ماليزيا ما تستاهل العنوه !!

[كايف]

دائماً ما يكون لدينا شعور غريب للإستطلاع !

والأغرب أحياناً أننا نأكون متأكدين من سوء ما نطلع عليه ومع ذلك نصّر على الإستطلاع ...

فمثلاً ... بلد مثل ماليزيا سمعت عنها شخصياً الكثير ، فهناك من نصحني بالذهاب إليها وهناك من أثق في ذوقهم نصحوني بعدم الذهاب ، ومع ذلك رتبت عفشي وذهبت لمجرد حب الاستطلاع هذا !!!

بإختصار شديد ... ماليزيا بلد أقل من عادي ولا يستاهل العنوه ... ولا يوجد فيها فنادق عالميه كما نسمع بل فنادق أقل من عاديه والجو حار جداً والرطوبة عاليه والأكل مش ولا بد !! ، كل هذا وغيره الكثير في ماليزيا طيبة الذكر ...

شخصياً فقد قطعت عهداً بعدم الذهاب إليها أو أي بلد آخر ما لم أكن متأكد من توفر شروط السياحه فيه ... ونصيحتي للجميع بالتريث قبل الذهاب إلى سحر الشرق ماليزيا كما أسموها !!!!!!!!



تحياتي للجميع





كايف

[قاصد الخير]

والله ياخوي كايف انا ماليزيا يقولون حلوه وناس تقول عاديه

ولكن اسعارها مرتفعه مقارنه مع دول شرق آسيا وتصلح للعوائل أكثر


فيه عندك البديل اذا انت من عشاق اسيا وتحب البحر والرحلات البحريه والجزر الجميله جدا

والمناظر الطبيعيه الخلابه من شلالات وجبال


وايضا فنادق ممتازه وبلد نظيفه وغير مكلفه وتصلح للشباب والوناسه

وهي تايلند ونصحوني فيها وبزياره مناطقها مثل (بانكوك العاصمه) وبوكيت وبتايا وشانغ ماي

وغيرها من المانطق التايلنديه




اسمح لي عالمداخله

[غـشـام]

عليك بأوروبا ولا تسأل

[بــ راكان ــنت]

عليك بأوروبا ولا تسأل

صح لسانك..
فعلا اوربا وبس.. لاتعب حالك..

وبصراحه انا مثلك اخوي .. جربت ماليزيا من زمااااااااااااااااااان قبل لا تصير وجهه سياحيه مثل هالايام.. وكل ماقول للناس انها مو حلوه ولا تستاهل الواحد يدفع فيها.. مادري كلهم يردون يقولون حلوه.. اناس غريبين.. بس الحمد لله في احد يأيد كلامي..
:)


Dr.Corvette

[غـشـام]

صح لسانك..
Dr.Corvette
صح بدنك
قلبنا موضوع الرجال قصيد وسوالف
:)
عذراً اخوي

[كايف]

حياك الله يا قاصد الخير ولاهنت المشاركة والمشورة الطيبة

وبيض الله وجهك

[فهـد]

حياك اخوي كايف

وسمحلي انا ما اتفق معك في بعض الامور

انا حاليا اكلمك من كوالالمبور وتحديدا من فندق صن واي لاقون واهو فندق اشهر من علم ومن خلال هذا الفندق فهو يتحدا اكبر فنادق اوروبا

وغير هذا الفندق فنادق كثيره مثل الوستن اللي بشارع العرب اذا انت جاي ماليزيا اكيد انك تعرفه
وتعرف فندق الماندرين اللي ملاصق للبرجين

وغيرها كثير

واتفق معك بالجو ا فقط ووقت النهار

[قاصد الخير]

فهد الحمد لله على سلامتك


بسال عن كوالامبور

اذا تصلح للشباب ؟؟

يعني فيها رحلات وجزر جميله ؟ او مدن ملاهي كبيره ياليت اذا تنصحنا فيها تعطينا الاماكن

الزينه والفنادق الي اسعارها متوسطه مانبي شي غالي


نبي شي متوسط ونظيف للفنادق؟

[فهـد]

هلا يا قاصد الخير

تصلح اشوفها للعوايل اكثر ماهي للشباب ويمكن علشان اكثر الي فيها عوايل علشانها بلد اسلامي

وانا مع وعيالي الحمدالله مرتاحين فيها واشوف انها افضل للعوايل من اوروبا وخصوصا للي معه اعياله علشان نشاطات الاطفال كثيرة فيها وهذا اللي ماحصلته في اوروبا


لكن تقدر اذا انتم شباب تضبطون لكم برنامج وتزرون جزيرة بينانج وهي تقريبا ساعه الا ربع بطياره وتذكرتها تقريبا 9 دنانير للشخص من موقع طيران اير اسيا

وتقدر تسكن في فندق بافيو بيش وهو فندق ممتاز وقتصادي في نفس الوقت تقريبا الليلة فيه حول 35 دينار من مواقع الانترنت ارخص طبعا من مكاتب السفريات وهذا اللي انا ماشي عليه

وتقدر تسكن في فندق اكثر من ممتاز وخمس نجوم في كوالالمبور اسمه استانا وسعرة 22 دينار وفي مكاتب السفريات في الكويت 40 دينار فرق كبير طبعا

وتقدر اول يومين تزرون فيها ماليزيا تحجز في فندق الصن واي لاقون واهو فندق او منتجع تقدر تسميه وسعر الغرفة تقريبا 32 من مواقع اسيا ترافل ويعتبر عرض مستحيل تحصله في الكويت اقل من 48 دينار


والاماكن واجد اللي تقدر تزرونها حتى لو انتم شباب لكن الافضلية للعوايل
وخصوصا المعاريس اللي ناوي يتزوج قريب انصحه والله انه يجيها وبدون تردد



وبخصوص الجو ترى جوها يتغير كل ساعه مره رطوبه خفيفه ومره مطر وحاليا الساعه 4 بالضبط العصر والجو اروع مايكون ومطر خفيف علينا

[كايف]

حياك الله أخوي فهد


بالنسبه لصن واي لاقون فهو (ألحط) فندق سكنت فيه بحياتي ومن أقذرها بعد ... ولا فيه أي لمسة فخامه تذكر ... يعني باختصار فندق الموكيت حقه وسخ ودورات المياه (أكرمكم الله) ضيقه والسرير حق نفر ونص !!! والتلفزيون تحس أنه من العصر العباسي ... والغرفه موجود فيه جميع أنواع الألوان كأنك داخل محل بويات ... والغريب بعد إنك تسمع أصوات الناس إللي في السيب !!!... والألعاب المائية التابعة للفندق تحتاج إلى إعادة تأهيل !!!


بالله عليك يا فهد هذا فندق تتحدى فيه فنادق العالم ؟!!!!!!!!!

أجل ما شفت برج العرب ولا فندق القصر ولا جراند حياة في دبي ؟!!!!

بصراحه استغرب مدحك للفندق هذا بالذات ولماليزيا بشكل عام ... وهي والله العظيم من وجهة نظري المتواضعه لا تصلح لعوايل ولا شباب .... وانا شخصياً ندمان على كل يوم قضيت فيها وحتى اللي معي والله ما كانوا مبسوطين بعد ...

وعشان أكون معك صريح ... الشخص اللي متعود السفر للبنان وتونس ودبي وأوروبا صدقني ما راح تعجبه ماليزيا أبداً




كايف

[كايف]

نبي شي متوسط ونظيف للفنادق؟



حياك الله مره ثانية أخوي قاصد الخير


وبالنسبه لسؤالك المذكور أعلاه ... فما أعتقد إنك راح تلقى اللي تبغاه في ماليزيا ... وإذا حاب تأكد بإمكانك تسافر هناك ... بس أتمنى إنك تذكر كلامي إذا أنصدمت في الواقع !!



كايف

[فهـد]

اخاف انك غلطان في الفندق

والفندق اذا منت غلطان فيه انا اشوف عكس كلامك تماما

وهذي الصور بس على السريع جبتها من النت وان شاءالله متى مارجعت بنزل الصور تشوفها علشان تعرف انك ظلمت هالفندق

http://www.travel4arab.com/photo/data/500/DSC01077_Small_.JPG



http://www.travel4arab.com/photo/data/500/medium/DSC01116_Small_.JPG



http://www.travel4arab.com/photo/data/500/medium/DSC01121_Small_.JPG

[كايف]

أخوي فهد

أول شي ياليت تجيب لنا صور الغرف من الداخل ... وصور اللوبي من الكاميرا الخاصة فيك لأن كلامي كله عن الفندق من الداخل


وبعدين حاب أقولك حاجه

ترى فندق البطحاء اللي في جنوب الرياض لو تدخل موقعه على النت إذا كان له موقع راح تشوف صوره جميله ... ومعنى كلامي إن الفندق لا تحكم عليه من صوره في النت على الإطلاق لأنك الظاهر جايب الصور من موقع الفندق أو من منتدى ثاني ...


وياليت تنفذ لي طلبي اللي قلته لك في بداية كلامي عشان نشوف من اللي ظلم الفندق !


كايف

[فهـد]

للاسف كامرتي الوصلة الكمبيوتر ماهي معي

لكن هذي صور من التلفون ان شاءالله انها تقنعك :)


http://www.alajman.net/vb/uploader/9-7-2007--1.jpg


http://www.alajman.net/vb/uploader/9-7-2007--6.jpg

http://www.alajman.net/vb/uploader/9-7-2007--7.jpg


http://www.alajman.net/vb/uploader/9-7-2007--8.jpg


http://www.alajman.net/vb/uploader/9-7-2007--2.jpg


http://www.alajman.net/vb/uploader/9-7-2007--4.jpg


http://www.alajman.net/vb/uploader/9-7-2007--5.jpg

http://www.alajman.net/vb/uploader/9-7-2007--3.jpg

[قاصد الخير]

يالربع الاختلاف امر طبيعي :)

وشكرا يا فهد على التوضيح والشرح

بصراحه انا اشوف تايلمد افضل من ماليزيا من حيث الطبيعه الغير مسطنعه مثل ماليزيا

انا دخلت قبل كم يوم موقع اسمه العرب المسافرون وهو موقع طيب وفادني من حيث تقارير المسافرين بخصوص ماليزيا وتايلند وعموم بلدان العالم



هذي كم صوره اخترتها لكم وهي مقارنه بسيطه بين ماليزيا وتايلند من حيث الفنادق
وهي صور من الاعضاء الي سافرو ومسجلين في منتدى العرب المسافرون


http://www.travel4arab.com/photo/data/1025/medium/17.JPG
صوره لفندق المريديان وهلتون في ماليزيا

http://www.travel4arab.com/photo/data/1025/medium/24.JPG
منظر للواجهة لمجمع سوريا


==============


تايلند وهي الي افضلها بصراحه وفيها أفضل الفنادق العالميه وارقاها واكبر المجمعات
وايضا الاسعار زينه وكل مقومات السياحه فيها وهذا ما لاحظته في موقع العرب المسافرون


صور من تايلند

http://www.travel4arab.com/photo/data/500/5736.JPG


http://www.travel4arab.com/photo/data/500/11648.jpg


http://www.travel4arab.com/photo/data/500/medium/5757.jpg


http://www.travel4arab.com/photo/data/500/medium/IMG_0991_Medium_.JPG


http://www.travel4arab.com/photo/data/500/medium/IMG_0869_Medium_.JPG









بفندق " Amari Watergate "
http://www.334433.com/Hesham/Thai-2006/Thai06-0002.jpg

http://www.334433.com/Hesham/Thai-2006/Thai06-0001.jpg

http://www.334433.com/Hesham/Thai-2006/Thai06-0005.jpg









فندق" Plaza Athenee A Royal Méridien "



http://www.starwoodhotels.com/en_US/Media/Graphics/Brands/Le_Meridien/Properties/1846/images/ap1846ex1_md.jpg

[فهـد]

هلا اخوي قاصد والله انا تايلد ماجيتها ولا ادري عنها
لكن ماليزيا اول مره اجيها وما تصورتها بتطلع كذا كنت متخوف لكن الحمدالله راح هالخوف من اول يومين والحين صار لي سبوع كل يوم انبهر بشي جديد

على العموم اذ تبي الطبيعة والبراد ودراهمك واجد رح النمسا اعتقد ما تجاريها طبيعه ثانية

وانا اذا بسافر مع شباب مافكرت في ماليزيا

وعلى العموم انا طيارتي بعد ساعتين الي جزيرة بينانج ويمكن يطلع فيها شي حلو وانصحك انك تغير من تايلد :)

[قاصد الخير]

وانا اذا بسافر مع شباب مافكرت في ماليزيا


ياخوي فهد انا رايح مع شباب وشور علينا من شورك الله يجزاك خير وين تنصحنا؟

[كايف]

هلا فيك فهد

بصراحه كل الصور اللي جبتها عاديه جداً ولافيها أي شي يخليك تقول إني هالفندق تتحدى فيه العالم !!

وسبحان الله كل واحد له وجهة نظر وانا بصراحه مستحيل اتنازل عن النظافة في أي أوتيل لا من ناحية الفرش أو الأكل حتى لو في الربع الخالي وهذا مالا لقيته في ماليزيا


عموماً اللي أقدر أقوله الحين الله يعينك بيننانج لأنك بتشوف فيها أنواع فنادق اللي أقرب مالها صنادق !

تحياتي



كايف

[كايف]

مشكور أخوي قاصد الخير على الصور اللي جبتها


ولكن بصراحه انا شخصياً صار عندي عدم ثقه في أي بلد شرق أسيوي من بعد ماليزيا ، فعشان كذا إذا ما سافرت لأوروبا ولا أقعد في هالحر أحسن لي ...


تحياتي


كايف

[فهـد]

يا هلا اخوي قاصد انصحك في ميونخ او فيينا واذا وصلت لوحده منهم وصلت اوروبا وتقدر تستاجر سيارة وتروح فيها ليطاليا حول ساعتين من ميونخ او باريس حول الاربع ساعات او اقل بعد وعندك الريف النمساوي زيلامسي حول ساعه ونص بالكثير من ميونخ وسالزبورغ بجنبها وكابرون وقمم جبال الالب والثلوج اللي يقدر الواحد يتزلج فيها ويستانس في عز الصيف عندنا :)



وحياك الله اخوي الكايف وعلى قولتك كل له وجهة نظر وش الفننادق اللي في بينانج تقول عنها صنادق
وياليت تعطيني اسم الصندوق اللي كنت فيه انت في بينانج :)


على العموم هاك كم صوره من الصندوق اللي ساكن فيه نا :)

صوره مباشرة

http://www.alajman.net/vb/uploader/11-7-2007-2.jpg



صورة امس العصر

http://www.alajman.net/vb/uploader/11-7-2007-1.jpg

[كايف]

حياك الله فهد


يا أخي الله يهديك بس ... أقول تيس تقول أحلبوه !

كل الكلامي السابق ما كتبت فيه حرف واحد عن الطبيعة وأنت كل صورك عن الطبيعة والبحر ... طبيعية ماليزيا جميله بس خلك من وراى الدريشه لأنك ما تقدر تقربها من الحر والرطوبه ، يعني باختصار تفرج وانت في الغرفه أحسن .

انا كلامي كله عن الصنادق الملحطه اللي خذت أكبر من حجمها وخاصة في بننانج واللي والله العظيم إن ما فيها أي لمسة فخامة أو حتى نظافة ... وكل مطعم فيها يبي له وزارة للصحة خاصة فيه .

بالنسبة لـــ الصندقه اللي سكنت فيها في بننانج القذره فهي صندقة هوليدي أن ،،، والظاهر أنهم سارقين الأسم من فندق هوليدي أن الأصلي ويحطون اللوحة على الفندق الليل ويخشونها في النهار ... المشكله إن هالصندقه تعتبر أفضل الصنادق الموجودة عندهم في بيننانج !!!

الصندقه هذي يا فهد خذيت فيها غرفه ، عارف وش لقيت أول ما دخلتها ؟!!!! لقيت فيها (وزغ) على الجدار عارف وش معنى وزغ يعني بلهجتنا العامية (ضعراط) !!!! يعني قذاره ما بعدها قذاره يعني قرف في قرف ... ولا أبغى أقول أوطى من كذا !!!

بالله عليك يا فهد هذي صندقه ولا فندق ؟!!!!
هذي ديره تستحق أحد يجيها ؟!!


وبعدين يا ليت إذا فيه صور جديده ما تكون عن الطبيعة والبحر والخضار ... عطنا صور عن الصنادق قصدي الفنادق زي ما تسميها انت واللي تتحدى فيها العالم !! ... لأن البحر شي مو غريب موجود حتى في بنغلاديش !!



كايف

[فهـد]

اصلا مافي صورة نزلتها لك عن الطبيعه هذي صور من الغرفة يعني اطلالة البلكونك واذا بتسمي الحديقة طبيعة هذا شي ثاني :)

واذا تبي صور عن الفنادق !!
اجل الصور اللي منزلها انا وشهي :)


هوليدي ان
معك حق الفندق معروف اصلا واللي العن من نظافته ادارة الفندق لكن اكيد انك غلطان يومك تقول من افضل الفنادق اكيد انك تغصد من اسوء الفنادق

والحمدالله انا من الناس اسأل عن الفندق من جميع النواحي وعلشان كذا وقع اختياري على البارك رويال واكيد انك عارفة


بس ماليزيا بشكل عام بلد سياحي من الدرجة الاولى ومتطور ونظيف وراقي والدليل اسواقها و مجمعاتها التجارية وفنادقها الفخمة

يمكن عيبه الجو فقط

[كايف]

أول شي الحمدلله أنك اعترفت أن فيه هوليدي أن ملحط ، وانا كنت خايف أنك تجيب لنا صوره بعد من برا وتلمعه وتقول أنه أفضل فندق ولا فيه كلام وفيه فطور وفيه غدا وفيه عشا وفيه شراشف وفيه ملاعق !!!! لكن الحمدلله أنك اعترفت وهذا أهم شي
وعلى فكره ترى بارك رويال اللي طاير فيه 4* نجوم يعني وش توقع منه إذا كان الهوليدي أن 5* نجوم وملحط !

وبعدين سبحان الله بعض الناس صارت ترضى بأي شي ... يعني لو تجيب فندق ملحط ممكن تلقى ناس يسكنون فيه ويمدحونه

عموما وبصراحه وبدون تحفظ أكثر الناس اللي شفتهم في ماليزيا أهل الكويت وأهل القصيم من السعودية !

وإلى الآن ما عرفت وش السر في هذا ؟!!!!!!!!!


يمكن عشان البلد فيه أماكن رخيصه مثل الشارع الصيني الملحط ! وتشوفهم هناك كل واحد وزوجته معهم أربع أكياس كلها بضاعه مقلده ومبسوط وعلى باله أنه ضاحك عليهم وهم في الحقيقه اللي ضاحكين عليه ، ولما تروح المجمعات الكبيرة تشوف نفس الأشكال لكنهم ياكلون بطاطس بس !!!!!!

الغريب يا أخ فهد أنك أنت الوحيد اللي مر علي في حياتي راح لأوروبا وجاي هنا يمدح سحر (الضعاريط) قصدي سحر الشرق ماليزيا !



تحياتي




كايف

[فهـد]

امرك عجيب

ما قلتلي اي سنه رحت انت ماليزيا ؟

والهوليدي ان في نظرك افضل من البارك رويال
صدق انك انظلمت في ماليزيا انت :)

واضاهر انك تسافر ايام السبعينات والثمانينات على اليام الهوليدي ان والماريوت وتحسب انهم هم فقط الخمس نجوم :)

[كايف]

عموما يا فهد الله يهنيك في ماليزيا حقتك وإذا كانك تشوفها شي أنا ما شوفها شي


سلام عليكم



كايف

[سنافيه كول]

كايف

انا الصراحه ماجيت ماليزيا

بس شفت شريط فيديو لناس رايحين لها كان في شهر 8 وقت العيد الوطني لماليزيا

وشفت الاحتفال واشياء حلوه راح اذكرها لكم

و

لي عوووده

[كايف]

حياك الله يا سنافيه كول

ويا زين ماليزيا والواحد يشوفها عن طريق الفيديو زي ما تفضلتي في بيته ومشغّل المكيف بدون لا يروح يشوف الفنادق الداجه والجو الحار والرطوبة


في إنتظار عودتك المشرفه



كايف

[brilliant]

اخوي كايف انا اايدك في الجو الرطب ولكن جنتق بارده

ولكن الفنادق بالعكس ارقى فنادق العالم موجوده فيها

ولكن اعتقد ان المكتب الي منظم رحلتك كان السبب واختارلك ارخص الفنادق او الخطه ما كانت محبوكه

كوالالنبور فيها اكبر الفنادق واشهرها ومنهم فندق الشنقريلا القريب من التون تور وفيها فندق الحصن الذهبيه من ارقى فنادق العالم وسكانه هم اشهر مشاهير العالم وتحصل صورهم باللوبي واما الجزر ماحب جزيرة بننق لانها زحمه ومافيها شي يسوى ,,, اما لنقاوي فهي من احلا الجزر واغلب فنادقها 5 نجوم وعباره عن اكواخ على الشاطئ وهالشي الي يمزها وهي جزيره مافيها زحمه وجوها حلو وممطر والتلفريك يصعدج لفوق الجبل والجو بارد فوق والي بيروح لماليزيا انصحه يقظي اغلب الوقت في هالجزيره وماينسى رحلة المنغروف


اما بالنسبه للاكل فالاكل كله طازج وخاصه الاكل البحري اغلب مطاعمهم تختار السمك وهو حي ويسونه لك طازج وكان اكلهم جدا لذيذ


اما الاسعار فهي معقوله مقارنه مع اوربا ,,, اكيد اوربا احلا ولكن خلنا نتكلم على الاسعار ونقارنها ,,, السعر الي بيسكنك في 3 نجوم في اوربا بتسكن فيه 5 نجوم في ماليزيا ,,, وسعر العشاء الفخم في اوربا بيكفي لـ 4 عشيات في ماليزيا ,,, اوربا حلوه لكن غاليه


اما بالنسبه للوناسه فهي طبعا عائليه 100% وخاصه للعرسان الجدد