جنجان بين بوش وبلير عن طريق المحاوره؟؟؟؟؟؟؟

[سيف وفارس]

محاوره شعريه بين بوش وبلير

بلير:
الله لايجزاك بالخير يابوش
*** ورطتنا في حرب صدام ورطه
غرمتني وتقول بترول وقروش
*** بس الحقيقه روحتي معك غلطه


بوش:
يابلير رد العلم عن بوش إبن بوش
*** الله خلقنا للمقاريد سلطه
وأبوي عنده للرياجيل دنبوش
*** كم واحد شلنا فلوسه ونفطه


بلير:
أبوك والنعمين لكن انت مربوش
*** تموت بالبترول وتحب شفطه
صحيح عندك مال وسلاح وجيوش
*** مير اتوقعلك تدهور وسقطه


بوش:
يابلير كانك خفت يوم إحتمى الهوش
*** حرام ماتاخذ من النفط نقطه
قبلك ترى شيراك كد راح مكروش
*** شوفه يصرح كل يوم بمحطه


بلير:
وراك ماتعطي لشيراك عرموش
*** تراه مشغلنا بشيله وحطه
ولينتهى موضوعنا نرسل طروش
*** ونجمع المبلغ من الربع قطه


بوش:
شيراك هدا عنده الفكر مغشوش
*** فرط علي بمجلس الامن فرطه
يدزه اليابان والصين ويطوش
*** ومجهز الفيتو لتحقيق شرطه


بلير:
يابوش انا مرهق وخايف ومدهوش
*** وأنت تقول الحرب خدعه وخطه
أسراي واسراك امتلى منهم الحوش
*** عزالله أنه اصابني منك جلطه


بوش:
ماقلتلك كم فيهإداعات ودشوش
*** لاتكشف المعنى وانا اقول غطه
وان قالوا انا علوج واصحابنا جحوش
*** ماهمنا الصحاف واللي يحطه


امل ان يعجبكم
له من الشعر شئ ومن السياسه نصيب
وللمرح والرجة الحظ الكبير

[دااانة البحرين]

هههههههههههههههههههههههههههههه

مع ان اشياء وايد مافهمتنا كنت احتاج مترجم بدوي
;)

[سيف وفارس]

هههههههههههههههههههههههههههههه

مع ان اشياء وايد مافهمتنا كنت احتاج مترجم بدوي
;)


دشى على قوقل وتلقين مترجمين بدو ؟

شكرا للمرور

[••الــــــــــــــــــريــم••]

هههههههههههههههههههههههههههههه

اقدأ فيه حلووه صراحه..

يعطيك العافيه أخوي" عريب"..,

[سيف وفارس]

هههههههههههههههههههههههههههههه

اقدأ فيه حلووه صراحه..

يعطيك العافيه أخوي" عريب"..,

العفو وشكرا على المرور