طفلة الحرمان
17-06-2007, 06:41 PM
في يوم 15-6 في تمام الساعة 2,5 بعد منتصف الليل وانا قاعدة بغرفتي واسمع اغاني عرس خواتي وانسق لهم الزفة ونضحك ونسولف عن السفر نخطط فقرروا خواتي الثلاث يطلعون من الغرفة ويرحون يشفون التلفزيون فقالوا تعالي معانا ورفضت لاني حسيت بنعاس وبنام وانا احب قبل لا انام افكر بلي سويتة اليوم كلة وانسدحت على سريري ووجهت نظري للسقف الغرفة الي كان مزخرف باسماء الله الحسنى ومابين انا سرحانة بسقف وافكر رن تلفون ومن الخرعة جيت باخذة من جنبي وطاح رفعت السماعة الا هذي مريومة داقة تقول زهقانة تبي تسولف المهم وقعدت اسولف معاها فجأة حسيت بوجع اول مرة يجيني بحياتي برجولي كنت ساكتة ومريم تناديني وانا ما ارد وبعدين تذكرت انها بسماعة قالت اشفيش ولا عرفت ارد عليها الى درجة انة البنت خافت ورجعت تقول اشفيش وبصوت فية نبرة خوف واخيرا جمعت قواي علشان ارد عليها قلت مريم انا ارجولي تعورني قالت تعوذي من ابليس يمكن برد من المكيف الخايس الي رافعة عليها كنا بالقطب الشمالي وكنها بكلامها تبي تضحكني لكن انا الي براسي كان يدور وش ذا الوجع يارب انا اشفيني المهم قالت قومي وتوضي وصلي ركعتين وطردي ابليس قلت اوكي وقالت امانة طمنيني عليش قلت ابشري صكيت السماعة وتوجهت للمغاسل اتوضأ وكانت ارجولي ترجف الوجع زاد ولا عرفت السبب وخلصت من الوضوء وتوجهت افرش السجادة علشان اصلي لكن المفاجأة اني طحت من طولي ولا قدرت اوقف والكل بغرفتة وانا الوحيدة بصالة فتمنيت احد يطلع ويلحق علي لان زاد الوجع علي وما اقدر اتحمل المهم صدفة تجي اختي الصغيرة عمرها 10 سنوات وشافتني ووقفت مندهشة محتارة وش تسوي فقلت لها بصوت مصحوب ببكاء سلمى نادي ابوي وراحت تركض بعد ما اكتشفت انة الامر خطير ونادت ابوي الي بدى مندهش من حالتي الغريبة وقام يحرك يرجلي ويقرصني ولكن انا للأسف ما حسيت فيها ولو تنكسر بدى امر عادي عندي وكأنها انشلت وكنت بلحظتها اكلم نفسي يارب انا توني صغيرة ليش يصير فيني كذا استغفر الله بغيت اكفر ابوي ماكان قدامة الا المستشفى وشالني بين ايدية فحسيت مدى خوفة علي وكان وجة مليء باليأس الي خلاني احس بالموت البطيء وشعوري انه بدت بداية النهاية وتوجهنا الى مستشفى العدان الي كانوا نظرات الناس كلها اسألها ماهي علتي وليش ابوي شايلني كذا وبعد ساعتين بغرفة الملاحظة بديت حرك رجلي وترجع مثل ماكانت واكتشفوا انة كان تشنج بأعصاب الرجل اثر ارتفاع ضغط الدم واكتشوا لفحص للقلب انة دقات القلب غير منتظمة وانة يوجد فتحة في أذن القلب فقررت اجراء العملية برى الكويت قالوا للابوي احسن .
كنت دايما افكر انة عمري طويل
كنت دايما افكر انني سليمة
كنت افكر دايما انة المرض مايجي الا للكبار السن
الحين افكر هل بيجي يوم واترك كل من احب واغلي
الحين افكر لازم ما أتخر بصلاة
الحين افكر اجتهد لأخلد اسمي لان الاعمار فانية
اكتشفت كم الي حولي يحبوني وكم انا مقصرة بحقهم ولازم اصارحهم بحبي لهم ومدى تقصيري لان يمكن يجي يوم ما اقدر اقولهم
كنت دايما افكر انة عمري طويل
كنت دايما افكر انني سليمة
كنت افكر دايما انة المرض مايجي الا للكبار السن
الحين افكر هل بيجي يوم واترك كل من احب واغلي
الحين افكر لازم ما أتخر بصلاة
الحين افكر اجتهد لأخلد اسمي لان الاعمار فانية
اكتشفت كم الي حولي يحبوني وكم انا مقصرة بحقهم ولازم اصارحهم بحبي لهم ومدى تقصيري لان يمكن يجي يوم ما اقدر اقولهم