صفحة المضارب [الأرشيف] - ::. مـنتدى قبيلـة العجمـان .::

ملك البورصه

01-07-2007, 03:17 PM

السلام عليكم

اخواني هذه او مشاركه لي معاكم بالمنتدى وحبيت اني اسوي الصفحه هذه للمضارب لتعم الفائده على الجميع وان شاء الرحمن اني افيد واستفيد

والصفحه هذه لاخواني المتداولين في البورصه الكويتيه بناء على التحليل الفني

واول سهم هو المال سعر الدخول 365 _ 370 _375

وسعر البيع هو 425

وهذه ليست دعوه للشراء او للبيع لان البيع والشراء مسؤليه شخصيه انما للمراقبه

ملك البورصه

02-07-2007, 12:57 PM

مبروك التعليقه

للتذكير اي سهم يذكر بالزاويه هذه بناء على تحليل فني مع توصيه

كما ارجو من المراقبين تثبيت الصفحه لتعم الفائده على الجميع

وبالتوفيق للجميع

اخوكم ابو عيد

ملك البورصه

03-07-2007, 12:43 PM

السلام عليكم

اخواني اليوم السهم كان ممكن انه يعلق ارتفع 20 فلس بعيد رد الى حيث ماكان

بسبب نزول السوق اعتقد انه باكر يلامس الدعم الفولاذي 390 ويرتد منه الى الهدف المذكور

وبالتوفيق للجميع

نديم القلم

03-07-2007, 11:15 PM

السلام عليكم ورحمة الله وبركاته

أبو عيد مساك الله بالخير ...

أشكرك على الموضوع الجيد والمفيد ولكن لدى تساؤل بسيط هل تعتقد أن البورصه فى الدول العربيه تعتمد فى تحرك أسعار أسهمها على عملية التحليل الفنى , أو أن المحرك الرئيسى هو الأشاعات وسوالف الدواوين ورغبات بعض أصحاب النفوذ المالى الكبير والذين يعدون على الأصابع يرفعون ما يشاؤن من الأسهم ويخفسون بغيرها أما صغار المستثمرين فأنهم فقط يتبعون هؤلاء المذكورين ليفاجئوا بالنهايه وبغفلة من الزمن أن أموالهم أصبحت فى خزائن من تم ذكرهم .

الأمر الأخر أخى أبو عيد نبيك تشرحلنا زيادة عن عمليات التحليل الفنى لتعم الفائده مع شكرنا لك مقدما .

أخيك

نديــــــم القلـــــــم

ملك البورصه

03-07-2007, 11:45 PM

السلام عليكم

اخوي بخصوص التحليل الفني والاسهم ماشي 100 %

والخبر يقتل التحليل او يؤجله

وبخصوص اغلب المتداولين بالبورصه حاط حلاله ومبالغ كبيره ويستبخل دخول دوره رسومها 100 دينار مع العلم ان الدوره توضح لك وتفتح لك ابواب الرزق والرازق الله

واخواني فيه دوره راح تعقد بتاريخ 28- 7 انصح الجميع بالدخول فيها يلقيها استاذ محمد الهاجري
ت3980381 ستقام الدورة في معهد إتحاد عمال البترول - الأحمدي

واليك هذا الرابط ليستفيد منه الجميع
http://nadr.us/dros/

وشكرا جزيلا على المرور

ملك البورصه

04-07-2007, 12:58 PM

مبروك للجميع ارتفاع السهم والاقفال على 405

الاحرش

04-07-2007, 02:29 PM

يعطيك العافيه

على الموضوع الرائع

بس انا بسئل عن سهم تمويل الخليج

شنو تحليلك له في الاسبوع القادم

ملك البورصه

05-07-2007, 04:05 AM

السلام عليكم

مشكور اخوي على مرورك بخصوص سهم التمويل الخليجي سهم يملك شعبيه وهو ممتاز للمستثمر هو الحين اقفاله على الدعم 660 مقاومته 690
مؤشر الرايسي سلبي تابع تداول الاسبوع القادم اي اقفال تحت ال660 اشارة خروج

وبالتوفيق

ملاحظه : اخواني هذه الصفحه خصصت لترشيح سهم فيه صعده قريبه بناء على توصيه وتحليل فني وانا لا اتحمل مسؤلية البيع والشراء ( للتذكير )

الاحرش

05-07-2007, 03:24 PM

الله لا يهينتك

ملك البورصة

ملك البورصه

09-07-2007, 11:46 PM

احب ارشح لاخواني المستثمرين سهم وبصراحه تأخرت بترشيحه لان السهم هذا ارتفع الحين ووصل سعره 395 وهو سهم ص متحده البيع على سعر ال500 ولاخر السنه فوق ال 700

عنده مقاومه على 400 ودعم على 380 وبالتوفيق للجميع

أم يوسف

12-07-2007, 06:32 PM

اجتهاد منكم

أكرمكم الله فيما تستحقون

..

ملك البورصه

13-07-2007, 01:40 AM

اجتهاد منكم

أكرمكم الله فيما تستحقون

..

جزاك الله خير

ومشكوره على الدعاء

وهم مشكوره على المرور

واذا انتي لك بالبورصه اخذي ص متحده والبيع بالسنه الجديده 100 % ربح

بأذن الله

ملك البورصه

14-07-2007, 12:44 PM

الف مبروك صعود سهم ص متحده الى سعر 405 والسهم للمستثمر ممتاز وان شاء الله فيه الدبل لاخر السنه وبالتوفيق للجميع

اخوكم ابو عيد

ملاحظه : ماشوف تعليق من المشرفين

الاحرش

15-07-2007, 06:55 PM

بيض الله وجهك اخوي ملك البورصه

وانا ودي اسئلك عن دورات التداول ما افضلها وماسعرها وشنو مميزاتها

وشاكرلك

على الجهد الي تقوم فيه من نصائح

ملك البورصه

16-07-2007, 12:41 AM

بيض الله وجهك اخوي ملك البورصه

وانا ودي اسئلك عن دورات التداول ما افضلها وماسعرها وشنو مميزاتها

وشاكرلك

على الجهد الي تقوم فيه من نصائح
ووجهك

حياك الله اخوي الاحرش

بخصوص الدورات فيه دوره يسويها الاستاذ _ محمد الهاجري رئيس فريق دريال للتحليل الفني ورسوم الدوره 150 دينار ومكان انعقادها : ستقــام الدورة فــي معهـــد إتحــاد عمـــال البتـــرول - الأحمدي مــن تاريخ 28/7/2007 حتى 1/8/2007 من الساعة السادسة حتى الساعة الثامنة
مساءا وسيحاضر بها
ت : 3980381وستتضمن الدورة:-

- الأشكال الفنية ( الرأس ووالكتفين ، الكوب والعروة ، المثلثات ،
المستطيلات،الأعلام
...ألخ).
- المؤشرات الفنية ( معدلات التحرك (200,50,20,10) - المؤشرات الفنية
(معدلات التحرك
المتجاذبة المتنافرة Macd ،مؤشر القوة الشرائية النسبية......ألخ).
- الاتجاهات (التصاعديه ،التنازليه ، المتماسكه).
- الشموع اليابانية.
- نظريات ونسب الفيبوناتشي وطرق استخدامها.
- الانعكاسات والارتدادات والاختراقات.
6- تطبيقات عملية على بعض استيراتيجيات المضاربة في الأسواق الكويتية والسعودية
والأمريكية

ملك البورصه

17-07-2007, 01:07 AM

اصول اقفل على 200 فلس هدف اول 226 بشرط تأكيد اقفال ال200 وهناك اهداف اعلى سوف نذكرها لاحقا

الاهليه اقفل على 280 اي اقفال فوق ال290 هدف اول 340

وبالتوفيق للجميع

ملك البورصه

17-07-2007, 12:58 PM

حسب ما وصلنا من مصادرنا ارباح ص متحده فوق ال 100 فلس ننتظر انتهاء الاجتماع والاعلان الرسمي
وبالتوفيق للجميع

ملك البورصه

17-07-2007, 01:48 PM

مبروك للشباب

واحب اقدم الشكر للمصدر اللي عطاني الربحيه واقوله مشكور وعساك على القوه والله يبشرك مثل مابشرت ملاك السهم

والسهم هذا فيه الدبل للمستثمرين والف مبروك لملاك السهم

الاحرش

17-07-2007, 07:40 PM

يعطيك العافيه

اخوي ملك البورصه

على المعلومات ولاكن عندي استفسار

كم عدد الي ياخذونهم في الدوره وهل فيه دوره بعد هاذي الدوره؟؟

واسمحلي على الازعاج....

الاحرش

ملك البورصه

18-07-2007, 12:26 AM

يعطيك العافيه

اخوي ملك البورصه

على المعلومات ولاكن عندي استفسار

كم عدد الي ياخذونهم في الدوره وهل فيه دوره بعد هاذي الدوره؟؟

واسمحلي على الازعاج....

الاحرش
الله يعافيك اخوي الاحرش

والله عدد معين ونعم يوجد دوره بعد الدوره هذه ورقم تلفونهم حاطه لك ممكن ان تتصل عليهم ويفيدونك

وانا على امرك بأي وقت

وبالتوفيق ان شاء الله

الاحرش

18-07-2007, 07:24 PM

الله يعافيك اخوي الاحرش

والله عدد معين ونعم يوجد دوره بعد الدوره هذه ورقم تلفونهم حاطه لك ممكن ان تتصل عليهم ويفيدونك

وانا على امرك بأي وقت

وبالتوفيق ان شاء الله

بيض الله وجهك

اخوي ملك البورصه

وانا بغيت تحليلك على سهم تمويل الخليج

انا جايتني عليه توصيه انه صاعد لاخر الشهر الى 800

ملك البورصه

19-07-2007, 07:25 PM

بيض الله وجهك

اخوي ملك البورصه

وانا بغيت تحليلك على سهم تمويل الخليج

انا جايتني عليه توصيه انه صاعد لاخر الشهر الى 800

السلام عليكم
الظاهر ماحد يدش صفحتي الا انت :D:D
انت شاري فيه وكم السعر علشان افيدك واذا مو شاري فيه اخذ ص متحده احسنلك ارباحه ممتازه وشركه ممتازه وراح اتغير اسعارها لاسعار عاليه اذا انت مستثمر لانها متجهه لمجال الطاقه

وبالتوفيق للجميع

شراي المشرفين يحطوني مراقب بصراحه لاني اشوف اخواني المراقبين مقصرين اعتقد توصياتي ممتازه ومحد من المراقبين قالي يعطيك العافيه :mad::mad:

أم يوسف

22-07-2007, 05:40 PM

يعطيك العافية ملك البورصة

بالنسبة للرقم صار لنا فترة نتصل ومحد يرد يمكن وقته فقط فى الصباح
بالنسبة للدورات ...
هناك دورات خاصة للنساء
مثل ما فى اماكن خاصة لهم فى البورصة ايضااااا
ولقد تم الاعلان عنها فى جريدة الوطن منذ أيام لهذه الدورة
(( للنساء فقط ))
وسعرها 75 دينار لمدة 5 ايام
وشكرااااالكم مرة أخرى

الاحرش

23-07-2007, 12:10 AM

السلام عليكم
الظاهر ماحد يدش صفحتي الا انت :D:D
انت شاري فيه وكم السعر علشان افيدك واذا مو شاري فيه اخذ ص متحده احسنلك ارباحه ممتازه وشركه ممتازه وراح اتغير اسعارها لاسعار عاليه اذا انت مستثمر لانها متجهه لمجال الطاقه

وبالتوفيق للجميع

شراي المشرفين يحطوني مراقب بصراحه لاني اشوف اخواني المراقبين مقصرين اعتقد توصياتي ممتازه ومحد من المراقبين قالي يعطيك العافيه :mad::mad:

ملك البورصه

انا شاري فيه 670

وصعد 680 ومابعت لان جايتني توصيه عليه بيوصل 800 هل هذا صحيح

ملك البورصه

23-07-2007, 01:03 AM

ملك البورصه

انا شاري فيه 670

وصعد 680 ومابعت لان جايتني توصيه عليه بيوصل 800 هل هذا صحيح

شوف اخوي بالنسبه للرايسي سلبي والماكد سلبي والسهم في ترند صاعد
الدعم 660 و 640

السهم كأستثمار يروح حق ال800 اتوقعله بس عيب السهم ثقيل
فنصيحه اذا حصلك مربح بيعه ودش على ص متحده كأستثمار لشهر 2 بالكثير بتشوف اسعار تعجبك وراح تدعيلي من وراها

وبالتوفيق ان شاء الله اخوك ابو عيد

نديم القلم

23-07-2007, 02:20 PM

الاحرش

23-07-2007, 10:28 PM

شوف اخوي بالنسبه للرايسي سلبي والماكد سلبي والسهم في ترند صاعد
الدعم 660 و 640

السهم كأستثمار يروح حق ال800 اتوقعله بس عيب السهم ثقيل
فنصيحه اذا حصلك مربح بيعه ودش على ص متحده كأستثمار لشهر 2 بالكثير بتشوف اسعار تعجبك وراح تدعيلي من وراها

وبالتوفيق ان شاء الله اخوك ابو عيد

والله انك صادق اخوي ملك البورصه

ان سهم تمويل الخليج ثقيل مايصعد بسرعه

وان شاء الله اذا افتكيت منه راه اسئلك في اي سهم اشتري

والله لا يهينك اخوي ابو عبيد

ملك البورصه

23-07-2007, 11:28 PM

السلام عليكم ورحمة الله وبركاته

ايـــــــــــه تــــــــدورون الدراهـــــــــــم هــــــــــاه

الله يرزقنا وياكم أخوى أبوعيد وش رايــــــك فـى

سهم شركة أعيان سعره الأن 490 فلس تقريـبا

وفيه أخبار أنه بيروح فوق عطنا رايك وتحليلاتك
السلام عليكم
هلا اخوي نديم القلم
اول شي احب ابارك لكم ارتداد السوق
الرايسي والماكد سلبي والسهم قاعد يمر بمرحلة تصحيح 480 دعم اعتقد لو كسره رايح لل460

وبالتوفيق ان شاء الله

الاحرش

02-08-2007, 02:10 AM

السلام عليكم

اخوي / ملك البورصه

ابي سهم فيه حد اعلى الاسبوع الجاي شنو:)

MUBARK

18-08-2007, 08:46 AM

ملك البورصه

30-08-2007, 04:01 AM

الله يعطيك العافيه اخوي ملك البورصه

تبي الصدق انا ودي اشتري اسهم بس متخوف

وغير كذا الميزانيه ماتسمح حيل بس يعني خلنا نقول واحد على قد حاله مثلي:(

يبي يدخل البورصه كم ميزانية يحتاج حتى يدخل ؟؟

* بصراحه جزاك الله خير جهدك واضح .
الله يعافيك اخوي

اذا متخوف لا تدش واذا انت بايعها دش :)
اما بخصوص الميزانيه اللي تقدر عليه واذا بتدش اخذ بسهم ص متحده انا موصي عليه
وارباحه طيبه واتوقعله اسعار عاليه خلال 4 شهور وارباحه راح تعدي ال160 على نهاية السنه والشركه باعت حصه بسدافكو وحققت منها ارباح طيبه والاعلان عن البيعه قريبا
وبالتوفيق ان شاء الله

ملك البورصه

11-10-2007, 03:43 AM

شباب انا عندي لكم نصيحه بعض الشباب ينزل سهمه ويمسكه وممكن السهم مايرد يصعد او يرد بعد فتره طويله فتروح عليهم فرص يعني اذا سهمك نازل وشفت سهم تحليله انه فيه صعده مايمنع تقطه وترزق الله بسهم ثاني يعوضك خسارتك

بــ راكان ــنت

11-10-2007, 04:12 AM

صح كلامك اخي مليك

وبعدين السوق هالايام رائع..!

ملك البورصه

17-01-2008, 01:17 PM

سهم السفن للمتابعه 540 و 550 سعر الدخول

اقفال السهم على سعر 540

الاحرش

19-04-2008, 06:04 AM

سهم السفن للمتابعه 540 و 550 سعر الدخول

اقفال السهم على سعر 540

سهم سفن الحين على 630:) مع العلم انه لامس660 فلس:)

اقول شرايك في بنك بوبيان:)

الجلمود

22-04-2008, 04:43 AM

الله يجزاك خيراخوي ملك

والله مجهودتشكرعليه

ملك البورصه

29-04-2008, 10:17 PM

سهم سفن الحين على 630:) مع العلم انه لامس660 فلس:)

اقول شرايك في بنك بوبيان:)

السلام عليكم

انا اسف توني ادش المنتدى

اعتقد بعد ملامسة ال590 نتابع السهم من الغد
والسهم يستحق المتابعه
بس السوق لازم يقفل فوق ال14800 علشان نقول انتهى التصحيح

ملك البورصه

29-04-2008, 10:18 PM

الله يجزاك خيراخوي ملك

والله مجهودتشكرعليه

بارك الله فيك

ومشكور على مرورك

ملك البورصه

13-05-2008, 01:00 AM

اعيان عقاريه للمتابعه سعر الشراء 295 + 310 والبيع على 345 و 350

البادع

13-05-2008, 02:40 PM

السلام عليكم ورحمة الله وبركاته

الأخ الفاضل "" ملك البورصه ""

شكراً لك على هذا الموضوع المهم

والله يعطيك العافيه لمساعده اخوانك في المنتدى

ولاهنت على كل حال

ــــــــــــــــــــــ
أخي الكريم

ممكن تضع لنا شارت لتحليل الفني

والدعم والمقاومه

والسهم نازل اليوم 5 فلس

واقفال اليوم 305 فلس

ولا ننسى بأن السوق نازل 123 نقطه

وهل يوجد توصيه على السهم

أخي الكريم نصيحه لك خلك على الاسهم الشرعيه فقط

تحيتي وتقديري