يالله عسى العجمان مايذهبوني..لاجيت ديرتهم رميت بعباتي

[عز الخوي00]

السلام عليكم ورحمة الله وبركاته


أخواني اعضاء المنتدى اضع بين يديكم بعض المقتطفات المختاره التي تتحدث عن علاقة

العجمان وجيرانهم.............

واتمنى من الاخوة الذين يعرفون تكملت هذه الابيات او ابيات اخرى تتحدث عن نفس الموضوع........ان لا يبخلوا علينا وان يتحفونا بما لديهم..... ولكم جزيل الشكر.....

اما المقتطفات فأبداها ببيتين للشيخ راكان بن حثلين:

قصيرنا الناموس يمشي بسوقه *****على الكرامه لين تقفي مطاياه
نشيل حمله من علاوي وسوقه *****ومن بيننا يقلط عل موخر الشاه


وهذه ايضا بيتين لاحد شعراء العجمان ويقول فيها:

آتي قصيري لا دعاني رضا له *****حتى اليا مني دعيته يقومي
راسي فدا راسه ومالي فدا له *****مادام طنب البيت فيه محزومي

واختمها ببيتين للشاعر ابن احويدي القحطاني:

يالله عسى العجمان ما يذهبوني*****لاجيت ديرتهم رميت بعباتي
و إن جيتهم ضيف بعد قدروني *****لا تسد المعرضه دون شاتي
و إن جيتهم في حجة قلطوني ***** مع صفوق لين تمضي حكاتي

[الريانة]

يالله عسى العجمان ما يذهبوني*****لاجيت ديرتهم رميت بعباتي
و إن جيتهم ضيف بعد قدروني *****لا تسد المعرضه دون شاتي
و إن جيتهم في حجة قلطوني ***** مع صفوق لين تمضي حكاتي


انا اشهد ان ذا القحطاني سنافي

عز الخوي ماقصرت اخوي على النقل المميز

وتسلم يمينك

تقبل مروري اختك الريانه

[قبلة الكويت]

تسلم

[bird of shalwa]

عندي بعض التكمله لــ أبيات راكان أبن حثلين سابقة الذكر


ياصليف انا قلبي همومه تعوقه= عز لقلبي ٍ مولع ٍ جاه ماجاه
قلبي كما طير ٍ تتله اسبوقه= يبغي العشا ومجوّد الطير خلاه
وجدي على ربع ٍ دبشها تسوقه=وجدي عليهم والحق الويل ويلاه
لاقالو الصمان لاضت بروقه=من هجر لا ذيب (....)ودرعاه
جمع ٍ ضرير معطيات طروقه=دايم طروقه من قديم ٍ مخلاه
(..........................)=كم شيخ قوم ٍ بالملاقا وطيناه
هواشم ٍ شبل الضرايا نعوقه=لاقام كبير القوم تكثر نعاياه
قصيرنا الناموس يمشي بسوقه=على الكرامه لين تقفي رعاياه
نشيل حمله من عناوي وسوقه=من بيننا يقلط على موخر الشاه

لــ راكان ابن حثلين

ملاحظه : اللي بين الأقواس لا أعرفها

ــــــــــــــــــــــــ
وأبيات ثانيه لــ حويدي العاصمي القحطاني يتوجد فيها على العجمان بعد رحلوا شمال من الأحساء




يا عين هلي الدمع من فوق الأوجان=على حماة الـدار يـوم الحرايـب
وجدي عليهم وجد من كان غرقان=في غبةٍ و المـوج فوقـه سكايـب
آلاد مرزوق صعاصيـع عجمـان=أهل الجموع اللي لها الضد هايـب
شدوا من الصمان ذربين الأيمـان=كنهـم ركيـبٍ راكبيـنٍ ركايـب
حطوا لهم سوقٍ على جال كنـزان=يدّون مفهـوق و يوفـون غايـب!
لــ حويدي العاصمي

وربما لها تكمله .. لكن هذا اللي أحفظه من القصيده

,., عز الخوي ,.,

لاهنت على الموضوع

[ajmit]

عز الخوي لاهنت ويعطيك العافيه

[عز الخوي00]

أختي الريانة

ماانتي بأقل من القحطاني بشي..أنا اشهد انك سنافيه بعد

لانه مايشوف الطيب الا اهل الطيب


مرورك اختي ريانه يشرفني كثيرا


وتقبلي مني خالص التحيه

[عز الخوي00]

قبلة الكويت....


الله يسلمك...

وأحيي بساطتك في الرد...

وهي بالطبع لا تعكس حجم ذائقتك الجميله...


مرورك اختي يشرفني..

ويزيد الصفحة نورا...


ولكي مني خالص الشكر,,,,

[عز الخوي00]

((((طير شلوى)))


انا بكل صراحة ماراح اشكرك على مرورك

أو على اتحافنا بتكملة القصائد....

و إطلاعنا على الاخطاء التي تضمنتها.....


لكن اللي بأقوله إن المفروض.....

(( ان صفحتك هي اللي فوق وانا اللي امر واعلق))

الله لايهينك اخوي طير شلوى ......

واتمنى من اخواني اللي يمرون انهم مايبخلون علينا

ويضيفون شي من القصايد اللي عندهم


ولك اخوي(خالص)و(احلى)و(أغلى)و(أكثر)الشكر

على مرورك الكريم

[عز الخوي00]

أخي ((ajmit)) ...


يعطيك الف عافيه على مرورك....

ومرورك بنا فخر وتشريف.....


ولك جزيل الشكر....

[خـرابـيــط قـلــبـي]

السلام عليكم ورحمة الله وبركاته

عــــــــز الـــخـــــوي

لاهنت على النقل

جعل العجمان المعزه....<أنا أشهد إن قصيرهم مايضاما>