ابو ياسر 5
12-06-2007, 06:47 PM
هب الهواء غربن وسـاق الخيـالا=قامت تسوقه زاعجـات العواصيـف
مزنن مـن المنشـا بروقـه تـلالا=قامت تلاعج بالبـروق الكواشيـف
مزنن عظيمـن مظلمـن كالجبـالا=سودن مقاديمـه مزونـه مقانيـف
يسوقـه المعـبـود رب الـجـلالا=يم البعيثـه هـل مزنـه ذواريـف
سكر هـواه وصـب ماهـا وسـالا=سيلن غزيرن ينبت العشب بالصيف
سيلـن يعـم طعوسهـا والسهـالا=تلقى الزبد عقب المطر كالقطاطيـف
يروي مطرهـا معطشـات الرمـالا=تلقى الفقـع فيهـا بليـا مغاريـف
تاخـذ ثـلاث ايـام عـدن كمـالا=حتى تشوف العشب منها مواريـف
من بعدها ذعـذاع نسيـم الشمـالا=نسمة هبوبه كنهـا نسمـة الطيـف
والطيـر غـرد سبـح الله تـعـالا=والصوت شالنه طيـور الخواطيـف
والغصن الاخضر بالذعاذيـع مـالا=قام ايتمريع معجبـه قـده مريـف
تلقـى البختـري والنفـل والثمـالا=والربل والخزامى غصونه مناكيـف
والشيح والقيصـوم طلعـه جـلالا=والقحويان اللي شبيـه المراهيـف
والنـار مشبوبـه عليهـا الرجـالا=في فيضة نلقى بها الانس والكيـف
والبـن مصبوبـن بصفـر الـدلالا=مع زعفـران صبتـه كالمراعيـف
ونشرب من الغـدران مائـن زلالا=مثل العسل طعمه ولابـه عواذيـف
مركوبنـا جيبـن حـلال بـحـلالا=يازيـن غـرة كشنتـه يالغطاريـف
اليا مشـى يشبـه سريـع الغـزالا=وليا وقف ذيبن نحيـل السراجيـف
مصنـوع باليابـان كمـل كـمـالا=بيك اب حوض فيه كل التواصيـف
اليا دعست البنص زمجـر وصـالا=غنـت شكامينـه بليـا شفاشيـف
اليـا لقـم باثنيـن غنـى هــلالا=يفـز فـزات الطيـور المعاكـيـف
يقطع صحاري نجـد صبـح وليـالا=جرت كفراتـه كمـا سلـة السيـف
هيكل جميل وفيـه جملـة خصـالا=يفحط بخامس مع طريق المراصيف
اسمـه علـى خشمـه امدلـل دلالا=حطوه صناعـه رجالـن عواريـف
جسمه رشيقـن مكتمـل بالجمـالا=وصوته كما صوت الرياح الشواعيف
اليـا ركبتـه مـا تعـرف المحـالا=جيبن مجرب للطعـوس المهاييـف
اليا فحـط فـي ماقفـه ثـم جـالا=خلى الحصى روسه مقاطع شغانيف
موديله اربع وتسعين ما بـه مقـالا=تصدير مجيوبن بغـال المصاريـف
وصلوا عدد ماهـل وبلـن وسـالا=على رسول كرم الجـار والضيـف
الشاعر غير معروف
مزنن مـن المنشـا بروقـه تـلالا=قامت تلاعج بالبـروق الكواشيـف
مزنن عظيمـن مظلمـن كالجبـالا=سودن مقاديمـه مزونـه مقانيـف
يسوقـه المعـبـود رب الـجـلالا=يم البعيثـه هـل مزنـه ذواريـف
سكر هـواه وصـب ماهـا وسـالا=سيلن غزيرن ينبت العشب بالصيف
سيلـن يعـم طعوسهـا والسهـالا=تلقى الزبد عقب المطر كالقطاطيـف
يروي مطرهـا معطشـات الرمـالا=تلقى الفقـع فيهـا بليـا مغاريـف
تاخـذ ثـلاث ايـام عـدن كمـالا=حتى تشوف العشب منها مواريـف
من بعدها ذعـذاع نسيـم الشمـالا=نسمة هبوبه كنهـا نسمـة الطيـف
والطيـر غـرد سبـح الله تـعـالا=والصوت شالنه طيـور الخواطيـف
والغصن الاخضر بالذعاذيـع مـالا=قام ايتمريع معجبـه قـده مريـف
تلقـى البختـري والنفـل والثمـالا=والربل والخزامى غصونه مناكيـف
والشيح والقيصـوم طلعـه جـلالا=والقحويان اللي شبيـه المراهيـف
والنـار مشبوبـه عليهـا الرجـالا=في فيضة نلقى بها الانس والكيـف
والبـن مصبوبـن بصفـر الـدلالا=مع زعفـران صبتـه كالمراعيـف
ونشرب من الغـدران مائـن زلالا=مثل العسل طعمه ولابـه عواذيـف
مركوبنـا جيبـن حـلال بـحـلالا=يازيـن غـرة كشنتـه يالغطاريـف
اليا مشـى يشبـه سريـع الغـزالا=وليا وقف ذيبن نحيـل السراجيـف
مصنـوع باليابـان كمـل كـمـالا=بيك اب حوض فيه كل التواصيـف
اليا دعست البنص زمجـر وصـالا=غنـت شكامينـه بليـا شفاشيـف
اليـا لقـم باثنيـن غنـى هــلالا=يفـز فـزات الطيـور المعاكـيـف
يقطع صحاري نجـد صبـح وليـالا=جرت كفراتـه كمـا سلـة السيـف
هيكل جميل وفيـه جملـة خصـالا=يفحط بخامس مع طريق المراصيف
اسمـه علـى خشمـه امدلـل دلالا=حطوه صناعـه رجالـن عواريـف
جسمه رشيقـن مكتمـل بالجمـالا=وصوته كما صوت الرياح الشواعيف
اليـا ركبتـه مـا تعـرف المحـالا=جيبن مجرب للطعـوس المهاييـف
اليا فحـط فـي ماقفـه ثـم جـالا=خلى الحصى روسه مقاطع شغانيف
موديله اربع وتسعين ما بـه مقـالا=تصدير مجيوبن بغـال المصاريـف
وصلوا عدد ماهـل وبلـن وسـالا=على رسول كرم الجـار والضيـف
الشاعر غير معروف