أبو رجا آل هادي
12-01-2004, 01:07 PM
يعتبر الشاعر / ضيدان بن صبحان اللزيزى العجمي ، والشعر سعد بن حسين الهتلاني العجمي . الذين شكلا ثنائي فريد من نوعه من اشهر شعراء العصر الحالي . لقد كانت بينهما رديات ظريفه اخترنا لكم هذه الرديات على أمل أن تحوز على رضاكم
++++++++++++++++++++++++
قال سعد
يا راكب من عنــدنا فوق سمـــبوك=متوجه صوب المنامــــــــة بشايب
مع البحر كنك على القـــــار فبيوك=يلحق وفهق مسرعات الهبـــــــايب
وأن طحت في خفر الســواحل وردوك=دارك على عود من الحـــــــزن ذايب
وإن باركوا لك بالســــلامة وهنوك=لك في الدلالة يابن الاجـــــــواد نايب
ترى خويك كــــان من قبل صعلوك=ويدل حتى موحشـات الخـــــــرايب
وصحيح لو تنشد هل الدار دلــــوك=واهل الوفا ما عابهم ربع عـــــــايب
"ويا مقدرين الضيف لو ما معــه" بوك=باخلاقكم صارت ثمان العـــــــجايب
وابن ادم بالدين والعلم وملـــــوك=والطيب من جزل العطـــــــايا وهايب
وارجوك انا يا صاحبي وارجع ارجـوك=لياك تنسى انك مــــــــودي وجايب
فالي تقهـــوي شـايبك وانت غدوك=مقعادكم يومين مـــــــــاله سبايب
رجع لنا خريـــــج بومبي وبانكوك=وخلك على الزلة بعيد الحضـــــــايب ++++++++++++++++++++++++
رد ضيدان
أخطوا عليك اللي بها الإسم سمــوك=إسمك سعد وانت السعد منك غايــب
والظاهران أن اهلك على العنف ربـوك=وطلعت تبحث للنشب والطلايـــــب
وظلمت حظك ، ما اشين الظلم يا بوك=وهجيت عود من هل الغي تايـــب
ما تدري اني صرت هادي ومبــروك=وعلى تثني عمتي والنسـايــــــب
وإن شفت ديواني على طول مصكوك=أطرد ورا حظ ورزق نهايـــــب
وحتى انت تنغزنا مع الحكي بالشــوك=! يا هي علينا من كبار العقايــــب
++++++++++++++++++++++++
قال سعد
ما يشبع إلا في الولايم والأفـــراح=ذا المسلم اللي صار بطنه فضيحــــة
والاشباح ومدري معاه الجن تاكـــل=والا … شفاح أهل الكبود الصحيحــة؟
ويحضر عند الناس والقدر ما فـــاح=لين العشا عنه الستارة نزيحــــــه
وما همته نسبة دسمها والأمــــلاح=وعيى من الدكتور يقبل نصيحـــــة
والمشكلة ما هو ب للضان ذبـــاح=إستادكم ياللي السنتكم فصيحــــــة
ولا دل من راية ، ولا سمع نصــاح=جعله يطيح وينثبر في مطيحــــــه ++++++++++++++++++++++++
رد ضيدان
أبو حميد بيتعشى ويرتـــــــاح=وما كل ليل عند ربعه دبيحــــــة
في بيت من هو للمواجيب نطــــاح=محمد منصى الوجيه الفليحــــــة
والحر .. ياتي به من البعد ملـــواح=والعود يجذبنا من البعد ريحــــــه
ودنياك يا بن حسين ما جات بــه راح=وعزي لكم يا هل النفوس الشحيحـــة
واضحك وانا فيدي زقارة ومسبـــاح=وخل الزعل لاهل الوجيه الكبيحــــة
والعود يطرح له ثمانين ما طــــاح=ما هو ب مثلك عاجز في نطيحــــه
ويغشني غش البريكات مـــــزاح=الله لا يثري ثراه ويبيحــــــــه ++++++++++++++++++++++++
قال ضيدان
البارحة قمت اتمشى على القــــادر=حفيــــان والحفيان محد يشيله
كله سبايب صاحبي طــــافي النار=اللــي لا واعد صاحبه ما يجي له
حلو اللسان وقلبـه انجس من الفــار=واروغ مــن اللي يسبقه راس ذيله
ولا يقدر الشايب ولا يكـــرم الجار=واللي يبــي منه الفـرج عزتي له
++++++++++++++++++++++++
رد سعد
يالربع انا ضيدان خلاني احتــــار=والله مـــــدري ، ويني با غدي له
فاحيـــان يبلشني مع سبق الاصرار=واحيـــــان ياتي بالف حيلة وحيلة
ودايـــم معي يعمل شعابيث وشجار=ضيـع دليـلي ، ضيــــع الله دليله
وأبغـي شهــادة من محبين الاشعار=إنهـا مشـت بـه للمشــاكل رجيله
وبــــارد .. رد يعتبره آخر إنذار=وبامـــزح معه ذا الليل مزحه ثقيلة
وأمــــا عبر ما يلتفت سبع الابحار=والا .. قعـــد من دون هاف وفنيلة
يــا ابو حميد النــار ما تأكل النار=والرجــــال ودك ما يعذرب زميله
والله علـــيم بالخفـــايا والأسرار=مهمــا تكـــون كثار والا .. قليلة
ويا طول ماني حاشمك وانت هــذار=واقــول يا نفس اصـبري وامهلي له
والنــاس فيهــم مسلمــين وكفار=ولا .. انت حــزبك ثالث تنتمي له ؟
ويا راجـــل قد دمي من الظلم فوار=وترى باحــط من القصيرة .. طويلة
ولا زيــد ينفعك النـــدم والتعذار=لا .. لاس المشخـــاط راس القتيلة ++++++++++++++++++++++++
قال ضيدان
جاك المسير ما لقى منك ترحيـــب=لا جبت له قهوة ولا من قـدوعي
يا ليتني دورت غيرك معــــازيت=جيتك جويع ورحت منك بجـوعي
الظاهر انك ما تعــــرف المواجيب=لاشك طبعـك يختلف عن طبوعي
حنا لا جــانا الضيف ننفض له الجيب=ونجيب له من كل شــكل ونوعي
عاداتنا والـــرزق من عالم الغـيب=هذا وانا ابخل واحــد من ربوعي
++++++++++++++++++++++++
رد سعد
إقدع ، عسى يقدع على راسك الذيـب=في خــايع مابه من الناس دوعي
متعطــل في البر قبــــلي تناقيب=من ليلة الجمــــعة ليوم الربوع
ومــروك نــاس غايب عنهم الطيب=وخــلوك وحدك في مكان يروعي
ثم جــاك ذين ذيب ما سنونه بتركيب=ذيب ولذ ذيب وشـــرس قطوعي
ســــوى بك سواة على غير ترتيب=يجزع لها قلب الشجـــاع البتوعي
مرحـــو يا عود كسار راسه الشيب=هنديته تذرف عليه الدمــــوعي ++++++++++++++++++++++++
قال ضيدان
ياليتني تاجر وبيتي على الطــــاش=ومـــساهم في نفط بحر الشمالي
واشترى من اللي تنطح السحب بالكاش=مــا همني لو قالوا : السعر غالي
واحجج اللي كاده العســــر ببلاش=وادفــع ملايين زكـــاة لمالي
وعندي سعد يعمل مقهـــوي وفراش=والى بغيت امشى يطــرف نعالي
رجل نعرفه زين ما هــــو بغشاش=واللي طلبه حــاجه جابـــهالي
والرجـــال لا جاوز ثمانين ما عاش=وأن عـاش من عقب الثمانين بالي
++++++++++++++++++++++++
رد ســعد
البارحة فكري من الهم منـــــداش=من واحــــد طرش كتابه وجالي
والله مالي خلق نمــــزح مع اللاش=اللي تمنى الخــير له والعنا .. لي
وقد قلت له : دعواك بترد بهـــواش=وارســـل مكاتيبك على احد بدالي
واما اعتـــذر ما دام الاوضاع تناش=والا .. قلبنا الاولات التــــوالي
ويا صعـــب فهامك وتفهيم الادباش=وبين عليــك انــك تكت الدحالي
واليــــوم مثرت التمني على ماش=يا زيــن رضخك بالعصا والعقالي
وربعـــك يعرفونك : كميخ وعماش=وجهـك كهوب من الوجيه الطوالي
يــــوم انت لا جو المسايير تنحاش=مثل الثعـــل من رافعات الذيالي
ناقل القصيايد:أبو رجا الهادي
++++++++++++++++++++++++
قال سعد
يا راكب من عنــدنا فوق سمـــبوك=متوجه صوب المنامــــــــة بشايب
مع البحر كنك على القـــــار فبيوك=يلحق وفهق مسرعات الهبـــــــايب
وأن طحت في خفر الســواحل وردوك=دارك على عود من الحـــــــزن ذايب
وإن باركوا لك بالســــلامة وهنوك=لك في الدلالة يابن الاجـــــــواد نايب
ترى خويك كــــان من قبل صعلوك=ويدل حتى موحشـات الخـــــــرايب
وصحيح لو تنشد هل الدار دلــــوك=واهل الوفا ما عابهم ربع عـــــــايب
"ويا مقدرين الضيف لو ما معــه" بوك=باخلاقكم صارت ثمان العـــــــجايب
وابن ادم بالدين والعلم وملـــــوك=والطيب من جزل العطـــــــايا وهايب
وارجوك انا يا صاحبي وارجع ارجـوك=لياك تنسى انك مــــــــودي وجايب
فالي تقهـــوي شـايبك وانت غدوك=مقعادكم يومين مـــــــــاله سبايب
رجع لنا خريـــــج بومبي وبانكوك=وخلك على الزلة بعيد الحضـــــــايب ++++++++++++++++++++++++
رد ضيدان
أخطوا عليك اللي بها الإسم سمــوك=إسمك سعد وانت السعد منك غايــب
والظاهران أن اهلك على العنف ربـوك=وطلعت تبحث للنشب والطلايـــــب
وظلمت حظك ، ما اشين الظلم يا بوك=وهجيت عود من هل الغي تايـــب
ما تدري اني صرت هادي ومبــروك=وعلى تثني عمتي والنسـايــــــب
وإن شفت ديواني على طول مصكوك=أطرد ورا حظ ورزق نهايـــــب
وحتى انت تنغزنا مع الحكي بالشــوك=! يا هي علينا من كبار العقايــــب
++++++++++++++++++++++++
قال سعد
ما يشبع إلا في الولايم والأفـــراح=ذا المسلم اللي صار بطنه فضيحــــة
والاشباح ومدري معاه الجن تاكـــل=والا … شفاح أهل الكبود الصحيحــة؟
ويحضر عند الناس والقدر ما فـــاح=لين العشا عنه الستارة نزيحــــــه
وما همته نسبة دسمها والأمــــلاح=وعيى من الدكتور يقبل نصيحـــــة
والمشكلة ما هو ب للضان ذبـــاح=إستادكم ياللي السنتكم فصيحــــــة
ولا دل من راية ، ولا سمع نصــاح=جعله يطيح وينثبر في مطيحــــــه ++++++++++++++++++++++++
رد ضيدان
أبو حميد بيتعشى ويرتـــــــاح=وما كل ليل عند ربعه دبيحــــــة
في بيت من هو للمواجيب نطــــاح=محمد منصى الوجيه الفليحــــــة
والحر .. ياتي به من البعد ملـــواح=والعود يجذبنا من البعد ريحــــــه
ودنياك يا بن حسين ما جات بــه راح=وعزي لكم يا هل النفوس الشحيحـــة
واضحك وانا فيدي زقارة ومسبـــاح=وخل الزعل لاهل الوجيه الكبيحــــة
والعود يطرح له ثمانين ما طــــاح=ما هو ب مثلك عاجز في نطيحــــه
ويغشني غش البريكات مـــــزاح=الله لا يثري ثراه ويبيحــــــــه ++++++++++++++++++++++++
قال ضيدان
البارحة قمت اتمشى على القــــادر=حفيــــان والحفيان محد يشيله
كله سبايب صاحبي طــــافي النار=اللــي لا واعد صاحبه ما يجي له
حلو اللسان وقلبـه انجس من الفــار=واروغ مــن اللي يسبقه راس ذيله
ولا يقدر الشايب ولا يكـــرم الجار=واللي يبــي منه الفـرج عزتي له
++++++++++++++++++++++++
رد سعد
يالربع انا ضيدان خلاني احتــــار=والله مـــــدري ، ويني با غدي له
فاحيـــان يبلشني مع سبق الاصرار=واحيـــــان ياتي بالف حيلة وحيلة
ودايـــم معي يعمل شعابيث وشجار=ضيـع دليـلي ، ضيــــع الله دليله
وأبغـي شهــادة من محبين الاشعار=إنهـا مشـت بـه للمشــاكل رجيله
وبــــارد .. رد يعتبره آخر إنذار=وبامـــزح معه ذا الليل مزحه ثقيلة
وأمــــا عبر ما يلتفت سبع الابحار=والا .. قعـــد من دون هاف وفنيلة
يــا ابو حميد النــار ما تأكل النار=والرجــــال ودك ما يعذرب زميله
والله علـــيم بالخفـــايا والأسرار=مهمــا تكـــون كثار والا .. قليلة
ويا طول ماني حاشمك وانت هــذار=واقــول يا نفس اصـبري وامهلي له
والنــاس فيهــم مسلمــين وكفار=ولا .. انت حــزبك ثالث تنتمي له ؟
ويا راجـــل قد دمي من الظلم فوار=وترى باحــط من القصيرة .. طويلة
ولا زيــد ينفعك النـــدم والتعذار=لا .. لاس المشخـــاط راس القتيلة ++++++++++++++++++++++++
قال ضيدان
جاك المسير ما لقى منك ترحيـــب=لا جبت له قهوة ولا من قـدوعي
يا ليتني دورت غيرك معــــازيت=جيتك جويع ورحت منك بجـوعي
الظاهر انك ما تعــــرف المواجيب=لاشك طبعـك يختلف عن طبوعي
حنا لا جــانا الضيف ننفض له الجيب=ونجيب له من كل شــكل ونوعي
عاداتنا والـــرزق من عالم الغـيب=هذا وانا ابخل واحــد من ربوعي
++++++++++++++++++++++++
رد سعد
إقدع ، عسى يقدع على راسك الذيـب=في خــايع مابه من الناس دوعي
متعطــل في البر قبــــلي تناقيب=من ليلة الجمــــعة ليوم الربوع
ومــروك نــاس غايب عنهم الطيب=وخــلوك وحدك في مكان يروعي
ثم جــاك ذين ذيب ما سنونه بتركيب=ذيب ولذ ذيب وشـــرس قطوعي
ســــوى بك سواة على غير ترتيب=يجزع لها قلب الشجـــاع البتوعي
مرحـــو يا عود كسار راسه الشيب=هنديته تذرف عليه الدمــــوعي ++++++++++++++++++++++++
قال ضيدان
ياليتني تاجر وبيتي على الطــــاش=ومـــساهم في نفط بحر الشمالي
واشترى من اللي تنطح السحب بالكاش=مــا همني لو قالوا : السعر غالي
واحجج اللي كاده العســــر ببلاش=وادفــع ملايين زكـــاة لمالي
وعندي سعد يعمل مقهـــوي وفراش=والى بغيت امشى يطــرف نعالي
رجل نعرفه زين ما هــــو بغشاش=واللي طلبه حــاجه جابـــهالي
والرجـــال لا جاوز ثمانين ما عاش=وأن عـاش من عقب الثمانين بالي
++++++++++++++++++++++++
رد ســعد
البارحة فكري من الهم منـــــداش=من واحــــد طرش كتابه وجالي
والله مالي خلق نمــــزح مع اللاش=اللي تمنى الخــير له والعنا .. لي
وقد قلت له : دعواك بترد بهـــواش=وارســـل مكاتيبك على احد بدالي
واما اعتـــذر ما دام الاوضاع تناش=والا .. قلبنا الاولات التــــوالي
ويا صعـــب فهامك وتفهيم الادباش=وبين عليــك انــك تكت الدحالي
واليــــوم مثرت التمني على ماش=يا زيــن رضخك بالعصا والعقالي
وربعـــك يعرفونك : كميخ وعماش=وجهـك كهوب من الوجيه الطوالي
يــــوم انت لا جو المسايير تنحاش=مثل الثعـــل من رافعات الذيالي
ناقل القصيايد:أبو رجا الهادي