المساعد الشخصي الرقمي

مشاهدة النسخة كاملة : الـــكـــنــــز .. الجديد من أميركا


سعود بن مهدي
17-06-2007, 02:10 PM
السلام عليكم

مساء الخير للجميع

حبيت اواصل معكم وهذا اخر ماكتبت بميركا :)

اتمنى يجد القبول


حاولت ( ابفكـك الشفـره ) ( واحـل الرمـوز )=( به خيط ناقص ؟ ) .. ولا لي بالخريطه طريـق
اللـي ماهـو بيخسـر ,, محـال بأنـه يـفـوز=واللـي ينـام بكفـن ,, محـال بـأنـه يفـيـق
مايعرف طعم الشباب ؟ إلا ! من أصبـح عجـوز=ولايبيـن الصديـق ؟ إلا ! لامـن جـاك ضيـق
ياصاحبـي مايجـوز تصـد .. لكـن ؟؟ يجـوز=أنـك تعـذر فـي بعـدك .. دام وجهـك طليـق
لاتعقـد حجـاج .. وتكشٌـر .. ولاتمـد بــوز=تصـدٌق بأبتسامـه ,, حتـى ؟ لــو ماتلـيـق
لاتحسب الابداع : شـرح و معطيـات و نشـوز=وأضواء و أعـلام وفـلاش و غـلاف وبريـق
الابداع ؟ تصنع من ( اللا شي ) .. ( شي ٍ ) يحوز=على رضـى ( ذائقـه ) فيهـا التميـز عريـق
بقولـك شـي ؟ وانـا صـادق ! ولانـي بهـوز=ماهـو قصـورن بحـد ,, ولاهـو زود لفريـق
ان كان تبغى (( رحابه صدر )) ؟ .. خاو العنـوز=من عاشـر (( الوايلـي )) بيمـوت مايستضيـق
وش حيلتي بجرح ؟ .. له بين المحانـي غـروز=اموت به ( محتـرق ) .. ولا اموتـه ( غريـق )
أحفظ ( عهود الصداقه ) مثـل حفـظ ( الكنـوز )=( صديقك الكنز ) ولا ( الكنـز ماهـو صديـق )
النـاس .. تقضـي العمـر كلـه .. ادور بـروز=وانـا .. قضيـت العمـر كلـه .. ادور رفـيـق












وطولة عماركم

الجامحه!
17-06-2007, 02:20 PM
صـــح ـح قــلبــكـ ,,,


من طــول الغــيبات جــاب احــلى الــقصاايــد ..!!


قصــيده رووعـــه ,, ونعـــم بالعــنووز.!

جلوي بن سبعان
17-06-2007, 02:56 PM
النـاس .. تقضـي العمـر كلـه .. ادور بـروز
وانـا .. قضيـت العمـر كلـه .. ادور رفيـق


عساك تلقى من تدور عليه يا سعود

وبيض الله وجهك على القصيده الحلوه

فلاح بن ملبز
17-06-2007, 05:13 PM
ارحب يا سعود

وصح لسانك على ذا الجزلة

ونعم بالعنوز يستاهلون

والله لايهينك

مشاري القحطاني
18-06-2007, 12:55 AM
سعووود بن مهدي



صح الله السااانك ولاااااهنت



جززززززل ومافيك حيله

عــقــيــد
18-06-2007, 06:14 AM
لاهنت ياسعود وصح لسانك مبدع

مناحي الصميل
18-06-2007, 07:44 AM
سعود بن مهدي

صح الله لسانك


ويستاهلون العنوز



لا هنت بيض الله وجهك

سعد بن صياح
19-06-2007, 03:28 PM
بداية اود ان اعلن انني سأتجرد من كل ذراّات المجامله وجزيئات الرياااء بأن نصا بهذا الحجم الابداعي وهذا التفرد النسقي يحتاج الى جرعه زائده من الذائقه والقدره على التمييز بين ما هو
نص مبدع ونص مبحر.


نصوص تتراقص بها المفردات بهذه الرشاقه لا تستحق الا ان تقرا مرارا وتكرارا لكي نطهّر ذاكرتنا الشعريه من اشباه النصوص فأن كان هنالك مايسمّى طبيّا بغسيل المعده لإزالة المواد الضاره من جسم الانسان .


نص كهذا هو بلا شك عملية غسيل لمخيخنا من ضوضاء الشعر التي بدانا نسمع جعجعتها من كل اتجاه

فهنيئا للشعر بك وهنيئا لنا بشعر كهذا.!



سعود انت تعلم جيدا انني لا اعرفك ولا تعرفني لكن ثق باللّه ان شعرك اجبرني اكتب بكل صدق وشفافيه



شاعر صح بكل ماتحمل الكلمه من معنى

RAKAN YAM
20-06-2007, 05:32 AM
الله الله

صح لسانك ياسعود الاميركاني :)

الاطخم
21-06-2007, 08:43 AM
اخي سعود صح لسانك مليون

صراحه افتقدنا القصائد من هذا النوع

فيها كثير من الحكمه

بيض الله وجهك

سعود بن مهدي
02-07-2007, 10:17 AM
صح بدنك يالجامحه


ولك كل الشكر

الاحرش
04-07-2007, 04:01 PM
صح لسانك ولاهنت

فلاح بن ملبز
14-06-2008, 05:46 AM
يستاهلون عيال وايل :)

مبارك بن مجروب
14-06-2008, 12:56 PM
صح لسانك ياسعود ...

لاتعليق قصيده تفوق الوصف :)

اهنيك على ابداعك اللا محدود

تقبل مروري ...

احمد بن جوفآن
14-06-2008, 01:54 PM
سعود بن مهدي

..

سجل اعجابي بشعرك الجزل طال عمرك ..

.. صح لسانك ولاهنت .. ونعم بـ الآد وايل ..

لا تحرمنا من جديدك دامنا نحتريه ..

محمد العزام
14-06-2008, 02:33 PM
هلا بك سعود و صح لسانك على ذا القصيده الرائعه

ان كان تبغى (( رحابه صدر )) ؟ .. خاو العنوز
من عاشـر (( الوايلـي )) بيمـوت مايستضيـق

عز الله و نعم بعنزه لا هنت يا ابن مهدي

... تقبل مروري

سعد بن سريّع
14-06-2008, 02:52 PM
.
.
.

ابـــو عبـــدالله صح لســـآانك واجد ولاهو بشــويه

احســــنت ، قـــاف ثقيـــل ولا ادري وشلون خففتـــه . . ؟ !!

استمتعت بكل حرف جميل ، وبخصـــوص الويــلان

عز الله انك صــادق . . انشدنــي :)

لا تحرمنا من جديدك وانت تكتب على برج التجاره ههههه


دمت بخيـــر

الغناوي