علي العايد الهاجري
15-06-2007, 10:14 PM
عيني سهيرة وأنت عينك سهيرة
وقلبي قوي والاّ أنت قلبك مسيكين
يـا مبعد عنـي وأنـا أقـول خيـرة
مـــا تدري ان البعد تاليتــه البين
أول في قربك عايش وسط حيرة
معك أتهنــّى يوم وأضيق يومين
ولابعدت عنك مت شك وغيرة
وش عاد أسوي فيك يا داعج العين
كانك تبي المخلاص ما رحت ديرة
لابعدت لا ترجع وخل الوضع زين
ولا جايب طاري ولا تجيب سيرة
ومــا يلحــق المقفين كود الرديين
مـاني بمـن يشكـي ظروفه لغـيره
فعلك معي شين وطبعك بعد شين
خلصْت مـن همّـك وأمـور كثيـرة
وارتحت من جو الهوى والمحبين
هالحين وحداني وأموري يسيرة
ومرتاح بالي وتو ما زان هالحين
وما عاد يشغلني الخفوق ومصيرة
أنا أدري إنه عقبك الحال بيزين
يا طول رحلتنا ولاهي قصيرة
أنشهد إني ضعت في حبك سنين
وغيرك فلا جيته عشان أستشيرة
إلا أنت يوم إنك قلبت الموازين
جيتك وأنا كلي عطا للمسيرة
أدفها للزين يا كامل الزين
ولقيت منك ما لقيته وغيره
لو يكتمه قلبي على الوجه بيبين
الله عطاك إياي نعمة كبيرة
والله عطاني إياك هم ٍ كما الدين
أنا الذي بالوصل راعى ضميره
وإلا أنت ما راعيت ما بيننا البين
ويا الله يا جعل إن الأمر فيه خيرة
ونفسي كريمة من غرام المصدين
لاشك دنيانا ترى مستديرة
وقلبي قوي وإلا أنت قلبك مسيكين
( علي العايد الهاجري )
وقلبي قوي والاّ أنت قلبك مسيكين
يـا مبعد عنـي وأنـا أقـول خيـرة
مـــا تدري ان البعد تاليتــه البين
أول في قربك عايش وسط حيرة
معك أتهنــّى يوم وأضيق يومين
ولابعدت عنك مت شك وغيرة
وش عاد أسوي فيك يا داعج العين
كانك تبي المخلاص ما رحت ديرة
لابعدت لا ترجع وخل الوضع زين
ولا جايب طاري ولا تجيب سيرة
ومــا يلحــق المقفين كود الرديين
مـاني بمـن يشكـي ظروفه لغـيره
فعلك معي شين وطبعك بعد شين
خلصْت مـن همّـك وأمـور كثيـرة
وارتحت من جو الهوى والمحبين
هالحين وحداني وأموري يسيرة
ومرتاح بالي وتو ما زان هالحين
وما عاد يشغلني الخفوق ومصيرة
أنا أدري إنه عقبك الحال بيزين
يا طول رحلتنا ولاهي قصيرة
أنشهد إني ضعت في حبك سنين
وغيرك فلا جيته عشان أستشيرة
إلا أنت يوم إنك قلبت الموازين
جيتك وأنا كلي عطا للمسيرة
أدفها للزين يا كامل الزين
ولقيت منك ما لقيته وغيره
لو يكتمه قلبي على الوجه بيبين
الله عطاك إياي نعمة كبيرة
والله عطاني إياك هم ٍ كما الدين
أنا الذي بالوصل راعى ضميره
وإلا أنت ما راعيت ما بيننا البين
ويا الله يا جعل إن الأمر فيه خيرة
ونفسي كريمة من غرام المصدين
لاشك دنيانا ترى مستديرة
وقلبي قوي وإلا أنت قلبك مسيكين
( علي العايد الهاجري )