الخيال الحر
29-05-2007, 08:00 AM
لأيامنـا نـظـام متغـيـر وللدنـيـا طـقـوس
وافكارنـا قـد تختلـف فيمـا نحـس وتحـتـوي
بعض النفوس من الحزن تشره على بعض النفوس
غير النفـوس نفـوس لا تشبـع ولاهـي ترتـوي
ياليت هالعالم سوى في الحزن حتـى مـا نـدوس
علـى مشاعـر غيرنـا وقلوبنـا مــا تنـكـوي
قولو لساره بنت ستـر القـوم والحـد محـروس
ابيش ماهو من ضعـاف القـوم طافيـن الضـوي
تفاخـري يالعيطمـوس وسولفـي يالعيطـمـوس
وأرقي على متن السحـاب وخلـي الذيـب يعـوي
الحزن وسط القلب مثل النبت في القاع مغـروس
وعزومنا مثل النجـوم تغيـب لكـن!! مـا تهـوي
وانا من الشعـار شاعـر مـا تتعبـه الهجـوس
إليا نويت اسري وأنـا شفقـان والليـل اسـروي
يامل قلب(ن) كل ما مال الغصـن والريـح كـوس
قامـت عروقـه تشتبـك ورى الضلـوع وتلتـوي
وبدت على الوجه الرضي علامه الوجـه العبـوس
حتـى استـوي مقامهـا لـو انهـا مـا تستـوي
الي ذوي ركابـه الخيـل ورى صلـف التـروس
البارحـه ماكـن لـي فـركـون ذا الـديـره ذوي
ياسل حالي سل كبد(ن) في طرفهـا شـق مـوس
والحزن ياكل فـي طرفهـا الآخـر وهـي تنـزوي
ورحمـة الله وبركاتـه ياحفيـد اللـي تــروس
اللـي تـروس وكثرهـم لكنهـم بعـدك شـوي !
لو ان مالك عيد يحسب لك مثـل عيـد الجلـوس
انت اكرم من الفاطمي وانت اشـرف مـن الأمـوي
تكفى يا بو ماجد اثـر الحـزن منطقـه معكـوس
أقولهـا وانـا سـوي واقولهـا مانيـب سـوي !
أول ماودعتك وأنا خاابرك ضرس من الضـروس
دنقت راسي حـاذف(ن) روحـي وقدنـي محتـوي
ولاذكرت مـن التجـارب والعبـر ولا الـدروس
إلا انت يا ابن العـم والمحـزم و مقبـاس الخـوي
ارتـاح للعبـد القـوي إلا فـذا اليـوم العبـوس
أرتحت للعبد الضعيـف أكثـر مـن العبـد القـوي
يوم اجتمعنا عند قبرك لو مـا تسترنـا اللبـوس
يمكن أقول ان حن مع اللـي طوقـو لابـن جلـوي
الشــــــــــــاعر محمد ابن الذيب
وافكارنـا قـد تختلـف فيمـا نحـس وتحـتـوي
بعض النفوس من الحزن تشره على بعض النفوس
غير النفـوس نفـوس لا تشبـع ولاهـي ترتـوي
ياليت هالعالم سوى في الحزن حتـى مـا نـدوس
علـى مشاعـر غيرنـا وقلوبنـا مــا تنـكـوي
قولو لساره بنت ستـر القـوم والحـد محـروس
ابيش ماهو من ضعـاف القـوم طافيـن الضـوي
تفاخـري يالعيطمـوس وسولفـي يالعيطـمـوس
وأرقي على متن السحـاب وخلـي الذيـب يعـوي
الحزن وسط القلب مثل النبت في القاع مغـروس
وعزومنا مثل النجـوم تغيـب لكـن!! مـا تهـوي
وانا من الشعـار شاعـر مـا تتعبـه الهجـوس
إليا نويت اسري وأنـا شفقـان والليـل اسـروي
يامل قلب(ن) كل ما مال الغصـن والريـح كـوس
قامـت عروقـه تشتبـك ورى الضلـوع وتلتـوي
وبدت على الوجه الرضي علامه الوجـه العبـوس
حتـى استـوي مقامهـا لـو انهـا مـا تستـوي
الي ذوي ركابـه الخيـل ورى صلـف التـروس
البارحـه ماكـن لـي فـركـون ذا الـديـره ذوي
ياسل حالي سل كبد(ن) في طرفهـا شـق مـوس
والحزن ياكل فـي طرفهـا الآخـر وهـي تنـزوي
ورحمـة الله وبركاتـه ياحفيـد اللـي تــروس
اللـي تـروس وكثرهـم لكنهـم بعـدك شـوي !
لو ان مالك عيد يحسب لك مثـل عيـد الجلـوس
انت اكرم من الفاطمي وانت اشـرف مـن الأمـوي
تكفى يا بو ماجد اثـر الحـزن منطقـه معكـوس
أقولهـا وانـا سـوي واقولهـا مانيـب سـوي !
أول ماودعتك وأنا خاابرك ضرس من الضـروس
دنقت راسي حـاذف(ن) روحـي وقدنـي محتـوي
ولاذكرت مـن التجـارب والعبـر ولا الـدروس
إلا انت يا ابن العـم والمحـزم و مقبـاس الخـوي
ارتـاح للعبـد القـوي إلا فـذا اليـوم العبـوس
أرتحت للعبد الضعيـف أكثـر مـن العبـد القـوي
يوم اجتمعنا عند قبرك لو مـا تسترنـا اللبـوس
يمكن أقول ان حن مع اللـي طوقـو لابـن جلـوي
الشــــــــــــاعر محمد ابن الذيب