المساعد الشخصي الرقمي

مشاهدة النسخة كاملة : هل ماليزيا الان مناسبه لشهر العسل مثل قبل ؟؟

honey
26-02-2007, 09:32 PM
السلام عليكم جميعا
عدت لكم بعد غياب صحيح إني جديده لكن تسجيلي في هذا المنتدى كان من زمان
انا اسمع إن ماليزيا مو مثل اول يعني فلونزا الطيور وتسونامي (متعقدة البنت )وفيضانات بس الظاهر انها باندونيسيا
سؤالي تنفع ماليزيا لشهر العسل في الصيف ؟؟
لاني صراحة أخاف من الكوارث الطبيعيه الله يحمانا يارب
وفيه سؤال ثاني بعد :
ماهي الدول المناسبة لشهر العسل في الوقت الحاضر ؟؟
ودمتم سالمين
اخو شيخه
26-02-2007, 11:50 PM
لا ماهي مثل اول الا اردى من اول

لاكن تبي نصيحتي تبي شهر العسل ماتنساه بحياتك


رح لفياض السدريات
بعد ماخذاها تركي محمد بن فهد
يقولون بيحط فيها افخم فندق بالمملكه
واشهر مجمع تجاري
No Comment
01-03-2007, 06:16 PM
انا ما كنت اعرفها قبل .. بس الصيف الي فات رحت لها وكانت حلوه .. بس ينمل منها بسرعه .. وانا افضل اوربا بشكل عام عليها .. وزلمسي بشكل خاص .. خصوصا اذا شهر عسل .. او سفره عائليه .. :)
ROSEY_ROSE
02-03-2007, 02:43 PM
اولا الله يهنيج ويوفقج ومبروك مقدما

ثانيا انا بصراحه وايد سافرت دول وافضل مكان لشهر العسل اهو ماليزيا بدون ماتفكريين روعه قمة الرومانسيه خصوصا الجزر
وفيه عندهم شغله عجبتني اهي تاجير حمام السباحه بالساعات يعني يكون لج بروحج فوق سطح الفندق وقعده رومانسيه عجيب في جزيره بيننج وفي بعد تروحين جزيره بروحج ما معاج احد وغير الرحلات البحريه
وبالجزر كان المكان الوحيد اللي اخذت حريتي في وناسه تسوين اللي تبينه سوي مثل اختج اجرت سيكل انا وزوجي وفراره صج مراهقين هي هي

وطبعا اهم نقطه عندنا الحريم اهي التسوق سوقهم عجيب ورخيص حيل افضل من اوربا بس الجوده لج عليها
وانا اقول توكلي على الله وروحي
الجـادل
03-03-2007, 12:32 AM
مبروك اختي ... honey ....

والله يوفقج ويهنيج

بالنسبه لشهر العسل .. باوروبا انصحج بفنيسيا ايطاليا (البندقيه) الصراحه منطقه روعه .. ومن احلى المناطق وبعد ميلانو وايد حلوه ...

وبالنسبه لماليزيا اهيه دوله حلوه ومثل ما قالت اختي rosey rose تقدرين تأجرين جزيره كامله وانتي وريلج فيها بس .. بس اذا تخافين من الطبيعيه في ماليزيا بالصيف تنزل عندهم امطار واايد غزيره ... وجوها حار ... بس اذا حابتها عندج مناطق معينه حلوه والباجي تلوع الجبد وماتسوى الصراحه ..

اما الديره الثانيه الي انصحج فيها وعن تجربه شخصيه اهيه استراليا .. روعه تلقين فيها كل شي .. و وايد حلوه لشهر العسل ..

اتمنى اكون افدتج ... واذا عندج اي استفسار عنهم سألي

اختج

الجــادل
!*العجمية*!
03-03-2007, 07:22 AM
بسم الله الرحمن الرحيم
شكرا على موضوع حلو انا افضل أمريكا وايد فيها مناطق تستاهل اتزرها معينة وتصلح للشهر عسل دول افضلها انا أمريكا إيطاليا النمسا جنوب أفريقيا اسبانيالندن بس أطرافها بعيد مناطق بعيدة شكراhoney

مع التحية
بسكوته
03-03-2007, 11:01 AM
اممممممممم حق شهر العسل ماتنفع ماليزياا واايد زحمه وفيهاا عرب واايد

وحتى اوروبا مااتنفع زحمه زحمه زحمه


روحي الهند اتجنن فيهاا منااطق مب طبيعيه .. بس لاتروحين بومبااي وين العرب قاعدين فيهاا روحي كلكتا وبنقلور وكجين ومااحيد بعد :) بس اتجنن وااايد


وبعد لوو تبين روحي سنغاافوره واايد حلوه واسبانياا حلوه
فالكم طيب
16-03-2007, 02:39 PM
روحى جزر الواق واق يمدحونها حيل وفيها واقواقات حلوه والتسوق فيها رخيص وتعالى حاسبينى اذا قدرتى ترجعين مره ثانيه لديرتش....


ترانى اتغشمر القرار قرارش انتى وبعلك وترى الدعوى كلها روحتكم مع بعض لتقوية الروابط بينكم حتى لو تروحون لجزر الواق واق

تحياتى