شيخ المشايخ شيخنا الشيخ راكان ...

[صعب المنال]

السلام عليكم ورحمة الله وبركاته

مساكم الله بالخير
والله ولكم وحشه
عذرا على طول الغيبه

اتمنى تعجبكم الابيات

ومانستغني عن النقد في جميع المجالات
سواءٍ الوجن او التركيب او المعنى




الشعر لوحة والقلم ريش فنان = يرسم ملامح فكره بإحساس ملموس
الشعر فطرة تنخلق ويا الانسان = ماهوب سلعة والا تعليم ودروس
وشعري تملكني ويحرسه شيطان = لامن نخيته حبل الافكار متروس
ارسم هدف واطلق لفكري الاعنان = وبنات افكاري على محبل القوس
لاهاض خفوقي وابتدا حبك الاوزان = جاك القصيد وحدّه اصقل من الموس
زلزال يتليه انفجارات بركان = في ارض خصبه انبتت كل مغروس
بحرٍ غزير فيه لولو ومرجان = ومن المعاني فيه الّفت قاموس
قصيد وافي وبمعانيه مليان = فيه البيوت متماسكه كنها تروس
ساهر عليه وشاقين فيه تعبان = مانيب من يشري الابيات بفلوس
شاعر من نسل شاعر وحتى الاخوان =ثوب المراجل عندنا دوم ملبوس
من راس قومٍ لهم بين العرب شان = عجمان لاجا ذكرهم تنحني روس
سلاطين وشياطين بالخيل فرسان = من يعتدي علينا لاشك منحوس
شيخ المشايخ شيخنا الشيخ راكان = شاعر وفارس للمواجيب ناموس
يشهدلنا يوم العيينه وكنزان = من يوم صرنا بالميادين كابوس
امجاد ربعي ماتبي مدح وبرهان = تاريخنا بأذهان الاجيال مدروس


دمتم بود

اخوكم

صعب المنال

[حمود بن فطيس]

الاخ صعب المنال

صح السانك ولاهنت على هذه الابيات الرائعه والفكره الاروع

معاني فذه ونمط يداعب الاحاسيس لاهنت وبيض الله وجهك


لكن هناك بعض الملاحظات من ناحية الوزن اخي العزيز


في بعض الابيات تحتاج الى اعادة صياغة البيت لضعف الوزن به



تقبل تحيات مودعك


حمودج بن فطيس

[سراااااااااااااااب]

صح لسانك

ابداااااااع ما شاء الله عليك


تقبل تحياتي

اخـــــــــتـــــــــــــك

سرااااااااااااااااااااااب

[حضريه عمها بدوي]

صح الله لسانك


ابداع مابعده ابداع

سواء كان في الكلمه او المعنى


تسلم لاخلا ولاعدم

[صعب المنال]

صح بدك اخوي حمود بن فطيس

ومشكور على مرورك والله يعطيك العافيه

بس ياليت اخوي لو توضح لي الابيات اللي الوزن فيها ثقيل لاهنت

[صعب المنال]

ياهلا والله ومرحبا بسراب

صح بدنك

ومشكوره على المرور والاطراء

لاعدمنا تواصلك


دمتِ بود

[مناحي الصميل]

صح الله لسانك

وكما قال اخي العزيز حمود

ان هناك الكثير من الأبيات تحتاج الى إعاده صياغه للوزن



لا هنت

[صعب المنال]

جضريه عمها بدوي

مشكوره على المرور والاطراء

لاعدمنا تواصلك

دمتِ بود

صعب المنال

[صعب المنال]

صح بدانك اخوي مناحي

وبالنسبه للوزن

انا مشيت الابيات على لحن وماشيه

والابيات على بحر المسحوووب

اتمنى انك تعيد النظر وتعطيني خبر

ومشكور على مرورك

[محامي عدوان]

صح لسانك شاعر والله شاعر سلمت ودمت ياصعب المنال ,

والأبيات التي ينقصها الوزن هي :
وشعري تملكني ويحرسه شيطـان = لامن نخيته حبل الافكـار متـروس


الشطر الأول مكسور بعد كلمة تملكني يختل الوزن ,,, وإقتراحي هو :

وشعري تملكني وحارسه شيطان = لامن نخيته حبل الأفكار متروس

هذا تغيير بسيط في الكلمه وليس المعنى واتمنى اني أفدتك ,

وهناك أبيات ركز على أوزانها اللي تبدا في :

لاهاض خفوقي وابتدا حبك الأوزان

لاهاض الخفوق و حبي للأوزان .

سلاطين وشياطين بالخيـل فرسـان

سلاطين بالخيل وبالحق فرسان .

شاعر من نسل شاعر وحتى الاخوان

شاعر ونسل الشعر فيني بالأزمان .


هذل تعديلي وتعليقي ياصعب المنال ....

وسامحنا على القصور .

[مناحي الصميل]

انا متأكد ان الكثير من الأبيات ينقصها الوزن

:)


وتعليق على محامي عدوان :


البيت هذا سليم وليس مكسور

شعري تملّكني ويحرسه شيطـان = لامن نخيته حبل الافكـار متـروس


سليم 100 %


وباقي الأبيات فيه الثقل وفيها الكسر


شكرا

[فرز الوغا]

صعب المنال ...

من طول الغيبات جاب الغنايم ...

صح لسانك ...

والله إلي جبتهااااا ...





يشهدلنـا يـوم العيينـه وكـنـزان من يوم صرنا بالمياديـن كابـوس


امجاد ربعي ماتبي مـدح وبرهـان تاريخنا بأذهان الاجيـال مـدروس

[محمدالعمار]

صح السانك
ومحامي عدوان عطاك الصحيح الا في بيت
شعري تملكني ويحرسه شيطان= الخ.....
هذا البيت بيت موزون وصحيح.

تقبل تحياتي.

[صعب المنال]

صح بدنك اخوي محامي عدوان

وشكور على المرور والتعديل

والبيت اللي يقول

وشعري تملكني ويحرسه شيطان

وتعديلك

وشعري تملكني وحارسه شيطان

كلهن نفس الوزن واللحن يعني الاثنين موزونات



وبالنسبه للبيت اللي اقول فيه

لاهاض خفوقي وابتدا حبك الأوزان

انت عدلته
لاهاض الخفوق و حبي للأوزان .

وحاولت امشي تعديلك على اللحن بس عيا يمشي معي

على العموم ماقصرت اخوي ويعطيك العافيه

وشاكر لك مرورك

دمت بود

[الحلم الظاهر]

ونع مليون براكااااااااااااااان

[صعب المنال]

مرحبا ًً اخوي مناحي

ومشكور على المرور مرة ثانيه

لكن ياليت ياخوي لو تبين لي وين الخلل اللي بالابيات عشان استفيد

هل كلها مو موزونه والا بعض الابيات

ياليت توضح الثقل والكسر وين

وشاكرلك يالغالي

[صعب المنال]

مشكور اخوي مناحي الصميل

على المرور مره ثانية

لاعدمنا تواجدك وتوجيهاتك

يعطيك العافية اخوي

[محمدالعمار]

عندي ملاحظه على شطر شيخ المشايخ شيخنا الشيخ راكان
الله يرحمه فارس ودخل التاريخ بفروسيته وحنا كعجمان نفتخر فيه وفي كل فرسان العجمان لكن شيخ المشايخ قد تثير حفيظة بعض القبائل الاخرى مما يجعلهم يحسون بالتحدي وحنا كفو.
لكن مانشوف انفسنا على الناس كل قبيله فيها مثل راكان يفتخرون به ربعه ونا والله سجلت الملاحظه عشان مانتجه للافراط بالفخر لدرجة فيها نلغي مقام الغير.
وشكرا لك.

[صعب المنال]

صح بدنك اخوي فرز الوغا

مشكور على المرور


لاعدمنا تواجدك يالغالي


دمت بود

[صعب المنال]

مرحبا اخوي محمد العمار

مشكور على تواجدك وملاحظتك

مع انني لم انتقص احدا ولم احدد هويه احد

وباب المدح مفتوح مالم يتعدى على حق احد


يعطيك العافية

لاعدمنا تواصل يالغالي

[معدي العجمي]

السلام عليكم ورحمة الله وبركاته

صح اللسانك وبتوفيق

[صعب المنال]

حياك اخوي معدي العجمي

وصح بدنك

ومشكور على الحضور

لاعدمنا تواصلك

[المارد الشعري]

صعب المنال
صح السانك

من وجهة نظري
ان القصيده ككل غير موزونه ماعدا الابيات الثالث والسادس والثالث عشر والرابع عشر
بالنسبه للبيت السابع اعتقد ان فيه ثقل من كلمة (الفت)
والبيت التاسع كذلك فيه ثقل في الشطر الثاني كلمة الابيات
قد يكون الاحسن( ماني بمن يشري له ابيات بفلوس)
الابيات الاخرى مكسوره

جمال القصيده ككل في هذا الشطر
عجمان لاجاء ذكرهم تنحني روس

وجهة نظر قابله للصح والخطاء
تقبل تحياتي وتقديري

[صعب المنال]

الاخ الفاضل المارد الشعري

اشكر لك تواجد وردك
واحترم وجهة نظرك

لاعدمت تواصلك

دمت كما تحب ان تكون


صعب المنال

[الاحرش]

صح الله لسانك

[(عبدالله^العجمي)]

صعب المنال صح السانك

وخشمك على ذالقصيدة الجزله

الله لا يهينك

تقبل مروري

[صعب المنال]

مرحبابك اخوي الاحرش

وصح بدنك

لاعدمنا تواصلك يالغالي

دمت بود

[غـاآزي آلـزيـن]

صح لسانك صعب المنال

كلمات ومعاني رائعه جدآ

أما أنا تعليقي في أبيات في كسر

ولاكن الغلط من طريقتك في تلحين القصيده

حاول تلحن قصايد شعار على المسحوب ليما تعود على لحنها

وصح لسانك مره ثانيه


..