم ولموا كاسيتات مارسيل خليفةولموا كاسيتات كل شي عم يحكي عن فلسطين ما بدهم [مقطع من أغنية]. يعني أنا كُرّمت من قبل رؤساء.
باسل الحاج جاسم: مثل مين؟
صباح فخري: الحبيب بورقيبة - رحمه الله - علّق لي وسام باليد وأقام لي حفل تكريم،السلطان قابوس تكريم ووسام باليد كمان علّق لي إياه، الحقيقة وأول مرة في سوريايكرّم فنان من قبل رئيس الجمهورية، ولم يكرّم قبلي أحد هذا أنا يعني بعتز وبفتخرفيه، بعدين فرحت كثير أنه أهلك وذووك يعني يعيشوا قيمتك ويقدروها ويكرموك قبلالآخرين أو بعد ما في مشكلة بس إلها وقع خاص إلها وقع خاص الحقيقة وفرحة خاصة،التكريم كانت فضله كبير من الرؤساء اللي كرموني ومحبة، بس أنا لما رئيسي كبير هذاالوطن بيكرمني له معنى خاص بنفسي وخاص.. يعني كبرني وكبُر العالم عرفوا هذا الرجلأديش حضاري وأديش بعد نظر وأديش بقدر الفن رغم ظروفه الحاركة الصعبة السياسيةأميركا وإسرائيل ووضعنا في البلاد العربية واهتمامه في الوطن هون في سوريا بالصغيرةوالكبيرة لم ينسَ أن يكرم صباح فخري باليد ويتوّج محبة الناس بهذا التكريم، وهذاالتكريم يعني فرحت أنا فيه كثير مو شوي، لأنه كان عبارة عن تكريم لكل الفنانينبعتقد أنا في سوريا وفي الوطن العربي [مقطع من أغنية]. ليش لأ الفيديو كليب شوالمشكلة ممكن..
باسل الحاج جاسم: ما ضد الفيديو كليب؟
رأي صباح فخري بالفيديو كليب
صباح فخري: لأ، ليش ضده أنا؟ أنا ضد الخلاعة في الفيديو كليب ضد ما يسيء إلى الأخلاق ضد ما يحرّض الجنس نحن عم نقدم فن [مقطع من أغنية]. هذا الرقص الحقيقي يا أخي هذا الرقص الروحي هذا الرقص الصوفي [مقطع من أغنية]. منين بدك تطالع حلب من جواتي من ذراتي ما أنا أصيل.. أصيل من وين بدك تطالعها مني، أنا في كثير ناس هلأ حالياً بيستنوا ليجتمعوا معي منشان يسألوني عن المفردات الحلبية الأصيلة وبسجلولها التسميات الأغراض الأشياء القديمة باللهجة الحلبية يعني.
باسل الحاج جاسم: أستاذ صباح شكراً على الحديث الصريح.
صباح فخري: أهلاً وسهلاً، ما في شي شي عادي اللي هون (في القلب) هون (على اللسان) ما في كذب بس الواحد كان فيه كذب بيلف وبيدور فالصراحة يعني مثل "الخط المستقيم أقرب بُعد بين نقطتين" نحن حديثنا واضح وأهلاً وسهلاً فيكن [مقطع من أغنية].
ساندراً رزق: إلى هنا تنتهي هذه الحلقة الخاصة مع صباح فخري من محطات، نلتقي في الأسبوع المقبل إلى اللقاء.