تكفا ترى تكفا تهز الرجاجيل وتكفا وتكفا وتكفا

[المارد الشعري]

بسم الله الرحمن الرحيم



تكفا ترى تكفا تهز الرجاجيل - ولولا ضروف الوقت ماقلت تكفا

عرفنا هذا البيت من خلال مسجات الجوال
لانعرف قائله ولانعرف باقي القصيده الحقيقيه







قد تكون هذي هي القصيده الحقيقيه او الاقرب
اتمنى ان تنال اعجابكم


اما لطمنا العيل والا ألطم العيـل=مادام شب النار منـدوب الاطفـا
من ذاق حر القايله يعشق الليـل=ومن شب ضوه ليلة البـرد يدفـا
امسيت في جيلٍ ولاهوب ذا الجيل=واصبحت والا ديرتي شبه منفـا
واللي حما بيته بطيـرن ابابيـل=ماجيت ادور كل من صـد واقفـا
ولاجيت ابشحذ يانما دلّـه وهيـل=جيتك وجرح الظلم غاديـه يشفـا
جيتك بكلمه كنها صعقـة الويـل=ان قلـت تكفـا لاتهـاون بتكفـا
تكفا تراها كلمـةٍ تقطـم الحيـل=لابالله الا تنسـف الحيـل نسفـا
تكفا ترا تكفا لهـا هـدرة السيـل=في صدر حرٍ ينتف الطيـب نتفـا
تكفا ترى تكفا لها تسّـرج الخيـل=ان كان لك في مجمع الخيل عسفا
تكفا تراني مـن قـرومٍ مشاكيـل=حمايـة الساقـه بسيـفٍ وشلفـا
تكفـا وتكفـا ماتسـاق لمهابيـل=تكفا تخلّـي القـرم لاشٍ وهطفـا
تكفا ترى تكفـا تهـزّ الرجاجيـل=لولا ظروف الوقت ماقلت تكفـا


لايعرف شاعرها حتى الان

[محمد بن سعود]

ياهلا يالمـارد

وصح لسانك ولسان شاعرها

وهالقصيـد / فـايز العتيبي

من اهل الرياض


ولاهنـت

[عيد بن شدقان]

المارد الشعري


انا اللي بعلمك :)

القصيده للشاعر /محمــد الدحيمـــي

[الراعي الرسمي]

صلوا على النبي القصيده صحيحه لكن الشاعر هو محمد الدحيمي وانا سامعها منه شخصيا

ومبلغنا بسالفتها واخذ العلم الوكاد مني ومن الاخ عيد بن شدقان

ولاهنت ياخوي ....

تقبل تحياتي ........

[الـنايفه]

تكفـا وتكفـا ماتسـاق لمهابيـل
تكفا تخلّي القـرم لاشٍ وهطفـا
تكفا ترى تكفا تهـزّ الرجاجيـل
لولا ظروف الوقت ماقلت تكفـا


:)...اي والله صاج ماهوب كل رجال ينقال له تكفآآلانها ماتهز الاقلوب الرياجيل صح!!

جعلك سالم ومن كتبها يالغلا....ويعطيك الف عافيه على النقل

...............

عيد بن شدقان لاهنت على اسم الشاعر..

خالص الود..,,

آم خآلد

[المارد الشعري]

ياهلا يالمـارد

وصح لسانك ولسان شاعرها

وهالقصيـد / فـايز العتيبي

من اهل الرياض


ولاهنـت
حياك الله يامحمد بن سعود
صح بدنك
مااعتقد بان القصيده للشاعر فايز العتيبي
والشاعر هذا اول مره اسمع به
مشكوووور على المرور الطيب

[معشي الطرفى]

..

تكفا تراني مـن قـرومٍ مشاكيـل // حمايـة الساقـه بسيـفٍ وشلفـا

كفوووو والله

صح لسان الدحيمي

ولاهنت

[r7mad]

مسيتوا بالخير

عساكم بصحة وعافية

تعقيبا على كلام الأخوان فنعم القصيدة هي لمتنبي الشعر الشعبي الشاعر الكبير والكبير الله سبحانه محمد الدحيمي من أهل بيشة ويعيش حاليا بمدينة جدة وهذه القصيدة كاملة كما قالها لي الشاعر وارسلها لي فاكس وذلك لتعقيب على نفس القصيدة بعدما قرأت موضوعا هنا في هذا المنتدى يصرح ان القصيدة لفلان من الناس وقد عقبت عليه وكلمت محمد والذي قام مشكورا بارسالها لي كاملة كما ستقرؤن واتنم ماقصرتوا بيض الله وجيهكم اثرتوا الموضوع مرة اخرى ووضحتم صاحب القصيدة .

وقد قمت بكتابة القصيدة كاملة وعسى ان تعذروني على التقصير والاطالة

وتقبلوا مودتي لكم





علم العفا وعـــــــفاك .. يا وافي الكيل
بساطه أبشّــــرك .. في خير وعفا
نكفي بعــــــضنا ,, وانتكافا على الشيل
واللي تعب من الحطّ والشــــيل يكفا
من ذاق حرّ القايـــــــله يعشق الليل
ومن شبّ ضّــوه ليلــــة البرد .. يدفا
لاعاد ليلٍ ٍ نمـــــــت به في حرى سهيل
وخايـلت نوضٍٍ يخطـــف العين خطفا
امسيت من جـيل ٍ ولاهـــــــوب ذا جيل
واصبــحت ... والاّ ديـــرتي شــبه منفا
إمّا لطمنا العـــــــــيل .. والاّ الطم العيل
مادام شــبّ النار مــــندوب الأطفاء
واللي حما بيته بطـــــيرٍ ابابيـــــل
ماجـــــــيتك ادوّر لمن راح واقفا
ولا جيـــــــــتك اطلب منك بن ٍ ولا هيل
جيـــتك وجرح الظلم .. غاديه يشـفا
جــــــــــيتك بكلمة .. كنّها صعقة الويــل
إن قــلت تكفا ... لا تهـــــاون بتكفا
تكــــــــــــفا .. تراها كلمةٍ تقطم الحيل
لا بالله الا تنســـــف الحيل نسـفا
تـــــــــــكفا .. ترى تكفا لها هدرة السيل
في صدر حرًّ .. ينـتف الطـــــــيب نتفا
تكــــــفا .. ترى تكفا لها تـســـرج الخيل
إن كان لك باالخــــــيل سرج ٍ و عسـفا
تـــــــــكفا .. تبيّن كلّ لاشٍ وحليل
تسمـــــع لها بالصدر هبــدٍ ورجفا
تـــــــــكفا .. ترى تكفا تهز الرجاجيل
ولولا صـــــــــــــــــــــدوف الوقت ماقلت تـــــــــــــــكفا
وسلامتكم

وصح الله لسان شاعرها

[جطلي بن فهد]

المارد الشعري لاهنت ياذيبااان لاهنت ومشكووور طال عمرك على القصيده




عيد لاهنت على اسم الشاعر ولاهنت يالي وكدت كلام عيد