كــــرمـــت وجــهــي عــن رديـيــن الافـــعال

[AL_RASY]

المشاركة الاولى لي
قصيدة لي ارجو ان تحوز على اعجابكم



كرمت وجهي عن رديين الافعال-*-واسرجت خيلن يركبه كل غالي

ماهمني بلقول وان جيت الاقوال-*-كلن على قوله تواسى المبالي

من لامني يبقى على اللوم صوال-*-من لاعلى متن المطاليب شالي

واعزتي للي عليه الدهر مال-*-باحت به علومن تلد الضلالي

علومن توارد به على كل ترحال-*-تنشد دموعن في عيون الغوالي

في هاجسي يدمح خطى الوقت رجال-*- في مامضى ينكر عليا زوالي

الذل واحد لو لبس جرد واسمال-*-ولوشربته مر والكاس حالي

ومن صد صداته ترى تبري الحال-*- دامه على صده حقوقن يغالي

وان زان من زول المزاويل وان زال-*-نقصه على نفسه على البعد صالي

من لا عرف قدره توافيه الامثال-*-الي على قدره تصك المعالي

اما تجي شفها على الكود بهبال-*-واما تجي بعقود جرد المفالي

لي شدها واحسب على المتن تنشال-*-لي عدها واضرب بها كل سالي

ماينفع المضمي تصاميم واشكال-*-ولا ينزل المخطي على كل جالي

حطيت انا للقول بطيب مدهال-*-خوفي طري القول يسمج مقالي

والطيب يسريبي على كل الاحوال-*-والناس شرهاته على الي يوالي

نصبت لدنيا على منكبي حال-*-حالت به حموله على المتن شالي

الوقت مايضمن على حتن الاقبال-*-من لا عرف دربه ترى الوقت طالي

تركز بي الدنيا على كل موال-*-اشد من ركز الرفيق الموالي

شفني من كثر ماتعلمت رجال-*-وشفني من اجمل ماتمنيت خالي

[وردة&العجمان]

صح الله الساااناااااتك











وماقصرت على الثقه بالنفس :)







تحياتي
دمعمع

[النـــادرة]

صح لساااااانك الراسي

ولاهنت

كتبت فأبدعت....قصيده اكثر من راااائعه


ننتظر جديدك


لاعدمنااااك

النادره

[قبلةالعجمان]

هلا

وغلا


بحايل واهلها :):):)
(( شكلك بتذبحني الحين )) لوووووووووووول :):)



صح لسانك وما قصرت عالجهد الشااق اللي بذلته :):):)




دمعمع (( يا شين ذا الاسم ))
دميعه احلى
دموعه اخف




:):):):):):):):):):):)):):):):):):)):):):):):)):): ):):):)



ولا تزعلين يا دمعمع ............



الراسي للامام دائما :):):)

[راكان اليامي]

صح لساااااانك الراسي

ولاهنت

كتبت فأبدعت....قصيده اكثر من راااائعه


ننتظر جديدك


لاعدمنااااك

[admin]

يامرحبا اخوي الراسي وحياك الله
ولاهنت علي هالقصيده اللي اكثر من رائعه
وان شاءالله نشوف لك مشاركات وقصائد اخرى


اخوك ابوفيصل

[سلطان بن جفن]

حياك الله اخوي الراسي
وقصيده جزله واتمنا اني ارى غيرها من قصايدك

لانك مبدع والمبدع مطلوب منه الكثير

اخوك سلطان

[مـحمـد]

ماشالله وصح لسانك والى الامام :)