المساعد الشخصي الرقمي

مشاهدة النسخة كاملة : نـامـت بـحـسـرتـهـا


المفاوض
27-04-2007, 03:00 AM
لنتعايش مع القصيده



















نامت بحسرتها وانا نمت مرتاح = علمتها وشلون معنى التحدّي


عيّشتها مابين الآم وجراح = قامت تعرف ان ماهي اللحين قدي


صارت بديني لعبتن مثل مسباح = عذبتها مابين هجري وصدي


خليت كحلتها من العين تنساح = وصار الفكر والحس والروح عندي


مر ٍ أسهّرها الا وقت الاصباح = ومر ٍ أمسّيها على حلم وردي


شوقي سرا بعروقها وقام يجتاح = حتى الغلا بعيونها صار فردي


صرت بحياة المترفه ريح فوّاح = بنت الدلع والذوق بنت الأفندي


بنت الحياه الهانيه حظها طاح = تلعثمت ماتدري منين تبدي


انقلبت الآيه وراح الدلع راح = واللي ابيه يصير لا مايردي


خليتها عقب الطرب والتمداح = تشقا بحب اللي فعوله تعدي


علمتها ان السجن تهذيب واصلاح = وعلمتها ان البحر جزرن ومدي


وعلمتها ان دموعها ماهي سلاح = مهما تهل الدمع ماقلت هدي


ياصاحبي زرق الهوا كنه إرماح = بيّحت سدّك وانت بيّحت سدّي


لو كل من له طير سماه سداح = ماشفت جولن للحباري يعدي


أول بديها كان قفلن ومفتاح = واليوم صار الوضع حازم وجدي


جننتها نسّيتها طعم الافراح = بنت الدلع والذوق بنت الأفندي



للشاعر . . . حــمــد بــن ســعــد الــمــســرع



؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

البليهي
27-04-2007, 03:40 AM
علمتها ان السجن تهذيب واصلاح = وعلمتها ان البحر جزرن ومدي
وعلمتها ان دموعها ماهي سلاح = مهما تهل الدمع ماقلت هدي


صح لسان حمد


ولاهنت على النقل


وبو فيصل شاعر بحر وانا من محبين هذا الشاعر


البليهي

ريــــــانـه العــــود
27-04-2007, 03:58 AM
قصيده غاية الروعه

ربي يعافيك

سلامي لك

ابوجراح
27-04-2007, 06:20 PM
حمد بن سعد المسرع مخضرم ورائع للأمانه انا من متابعينه ولاكن اول مره اسمع

قصيدته هاذي ذوقك راقي يالمفاوض يعكس شخصيتك لا هنت على اتحافنا بقصيد

حمد وصح لسان ابوفيصل

المفاوض
30-04-2007, 01:42 AM
علمتها ان السجن تهذيب واصلاح = وعلمتها ان البحر جزرن ومدي
وعلمتها ان دموعها ماهي سلاح = مهما تهل الدمع ماقلت هدي


صح لسان حمد


ولاهنت على النقل


وبو فيصل شاعر بحر وانا من محبين هذا الشاعر


البليهي




البليهي حبك الله يالشيخ

اشكرك واشكر كلامك الطيب ويستاهل ابو فيصل من يحبه

المفاوض
30-04-2007, 01:43 AM
قصيده غاية الروعه

ربي يعافيك

سلامي لك















ريانة العود



















اشكرك جزيل الشكر لا هنتي