الصقور يام
22-04-2007, 09:03 AM
هذه القصيدة قالها حيث وقع عليه حادث سيارة في دولة الامارات و نتج عنه وفاة كلا من سائق السيارة/
مهدي حسين الغباري و حمد حسين الشريف الصقور و محمد مبارك الهاجري كما اصيب الشاعر بكسرين في رجله و اصابات مختلفه و لم يتم اسعافهم الا بعد ان امضوا في موقع الحادث ما يزيد عن
14 ساعة فقال :
ياالله و لا يخفاك حالي وما صار .=.مالي سوى رجواي عندك ذخيره
تنظر بعينك واحد حاله انهار=طال المرض به لين كمل كثيره
و اشفق على عبد غريب و محتار=في ديرة لحاله و ربعه بديره
في غربة عن ديرته نازح الدار=و ربعه بعيد في جنوب الجزيره
متكسر و محير نومه افكار=ليله نهاره ما يفارق سريره
مستوحش و منين ياتيه زوار =لا له بني عم ولا له عشيره
و عيني مدامعها حثيثات و غزار.=تبكي من الفرقاء و تمسي سهيره
الى ذكرت الحادث اللي علي صار=انا وربعي زاد همي بغيره
في ابو ظبي لا عله الله بالامطار=دار تضم اهل الوجيه الغبيره
من شاهد الحادث من الناس يحتار =.رحنا ضحيه والخساره كبيره
انا صويب وبان في حالي اضرار=و ربعي خذوهم للقبر والحفيره
وجدي عليهم وجد من طاح ما سار=خلوه ربعه عند الاعداء المغيره
او وجد مسجون ورى باب وجدار .=سجنه ظلام ولا معه فيه غيره
قلبي عليهم داخليه وهج نار=لا شفتهم قدام وجهي نثيره
طايح من المغرب على رمل وحجار.=الى الضحى و دموع عيني غزيره
اتابع الونات و اصيح تكرار=و رجواي في علام خافي السريره
قمت اتلفت يمنة الخط ويسار .=.و اقول يا ربي عليك الستيرة
شاهدت من بعد المدا موتر مار=و اشر بكفي يوم مالي بصيره
جاني هنود حولوا من على القار=تداركوني في الدقايق الاخيره
و شربت من ماهم زياده وهو حار=.و اثر على كبدي لهيب السعيره
ما ينعرف لي هرجهم كود بالاشار.=ما مثلهم في الضيق يحسب ذخيره
بالاسعاف شالونا وقلبي على نار=.من وسط مستشفى الجزيره لغيره
جاني الطبيب وما عطاني خبر سار=و يقول جرحك كل شي يثيره
ولا جد عرف عنا نتيجه ولا اخبار =و الكل منا ما درا عن مصيره
سبحان ربي كيف الايام تندار=و العبد ما يدري بشره وخيره
هذي من المولى مقاسيم واقدار .=امر كتبه الله عسى فيه خيره
يا ليت ونا ما نوينا بالاسفار=دام الوظايف في بلدنا يسيره
قلنا لزوم نبدل الدار بديار=عقب الهنا ذقنا الحياه المريره
ولا سمعنا اهل النصايح و الاشوار=ويستاهل اللي ما يطاوع شويره
الشاعر / محمد مهدي ال مهذل الصقور اليامي
مهدي حسين الغباري و حمد حسين الشريف الصقور و محمد مبارك الهاجري كما اصيب الشاعر بكسرين في رجله و اصابات مختلفه و لم يتم اسعافهم الا بعد ان امضوا في موقع الحادث ما يزيد عن
14 ساعة فقال :
ياالله و لا يخفاك حالي وما صار .=.مالي سوى رجواي عندك ذخيره
تنظر بعينك واحد حاله انهار=طال المرض به لين كمل كثيره
و اشفق على عبد غريب و محتار=في ديرة لحاله و ربعه بديره
في غربة عن ديرته نازح الدار=و ربعه بعيد في جنوب الجزيره
متكسر و محير نومه افكار=ليله نهاره ما يفارق سريره
مستوحش و منين ياتيه زوار =لا له بني عم ولا له عشيره
و عيني مدامعها حثيثات و غزار.=تبكي من الفرقاء و تمسي سهيره
الى ذكرت الحادث اللي علي صار=انا وربعي زاد همي بغيره
في ابو ظبي لا عله الله بالامطار=دار تضم اهل الوجيه الغبيره
من شاهد الحادث من الناس يحتار =.رحنا ضحيه والخساره كبيره
انا صويب وبان في حالي اضرار=و ربعي خذوهم للقبر والحفيره
وجدي عليهم وجد من طاح ما سار=خلوه ربعه عند الاعداء المغيره
او وجد مسجون ورى باب وجدار .=سجنه ظلام ولا معه فيه غيره
قلبي عليهم داخليه وهج نار=لا شفتهم قدام وجهي نثيره
طايح من المغرب على رمل وحجار.=الى الضحى و دموع عيني غزيره
اتابع الونات و اصيح تكرار=و رجواي في علام خافي السريره
قمت اتلفت يمنة الخط ويسار .=.و اقول يا ربي عليك الستيرة
شاهدت من بعد المدا موتر مار=و اشر بكفي يوم مالي بصيره
جاني هنود حولوا من على القار=تداركوني في الدقايق الاخيره
و شربت من ماهم زياده وهو حار=.و اثر على كبدي لهيب السعيره
ما ينعرف لي هرجهم كود بالاشار.=ما مثلهم في الضيق يحسب ذخيره
بالاسعاف شالونا وقلبي على نار=.من وسط مستشفى الجزيره لغيره
جاني الطبيب وما عطاني خبر سار=و يقول جرحك كل شي يثيره
ولا جد عرف عنا نتيجه ولا اخبار =و الكل منا ما درا عن مصيره
سبحان ربي كيف الايام تندار=و العبد ما يدري بشره وخيره
هذي من المولى مقاسيم واقدار .=امر كتبه الله عسى فيه خيره
يا ليت ونا ما نوينا بالاسفار=دام الوظايف في بلدنا يسيره
قلنا لزوم نبدل الدار بديار=عقب الهنا ذقنا الحياه المريره
ولا سمعنا اهل النصايح و الاشوار=ويستاهل اللي ما يطاوع شويره
الشاعر / محمد مهدي ال مهذل الصقور اليامي