السعوديات والعفن

[عجميه مردده]

يالله الحين بتدخلون من بوابه بستان افكاري...صفو سرى..وبالرجل اليمين ..وبسم الله...




اول شي بيقابلكم شجره خضراااا كبيره ومتفرعه ..
اسمها :


انا سعوديه

وفروعها متشعبه..

الفرع الاول: حجابي
وانا مسلمه اولا قبل لااكون سعوديه ...

حوار

هي: انتم حجابكم يغطي الوجه !!!!!!!

انا: ايه

هي : الله يعينكم كتمه مع الحر !!!!

انا: بس نار جهنم احر...

و ابي الكل يعرف شي ..

انا سعوديه وافتخر بحجابي ..

ماتضايقت منه وفي نزعه عذابي...

ولا يشرفني تركه.. يااحبابي ..

انزعه ..ابدا ...هذا مصابي...

كلجوهره ..

انا مو اي احد يقدر حتى يلقى نظره علي

فكيف يمد يده علي.....
انا مصونه بيني وبين الغريب الف حاجز وحاجز .

..كثير يتمنون يحظون مني بشي بس "

انا فوق انا نجمه محد يوصلها..

انا في القمه محد يحصلها. ابد ..

الا بشرع الله


...بس فيه اقّليه..لهم راي مخالف ..بس صوتهم عااااااالي


العفن مهما كان قليل ريحته قويه...

الفرع الثاني:قياده السياره:

حوار

هي:يالله ماتسوقون انتمّّّّّّ!!!!!

انا : لا

هي:يااختى مره مايثقون فيكم اهاليكم !!!!

انا:اذيتونا بهالموضوع...


.انا سعوديه ويشرفني اني مااسوق


نا ملكه فيه ملكه تسوق ؟؟؟


انا اغلي من العين والموق


انا الحمد لله مكانتي فوق


فيه من يتولى امري ويخدمني بذوق


ويوديني لاقل واكبر مشوار مايعوق


مااطلع الحالي لاني اغلى من اني اترك الحالي

في الشارع......فيه من يبي يذوق طعمي الحالي

في الشارع فيه الصالح وطالح يتمنى يجي اقبالي

اهلي يخافون علي ...انا ...غاليه

يخافون علي حتى من نظره غريب حانيه

يخافون على سمعي لاتخدشه كلمه نابيه

كرامتي

يخافون عليها لاتنجرح وتنكسر نفسي الساميه


...بس فيه اقّليه..لهم راي مخالف ..بس صوتهم عااااااالي


العفن مهما كان قليل ريحته قويه...

الفرع الثالث: المساواه..

حوار


هي:يالله ...انتم مظلومات مرره ...صح

انا : لا

هي:لان رجالكم حرموكم من المساواه..

انا :ومن قال انا نبي المساواه...


انا امراءه ..انا انثى..

انا ضعفي.... هو سلاحي

هو فخري وادوى اجراحي


انا اختلف عن الرجل

انا.... لي قلب وجل

كيف اواجه الدنيا بثقل


ماابغى مساواه في العمل

مااقدر اعمل بقوه رجل

كيف احمي اسرتي اجل؟


انا ابي احد مسؤل عني...وانا له تابعه

مااعرف انا اشيل همي... يامر وانا اسمعه

بس اعرف اسعده بودي...وبشوقي اللي اجمعه

امسح جبينه بيدي...ولا اترك فرصه لمدمعه


...ماابغى مساواه

انا.... خلقني الله

يعرف اللي ابغاه

ومستسلمه لهداه


...بس فيه اقّليه..لهم راي مخالف ..بس صوتهم عااااااالي


العفن مهما كان قليل ريحته قويه...

الفرع الرابع : التعداد..

حوار

هي:ياصبركم على رجالكم حاقرينكم ...صح

انا: لا

هي:اجل ليش الواحد مايقتنع بزوجته وبس.

انا : شريعه الله ...

انا مسلمه قبل لااكون سعوديه

واعرف ان اللي خلق البشريه

هو اللي عطي الرجال الصلاحيه

ومو عيب ان التعداد منتشر هنيه

هذا شرف لي ولكل بنيه

ان اوامر الله تنفذ وبحسن نيه


<<<<<<<لاتزعلون يابنات معليش


...بس فيه اقّليه..لهم راي مخالف ..بس صوتهم عااااااالي


العفن مهما كان قليل ريحته قويه...

واكبر ثقه من اهلنا اننا على النت ولارقيب غير الله فثقتهم هي اكبر وسام على صدورنا
__________________

[فرز الوغا]

السلام عليكم ورحمة الله وبركاته

المردده

لاهنت

علي

مـــا

صطرتي

وجزاش الله خير

[عجميه مردده]

مشكووووووور اخوي على المرور

[جطلي بن فهد]

عجميه والله اني مستعجل لاكن قلت والله ماطلع قبل لاكتب
انتي مبدعه
انتي صادقه
انتي مخلصه
انتي رائعه
انتي موهينه
انتي غاليه
وانا سجليني
في قائمة المعجبين باسلوبك الرائع
واسمحيلي ابعلق شوي
اولاً
نحن السعوديون انا سعودي وافتخر من دار ابو متعب صقر العروبه
نحن السعوديون الله اختارنا وفضلنا على غيرنا بهذه النعم التي ذكرتيه
ثانياً
انا بعطيش قصتين حقيقيتين بخصوص الحجاب والثانيه الاختلاط
الاوله وهي قصة الحجاب
اقول اين هولاء الازواج عن اعرابيه سقط نصيفه -خمارها وهو الذي يغطي وجهها
عن وجهها فالتقطته بيدها وغطت وجهها بيدها الاخرى
ولم تقل دعهم يرو جمالي
وفي ذلك قيل
سقط النصيف ولم ترد اسقاطه
فتناولته واتقتنا باليد
اما بشان الاختلاط
اين الازواج عن اعرابي راى من ينظر الى زوجته فطلقها
غيره على المحارم
فلما عوتب في ذلك
قال
واترك حبها من غير بغضٍ
وذاك لكثرة الشركاء فيه
اذا وقع الذباب على طعامٍ
رفعت يدي ونفسي تشتهيه
وتجتنب الاسود ورود ماءٍ
اذا رائت الكلاب ولغن فيه
الرائعه عجميه اتمنى انني سويت الي علي
الحين استاذن لاني والله مستعجل
لاكن موضوعكي الرائع لم يتركني
ولا تنسي انني مسجل في قائمة الاعجاب







تقبلي سلامي واعجابي بشخصك الكريم





اتمنى ان يكون مروري جميل كما هو موضوعك

[«[شيـ خ ـة العجمان]»]

مبـدعه اختي عجميه مردده ..

اعجز عن التعبير لجماال هذا الحوار !
حوار جـداً راااقي ورائـع
احسنتِ الطرح ..

كثرر الله من امثاالش
يعطيش العافيه

اختش

:
/
\

[مناحي الصميل]

جزاش الله خير


موضوع جميل

ولكن


ياليت هالأمور نلقاها عند السعوديات

لأن اللي نراه منهم مغاير تماما عن هذه الكلمات الطيبه


وكلامي ليس للعموم بل الأغلبيه الا من رحم الله

( مجرد رأي )

[عبير]

عجميه مردده

موضوعك شفته قبل كذا عشرات المرات
ثم ياأختي الحجاب ماهو فريضه على السعوديات فقط
الحجاب أمر رباني لجميع نساء الأرض
والسواقه أمرها جاي بس استنى شوي :)

شئ ثاني

كل بلد فيها الطالح والصالح
وكل مجتمع فيه العجاف والرغد
واللي قاعد يصير في البلد شئ مفجع
الحريم صار لهم صوت
والصحافه والاعلام تكيد الفتن
والقابض على دينه ..الخ

والله يزرقنا العمل قبل القول

وماقصرتي

[••الــــــــــــــــــريــم••]

يعطيك العافيه أختي " عجميه " وبيض الله

وجهك لهذا الموضوع...

جزاك الله خير ..

[صقراوي]

السلام عليكم ورحمة الله وبركاته

الاخت عجميه مردده حوارك راقي وخيالك وااااسع ويمكن اكثر من اللازم ....

ولكن اعتب عليك اذا سمحتي لي لأنك تقولين(( انا سعوديه ويشرفني اني ماسووق ))

انتي اكيد حره في قناعتك بموضوع قيادة السياره تبين او ماتبين (بصرش كيفش )

ولكن وش ذنب اللي صدق تحتاج انها تسوق عشان عوالها او وضيفتها او لأي سبب مقنع (((لاااااحظو انا قلت سبب مقنع ))) هل هي بنظرك غير مشرفه !!!!

ودمتم سالمين ....

[galaa]

مــــرحــباااا.....
أســـلوووب راااقي جــدا اختي عجــمــيــه بس بقوولش حاااجه مااهوب كل السعوديااات كذااا وهذااا من الي اشووفه عندكم ....
ومشكووره
:)

[اخو فاطمه]

الله يحفظ بنات المسلمين

وبارك الله فيك يا أختنا عجمية
اما بالنسبة للفئة القليلة عالية الصوت فابشري بما يسرك سنلجمهم قريب وأن غدا لناظرة لقريب

[nase75]

والله اني مدري وين الجمال في الحوار اللي تقولون عنه.
لكن انا اقول اللي مايطول العنب يقول عنه عابص (حامض)

[الجااازي]

عجمية مردده

تدرين دخلت متحمسة وحالاتي حالة أقول وش سالفة هالعالم ماعندهم الا السعودية حاطين عليها..لا و وصلت للسعوديات وجيتش طائرة هداده:) مو مني من العنوان

اختي لاهنتي طال عمرش ...وانتي وفيتي وكفيتي وقلتي اللي بالخاطر وتستاهلين الواحد يوقفلش ويصفق سلمتي يالمردده

والله يعطيش مليار عافية عزيزتي

تقبلى مروري وخالص تحيتي وفائق أحترامي

[عجميه مردده]

مشكووووورين اخوتي
لكن كل كلمه كتابتها هي من قناعتي الخاصه في هذا الزمن القابض على دينه كا القابض على جمر
يمكن تستغربون قناعتي هذا بعمري الصغير لان الكثير الكثير يصيفوني بالمعقده فااصبح من يتمسك بحجابه في هذا الزمن دقه قديمه
كنت اقولهم كلمه وحده انا مايشوفني الا الي يستاهلني صدقوني الكلمه هذاي تسكتهم والحمدلله على هذي النعمه مو علي انا بس على الكثير الكثير من المسلمين
اخوي سماوي اسمحلي انا اكون من قائمه المعجبين فيك بما سطرته من كلمات رائعه

[جطلي بن فهد]

nase75
اخي العزيز اسمحلي بقولك ضايع
والادله ولله الحمد كثيره ولم يمت الرسول الا بعد ما اكمل الدين
وانا بعطيك ادله
قال الحافظ ابن حجر لم تزل عادت النساء قديماً وحديثاً ان يسترن وجوههن عن الاجانب
1 ستر زينتها قال تعالى (ولايبدين زينتهن) فما رائيك
2 وتعريف الحجاب هو ستر المراه جميع بدنها ومنه الوجه والكفان والقدمان وستر زينتها المكتسبه بما يمنع الاجانب عنها رؤية شي من ذلك
3 ومن الادله قال الله تعالى (وقرن في بيوتكن)
4 الاختلاط محرم شرعا وكما قال ابن القيم (من ماقال ان ولي الامر يجب عليه ان يمنع من اختلاط الرجال بالنساء في الاسواق والفرج ومجامع الرجال)
5 قال الرسول (ماتركت من بعدي فتنه اضر على الرجال من النساء)
6 الفوارق بين الرجل والمراه فلا يحق للمراه ان تفعل مثل الرجل ومن ذلك
قوله تعالى (وانه خلق الزوجين الذكر والانثى )
وقوله تعالى(ومن يعمل من الصالحات من ذكر وانثى وهو مؤمن فاولئك يدخلون الجنه ولا يظلمون نقيرا)
وقوله تعاللى (وليس الذكر كالانثى)






انا الي اقول ولي مايطول العنب حامض عنه يقول

اتمنى اني اوضحت لك الفوارق والحجاب والاختلاط
وهذا الكلام يعم الجميع للفائده
فالدنيا لها نهايه ولاكن هل حضرت لاخرتك هذه دنيا فانيه
ومنا من يدخل نار والعياذ بالله ومنا من يدخل جنه فيها انهار
فما عملنا لاخرتنا شي
اتمنى ان نكون من اهل شفاعة الرسول ومن اهل الجنه



مع السلامه اختي عجميه اشكرك على الموضوع الرائع الذي يحمل معاني ليس لها مثيل
تقبلي سلامي واعجابي

[عجميه مردده]

اخي سماوي بن نجم لقد اثبت بلاغتك ومقدرتك على الرد لمن يخالفك الرائ وانت ملم باالاحاديث والايات الشريفه بهذا الموووووضوع
وانا والحمد لله متمسكه بقناعاتي الى اخر يوم بعمري ولله الحمد
ويكفيني بذلك ثقت اهلي بي وراحت بالهم والي يقول الي مايطول العنب هل تعتقد اني لا استطيع ان انزع عني حجابي لاوالله استطيع ذلك لكن اتذكر عذاب الاخره ويكفي تانيب الضمير الذي سيلاحقني في كل وقت حبيت اذكرك بحديث نبوي الدنيا سجن المؤمن وجنه الكافر فما اجمل هذا السجن الذي سيوصلني واياكم ان شاءالله الى الجنه
وتقبل شكري وامتناني لك اخي سماوي ولجميع الاخووووووه والاخوووووووووات

[مشاعر حالمه]

وانا مسلمه اولا قبل لااكون سعوديه ...

عجميه مردده

فديت روحج والله

يكفي انج كل ما ذكرتي فرع قلتي

انا مسلمه اولاً قبل لاأكون سعوديه

وهذا يدلّ على اتبّــاع سنة الله وهدي نبيّه في عدم نزع الحجاب وعدم الاختلاط

واذا قيل ان السعوديه فيها وفيها فهــذا مايأثّـــر علينا كسعوديين نعتبر الفئة اللي ماتشرّفنا

فئة شاذّه ...وهم من حثالة المجتمـــع ...

لكـــن الإســـلام أياً كان في أي مكان بتطبيــق تعاليــمه سيكون المجتمع فيه متمسّك

ومترابط ومحافظ حتى لو كان بلد غير السعوديه ...

ماأقـــول الا كما قال الشاعر خالد المجاهد

مسلم عربي سعودي .. رافع البيرق عسى عزه يدوم
صادق النيه وربي له نصر = واثق بالله يا راعي العزوم
اسمك اللي يعرفه كل البشر = في سمانا شيخنا عزه يحوم
قايد الأمه الى منه أمر = للندى لبيه في وقت اللزوم
عمرنا يرخص يبقى لك ذخر = ما يجيك الظيم وعيالك قروم
ارتفع شانك علا واشتهر = يا وطن مجدك يا عله يدوم
شرعنا أمره ما فوقه أمر = يا حماة الدين حنا له نقوم
كان في لب السما نور القمر = حبك أنته يا وطن فوق النجوم

:)

وتحيتي لج يالغلا واعجـــابي ..

تحيتي لج / مشاعر حالمه

[زيــ الهتلاني ــزوم]

لية نظره العالم في السعودية غير .
سلامي والله عليها وكاد انها سنافية وبس حبيلي خشمها .

.انا سعوديه ويشرفني اني مااسوق


نا ملكه فيه ملكه تسوق ؟؟؟


انا اغلي من العين والموق


انا الحمد لله مكانتي فوق


فيه من يتولى امري ويخدمني بذوق




عجمية
لاهنتي على الكلام الروعة تحياتي

[عجميه مردده]

مشكوووووووووورين خواتي على المرور
والله يحفظنا من كل شر ويحفظ بنات المسلمين في كل مكان بالعالم

[الـنـايـفـه]

اشكرش اختي عجميه على الموضوع ....

اما مسئلة السواقه ...في ناس كثير يحتاجون السواقه .. و مو الكل عنده احد يخدمه ..
في ناس ميزانيتها ما تسمح ..

و الحجاب الحمدلله الكل متحجبين وهذا شي مو عيب ولا حرام .. :)

اما سالفه المساواة ... فالمرأه من حقها العمل .. والكثير منهم يحتاجونه ..

[عجميه مردده]

مشكوووووووره اختي النايفه على التعليق
بعدين موشرط نجيب سواقين عندنا من يخدمنا